ກອງປະຊຸມທາບທາມບຸກຄະລາກອນຮອບທີສອງ

13:49 06/10/2025

ກະຊວງກະສິກໍາ ແລະ ສິ່ງແວດລ້ອມ ໄດ້ຈັດກອງປະຊຸມທາບທາມບຸກຄະລາກອນອອກຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກກະຊວງກະສິກໍາ ແລະ ສິ່ງແວດລ້ອມ ສະໄໝທີ VII ຮອບທີ2 ໃນວັນທີ 6 ຕຸລານີ້ ທີ່ຫ້ອງປະຊຸຂອງຫ້ອງວ່າການສູນກາງພັກ, ໂດຍການເປັນປະທານ ຂອງສະຫາຍ ລິນຄໍາ ດວງສະຫວັນ ເລຂາຄະນະພັກ ລັດຖະມົນຕີກະຊວງກະສິກຳ ແລະ ສິ່ງແວດລ້ອມ, ສະຫາຍ ນາງ ບຸດສະດີ ທະນະເມືອງ ກຳມະການສູນກາງພັກ ຮອງຫົວໜ້າຄະນະຈັດຕັ້ງສູນກາງພັກ, ບັນດາສະຫາຍໃນຄະນະປະຈໍາ, ຄະນະພັກກະຊວງ, ບັນດາສະຫາຍພະນັກງານອາວຸໂສບຳນານ ອະດີດການນໍາກະຊວງ, ບັນດາສະຫາຍເລຂາ, ຮອງເລຂາ, ຄະນະພັກຮາກຖານ, ຄະນະໜ່ວຍພັກຮາກຖານ, ແຂກທີ່ມີກຽດ ແລະ ສະມາຊິກພັກ ພະນັກງານນໍາພາ-ຄຸ້ມຄອງ ຂອງກະຊວງເຂົ້າຮ່ວມ.

ສະຫາຍ ລິນຄໍາ ດວງສະຫວັນ ໄດ້ກ່າວວ່າ: ກອງປະຊຸມທາບທາມ ຄະນະບໍລິຫານງານພັກກະຊວງກະສິກຳ ແລະ ສິ່ງແວດລ້ອມ ສະໄໝທີ VII ຮອບທີ 2 ໃນຄັ້ງນີ້ ມີຄວາມໝາຍສໍາຄັນ ຊຶ່ງຈະໄດ້ມີການທາບທາມບຸກຄະລາກອນ ອອກສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກກະຊວງກະສິກຳ ແລະ ສິ່ງແວດລ້ອມ ຮອບທີ 2, ພ້ອມທັງຄົ້ນຄວ້າປະກອບຄໍາເຫັນໃສ່ 3 ເອກະສານທີ່ສໍາຄັນ ເພື່ອຮັບໃຊ້ກອງປະຊຸມໃຫຍ່ ອົງຄະນະພັກກະຊວງພວກເຮົາ ຄື: ຮ່າງລາຍງານການເມືອງ, ແຜນພັດທະນາວຽກງານກະສິກຳ ແລະ ສິ່ງແວດລ້ອມ ແລະ ບົດສໍາຫຼວດການນໍາພາລວມ ຂອງຄະນະບໍລິຫານງານພັກກະຊວງ, ຊຶ່ງໄດ້ເປີດຂຶ້ນຢ່າງເປັນທາງການ ທ່າມກາງບັນຍາກາດທີ່ທົ່ວພັກ ແລະ ທົ່ວປວງຊົນລາວບັນດາເຜົ່າ ພວມຂຸ້ນຂ້ຽວ ຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XI ຂອງພັກ ກໍຄືສ້າງຂະບວນການຂໍ່ານັບຮັບຕ້ອນ ວັນບຸນສໍາຄັນຂອງຊາດ.

