ກອງປະຊຸມສໍາມະນາ ພາຍໃຕ້ຫົວຂໍ້ ສະພາບການໂລກໃນປັດຈຸບັນ ກາລະໂອກາດ ແລະ ສິ່ງທ້າທາຍ ຕໍ່ ສປປ ລາວ

ຈຸດປະສົງກອງປະຊຸມສຳມະນາໃນຄັ້ງນີ້ ແມ່ນເພື່ອສືບຕໍ່ປະຕິບັດບັນດາກິດຈະກໍາປິ່ນອ້ອມ ຂອງສະໂມສອນນັກການທູດລາວ ປະຈໍາປີ 2026, ພ້ອມທັງຕີລາຄາສະພາບການຂອງພາກພື້ນ ແລະ ໂລກໃນປັດຈຸບັນ ເພື່ອຊ່ວຍໃຫ້ຜູ້ເຂົ້າຮ່ວມຮັບຮູ້ເຖິງກາລະໂອກາດ ພ້ອມທັງເປັນການກະກຽມຄວາມກຽມພ້ອມ ໃນການປັບໂຕ ຫຼື ຮັບມືກັບສິ່ງທ້າທາຍທີ່ອາດຈະສົ່ງຜົນກະທົບຕໍ່ປະຊາຄົມໂລກ ລວມທັງ ສປປ ລາວ.

ໃນຕອນທ້າຍຂອງກອງປະຊຸມ, ທ່ານ ວັດຖຸນິຍົມ ດວງມາລາ ຫົວໜ້າສະຖາບັນການຕ່າງປະເທດ ໄດ້ກ່າວສະຫຼຸບປິດກອງປະຊຸມ ຊຶ່ງເຫັນໄດ້ວ່າຜູ້ບັນຍາຍ ແລະ ຜູ້ເຂົ້າຮ່ວມກອງປະຊຸມໄດ້ຮ່ວມກັນ ແລກປ່ຽນທັດສະນະຕໍ່ສະພາບການຂອງໂລກ ຢ່າງສ້າງສັນ ແລະ ກົງໄປກົງມາ, ຊຶ່ງໄດ້ຊ່ວຍເສີມສ້າງຄວາມເຂົ້າໃຈກ່ຽວກັບບັນຫາສະພາບການພົ້ນເດັ່ນພາກພື້ນ ແລະ ສາກົນ ໃຫ້ແກ່ຜູ້ເຂົ້າຮ່ວມໄດ້ເປັນຢ່າງດີ ແລະ ສາມາດນຳໄປໝູນໃຊ້ເຂົ້າໃນການຈັດຕັ້ງປະຕິບັດວຽກງານ ໂດຍສະເພາະແມ່ນໃນຂົງເຂດວຽກງານການຄົ້ນຄວ້າ ແລະ ການເຄື່ອນໄຫວວຽກງານການຕ່າງປະເທດ ໂດຍສະເພາະວຽກງານການທູດເສດຖະກິດ ໃຫ້ມີປະສິດທິພາບ ແລະ ປະສິດທິຜົນສູງຂຶ້ນໃນຕໍ່ໜ້າ.

(ຂ່າວ: ກຕທ)