ກອງປະຊຸມວຽກງານປະຕິບັດຄຳຕັດສິນຂອງສານ

ທ່ານ ໄພວີ ສີບົວລິພາ ໄດ້ກ່າວວ່າ: ໃນກອງປະຊຸມຄັ້ງນີ້ແມ່ນຈະໄດ້ສະຫຼຸບຕີລາຄາຄືນກ່ຽວກັບການເຄື່ອນໄຫວວຽກງານການປະຕິບັດຄຳຕັດສິນຂອງສານ ປະຈຳປີ 2024 ນອກຈາກນັ້ນຍັງໄດ້ຮັບຟັງການລາຍງານການຕີລາຄາສະພາບການປະຕິບັດຄຳຕັດສິນຂອງສານ,ສະພາບການເຄື່ອນໄຫວວຽກງານຂອງກອງປະຕິບັດຄຳຕັດສິນຂອງສານ ແລະ ຂະແໜງປະຕິບັດຄຳຕັດສິນຂອງສານ.

ທ່ານ ສຸລິຍາ ສີດາວົງ ຫົວໜ້າກົມຄຸ້ມຄອງການປະຕິບັດຄຳຕັດສິນຂອງສານ ໄດ້ຂຶ້ນຜ່ານບົດລາຍງານຕີລາຄາສະພາບການປະຕິບັດຄຳຕັດສິນຂອງສານ ວ່າ: ໃນປີ 2024 ອົງການປະຕິບັດຄໍາຕັດສິນຂອງສານ ໄດ້ຮັບຄໍາຕັດສິນ ທັງໝົດ 9,867 ເລື່ອງ, ໃນນັ້ນ ຄະດີແພ່ງ 1,483 ເລື່ອງ, ອາຍາ 8,384 ເລື່ອງ (ຢາເສບຕິດ 5,012 ເລື່ອງ): ສາມາດປະຕິບັດສໍາເລັດ ແລະ ປິດການປະຕິບັດ 2,214 ເລື່ອງ, ຄະດີແພ່ງ 996 ເລື່ອງ, ອາຍາ 1,218 ເລື່ອງ (ຢາເສບຕິດ 674 ເລື່ອງ) ເທົ່າ 22,43% ຂອງຄະດີເຂົ້າໃໝ່ ແລະ 3,47% ຂອງຄໍາຕັດສິນທັງໝົດ, ໂຈະການປະຕິບັດ 781 ເລື່ອງ, ຄະດີແພ່ງ 51 ເລື່ອງ; ອາຍາ 730 ເລື່ອງ (ຢາເສບຕິດ 346 ເລື່ອງ), ສົ່ງສຳນວນຄະດີໃຫ້ອົງການໄອຍະການ 86 ເລື່ອງ, ຄະດີແພ່ງ 62 ເລື່ອງ, ອາຍາ 24 ເລື່ອງ (ຢາເສບຕິດ 6 ເລື່ອງ). ສໍາລັບ 5 ເດືອນຕົ້ນປີ 2025 ໄດ້ຮັບຄໍາຕັດສິນທັງ ໝົດ 3,176 ເລື່ອງ, ໃນນັ້ນ ຄະດີແພ່ງ 627 ເລື່ອງ, ອາຍາ 2,549 ເລື່ອງ (ຢາເສບຕິດ 1,422 ເລື່ອງ); ປະຕິບັດສຳເລັດ ແລະ ປິດການປະຕິບັດ 948 ເລື່ອງ, ຄະດີແພ່ງ 441 ເລື່ອງ, ອາຍາ 507 ເລື່ອງ (ຢາເສບຕິດ 290 ເລື່ອງ) ເທົ່າກັບ 29.84% ຂອງຈໍານວນຄໍາຕັດສິນເຂົ້າໃໝ່, ໂຈະການປະຕິບັດ 466 ເລື່ອງ, ຄະດີແພ່ງ 41 ເລື່ອງ; ອາຍາ 425 ເລື່ອງ (ຢາເສບຕິດ 288 ເລື່ອງ). ປັດຈຸບັນ ມີຄໍາຕັດສິນທີ່ ພວມປະຕິບັດ ທັງໝົດ 59,751 ເລື່ອງ ໃນນັ້ນຄະດີແພ່ງ 10,548 ເລື່ອງ, ອາຍາ 49,203 ເລື່ອງ (ຢາເສບຕິດ 27,725 ເລື່ອງ). ແຍກສະຖິຕິໃຫ້ເຫັນ ນັບແຕ່ເດືອນພຶດສະພາ 2024 ຫາ ພຶດສະພາ 2025 ຊຶ່ງເປັນໄລຍະສ້າງຕັ້ງກອງ ແລະ ຫ້ອງປະຕິບັດຄໍາຕັດສິນຂອງສານ ໄດ້ 1 ປີ ຊຶ່ງ 5 ກອງ ແລະ 11 ຫ້ອງ ໄດ້ຮັບຄໍາຕັດສິນຂອງສານ ຈໍານວນ 5,964 ເລື່ອງ, ມີຄະດີແພ່ງ 1,191 ເລື່ອງ, ອາຍາ 4,773 ເລື່ອງ (ຢາເສບຕິດ 2,666 ເລື່ອງ); ປະຕິບັດສຳເລັດ ແລະ ປິດການປະຕິບັດ 1,250 ເລື່ອງ, ຄະດີແພ່ງ 770 ເລື່ອງ, ອາຍາ 480 ເລື່ອງ (ຢາເສບຕິດ 236 ເລື່ອງ) ເທົ່າກັບ 20,95% ຂອງຈໍານວນຄໍາຕັດສິນເຂົ້າໃໝ່, ໂຈະການປະຕິບັດ 624 ເລື່ອງ ໃນນັ້ນມີຄະດີແພ່ງ 34 ເລື່ອງ, ອາຍາ 590 ເລື່ອງ (ຢາເສບຕິດ 391 ເລື່ອງ); ສົ່ງສໍານວນຄະດີໃຫ້ອົງການໄອຍະການ 84 ເລື່ອງ, ຄະດີແພ່ງ 46 ເລື່ອງ, ອາຍາ 38 ເລື່ອງ (ຢາເສບຕິດ 15 ເລື່ອງ), ມີຄໍາຕັດສິນທີ່ພວມປະຕິບັດ ຈຳນວນ 36,118 ເລື່ອງ ເປັນຄະດີແພ່ງ 6,979 ເລື່ອງ, ອາຍາ 29,139 ເລື່ອງ (ຢາເສບຕິດ 17,096 ເລື່ອງ).

