ທ່ານ ກາວ ກິມ ຮຸນ ເລຂາທິການໃຫຍ່ອາຊຽນ, ມີບັນດາທ່ານລັດຖະມົນຕີສະພາເຂດການລົງທຶນອາຊຽນ, ທ່ານລັດຖະມົນຕີການຄ້າ ແລະ ອຸດສາຫະກໍາ ຕິມໍແລັດສະເຕ, ທ່ານຫົວໜ້າຄະນະຜູ້ແທນຂອງປະເທດສະມາຊິກອາຊຽນ ເຂົ້າຮ່ວມ.
ກອງປະຊຸມໃນຄັ້ງນີ້ ສະແດງເຖິງຄວາມ ໝາຍໝັ້ນຮ່ວມກັນຂອງສະມາຊິກອາຊຽນ ທີ່ຈະສືບຕໍ່ເພີ່ມທະວີການເຊື່ອມໂຍງທາງດ້ານເສດຖະກິດ, ສ້າງສະພາບແວດລ້ອມທີ່ເອື້ອຍອໍານວຍ, ເປີດກວ້າງ ແລະ ໂປ່ງໃສ ເພື່ອດຶງດູດ ແລະ ສົ່ງເສີມການລົງທຶນທີ່ມີຄຸນນະພາບໃນພາກພື້ນໃຫ້ນັນມື້ນັບຫຼາຍຂຶ້ນ.
ທ່ານ ມະໄລທອງ ກົມມະສິດ ໄດ້ກ່າວວ່າ: ກອງປະຊຸມ ໄດ້ດໍາເນີນໃນທ່າມກາງທີ່ສະພາບການຂອງໂລກ ແລະ ພາກພື້ນ ກໍາລັງຜັນແປໄປຢ່າງສັບຊ້ອນ, ສະພາບເສດຖະກິດ ແລະ ການເງິນ ຍັງສືບຕໍ່ປະເຊີນກັບຄວາມທ້າທາຍ ຊຶ່ງຮຽກຮ້ອງໃຫ້ພວກເຮົາຕ້ອງຮ່ວມມືກັນ, ແລກປ່ຽນບົດຮຽນ ແລະ ຄໍາຄິດເຫັນເພື່ອຄົ້ນຄວ້າມາດຕະການແກ້ໄຂບັນດາສິ່ງທ້າທາຍເຫຼົ່ານີ້ໃຫ້ມີປະສິດທິພາບ-ປະສິດທິຜົນທີ່ສຸດ. ຄຽງຄູ່ກັນນັ້ນ, ການປ່ຽນແປງຂອງສະພາບດິນຟ້າອາກາດ ຍັງສືບຕໍ່ເປັນສິ່ງທ້າທາຍຕໍ່ການພັດທະນາແບບຍືນຍົງ ຊຶ່ງຮຽກຮ້ອງໃຫ້ອາຊຽນຕ້ອງໄດ້ທົບທວນນະໂຍບາຍ ແລະ ເພີ່ມທະວີການອໍານວຍຄວາມສະດວກດ້ານການລົງທຶນໃນພາກພື້ນໃຫ້ຫຼາຍຂຶ້ນ ເພື່ອຫຼຸດຜ່ອນຜົນກະທົບຈາກສິ່ງທ້າທາຍເຫຼົ່ານັ້ນ. ເຖິງແມ່ນວ່າ ພາກພື້ນຂອງພວກເຮົາຈະປະເຊີນກັບສິ່ງທ້າທາຍຫຼາຍອັນ, ແຕ່ໂດຍລວມ ພວກເຮົາຍັງສືບຕໍ່ຮັກສາໄດ້ສະຖຽນລະພາບດ້ານການລົງທຶນທີ່ໝັ້ນທ່ຽງ ຊຶ່ງສະແດງອອກໃນໂຕເລກມູນຄ່າການລົງທຶນໂດຍກົງຈາກຕ່າງປະເທດ ເພີ່ມຂຶ້ນ 0,3% ຈາກ 229 ຕື້ໂດລາ ໃນປີ 2022 ມາເປັນ 230 ຕື້ໂດລາ ໃນປີ 2023.