ໂດຍປະຕິບັດຕາມ ຄໍາສັ່ງ ຂອງຄະນະເລຂາທິການສູນກາງພັກ ສະບັບເລກທີ 411/ຄລສພ ວ່າ ດ້ວຍ ການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງພັກ, ຄໍາແນະນໍາ ຂອງຄະນະຈັດຕັ້ງສູນກາງ ພັກ ສະບັບເລກທີ 211/ຄຈສພ ວ່າດ້ວຍ ການຈັດຕັ້ງປະຕິບັດຄໍາສັ່ງ ຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ ເພື່ອເປັນບ່ອນອີງ ທາບທາມບຸກ ຄະລາກອນ ທີ່ຈະອອກຮັບສະໝັກເລືອກຕັ້ງ ເຂົ້າໃນຄະນະບໍລິຫານງານພັກ ຊຸດໃໝ່ (ຮອບທີ 2), ພວກເຮົາ ຈະໄດ້ທົບທວນຄືນ ກ່ຽວກັບມາດຕະຖານ ແລະ ເງື່ອນໄຂ ຜູ້ຈະອອກຮັບສະໝັກເລືອກຕັ້ງ ເຂົ້າໃນ ຄະນະບໍລິຫານງານພັກກະຊວງຊຸດໃໝ່ ເພື່ອເລືອກເຟັ້ນເອົາບຸກຄະລາກອນທີ່ຈະອອກຮັບສະໝັກເລືອກຕັ້ງ ເຂົ້າໃນຄະນະບໍລິຫານງານພັກກະຊວງຊຸດໃໝ່ (ຮອບທີ 2). ຈາກນັ້ນ, ຈະໄດ້ພ້ອມກັນຄົ້ນຄວ້າ, ປຶກສາຫາລື, ສົນທະນາແລກປ່ຽນຄໍາຄິດເຫັນ ແລະ ເປັນເອກະພາບກັນ ກ່ຽວກັບ 3 ເອກະ ສານ ຮັບໃຊ້ກອງປະຊຸມໃຫຍ່ ຂອງອົງຄະນະພັກກະຊວງພວກ ເຮົາ ຄືດັ່ງທີ່ໄດ້ກ່າວໄປແລ້ວນັ້ນ.

ພາຍຫຼັງຜ່ານ 3 ເອກະສານສໍາເລັດແລ້ວ, ພວກເຮົາຈະໄດ້ແບ່ງເປັນ 4 ໜ່ວຍໃນການຄົ້ນຄວ້າ, ແຕ່ລະໜ່ວຍ ແມ່ນມອບໃຫ້ບັນດາສະຫາຍຄະນະປະຈຳພັກກະຊວງ ເປັນຜູ້ນໍາພາ ແລະ ຊີ້ນໍາໃນການ ຄົ້ນຄວ້າປະກອບຄໍາເຫັນ.

(ຂ່າວ-ພາບ: ແສງຈັນ)

ຄໍາເຫັນ

ຂ່າວວັດທະນະທຳ-ສັງຄົມ

ຜູ້ສະໝັກ ສສຊ ປະຈຳເຂດເລືອກຕັ້ງທີ 10 ລົງໂຄສະນາຫາສຽງ

12/02/2026 15:42

ເມື່ອບໍ່ດົນມານີ້, ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 10 ແຂວງວຽງຈັນ ຊຸດທີ X ໄດ້ລົງໂຄສະນາຫາສຽງ ແລະ ສະເໜີຕົວຕໍ່ຜູ້ມີສິດເລືອກຕັ້ງ ຢູ່ສະໂມສອນຂອງແຂວງ ໂດຍການນໍາພາຂອງທ່ານ ລຳໄມ ກູດລາວົງ ຄະນະປະຈຳພັກແຂວງ, ຄະນະກຳມະການເລືອກຕັ້ງຂັ້ນແຂວງ, ມີການນຳ ແລະ ພະນັກງານຫຼັກແຫຼ່ງຂອງແຂວງ ເຂົ້າຮ່ວມຮັບຟັງ.

ບ້ານໜອງບຶກໃຕ້ ມີຄວາມພ້ອມຮອບດ້ານຮັບໃຊ້ບັ້ນເລືອກຕັ້ງ ສສຊ-ສສຂ

12/02/2026 15:40

ເພື່ອກຽມຄວາມພ້ອມໃຫ້ບັ້ນເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ v, ທ່ານ ຄອນສະຫວັນ ທອງດີວົງ ເລຂາພັກບ້ານ ນາຍບ້ານໜອງບຶກໃຕ້ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ສື່ມວນຊົນໃນວັນທີ 11 ກຸມພາຜ່ານມາ ກ່ຽວກັບການກະກຽມຄວາມພ້ອມຮອບດ້ານໃນບັ້ນດັ່ງກ່າວ.

