 |
ພິທີມອບ-ຮັບລົດດັ່ງກ່າວໄດ້ຈັດຂຶ້ນໃນວັນທີ 9 ກໍລະກົດນີ້ ທີ່ສະຖາບັນເລືອດ ແຫ່ງຊາດ ໂດຍແມ່ນ ທ່ານ ນາງ ບີນີຕາ ໂປ່ ເດ່ວ ຜູ້ຕາງໜ້າອົງການກາແດງສະວິດສ ປະຈຳ ສປປ ລາວ ເປັນຜູ້ກ່າວມອບ ແລະ ທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ ເປັນຜູ້ກ່າວຮັບ ແລະ ມີພາກສ່ວນທີ່ກ່ຽວຂ້ອງເຂົ້າຮ່ວມ.
ລົດທີ່ມາມອບໃຫ້ຄັ້ງນີ້ມີລົດຈິບ Toyota Fortuner 1 ຄັນ ແລະ ລົດຕູ້ Toyota HIACE 2 ຄັນ ລວມມູນຄ່າທັງໝົດ 116,500 ໂດລາ ແລະ ຈະມອບໃຫ້ ສະຖາບັນເລືອດແຫ່ງຊາດ, ອົງການກາແດງແຫ່ງຊາດລາວ, ສູນເລືອດແຂວງໄຊສົມບູນ ແລະ ສູນເລືອດແຂວງເຊກອງ ເພື່ອເສີມສ້າງຂີດຄວາມສາມາດໃນການອອກຮັບບໍລິຈາກ ເລືອດເຄື່ອນທີ່ໃນເຂດເປົ້າໝາຍດັ່ງກ່າວ, ປັດຈຸບັນ, ຫຼາຍກວ່າ 80% ຂອງການບໍລິຈາກເລືອດໃນ ສປປ ລາວ ແມ່ນ ໄດ້ຮັບຈາກການອອກໜ່ວຍຮັບບໍລິຈາກເລືອດເຄື່ອນທີ່ ຊຶ່ງລົດທີ່ໄດ້ຮັບຄັ້ງນີ້ຈະປະກອບສ່ວນເຮັດໃຫ້ການອອກຮັບບໍລິຈາກເລືອດໄດ້ຢ່າງກວ້າງຂວາງ ໂດຍສະເພາະໃນຊຸມຊົນເຂດຫ່າງໄກສອກຫຼີກ ແລະ ຊຸມຊົນຜູ້ດ້ອຍໂອກາດ.
ທ່ານ ຈັນທະລາ ສຸກສາຄອນ ກ່າວວ່າ: ລົດທີ່ໄດ້ຮັບຄັ້ງນີ້ແມ່ນເປັນຊັບສິນອັນລ້ຳຄ່າຂອງ ທີມອອກໜ່ວຍຮັບບໍລິຈາກເລືອດເຄື່ອນທີ່ຂອງພວກເຮົາຈະຊ່ວຍໃຫ້ພວກເຮົາຂະຫຍາຍການເຂົ້າເຖິງ ແລະ ດໍາເນີນງານໄດ້ຢ່າງມີປະສິດທິພາບຫຼາຍຂຶ້ນ ທັງໃນລະດັບຂັ້ນສູນກາງ ແລະ ຂັ້ນແຂວງທີ່ການອອກຮັບບໍລິຈາກ ເລືອດມີອຸປະສັກ ຊຶ່ງຕ້ອງການພາຫະນະໃນການອອກຮັບບໍລິຈາກເລືອດເຄື່ອນທີ່ຢ່າງເປັນປົກກະຕິ.
ທ່ານ ນາງ ບີນີຕາ ໂປ່ເດ່ວ ກ່າວວ່າ: ການມອບຮັບພາຫະນະຄັ້ງນີ້ສະແດງ ໃຫ້ເຫັນເຖິງຄວາມມຸ່ງໝັ້ນຮ່ວມກັນຂອງພວກເຮົາໃນການສ້າງຄວາມເຂັ້ມແຂງໃຫ້ແກ່ ວຽກງານປຸລະດົມບໍລິຈາກເລືອດ ແລະ ສະໜອງເລືອດປອດໄພໃນຂອບເຂດທົ່ວປະເທດ. ນອກຈາກການສະໜັບສະໜູນທາງດ້ານສິ່ງອຳນວຍຄວາມສະດວກແລ້ວ, ພວກເຮົາຍັງມີ ເປົ້າໝາຍທີ່ຈະເຮັດວຽກຮ່ວມກັນກັບອົງການກາແດງແຫ່ງຊາດລາວຢ່າງໃກ້ຊິດເພື່ອສ້າງຂີດຄວາມສາ ມາດທາງດ້ານວິຊາການ, ແລກປ່ຽນບົດຮຽນ ແລະ ປະກອບສ່ວນສະໜັບສະໜູນເຂົ້າໃນລະບົບວຽກ ງານເລືອດແຫ່ງຊາດໃຫ້ມີຄວາມຍືນຍົງ ແລະ ເທົ່າທຽມກັນ.
ໃນໂອກາດດັ່ງກ່າວ, ທ່ານ ຄຳລາວັນ ຈັນທະລາວັນ ໄດ້ສະແດງຄວາມຂອບໃຈຕໍ່ອົງ ການກາແດງສະວິດສທີ່ໄດ້ສືບຕໍ່ຮ່ວມມືກັນ ແລະ ໃຫ້ການສະໜັບສະໜູນຕະຫຼອດມາ. ພາຫະນະເຫຼົ່າ ນີ້ຈະຊ່ວຍເພີ່ມຄວາມສາມາດໃນການປຸກລະດົມຂົນຂວາຍການບໍລິຈາກເລືອດໄດ້ເປັນຢ່າງຍິ່ງ ໂດຍ ສະເພາະໃນຊຸມຊົນທີ່ເຂົ້າເຖິງໄດ້ຍາກຖືເປັນບາດກ້າວສຳຄັນຕໍ່ການບັນລຸ ເປົ້າໝາຍຂອງພວກເຮົາ ໃນການຮັບບໍລິຈາກເລືອດເພື່ອເຮັດໃຫ້ມີການຄວບ ຄຸມເອົາພື້ນທີ່ຫຼາຍຂຶ້ນໃນ ຂອບເຂດທົ່ວປະເທດ, ການມອບ-ຮັບພາຫະນະໃນຄັ້ງນີ້ຖືເປັນ ບາດກ້າວສຳຄັນໃນການຮັບປະກັນວ່າ ການສະໜອງເລືອດທີ່ປອດໄພ, ທັນເວລາ ແລະ ເທົ່າທຽມກັນນັ້ນສາມາດເຂົ້າເຖິງໄດ້ສຳລັບທຸກຄົນຜູ້ ທີ່ຕ້ອງການ ໃນ ສປປ ລາວ.
(ຂ່າວ-ພາບ:ສຳນານ)
ຄໍາເຫັນ