ທ່ານ ລມຕ ອຄ ກ່າວຕື່ມອີກວ່າ: ເພື່ອສືບຕໍ່ຮັກສາສະຖຽນລະພາບ ແລະ ສົ່ງເສີມການລົງທຶນໃນອາຊຽນ ໃຫ້ນັບມື້ນັບຫຼາຍຂຶ້ນ, ກອງປະຊຸມຈະໄດ້ພ້ອມກັນຄົ້ນຄວ້າ ແລະ ປຶກສາຫາລືຫຼາຍປະເດັນ, ເປັນຕົ້ນ ຈະໄດ້ລົງເລິກປຶກສາຫາລືກ່ຽວກັບການປະເມີນສະພາບການລົງທຶນໃນອາຊຽນ ສໍາລັບ ປີ 2024 ພ້ອມທັງການເພີ່ມທະວີການດຶງດູດການລົງທຶນໃນຕໍ່ໜ້າ. ນອກຈາກນັ້ນ, ກອງປະຊຸມຈະໄດ້ພິຈາລະນາ ແລະ ຮັບຮອງເອົາບົດລາຍງານຂອງຄະນະເຈົ້າໜ້າທີ່ອາວຸໂສເສດຖະກິດອາຊຽນກ່ຽວກັບການຮ່ວມມືດ້ານການລົງທຶນໃນອາຊຽນ
ແລະ ບົດຄົ້ນຄວ້າສະພາບການລົງທຶນໃນອາຊຽນ ຂອງບັນດາຊ່ຽວຊານຕ່າງປະເທດ; ເພື່ອຮັບປະກັນຜົນສໍາເລັດຂອງກອງປະຊຸມໃນຄັ້ງນີ້, ຮຽກຮ້ອງມາຍັງບັນດາຜູ້ແທນທີ່ເຂົ້າຮ່ວມ ໃຫ້ການສະໜັບສະໜູນ ແລະ ປະກອບຄໍາຄິດຄໍາເຫັນຢ່າງກົງໄປກົງມາ ແລະ ສ້າງສັນ ເພື່ອສ້າງອາຊຽນໃຫ້ກາຍເປັນສູນກາງດ້ານການລົງທຶນຂອງ ພາກພື້ນ ແລະ ສາກົນ, ນໍາເອົາຜົນປະໂຫຍດ ມາສູ່ປະຊາຊົນອາຊຽນໃຫ້ຫຼາຍຂຶ້ນ.
(ຂ່າວ: ຍຸພິນທອງ-ພາບ: ແສງຈັນ)
ກອງປະຊຸມໃນຄັ້ງນີ້ ສະແດງເຖິງຄວາມ ໝາຍໝັ້ນຮ່ວມກັນຂອງສະມາຊິກອາຊຽນ ທີ່ຈະສືບຕໍ່ເພີ່ມທະວີການເຊື່ອມໂຍງທາງດ້ານເສດຖະກິດ, ສ້າງສະພາບແວດລ້ອມທີ່ເອື້ອຍອໍານວຍ, ເປີດກວ້າງ ແລະ ໂປ່ງໃສ ເພື່ອດຶງດູດ ແລະ ສົ່ງເສີມການລົງທຶນທີ່ມີຄຸນນະພາບໃນພາກພື້ນໃຫ້ນັນມື້ນັບຫຼາຍຂຶ້ນ.