ພົນລະເມືອງລາວທຸກຄົນ ແຕ່ອາຍຸ 18 ປີຂຶ້ນໄປ ຈົ່ງພ້ອມກັນໄປໃຊ້ສິດໃນວັນເລືອກຕັ້ງ

12/02/2026 15:34

ທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ ໂຄສົກຄະນະກຳມະການເລືອກຕັ້ງລະດັບຊາດ ກ່ຽວກັບການປະກາດຈຳນວນຜູ້ມີສິດເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ຖະແຫຼງຂ່າວກ່ຽວກັບມະຕິຂອງຄະນະກຳມະການເລືອກຕັ້ງລະດັບຊາດ ວ່າດ້ວຍການປະກາດຈຳນວນຜູ້ມີສິດເລືອກຕັ້ງສະມາຊິກສະ ພາແຫ່ງຊາດ ຊຸດທີ X ແລະ ສະພາປະຊາຊົນຂັ້ນແຂວງ ຊຸດທີ V ໃນວັນທີ 12 ກຸມພານີ້ ທີ່ສະພາແຫ່ງຊາດ ເພື່ອໃຫ້ພໍ່ແມ່ປະຊາຊົນລາວບັນດາເຜົ່າທົ່ວປະເທດ ແລະ ຊາວລາວທີ່ດຳລົງຊີວິດຢູ່ຕ່າງປະເທດ ໄດ້ຮັບຊາບຢ່າງທົ່ວເຖິງກັນ ວ່າ: ຜູ້ມີສິດເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ໃນທົ່ວປະເທດມີຈຳນວນລວມທັງໝົດ 4,764,384 ຄົນ ຍິງ 2,384,104 ຄົນ. ໃນນີ້ ຜູ້ມີສິດເລືອກຕັ້ງຢູ່ຕ່າງປະເທດ ທີ່ສາມາດໃຊ້ສິດປ່ອນບັດເລືອກຕັ້ງຕົວຈິງມີຈຳນວນ 23,378 ຄົນ ຍິງ7,828 ຄົນ.

ຊາວໜຸ່ມ ຄອສພ ທັດສະນະສຶກສາຢູ່ຫໍພິພິທະພັນ ໄກສອນ ພົມວິຫານ

12/02/2026 15:03

ຄະນະບໍລິຫານງານຊາວໜຸ່ມ ຄະນະໂຄສະນາອົບຮົມສູນກາງພັກ (ຄອສພ) ນໍາໂດຍສະຫາຍ ພູວຽງ ພົງສະຫວັດດີ ກໍາມະການສູນກາງຊາວໜຸ່ມ ປະຊາຊົນ ປະຕິວັດລາວ ເລຂາຄະນະບໍລິຫານງານຊາວໜຸ່ມ ຄອສພ ໄດ້ນຳພາບັນດາຄະນະຊາວໜຸ່ມຮາກຖານ, ເລຂາໜ່ວຍຊາວໜຸ່ມ-ຮອງເລຂາ ພ້ອມດ້ວຍສະມາຊິກຊາວໜຸ່ມປະຊາຊົນ ປະຕິວັດລາວອ້ອມຂ້າງ ຄອສພ ໄປທັດສະນະສຶກສາຢູ່ຫໍພິພິທະພັນ ໄກສອນ ພົມວິຫານ ໃນວັນທີ 12 ກຸມພານີ້ ໂດຍມີທ່ານນາງ ສົມສະຫວັນ ພັນນຸລາດ ພະນັກງານວິຊາການນໍາທ່ຽວຫໍພິພິທະພັນ ໄກສອນ ພົມວິຫານ ຫ້ອງວ່າການສູນກາງພັກໃຫ້ການຕ້ອນຮັບ.

