ກອງປະຊຸມສຸດຍອດອາຊຽນຈະຈັດຂຶ້ນໃນຕົ້ນເດືອນພຶດສະພາ

ຂ່າວຕ່າງປະເທດລາຍງານໃນວັນທີ 28 ມີນາ ຜ່ານມາວ່າ: ກຸ່ມສະໜັບສະໜູນການຂົນສົ່ງທີ່ເປັນມິດກັບສິ່ງແວດລ້ອມໃນເອີຣົບ ໄດ້ເປີດເຜີຍວ່າ, ຄວາມເຄັ່ງຕຶງອ້ອມຮອບຊ່ອງແຄບຮໍມຸສ ກຳລັງເພີ່ມຕົ້ນທຶນສຳລັບອຸດສາຫະກຳການຂົນສົ່ງສິນຄ້າທາງເຮືອທົ່ວໂລກ. ບໍລິສັດຫຼາຍແຫ່ງຕ້ອງຈ່າຍຄ່ານໍ້າມັນເຊື້ອໄຟ, ຄ່າຂົນສົ່ງ ແລະ ຄ່າໃຊ້ຈ່າຍດ້ານສິ່ງແວດລ້ອມເພີ່ມເຕີມ 340 ລ້ານເອີໂຣຕໍ່ມື້.

ຂ່າວສານຊີອາໄອລາຍງານໃນວັນທີ 29 ມີນາ ຜ່ານມາວ່າ: ກອງ​ປະ​ຊຸມ​ເວ​ທີ​ປຶກ​ສາ​ຫາ​ລື​ຈົ່ງ​ກວນ​ຊຸ່ນປະ​ຈຳ​ປີ 2026 ພາຍ​ໃຕ້​ຫົວ​ຂໍ້ “ການ​ເຊືີ່ອມ​ໂຍງ​ເຂົ້າ​ກັນ​ຢ່າງ​ເລິກ​ເຊິ່ງ​ລະ​​ຫວ່າງ​ການ​ປະ​ດິດ​ສ້າງ​ດ້ານ​ວິ​ທະ​ຍາ​ສາດ​ເຕັກ​ໂນ​ໂລ​ຊີ ແລະ ການ​ປະ​ດິ​ດ​ສ້າງ​ດ້ານ​ອຸດ​ສາ​ຫະ​ກຳ” ທີ່ກຳ​ລັງ​ຈັດ​ຂຶ້ນ​ຢູ່​ນະ​ຄອນຫຼວງ​ປັກ​ກິ່ງ ​ຂອງ​ຈີນ, ໂດຍມີແຂກເຂົ້າຮ່ວມຫຼາຍກວ່າ 1.000 ຄົນ​ ທີ່​ມາ​ຈາກ 100 ກວ່າ​ປະ​ເທດ​ ແລະ ເຂດ​ແຄວ້ນ ​ໄດ້​ຮ່ວມ​ກັນ​ປຶກ​ສາ​ຫາ​ລື​ຫົວ​ຂໍ້​ຕ່າງໆ​ກ່ຽວ​ກັບ​ການ​ປະ​ດິດ​ສ້າງ​ດ້ານ​ວິ​ທະ​ຍາ​ສາດ​ເຕັກ​ໂນ​ໂລ​ຊີ​, ການ​ປະ​ດິດ​ສ້າງ​ດ້ານ​ອຸດ​ສາ​ຫະ​ກຳ, ການເປີດ​ປະ​ຕູ​ສູ່​ພາຍນອກ ແລະ ການ​ຮ່ວມ​ມື​ດ້ານ​ວິ​ທະ​ຍາ​ສາດ​ເຕັກ​ໂນ​ໂລ​ຊີ​ໃນ​ລະ​ດັບ​ສູງ​ຂອງ​ຈີນ ແລະ ອື່ນໆ.

