 |
ສະຫາຍ ພັນໂທ ຄຳພັດ ປະພັດສິນ ຮອງຫົວໜ້າຫ້ອງພະລາທິການກອງພົນທີ 2 ໄດ້ຜ່ານບົດສະຫຼຸບໂຄງການກໍ່ສ້າງເຮືອນນອນ ບໍລິການປິ່ນປົວຄົນເຈັບ ຊຶ່ງໄດ້ເລີ່ມລົງມືກໍ່ສ້າງນັບແຕ່ວັນທີ 25 ທັນວາ 2025 ແລະ ໄດ້ສຳເລັດລົງໃນວັນທີ 25 ກັນຍາ 2026 ເປັນເວລາ 9 ເດືອນ, ໂດຍການອອກແບບຄິດໄລ່ຂອງພະແນກກໍ່ສ້າງ ຫ້ອງພະລາທິການກອງພົນທີ 2 ເປັນອາຄານຊັ້ນດຽວ ຂະໜາດ 10,5 ແມັດ x 44 ແມັດ, ມີ 11 ຫ້ອງ ລວມມູນຄ່າການກໍ່ສ້າງທັງໝົດ 1,910,673,000 ກີບ. ໃນນັ້ນໄດ້ຮັບທຶນຊ່ວຍເຫຼືອຈາກກະຊວງປ້ອງກັນປະເທດຈໍານວນ 1,000,000,000 ກີບ, ແຂວງໄຊຍະບູລີ ຈໍານວນ 200,000,000 ກີບ ແລະ ທຶນຂອງກອງພົນ 710,673,000 ກີບ. ພ້ອມດຽວກັນນີ້, ກໍຍັງມີຫຼາຍພາກສ່ວນທີ່ໄດ້ນໍາເອົາວັດຖຸ ແລະ ອຸປະກອນການແພດ ມອບໃຫ້ໂຮງໝໍກອງພົນທີ 2.
ໂອກາດນີ້, ສະຫາຍ ພົນຈັດຕະວາ ຄຳຜິວ ມະນີວົງ ໄດ້ສະແດງຄວາມຍ້ອງຍໍຊົມເຊີຍຕໍ່ພະນັກງານວິຊາການກໍ່ສ້າງ ທຸກພາກສ່ວນທີ່ໄດ້ເອົາໃຈໃສ່ທຸ້ມເທກຳລັງ ແລະ ສະຕິບັນຍາເຂົ້າໃນການກໍ່ສ້າງຈົນສຳເລັດ ພ້ອມທັງຮຽກຮ້ອງໃຫ້ຄະນະພັກ-ຄະນະບັນຊາໂຮງໝໍກອງພົນທີ 2 ຈົ່ງເອົາໃຈໃສ່ສຶກສາອົບຮົມໃຫ້ພະນັກງານ-ນັກຮົບ ຢູ່ໃນກົມກອງຈົ່ງຊ່ວຍກັນປົກປັກຮັກສາອາຄານ, ລະບົບໄຟຟ້າ, ນໍ້າປະປາ ຕະຫຼອດຮອດອຸປະກອນຕ່າງໆ ທີ່ໄດ້ປະກອບຢູ່ໃນອາຄານໃຫ້ສາມາດນໍາໃຊ້ໄດ້ຍາວນານ, ພ້ອມທັງເປີດປ້າຍພິທີມອບ-ຮັບເຮືອນນອນບໍລິການປິ່ນປົວຄົນເຈັບຫຼັງໃໝ່ຂອງໂຮງໝໍກອງພົນທີ 2 ຢ່າງເປັນທາງການ. ໂອກາດນີ້, ຍັງມີຫຼາຍພາກສ່ວນທີ່ໄດ້ນໍາເອົາວັດຖຸປັດໄຈ ແລະ ອຸປະກອນການແພດມອບໃຫ້ໂຮງໝໍກອງພົນທີ 2 ຕື່ມອີກ.
ຂ່າວ: ສຸວັນໂນ ທະລັງສີ
ຄໍາເຫັນ