ກອງປະຊຸມສະຫຼຸບຜົນການຄົ້ນຄວ້າປັບປຸງກົດໝາຍວ່າດ້ວຍການດໍາເນີນຄະດີອາຍາ

ເມື່ອບໍ່ດົນມານີ້, ທີ່ອົງການໄອຍະການປະຊາຊົນສູງສຸດ(ອອປສ ) ໄດ້ຈັດກອງປະຊຸມເພື່ອສະຫຼຸບລາຍງານຜົນຂອງການຄົ້ນຄວ້າປັບປຸງກົດໝາຍວ່າດ້ວຍການດໍາເນີນຄະດີອາຍາ ສະບັບປີ 2017 ຂຶ້ນ ພາຍໃຕ້ການເປັນປະທານຂອງ ທ່ານ ບຸນທັນ ບຸນທະວິໄລ ຮອງເລຂາຄະນະບໍລິຫານງານພັກ, ຮອງຫົວໜ້າອົງການໄອຍະການປະຊາຊົນສູງສຸດ.

ກອງປະຊຸມດັ່ງກ່າວໄດ້ຮັບຟັງການສະຫຼຸບລາຍງານ ຜົນຂອງການຄົ້ນຄວ້າປັບປຸງກົດ

ໝາຍວ່າດ້ວຍການດໍາເນີນຄະດີອາຍາຂອງຄະນະຮັບຜິດຊອບທີ່ມາຈາກພາກສ່ວນອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ອົງການໄອຍະການທະຫານຂັ້ນສູງ, ສະພາແຫ່ງຊາດ, ກະຊວງປ້ອງກັນຄວາມສະຫງົບ, ກະຊວງຍຸຕິທໍາ, ກະຊວງກະສິກໍາ ແລະ ປ່າໄມ້, ກະຊວງການເງິນ,ສໍານັກງານນາຍົກລັດຖະມົນຕີແລະ ສໍານັກງານຄຸ້ມຄອງຕະຫຼາດຫຼັກຊັບ. ກອງປະຊຸມໄດ້ປະກອບຄໍາຄິດເຫັນຢ່າງກົງໄປກົງມາ.

ສະນັ້ນ, ປະທານກອງປະຊຸມໄດ້ສະເໜີໃຫ້ຄະນະຮັບຜິດຊອບຄົ້ນຄວ້າປັບປຸງກົດໝາຍວ່າດ້ວຍການດໍາເນີນຄະດີອາຍາ ຈົ່ງຕັ້ງໜ້າສຸມໃສ່ຄົ້ນຄວ້າປັບປຸງກົດໝາຍດັ່ງກ່າວໃຫ້ທັນຕາມກໍານົດເວລາ ແລະ ຮັບປະກັນທາງດ້ານຄຸນນະພາບ ໂດຍອີງໃສ່ສະພາບການຂະຫຍາຍຕົວຂອງເສດຖະກິດ-ສັງຄົມປັດຈຸບັນ.ຂ່າວ:ອອປສ