 |
ທ່ານ ຄຳພັນ ພັນທຸລັກ ກ່າວວ່າ: ໃນປີ 2025 ຂະແໜງສ່ວຍສາອາກອນ ໄດ້ແກ້ໄຂວຽກຈຸດສຸມຫຼາຍດ້ານເປັນຕົ້ນ ບັນດາກົດໝາຍ, ຄໍາແນະນໍາຕ່າງໆ ທີ່ເປັນເຄື່ອງມືຮັບໃຊ້ການເກັບລາຍຮັບ; ໄດ້ປະຕິຮູບກົນໄກການເຮັດວຽກ, ກົນໄກບໍລິການຜູ້ເສຍອາກອນ ແລະ ສ້າງຄວາມເຂັ້ມແຂງໃຫ້ພະນັກງານເຮັດວຽກວິຊາສະເພາະ;ຫັນເອົາວຽກພັດທະນາລະບົບທັນສະໄໝ ເພີ່ມປະສິດທິພາບເກັບລາຍຮັບ ຊຸກຍູ້ການຮ່ວມມືສາກົນ, ພາກລັດ ແລະ ເອກະຊົນ ສ້າງຄວາມໂປ່ງໃສໃຫ້ຜູ້ເສຍອາກອນ; ສືບຕໍ່ປະຕິບັດວາລະແຫ່ງຊາດ, ວ່າດ້ວຍການສ້າງເສດ ຖະກິດເອກະລາດ ເປັນເຈົ້າເອງ, ຍົກສູງສະຕິຊາດ, ເສີມຂະຫຍາຍສະຕິປັນຍາ, ກໍາລັງແຮງ ແລະ ຄວາມສາມາດຂອງບຸກຄະລາກອນ ເພື່ອຂຸດຄົ້ນທ່າແຮງບົ່ມຊ້ອນ, ມີແຜນຍຸດທະສາດໃນການປະຕິບັດວຽກງານວິຊາສະເພາະ ສາມາດຍາດໄດ້ຜົນງານຫຼາຍດ້ານ. ໃນນັ້ນ, ສາມາດເກັບລາຍຮັບໄດ້ບັນລຸລື່ນແຜນການທຸກໆ ແຂວງ ແລະ ຄຽງຄູ່ກັບຜົນງານຍາດມາໄດ້ນັ້ນ. ພວກເຮົາຍັງມີພາລະກິດທີ່ໜັກໜ່ວງຕ້ອງສືບຕໍ່ແບກຫາບ ແລະ ມີສິ່ງທ້າທາຍຫຼາຍດ້ານ, ບໍ່ວ່າຈະເປັນດ້ານຈໍານວນບຸກຄະລະກອນທີ່ເຮັດວຽກຕົວຈິງນັບມື້ນັບຫຼຸດລົງ, ແຜນຕົວເລກລາຍຮັບເພີ່ມຂຶ້ນ, ໜ້າວຽກຈຸດສຸມຕ້ອງຮັບຜິດຊອບຫຼາຍຂຶ້ນ ເປັນຕົ້ນແມ່ນລາຍຮັບຈາກຊັບສິນ, ຂໍ້ມູນຕິດພັນຂະແໜງການອື່ນໆ. ປັດຈຸບັນ, ການຮັບມືກັບສະພາບທີ່ເກີດຂຶ້ນຕ່າງໆ ພວກເຮົາບໍ່ມີໜ່ວຍງານວິເຄາະ, ວິໄຈ ເກີດຂຶ້ນແລ້ວຈຶ່ງມາວາງແຜນແກ້ໄຂ ຫຼື ມີການທັກທ້ວງແລ້ວຈຶ່ງສະດຸ້ງ ຊຶ່ງບົດຮຽນຫຼາຍປະເທດແມ່ນມີທີມງານຮອງຮັບຢ່າງລະອຽດເຊັ່ນ: ສສ ຫວຽດນາມ ມີພະແນກນະໂຍບາຍ, ພະແນກນິຕິກໍາ ແລະ ພະແນກດີຈີຕອນ ຈະເຮັດໜ້າທີ່ໃຜລາວ.
 |
ຂ່າວ-ພາບ: ບຸນອູ້ມ
ຄໍາເຫັນ