ສຳລັບ 13 ຂະແໜງ ແລະ ໜ່ວຍງານປະຕິບັດຄໍາຕັດສິນຂອງສານ ມີຄໍາຕັດສິນເຂົ້າໃໝ່ ຈໍານວນ 3,765 ເລື່ອງ, ຄະດີແພ່ງ 531 ເລື່ອງ, ອາຍາ 3,234 ເລື່ອງ (ຢາເສບຕິດ 1,757 ເລື່ອງ), ປະຕິບັດສຳເລັດ ແລະ ປິດການປະຕິບັດ 1,271 ເລື່ອງ, ຄະດີແພ່ງ 424 ເລື່ອງ, ອາຍາ 847 ເລື່ອງ (ຢາເສບຕິດ 533 ເລື່ອງ) ເທົ່າກັບ 33.83% ຂອງຈໍານວນ ຄໍາຕັດສິນຂອງສານເຂົ້າໃໝ່, ໂຈະການປະຕິບັດ 391 ເລື່ອງ ໃນນັ້ນມີ ຄະດີແພ່ງ 43 ເລື່ອງ; ອາຍາ 348 ເລື່ອງ (ຢາ ເສບຕິດ 163 ເລື່ອງ); ສົ່ງສຳນວນຄະດີໃຫ້ອົງການໄອຍະການ 24 ເລື່ອງ, ຄະດີແພ່ງ 10 ເລື່ອງ, ອາຍາ 14 ເລື່ອງ, ມີຄໍາຕັດສິນທີ່ພວມປະຕິບັດ ຈໍານວນ 23,633 ເລື່ອງ ເປັນຄະດີແພ່ງ 3,569 ເລື່ອງ, ອາຍາ 20,064 ເລື່ອງ (ຢາເສບຕິດ 10,629 ເລື່ອງ).

