 |
ໃນກອງປະຊຸມ, ທັງສອງຝ່າຍໄດ້ຜ່ານຜົນສຳເລັດໃນການຈັດຕັ້ງປະຕິບັດໄລຍະ 1 ປີຜ່ານມາ ເຊິ່ງມີຜົນງານທີ່ພົ້ນເດັນຫຼາຍດ້ານຄື: ທັງສອງກົມກອງໄດ້ແລກປ່ຽນສະພາບການດ້ານຕ່າງໆ ພາຍໃນຂອບເຂດຄວາມຮັບຜິດຊອບຂອງຕົນຢ່າງຕໍ່ເນື່ອງ, ຊ່ວຍເຫຼືອທາງດ້ານການຮ່ວມມືນຳເຂົ້າສິນຄ້າ, ພາຫານະຂົນສົ່ງຕ່າງໆ ແລະ ບໍລິສັດ ໄດ້ພັນທະທາງດ້ານການເງິນ ດ້ານໂຮງແຮມດອກບົວຄູ່ ແລະ ໂຄງການປູກຢາງພາລາ ຢູ່ບ້ານນຳພາກ, ແບ່ງປັນທຶນ ເພື່ອກໍ່ສ້າງ ແລະ ມອບ-ຮັບ ອາຄານຮຽນ ຢູ່ໂຮງຮຽນປະຖົມ ບ້ານຫ້ວຍລືສີ ເມືອງບາຈຽງຈະເລີນສຸກ ແຂວງຈຳປາສັກ ມູນຄ່າ 9,7 ຕື້ກີບ, ກໍ່ສ້າງເຮືອນເພື່ອນຮ່ວມຸດົມການ ມູນຄ່າ 80 ລ້ານກີບ ແລະ ມອບເງິນສົດ 50 ລ້ານກີບ ໃຫ້ກອງພົນທີ 5 ເພື່ອຈັດຊື້ອຸປະກອນຮັບໃຊ້ຫ້ອງການ. ນອກນີ້, ບໍລິສັດ ຍັງໄດ້ຊີ້ນຳ ໂຮງໝໍ 206 ຈັດຕັ້ງກວດສຸຂະພາບ ແລະ ປິ່ນປົວພະຍາດໃຫ້ແກ່ປະຊາຊົນເຂດອ້ອມຂ້າງ ແລະ ບັນດາແຂງພາກໃຕ້ ຂອງ ສປປ ລາວ.
ພ້ອມນັ້ນ,ຍັງໄດ້ປືກສາຫາລືແນວທາງໃນການສືບຕໍ່ຈັດຕັ້ງປະຕິບັດການສຶກສາອົບຮົມ ໃຫ້ພະນັກງານ-ນັກຮົບ, ບຸກຄະລາກອນ ແລະ ປະຊາຊົນໃນຂອບເຂດຮັບຜີດຊອບ ມີຄວາມຮັບຮູ້ເຂົ້າໃຈ ພ້ອມກັນເພີ່ມພູນຄູນສ້າງ ສາຍພົນພັນແຫ່ງມິດຕະພາບອັນຍິ່ງໃຫຍ່, ຄວາມສາຄວາມສາມັກຄີພິເສດ ລະຫວ່າງ ສອງພັກ, ສອງລັດ ແລະ ສອງກອງທັບໃຫ້ນັບມື້ພັດທະນາຍິ່ງຂຶ້ນ, ສືບຕໍ່ແລກປ່ຽນຂໍ້ມູນຂ່າວສານ ໂດຍສະເພາະທາງດ້ານວຽກງານຄວາມສະຫງົບ ໃນຂອບເຂດຄວາມຮັບຜິດຊອບ, ສືບຕໍ່ເພີ່ມທະວີຊ່ວຍເຫຼືອເຊິ່ງກັນ ແລະ ກັນ. ໃນທຸກໆ ປີ ບໍລິສັດຈະຄົ້ນຄວ້າແບ່ງປັນງົບປະມານ ເພື່ອຊ່ວຍເຫຼືອກອງພົນ ໃນນີ້, ບໍລິສັດ ໄດ້ມອບເງິນຈຳນວນ 300 ລ້ານກີບ ໃຫ້ກອງພົນທີ 5. ນອກນີ້, ບໍລິສັດຍັງເຫັນດີ ປະສາຍສົມທົບຄັດເລືອກເອົາລູກຫຼານ ຂອງພະນັກງານກອງພົນທີ 5 ຈຳນວນໜຶ່ງ ສະເໜີໃຫ້ ທະຫານເຂດ 5 ອະນຸມັດເຂົ້າຮຽນ ຢູ່ໂຮງຮຽນນ້ອງນ້ອຍ ເຂດພາກກາງ ສສ ຫວຽດນາມ.ຂ່າວ: ໄຊຍະຄານ
ຄໍາເຫັນ