ທ່ານ ມະໄລທອງ ກົມມະສິດ ໄດ້ກ່າວວ່າ: ກອງປະຊຸມ ໄດ້ດໍາເນີນໃນທ່າມກາງທີ່ສະພາບການຂອງໂລກ ແລະ ພາກພື້ນ ກໍາລັງຜັນແປໄປຢ່າງສັບຊ້ອນ, ສະພາບເສດຖະກິດ ແລະ ການເງິນ ຍັງສືບຕໍ່ປະເຊີນກັບຄວາມທ້າທາຍ ຊຶ່ງຮຽກຮ້ອງໃຫ້ພວກເຮົາຕ້ອງຮ່ວມມືກັນ, ແລກປ່ຽນບົດຮຽນ ແລະ ຄໍາຄິດເຫັນເພື່ອຄົ້ນຄວ້າມາດຕະການແກ້ໄຂບັນດາສິ່ງທ້າທາຍເຫຼົ່ານີ້ໃຫ້ມີປະສິດທິພາບ-ປະສິດທິຜົນທີ່ສຸດ. ຄຽງຄູ່ກັນນັ້ນ, ການປ່ຽນແປງຂອງສະພາບດິນຟ້າອາກາດ ຍັງສືບຕໍ່ເປັນສິ່ງທ້າທາຍຕໍ່ການພັດທະນາແບບຍືນຍົງ ຊຶ່ງຮຽກຮ້ອງໃຫ້ອາຊຽນຕ້ອງໄດ້ທົບທວນນະໂຍບາຍ ແລະ ເພີ່ມທະວີການອໍານວຍຄວາມສະດວກດ້ານການລົງທຶນໃນພາກພື້ນໃຫ້ຫຼາຍຂຶ້ນ ເພື່ອຫຼຸດຜ່ອນຜົນກະທົບຈາກສິ່ງທ້າທາຍເຫຼົ່ານັ້ນ. ເຖິງແມ່ນວ່າ ພາກພື້ນຂອງພວກເຮົາຈະປະເຊີນກັບສິ່ງທ້າທາຍຫຼາຍອັນ, ແຕ່ໂດຍລວມ ພວກເຮົາຍັງສືບຕໍ່ຮັກສາໄດ້ສະຖຽນລະພາບດ້ານການລົງທຶນທີ່ໝັ້ນທ່ຽງ ຊຶ່ງສະແດງອອກໃນໂຕເລກມູນຄ່າການລົງທຶນໂດຍກົງຈາກຕ່າງປະເທດ ເພີ່ມຂຶ້ນ 0,3% ຈາກ 229 ຕື້ໂດລາ ໃນປີ 2022 ມາເປັນ 230 ຕື້ໂດລາ ໃນປີ 2023.
ທ່ານ ລມຕ ອຄ ກ່າວຕື່ມອີກວ່າ: ເພື່ອສືບຕໍ່ຮັກສາສະຖຽນລະພາບ ແລະ ສົ່ງເສີມການລົງທຶນໃນອາຊຽນ ໃຫ້ນັບມື້ນັບຫຼາຍຂຶ້ນ, ກອງປະຊຸມຈະໄດ້ພ້ອມກັນຄົ້ນຄວ້າ ແລະ ປຶກສາຫາລືຫຼາຍປະເດັນ, ເປັນຕົ້ນ ຈະໄດ້ລົງເລິກປຶກສາຫາລືກ່ຽວກັບການປະເມີນສະພາບການລົງທຶນໃນອາຊຽນ ສໍາລັບ ປີ 2024 ພ້ອມທັງການເພີ່ມທະວີການດຶງດູດການລົງທຶນໃນຕໍ່ໜ້າ. ນອກຈາກນັ້ນ, ກອງປະຊຸມຈະໄດ້ພິຈາລະນາ ແລະ ຮັບຮອງເອົາບົດລາຍງານຂອງຄະນະເຈົ້າໜ້າທີ່ອາວຸໂສເສດຖະກິດອາຊຽນກ່ຽວກັບການຮ່ວມມືດ້ານການລົງທຶນໃນອາຊຽນ
ແລະ ບົດຄົ້ນຄວ້າສະພາບການລົງທຶນໃນອາຊຽນ ຂອງບັນດາຊ່ຽວຊານຕ່າງປະເທດ; ເພື່ອຮັບປະກັນຜົນສໍາເລັດຂອງກອງປະຊຸມໃນຄັ້ງນີ້, ຮຽກຮ້ອງມາຍັງບັນດາຜູ້ແທນທີ່ເຂົ້າຮ່ວມ ໃຫ້ການສະໜັບສະໜູນ ແລະ ປະກອບຄໍາຄິດຄໍາເຫັນຢ່າງກົງໄປກົງມາ ແລະ ສ້າງສັນ ເພື່ອສ້າງອາຊຽນໃຫ້ກາຍເປັນສູນກາງດ້ານການລົງທຶນຂອງ ພາກພື້ນ ແລະ ສາກົນ, ນໍາເອົາຜົນປະໂຫຍດ ມາສູ່ປະຊາຊົນອາຊຽນໃຫ້ຫຼາຍຂຶ້ນ.
(ຂ່າວ: ຍຸພິນທອງ-ພາບ: ແສງຈັນ)
ຄໍາເຫັນ