ສຳລັບຜົນສຳເລັດໃນການຈັດຕັ້ງປະຕິບັດແມ່ນໄດ້ສ້າງນິຕິກຳ ໃຕ້ກົດໝາຍ ຈໍານວນ 17 ສະບັບ, ປັບປຸງກົງຈັກການຈັດຕັ້ງ ຂອງອົງການປະຕິບັດຄໍາຕັດສິນຂອງສານ ໃຫ້ເຂັ້ມແຂງ ແລະ ສອດຄ່ອງຕາມ ກົດໝາຍວ່າດ້ວຍປະຕິບັດຄໍາຕັດສິນຂອງສານ ສະບັບ ປີ 2021,ປັບປຸງແຜນວິທີ ເຮັດວຽກ ຂອງອົງການປະຕິບັດຄໍາຕັດສິນຂອງສານ ໃຫ້ໄປຕາມລະບົບ, ກົນໄກການເຮັດວຽກທີ່ມີຄວາມຄ່ອງຕົວ, ທັນສະໄໝ, ໂປ່ງໃສ, ສ້າງກົນໄກ ການຕິດຕາມ, ກວດກາ, ລາຍງານ ລະຫວ່າງ ກົມ, ກອງ, ຫ້ອງ, ຂະແໜງ, ໜ່ວຍງານ ປະຕິບັດຄໍາຕັດສິນຂອງສານ ໃຫ້ມີຄວາມຄ່ອງຕົວ ແລະ ທັນການ, ຝຶກອົບຮົມ ແລະ ສົ່ງພະນັກງານ ລົງເຄື່ອນໄຫວຊ່ວຍວຽກປະຕິບັດຄໍາຕັດສິນຂອງສານປະຈຳຢູ່ 9 ຫ້ອງປະຕິບັດຄໍາຕັດສິນຂອງສານ ຢູ່ 4 ແຂວງ ແລະ ສົ່ງພະນັກງານໄປຝຶກອົບຮົມວຽກງານປະຕິບັດຄໍາຕັດສິນຂອງສານ ຢູ່ ສສ ຫວຽດນາມ, ປະສານງານກັບພາກສ່ວນທີ່ກ່ຽວຂ້ອງເຊັ່ນ: ສານປະຊາຊົນ, ອົງການໄອຍະການປະຊາຊົນ, ກະຊວງປ້ອງກັນຄວາມສະຫງົບ, ກຳມາທິການຍຸຕິທໍາ, ຫ້ອງວ່າການສຳນັກງານນາຍົກລັດຖະມົນຕີ ເພື່ອປຶກສາຫາລື ວິທີປະຕິບັດຄໍາຕັດສິນຂອງສານທີ່ມີຄວາມຫຍຸ້ງຍາກ, ໄດ້ຮັບຄໍາຮ້ອງ, ຄໍາສະເໜີ ກ່ຽວກັບການປະຕິບັດຄຳຕັດສິນຂອງສານ ຈໍານວນ 919 ສະບັບ, ໄດ້ຄົ້ນຄວ້າ, ແກ້ໄຂ ສຳເລັດ 592 ສະບັບ, ຕິດຕາມອົງການປະຕິບັດຄຳຕັດສິນຂອງສານທ້ອງຖິ່ນ ນຳເອົາຄຳຕັດສິນຂອງສານ ມາປະຕິບັດສຳເລັດ 2,214 ເລື່ອງ ໃນປີ 2024 ແລະ 948 ເລື່ອງ ໃນ 5 ເດືອນຕົ້ນປີ 2025 , ມອບເງິນໃຫ້ຄູ່ຄວາມທັງໝົດ 354,357,340,130 ກີບ; 87,428,272 ບາດ; 3,285,434 ໂດລາ; 96,775 ຢວນ, ມອບເງິນອາກອນເຂົ້າງົບປະມານຂອງລັດທັງໝົດ 3,734,845,399 ກີບ; 41,500 ບາດ, ມອບເງິນປັບໃໝອາຍາທົ່ວໄປທັງໝົດ 6,337560,500 ກີບ, ມອບເງິນປັບໃໝຢາເສບຕິດທັງໝົດ 13,058,690,000 ກີບ ; ລວມສະກຸນເງິນມີ ເງິນກີບທັງໝົດ 750,995,000 ກີບ; 180,000 ບາດ; 110 ໂດລາ ແລະ 308,261 ຢວນ, ໄດ້ກວດກາຂຶຶ້ນບັນຊີຊັບສິນທີ່ສານຕັດສິນ ຫຼື ໃຫ້ລັດຄຸ້ມຄອງມີທີ່ດິນ 14 ຕອນ, ເຮືອນ 8 ຫຼັງ, ບ້ານພັກ 2 ຫຼັງ, ລົດໃຫຍ່ 120 ຄັນ, ລົດຈັກ 1,319 ຄັນ, ເຮືອ 7 ລຳ, ລົດອີແຕນ 1 ຄັນ, ຄຳ 28,8 ກຣາມ, ພັນທະບັດ 200,000,000 ກີບ ແລະ ຊັບສິນອື່ນໆ ໃນນັ້ນໄດ້ມອບ ລົດໃຫຍ່ 26 ຄັນ, ລົດຈັກ 603 ຄັນ, ເຮືອ 5 ລຳ ແລະ ຊັບສິນຈຳນວນໜຶ່ງໃຫ້ຂະແໜງຄຸ້ມຄອງຊັບສິນຂອງລັດສຳເລັດ.

(ຂ່າວ-ພາບ: ບຸນຕອມ)