 |
ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອເປັນການສະຫຼຸບໝາກຜົນການເຄື່ອນ
ໄຫວວຽກງານ ຂອງ ທຫລ ໃນໄລຍະ 7 ເດືອນປີ 2025 ແລະ ກໍານົດທິດທາງແຜນການຮອດທ້າຍປີ 2025 ແລະ ຮັບຟັງຜົນກອງປະຊຸມຄະນະກໍາມະການນະໂຍບາຍເງິນຕາ ແລະ ວຽກງານອື່ນໆຈຸດສຸມຈໍານວນໜຶ່ງ.
ກອງປະຊຸມ ໄດ້ສຸມໃສ່ປະກອບຄໍາຄິດ-ຄໍາເຫັນຢ່າງກົງໄປກົງມາຕໍ່ການລາຍງານດັ່ງກ່າວ ຊຶ່ງໄດ້ເຮັດໃຫ້ມີຂໍ້ສະຫຼຸບທີ່ເລິກເຊິ່ງ ຕໍ່ກັບຜົນສໍາເລັດ ແລະ ຂໍ້ຄົງຄ້າງໃນແຕ່ລະໜ້າວຽກ ແລະ ກໍານົດທິດທາງແຜນການໃຫ້ແທດເໝາະກັບ ສະພາບການຕົວຈິງຍິ່ງຂຶ້ນ ຊຶ່ງເຮັດໃຫ້ກອງປະຊຸມໃນຄັ້ງນີ້ບັນລຸຕາມຈຸດປະສົງ ແລະ ລະດັບຄາດໝາຍທີ່ກໍານົດໄວ້ທຸກປະການ. ໃນຕອນທ້າຍ, ປະທານກອງປະຊຸມ ໄດ້ຮຽກຮ້ອງໃຫ້ທຸກພາກສ່ວນທີ່ຮັບຜິດຊອບສືບຕໍ່ສຸມໃສ່ຈັດຕັ້ງປະຕິບັດໜ້າທີ່ການເມືອງຂອງຕົນຢ່າງຕັ້ງໜ້າ ເພື່ອໃຫ້ບັນລຸບັນດາຄາດໝາຍຊີ້ວັດທາງດ້ານເງິນຕາ ທີ່ສະພາແຫ່ງຊາດໄດ້ຮັບຮອງ. ໄປຄຽງຄູ່ກັບການປັບປຸງລະບົບທະນາຄານ ແລະ ສະຖາບັນການເງິນທີ່ບໍ່ແມ່ນທະນາຄານ ໃຫ້ມີຄວາມ ໝັ້ນຄົງເຂັ້ມແຂງ, ປັບປຸງລະບົບການຊໍາລະໃຫ້ມີຄວາມທັນສະໄໝ, ປອດໄພ.
(ຂ່າວ: ທຫລ - ຮູບ: ບຸນຕອມ)
ຄໍາເຫັນ