ວິທະຍຸກະຈາຍສຽງຫວຽດນາມ ລາຍງານວ່າ: ຕາມຂໍ້ມູນຈາກບໍລິສັດບໍລິຫານລະບົບໄຟຟ້າ ແລະ ຕະຫຼາດໄຟຟ້າແຫ່ງຊາດ (NSMO), ພາຍຫຼັງ 1 ຊົ່ວໂມງມອດໄຟຕອບສະໜອງບັ້ນເຄື່ອນໄຫວ ໂມງໜ່ວຍໂລກປີ 2026 (ແຕ່ເວລາ 20 ໂມງ 30 ນາທີ ຫາ 21 ໂມງ 30 ນາທີ ຂອງວັນທີ 28 ມີນາ 2026), ທົ່ວປະເທດປະຢັດໄຟຟ້າໄດ້ 463,000 kWh.

ຂ່າວສານຊີອາໄອລາຍງານໃນທ້າຍອາທິດຜ່ານມາວ່າ: ເລີ່ມ​ແຕ່​ວັນ​ທີ 28 ມີ​ນາ 2026 ເປັນ​ຕົ້ນ​ໄປ, ລັດ​ຖະ​ບານ​ອິນ​ໂດ​ເນ​ເຊຍ​ໄດ້​ປະ​ຕິ​ບັດ​ມາດ​ຕະ​ການ​ຫ້າມ​ກຸ່ມ​ຄົນ​ທີ່ມີອາ​ຍຸ​ຕ່ຳ​ກວ່າ 16 ປີ​ໃຊ້​ສື່​ສັງ​ຄົມ​ອອນ​ລາຍຢ່າງ​ເປັນ​ທາງ​ການ.

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ລັດຖະບານຣັດເຊຍລາຍງານວ່າ, ທ່ານ ອາເລັກຊານເດີ ໂນວັກ ຮອງນາຍົກລັດຖະມົນຕີຣັດເຊຍ ໄດ້ສັ່ງໃຫ້ກະຊວງພະລັງງານຮ່າງຄຳສັ່ງຂອງລັດຖະບານ ເພື່ອຫ້າມສົ່ງອອກນ້ຳມັນແອັດຊັງ ລະຫວ່າງວັນທີ 1 ເມສາ ຫາ 31 ກໍລະກົດ 2026.

ຂ່າວຕ່າງປະເທດລາຍງານ ໃນວັນທີ 26 ມີນາ ຜ່ານມາວ່າ: ສຳນັກຂ່າວ TASS ຂອງຣັດເຊຍລາຍງານວ່າ, ທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ໄດ້ລົງນາມໃນລັດຖະດຳລັດຫ້າມສົ່ງອອກຄຳແທ່ງບໍລິສຸດທີ່ມີນ້ຳໜັກເກີນ 100 ກຣາມ, ໂດຍຈະມີຜົນບັງຄັບໃຊ້ຕັ້ງແຕ່ວັນທີ 1 ພຶດສະພາ 2026 ເປັນຕົ້ນໄປ ແລະ ມີບາງຂໍ້ຍົກເວັ້ນ.

ຂ່າວຕ່າງປະເທດລາຍງານ ໃນວັນທີ 26 ມີນາ ຜ່ານມາວ່າ: ບົດລາຍງານການຕິດຕາມການສຶກສາທົ່ວໂລກຂອງອົງການ UNESCO ປະຈຳປີ 2026 ທີ່ເຜີຍແຜ່ໃນວັນທີ 25 ມີນາ ຜ່ານມາ ຊີ້ໃຫ້ເຫັນວ່າ: ຈຳນວນເດັກນ້ອຍ ແລະ ຊາວໜຸ່ມ ທີ່ອອກຈາກລະບົບການສຶກສາທົ່ວໂລກເພີ່ມຂຶ້ນຢ່າງຕໍ່ເນື່ອງເປັນປີທີ 7 ຕິດຕໍ່ກັນ ຊຶ່ງມີເຖິງ 273 ລ້ານຄົນ.

