ກອງປະຊຸມວິຊາການປະຈໍາປີ ສະມາຄົມສັນລະຍະແພດລາວຄັ້ງທີ VII ໄດ້ຈັດຂຶ້ນໃນວັນທີ 3 ພະຈິກ ນີ້ ທີ່ໂຮງໝໍມະໂຫສົດ ໂດຍການເຂົ້າຮ່ວມແລະກ່າວເປີດຂອງ ທ່ານ ສະໜອງ ທອງຊະນະ ຮອງລັດຖະມົນຕີ ກະຊວງສາທາລະນະສຸກ; ທ່ານ ສຸກສະຫວາດ ສີວິໄຊ ປະທານສະມາຄົມສັນລະຍະແພດລາວ, ມີຜູ້ອໍານວຍການໂຮງໝໍມະໂຫສົດ; ຜູ້ອໍານວຍການໂຮງໝໍມິດຕະພາບ ແລະ ບັັນດາອາຈານ,ນັກວິຊາການຜູ້ຊົງຄຸນວຸດທິ,ຊ່ຽວຊາຜ່າຕັດ, ວິທະຍາກອນຈາກພາຍໃນແລະຕ່າງປະເທດ ພ້ອມດ້ວຍຜູ້ຕາງໜ້າຄະນະຈາກກະຊວງສາທາລະນະສຸກ,ພະແນກສາທາລະນະສຸກ ແລະ ໂຮງໝໍແຂວງ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ສະໜອງ ທອງຊະນະ ໄດ້ກ່າວວ່າ: ກະຊວງສາທາລະນະສຸກຍາມໃດກໍເອົາໃຈໃສ່ໃນການສົ່ງເສີມໃຫ້ປະຊາຊົນລາວບັນດາເຜົ່າໄດ້ມີສຸຂະພາບແຂງແຮງ ໂດຍການສົ່ງເສີມນະໂຍບາຍສາທາລະນະສຸກທົ່ວປວງຊົນ, ຖືເອົາວຽກງານອະນາໄມ ກັນພະຍາດ ແລະ ສົ່ງເສີມສຸຂະພາບເປັນຕົ້ນຕໍ ແລະ ວຽກງານບໍລິການປິ່ນປົວສຸຂະພາບເປັນສຳຄັນ. ໃນການຍົກສູງຄຸນນະພາບການບໍລິການປິ່ນປົວນັ້ນ, ວິຊາການສັນລະຍະສາດກໍຄືການຜ່າຕັດແມ່ນມີຄວາມສຳຄັນຫຼາຍ ແລະ ຈຳເປັນຫຼາຍໃນການປິ່ນປົວໃຫ້ຫາຍດີເປັນປົກກະຕິ ຊ່ວຍກອບກູ້ຊີວິດໃນພາວະທົ່ວໄປ ກໍຄືພາວະຮີບດ່ວນ ກະທັນຫັນ ແລະ ສຸກເສີນ. ຈຸດປະສົງຂອງກອງປະຊຸມຄັ້ງນີ້ ເພື່ອດໍາເນີນຕາມປະຕິທິນປະຈໍາປີຂອງສະມາຄົມສັນລະຍະແພດລາວ, ຍົກລະດັບຄວາມຮູ້ຄວາມສາມາດທ່ານໝໍຜ່າຕັດຂອງລາວໃຫ້ສູງຂຶ້ນເທື່ອລະກ້າວ ແລະ ແລກປ່ຽນປະສົບການລະຫວ່າງທ່ານໝໍຜ່າຕັດຂອງລາວດ້ວຍກັນ ແລະ ຕ່າງປະເທດ. ວິຊາສັນລະຍະສາດ ຫຼື ຜ່າຕັດ ແມ່ນຂະແໜງການສຳຄັນແລະຂາດບໍ່ໄດ້ໃນວຽກງານສາທາລະນະສຸກ,ລັດຖະບານໄດ້ລົງທຶນມະຫາສານໃນການກໍ່ສ້າງພື້ນຖານໂຄງລ່າງ ແລະ ຕອບສະໜອງອຸປະກອນການແພດຜ່າຕັດຕາມທ່າແຮງແລະຄວາມສາມາດຂອງແຕ່ລະແຂວງ, ປະເທດເຮົາຢູ່ທຸກແຂວງກໍມີນັກວິຊາການຜ່າຕັດ, ການສ້າງຕັ້ງສະມາຄົມສັນລະຍະແພດທີ່ໄດ້ເປັນສູນກາງໃນທ້ອນໂຮມການສ້າງຄວາມເຂັ້ມແຂງແກ່ວິຊາຜ່າຕັດ, ສ້າງຄວາມເຂັ້ມແຂງແກ່ການກໍ່ສ້າງພັດທະນາວິຊາການ, ຮ່ວມມືກັບສາກົນ, ກຳນົດບຸລິມະສິດໃນການຈັດສັນຕາໜ່າງການບໍລິການວິຊາການໃນແຕ່ລະເຂດ, ລວມທັງພັດທະນາຫຼັກສູດການຮຽນການສອນໃນ ມະຫາວິທະຍາໄລວິທະຍາສາດສຸຂະພາບ(ມວສ).ມາຮອດປັດຈຸບັນເຫັນໄດ້ວ່າສະມາຄົມສັນລະຍະແພດໄດ້ມີການເຕີບໃຫຍ່ຂະຫຍາຍຕົວທັງປະລິມານແລະຄຸນນະພາບ, ຈຳນວນສະມາຊິກໄດ້ມີຈຳນວນເພີ່ມຂຶ້ນ ໄດ້ມີການພັດທະນາຫຼັກສູດຫຼັງມະຫາພາຍໃນປະເທດຊຶ່ງແຕ່ລະປີກໍມີນັກວິຊາການທີ່ມີຄວາມຮູ້ຄວາມສາມາດສຳເລັດການສຶກສາຮັບໃຊ້ສັງຄົມໄດ້ມີການແລກປ່ຽນພົວພັນ ແລະ ກໍ່ສ້າງວິຊາການກັບບັນດາປະເທດໃນພາກພື້ນແລະສາກົນຫຼາຍຂຶ້ນ.
ປະຊຸມຄັ້ງນີ້ ນອກຈາກຈະເປັນການສ້າງຄວາມສາມັກຄີ, ການຖອດຖອນບົດຮຽນປະສົບການຈາກຜູ້ເຂົ້າຮ່ວມຈາກທົ່ວປະເທດແລ້ວ ຍັງຈະໄດ້ຟັງການນຳສະເໜີໃນການອັບເດດວິທະຍາການເຕັກນິກອັນໃໝ່, ການຄົ້ນພົບໃໝ່ທາງວິຊາການທີ່ຍັງຕ້ອງຮຽນຮູ້ພັດທະນາຕົນເອງເພື່ອຍົກສູງຄຸນນະພາບຂອງວຽກງານສັນລະຍະສາດຂອງປະເທດໃຫ້ເທົ່າທຽມກັບພາກພື້ນ ສາມາດຮຽນຮູ້ວິທະຍາການອັນໃໝ່ເພື່ອໃຫ້ເກີດມີພາຍໃນປະເທດ.
ຂ່າວ-ພາບ: ຍຸພິນທອງ
ທ່ານ ສະໜອງ ທອງຊະນະ ໄດ້ກ່າວວ່າ: ກະຊວງສາທາລະນະສຸກຍາມໃດກໍເອົາໃຈໃສ່ໃນການສົ່ງເສີມໃຫ້ປະຊາຊົນລາວບັນດາເຜົ່າໄດ້ມີສຸຂະພາບແຂງແຮງ ໂດຍການສົ່ງເສີມນະໂຍບາຍສາທາລະນະສຸກທົ່ວປວງຊົນ, ຖືເອົາວຽກງານອະນາໄມ ກັນພະຍາດ ແລະ ສົ່ງເສີມສຸຂະພາບເປັນຕົ້ນຕໍ ແລະ ວຽກງານບໍລິການປິ່ນປົວສຸຂະພາບເປັນສຳຄັນ. ໃນການຍົກສູງຄຸນນະພາບການບໍລິການປິ່ນປົວນັ້ນ, ວິຊາການສັນລະຍະສາດກໍຄືການຜ່າຕັດແມ່ນມີຄວາມສຳຄັນຫຼາຍ ແລະ ຈຳເປັນຫຼາຍໃນການປິ່ນປົວໃຫ້ຫາຍດີເປັນປົກກະຕິ ຊ່ວຍກອບກູ້ຊີວິດໃນພາວະທົ່ວໄປ ກໍຄືພາວະຮີບດ່ວນ ກະທັນຫັນ ແລະ ສຸກເສີນ. ຈຸດປະສົງຂອງກອງປະຊຸມຄັ້ງນີ້ ເພື່ອດໍາເນີນຕາມປະຕິທິນປະຈໍາປີຂອງສະມາຄົມສັນລະຍະແພດລາວ, ຍົກລະດັບຄວາມຮູ້ຄວາມສາມາດທ່ານໝໍຜ່າຕັດຂອງລາວໃຫ້ສູງຂຶ້ນເທື່ອລະກ້າວ ແລະ ແລກປ່ຽນປະສົບການລະຫວ່າງທ່ານໝໍຜ່າຕັດຂອງລາວດ້ວຍກັນ ແລະ ຕ່າງປະເທດ. ວິຊາສັນລະຍະສາດ ຫຼື ຜ່າຕັດ ແມ່ນຂະແໜງການສຳຄັນແລະຂາດບໍ່ໄດ້ໃນວຽກງານສາທາລະນະສຸກ,ລັດຖະບານໄດ້ລົງທຶນມະຫາສານໃນການກໍ່ສ້າງພື້ນຖານໂຄງລ່າງ ແລະ ຕອບສະໜອງອຸປະກອນການແພດຜ່າຕັດຕາມທ່າແຮງແລະຄວາມສາມາດຂອງແຕ່ລະແຂວງ, ປະເທດເຮົາຢູ່ທຸກແຂວງກໍມີນັກວິຊາການຜ່າຕັດ, ການສ້າງຕັ້ງສະມາຄົມສັນລະຍະແພດທີ່ໄດ້ເປັນສູນກາງໃນທ້ອນໂຮມການສ້າງຄວາມເຂັ້ມແຂງແກ່ວິຊາຜ່າຕັດ, ສ້າງຄວາມເຂັ້ມແຂງແກ່ການກໍ່ສ້າງພັດທະນາວິຊາການ, ຮ່ວມມືກັບສາກົນ, ກຳນົດບຸລິມະສິດໃນການຈັດສັນຕາໜ່າງການບໍລິການວິຊາການໃນແຕ່ລະເຂດ, ລວມທັງພັດທະນາຫຼັກສູດການຮຽນການສອນໃນ ມະຫາວິທະຍາໄລວິທະຍາສາດສຸຂະພາບ(ມວສ).ມາຮອດປັດຈຸບັນເຫັນໄດ້ວ່າສະມາຄົມສັນລະຍະແພດໄດ້ມີການເຕີບໃຫຍ່ຂະຫຍາຍຕົວທັງປະລິມານແລະຄຸນນະພາບ, ຈຳນວນສະມາຊິກໄດ້ມີຈຳນວນເພີ່ມຂຶ້ນ ໄດ້ມີການພັດທະນາຫຼັກສູດຫຼັງມະຫາພາຍໃນປະເທດຊຶ່ງແຕ່ລະປີກໍມີນັກວິຊາການທີ່ມີຄວາມຮູ້ຄວາມສາມາດສຳເລັດການສຶກສາຮັບໃຊ້ສັງຄົມໄດ້ມີການແລກປ່ຽນພົວພັນ ແລະ ກໍ່ສ້າງວິຊາການກັບບັນດາປະເທດໃນພາກພື້ນແລະສາກົນຫຼາຍຂຶ້ນ.
ປະຊຸມຄັ້ງນີ້ ນອກຈາກຈະເປັນການສ້າງຄວາມສາມັກຄີ, ການຖອດຖອນບົດຮຽນປະສົບການຈາກຜູ້ເຂົ້າຮ່ວມຈາກທົ່ວປະເທດແລ້ວ ຍັງຈະໄດ້ຟັງການນຳສະເໜີໃນການອັບເດດວິທະຍາການເຕັກນິກອັນໃໝ່, ການຄົ້ນພົບໃໝ່ທາງວິຊາການທີ່ຍັງຕ້ອງຮຽນຮູ້ພັດທະນາຕົນເອງເພື່ອຍົກສູງຄຸນນະພາບຂອງວຽກງານສັນລະຍະສາດຂອງປະເທດໃຫ້ເທົ່າທຽມກັບພາກພື້ນ ສາມາດຮຽນຮູ້ວິທະຍາການອັນໃໝ່ເພື່ອໃຫ້ເກີດມີພາຍໃນປະເທດ.
ຂ່າວ-ພາບ: ຍຸພິນທອງ
ຄໍາເຫັນ