ພາຍຫຼັງຮັບຟັງການປະກອບຄຳເຫັນຂອງຜູ້ຕາງໜ້າວິສາຫະກິດສອງປະເທດແລ້ວ, ທ່ານ ຫຼີສຽງ ກ່າວຢືນຢັນວ່າ: ຕະຫຼອດໄລຍະ 35 ປີຜ່ານມາ, ດ້ວຍຄວາມພະຍາຍາມຮ່ວມຂອງສອງປະເທດຈີນ-ສິງກະໂປ, ມິດຕະພາບ ແລະ ການຮ່ວມມືສອງປະເທດໄດ້ບັນລຸການພັດທະນາຢ່າງວ່ອງໄວ ແລະ ໄດ້ຮັບຜົນງານອັນອຸດົມສົມບູນ. ພຶດຕິກຳຕົວຈິງໄດ້ສະແດງໃຫ້ເຫັນຢ່າງເຕັມສ່ວນວ່າ: ການພັດທະນາຂອງຈີນ ແລະ ສິງກະໂປ ເປັນກາລະໂອກາດສຳຄັນຂອງແຕ່ລະປະເທດ, ຂໍພຽງແຕ່ສອງຝ່າຍຢຶດໝັ້ນການເຄົາລົບນັບຖື ແລະ ໄວ້ເນື້ອເຊື່ອໃຈກັນ, ເປີດປະຕູສູ່ພາຍນອກ ແລະ ຮ່ວມມືກັນ ກໍຈະສາມາດຮ່ວມກັນຊົມໃຊ້ຄວາມຈະເລີນຮຸ່ງເຮືອງ ແລະ ຮ່ວມກັນສ້າງອະນາຄົດທ່າມກາງການຊ່ວຍຊູຍູ້ໜູນກັນໃຫ້ຕ່າງຝ່າຍຕ່າງໄດ້ຮັບຜົນປະໂຫຍດ.
ບັນດາຜູ້ຕາງໜ້າວົງການອຸດສາຫະກຳການຄ້າທີ່ເຂົ້າຮ່ວມກອງປະຊຸມໄດ້ກ່າວຢືນຢັນວ່າ: ການຮ່ວມມືດ້ານເສດຖະກິດການຄ້າລະຫວ່າງຈີນ-ສິງກະໂປ ໄດ້ສ້າງຜົນປະໂຫຍດໃຫ້ແກ່ສອງປະເທດກໍຄືການພັດທະນາໃຫ້ຈະເລີນຮຸ່ງເຮືອງຂອງພາກພື້ນ. ວິສາຫະກິດສິງກະໂປເບິ່ງອະນາຄົດແຫ່ງການພັດທະນາຂອງຈີນໄປໃນທາງທີ່ດີ ແລະ ຈະສືບຕໍ່ລົງທຶນຢູ່ຈີນ, ເຊື່ອໝັ້ນວ່າ ຂະບວນການສ້າງຄວາມທັນສະໄໝແບບຈີນຍ່ອມຈະນຳເອົາກາລະໂອກາດຫຼາຍກວ່າເກົ່າມາສູ່ບັນດາປະເທດໃນໂລກເຊິ່ງລວມທັງສິງກະໂປຢ່າງແນ່ນອນ.
ຍີ່ປຸ່ນ ເພີ່ມພາສີຂາອອກ 3 ເທົ່າ ເພື່ອແກ້ໄຂບັນຫານັກທ່ອງທ່ຽວຫຼາຍເກີນໄປ
ສຳນັກຂ່າວສານຊິນຮວາລາຍງານ ໃນວັນທີ 1 ກໍລະກົດ ຜ່ານມາວ່າ: ສື່ມວນຊົນທ້ອງຖິ່ນຂອງຍີ່ປຸ່ນລາຍງານວ່າ, ລັດຖະບານຍີ່ປຸ່ນໄດ້ເພີ່ມພາສີຂາອອກ ຫຼື ພາສີນັກທ່ອງທ່ຽວລະຫວ່າງປະເທດ ຈາກ 1,000 ເຢນ ເປັນ 3,000 ເຢນ ມີຜົນບັງຄັບໃຊ້ໃນວັນທີ 1 ກໍລະກົດ ເປັນຕົ້ນໄປ.
ຄໍາເຫັນ