ຂ່າວສານຊີອາໄອລາຍງານວ່າ: ໃນວັນ​ທີ 25 ມີ​ນາ​ ຜ່ານມາ, ກ​ອງ​ປະ​ຊຸມ​ປະ​ຈຳ​ປີ 2026 ຂອງ​ເວ​ທີ​ປຶກ​ສາ​ຫາ​ລືຈົ່ງ​ກວ່ນ​ຊຸ່ນ ໄດ້​ຈັດຂຶ້ນ​ຢູ່​ນະ​ຄອນຫຼວງ​ປັກ​ກິ່ງ​ຂອງ​ຈີນ. ໂດຍ​ມີ​ບຸກ​ຄົນ​ໃນ​ຂົງ​ເຂດ​ວິ​ທະ​ຍາ​ສາດ​ເຕັກ​ໂນ​ໂລ​ຊີ, ຜູ້​ຮັບຜິດ​ຊອບ​ຂອງວິ​ສາ​ຫະ​ກິດ ແລະ ເຈົ້າ​ໜ້າ​ທີ່​ລັດ​ຖະ​ບານ ​​ທັງ​ພາຍ​ໃນ ແລະ ຕ່າງ​ປະ​ເທດ ພ້ອມ​ດ້ວຍ​ຜູ້​ຮັ​ບ​ຜິ​ດ​ຊອບ​ອົງ​ການ​ຈັດ​ຕັ້ງ​ສາ​ກົນ ແລະ​ ອື່ນໆ ​ປະ​ມານ 1,000 ທ່ານ​ເຂົ້າ​ຮ່ວມ. ທ່ານ​ ຕິ່ງ​ເຊ່ວ​​ຂຽງ ກຳ​ມະ​ການ​ກົມ​ການ​ເມືອງ​ສູນ​ກາງ​ພັກ​ກອມ​ມູ​ນິດ​ຈີນ ຮອງ​ນາ​ຍົກ​ລັດ​ຖະ​ມົນ​ຕີ​ຈີນ ໄດ້​ເຂົ້າ​ຮ່ວມ ແລະ ກ່າວ​ຄຳ​ປາ​ໄສ​ໃນ​ພິ​ທີ​ເປີດກອງ​ປະ​ຊຸມ​ດັ່ງ​ກ່າວ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 26 ມີນາ ຜ່ານມາ ຢູ່ຫໍສະພາແຫ່ງຊາດ ທີ່ນະຄອນຫຼວງຮ່າໂນ້ຍ, ທ່ານ ເຈິ່ນແທັງເໝີ້ນ ປະທານສະພາແຫ່ງຊາດ ຫວຽດນາມ ໄດ້ເປັນປະທານກອງປະຊຸມຄະນະປະຈຳສະພາແຫ່ງຊາດ ກ່ຽວກັບວຽກງານກະກຽມຈັດກອງປະຊຸມສະໄໝສາມັນເທື່ອທີ 1, ສະພາແຫ່ງຊາດ ຫວຽດນາມ ຊຸດທີ 16. ຄາດວ່າ, ກອງປະຊຸມຈະດຳເນີນເປັນເວລາ 11 ມື້, ແບ່ງເປັນ 2 ຄັ້ງ, ຈະເປີດໃນວັນທີ 6 ເມສາ ແລະ ຄາດວ່າຈະປິດໃນວັນທີ 24 ເມສາ 2026.

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ມະຫາວິທະຍາໄລ Macquarie ຂອງອົສຕຣາລີໄດ້ເປີດເຜີຍວ່າ,ຍຸງສາມາດເຮັດໜ້າທີ່ເປັນນັກສຳຫຼວດສັດປ່າຂະໜາດນ້ອຍ ຊຶ່ງຊ່ວຍຕິດຕາມສັດປ່າທີ່ຫາຍາກ, ໃກ້ຈະສູນພັນ ແລະ ເປັນເຄື່ອງມືທີ່ມີປະສິດທິພາບ ທີ່ບໍ່ຮຸກຮານຄວາມເປັນຢູ່ຂອງສັດເພື່ອການອະນຸລັກ.