ຜູ້ສະໝັກ ສສຊ ຊຸດທີ xປະຈຳເຂດເລືອກຕັ້ງທີ 4 ແຂວງອຸດົມໄຊໂຄສະນາຫາສຽງຢູ່ບ້ານໂຮມໄຊ

12/02/2026 14:56

ໃນວັນທີ 12 ກຸມພານີ້ ທີ່ສະໂມສອນຂອງເມືອງນາໝໍ້ ແຂວງອຸດົມໄຊ, ຄະນະຜູ້ສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດ (ສສຊ) ຊຸດທີ xປະຈຳເຂດເລືອກຕັ້ງທີ 4 ແຂວງອຸດົມໄຊ ທັງໝົດ 11 ທ່ານ ແລະ ໄດ້ແບ່ງອອກເປັນ 2 ທີມຄື: ຄະນະທີ 2 ຈຳນວນ 6 ທ່ານ ໄດ້ລົງເຄື່ອນໄຫວໂຄສະນາຫາສຽງ ແລະ ພົບປະ ປະຊາຊົນຜູ້ມີສິດປ່ອນບັດເລືອກຕັ້ງ ຢູ່ບ້ານໂຮມໄຊ ເມືອງໝໍ້, ໂດຍມີການນຳເມືອງ, ອົງການປົກຄອງບ້ານ, ປະຊາຊົນບັນດາເຜົ່າພາຍໃນບ້ານ ເຂົ້າຮ່ວມຢ່າງຫຼວງຫຼາຍ.

ເມືອງໂຂງ ກຽມຄວາມພ້ອມ 100%ໃນການປ່ອນບັດເລືອກຕັ້ງວັນທີ 22 ກຸມພາ 2026ນີ້

12/02/2026 12:40

ເມືອງໂຂງ ແຂວງຈຳປາສັກ ກຽມຄວາມພ້ອມຮອບດ້ານ ເພື່ອຮັບປະກັນໃຫ້ການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ທີ່ຈະມາເຖິງໃນວັນທີ 22 ກຸມພາ 2026ນີ້ ດຳເນີນໄປຢ່າງມີປະສິດທິຜົນ ໂປ່ງໃສ ແລະ ທົ່ວເຖິງ.

ລາວເດີນອາກາດ ສະຫຼຸບວຽກງານຮອບດ້ານປະຈຳປີ 2025

12/02/2026 12:39

ສະຫະພັນກຳມະບານ ລັດວິສະຫະກິດລາວເດີນອາກາດ ຈັດກອງປະຊຸມສະຫຼຸບວຽກງານຮອບດ້ານປະຈຳປີ 2025 ແລະ ວາງທິດທາງປີ 2026 ຂຶ້ນໃນວັນທີ 11 ກຸມພາ ຜ່ານມາ ໂດຍການເປັນປະທານຂອງສະຫາຍ ພັນເອກ ສຸວັນນີ ດວງປະເສີດ ຫົວໜ້າຫ້ອງກຳມະບານກອງທັບ, ມີສະຫາຍ ພັນເອກ ປັນທະວີ ສີສົງຄາມ ຜູ້ອຳນວຍການລັດວິສະຫະກິດລາວເດີນອາກາດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ເຜີຍແຜ່ເອກະສານກຽມຄວາມພ້ອມເລືອກຕັ້ງ ສສຊ-ສສຂ

12/02/2026 12:36

ກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ (ປກສ) ຈັດພິທີເຜີຍແຜ່ເອກະສານກຽມຄວາມພ້ອມ ໃນການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະພາປະຊາຊົນແຂວງ (ສສຂ) ຊຸດທີ V ໃນວັນທີ 10 ກຸມພາ ຜ່ານມາ, ໃຫ້ກຽດເປັນປະທານ ແລະ ເຜີຍແຜ່ໂດຍທ່ານ ພັອ ກິແກ້ວ ຈັນທະລັງສີ ຫົວໜ້າກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ, ມີຄະນະພັກ-ຄະນະກົມ, ຄະນະພະແນກ ພ້ອມດ້ວຍນາຍ ແລະ ພົນຕໍາຫຼວດຮ່ວມ.

ຜູ້ສະໝັກ ສສ ນວ ລົງພົບປະຫາສຽງ ທີ່ກົມໃຫຍ່ຕໍາຫຼວດ

12/02/2026 12:34

ພິທີພົບປະຫາສຽງຂອງຜູ້ສະໝັກຮັບເລືອກຕັ້ງເປັນສະມາຊິກສະພາປະຊາຊົນນະຄອນຫຼວງວຽງຈັນ (ສສ ນວ) ປະຈໍາເຂດ ເລືອກ ຕັ້ງທີ 1 ເມືອງສີສັດຕະນາກ ທີ່ກົມໃຫຍ່ຕໍາຫຼວດ ຈັດຂຶ້ນໃນວັນທີ10 ກຸມພາ ຜ່ານມານີ້; ນໍາພາຄະນະລົງພົບປະຄັ້ງນີ້ ໂດຍ ທ່ານ ອະໂນໄທ ຈັນທະລາສີ ກໍາມະການພັກ ນວ ເລຂາຄະນະພັກເມືອງສີສັດຕະນາກ ນໍ້າເບີ 1, ທ່ານ ສຸລິຍະ ສະວີສຸກ ນໍ້າເບີ 2 ຮອງຫົວໜ້າຫ້ອງວ່າການສະພາ ນວ, ທ່ານ ບຸນທະວີ ສີແສນດີ ນໍ້າເບີ 3 ເລຂາໜ່ວຍພັກຮາກຖານ ຫົວໜ້າອົງການໄອຍະການປະຊາຊົນເຂດ 3 ນວ, ທ່ານ ສິງຫາ ວົງພັກດີ ນໍ້າເບີ 4 ຫົວໜ້າຫ້ອງການຍຸຕິທໍາເມືອງສີສັດຕະນາກ, ທ່ານ ວິຣະໄຊຄໍາ ພິລາພັນເດຊ ເບີ 5 ອໍານວຍການບໍລິສັດເຄພີ ສາມຈີ ແລະ ໂນມຸຣະເທຣດດິ້ງ ຈໍາກັດ ອໍານວຍການ ບໍລິສັດອີຊຸຊຸລາວບໍລິການ ຈໍາກັດຜູ້ດຽວ ປະທານສະຫະພັນກິລາອ໊ອບໂຣດ ນວ, ທ່ານ ນາງ ວິຍະດາ ພິມພັນ ນໍ້າເບີ 6 ຮອງເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ນວ, ທ່ານນາງ ເຄືອວັນ ຄໍາປະດິດ ນໍ້າເບີ 7 ສະຫະພັນແມ່ຍິງເມືອງສີສັດຕະນາກ ຊີ້ນໍາວຽກງານ ປົກປ້ອງແມ່ຍິງ ແລະ ເດັກນ້ອຍ.

ປີ 2025 ຍີ່ປຸ່ນ ສົ່ງອອກເຂົ້າສູງສຸດເປັນປະຫວັດການ

12/02/2026 11:37

ຂ່າວຕ່າງປະເທດລາຍງານ ໃນວັນທີ 10 ກຸມພາ ຜ່ານມາວ່າ: ກະຊວງກະສິກຳ, ປ່າໄມ້ ແລະ ການປະມົງຂອງຍີ່ປຸ່ນລາຍງານວ່າ, ຍີ່ປຸ່ນສົ່ງອອກເຂົ້າ ລວມທັງເຂົ້າທີ່ຫຸ້ມຫໍ່ແລ້ວພ້ອມກິນ ຫຼາຍກວ່າ 48,000 ໂຕນ ໃນປີ 2025, ເພີ່ມຂຶ້ນ 3.7% ແລະ ສູງສຸດເປັນປະຫວັດການ. ໂດຍຖືເປັນການທຳລາຍສະຖະຕິການສົ່ງອອກເຂົ້າໄປຕ່າງປະເທດສູງສຸດຕິດຕໍ່ກັນເປັນປີທີ 5 ນັບຕັ້ງແຕ່ມີການລວບລວມສະຖິຕິທີ່ປຽບທຽບໄດ້ໃນປີ 2020.

ເພີ່ມເຕີມ