ໂດຍ: ບິກໄຊ ສົມພູ
ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ທີ່ຈະມາເຖິງນີ້ ໃຫ້ເປັນຂະບວນການຟົດຟື້ນກວ້າງຂວາງ, ກອງພົນທີ 1ໄດ້ສຸມໃສ່ສ້າງຂະບວນການເຄື່ອນໄຫວວຽກງານຮອບດ້ານ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ເປັນຕົ້ນສຸມໃສ່ວຽກງານຂະບວນການເຮັດໃຫ້ສະພາບມີຄວາມສະຫງົບ, ຂະບວນການປັບປຸງກໍ່ສ້າງກຳລັງ-ກໍ່ສ້າງພັກ-ພະນັກງານ, ຂະບວນການປັບປຸງກໍ່ສ້າງກົມກອງວັດທະນະທຳ, ນັກຮົບວັດທະນະທຳ, ວຽກງານການພົວພັນຮ່ວມມືກັບບັນດາກົມກອງເພື່ອນ ແລະ ຂະບວນການອື່ນໆ ທີ່ຕິດພັນກັບໜ້າທີ່ການເມືອງຂອງຕົນ.
ສະຫາຍ ພົນຈັດຕະວາ ວົງຈັນ ພັນຈັນທະມານ ເລຂາຄະນະພັກ ຫົວໜ້າການເມືອງ ກອງພົນທີ 1ໄດ້ໃຫ້ສຳພາດວ່າ: ພາຍຫຼັງໄດ້ຮັບຄຳສັ່ງແນະນຳຂອງກະຊວງປ້ອງກັນປະເທດກ່ຽວກັບການຈັດຕັ້ງສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ຄຳສັ່ງແນະນຳຂອງກົມໃຫຍ່ເສນາທິການກອງທັບ.ສະນັ້ນ ຄະນະພັກ, ຄະນະບັນຊາກອງພົນ ຈຶ່ງໄດ້ຮີບຮ້ອນສ້າງແຜນການອະນຸມັດຈາກກະຊວງປ້ອງກັນປະເທດ ເພື່ອເປີດກອງປະຊຸມຈັດຕັ້ງເຜີຍແຜ່ເຊື່ອມຊຶມ, ແຕ່ງຕັ້ງມອບໝາຍໜ້າທີ່ໃຫ້ບັນດາສະຫາຍຄະນະຮັບຜິດຊອບ, ອະນຸກຳມະການ ເພື່ອຫ້າງຫາກະກຽມສຸມໃສ່ສ້າງຂະບວນການວຽກງານຮອບດ້ານ ເພື່ອເຄື່ອນໄຫວຕ້ອນຮັບວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີໃຫ້ເປັນຂະບວນການຟົດຟື້ນຕໍ່ເນື່ອງຊຶ່ງມາຮອດປັດຈຸບັນບັນດາກົມກອງໃນທົ່ວກອງພົນໄດ້ພ້ອມກັນສຸມໃສ່ການສ້າງຂະບວນການດ້ານຕ່າງໆ ທີ່ພົ້ນເດັ່ນແມ່ນຂະບວນການປັບປຸງກໍ່ສ້າງກົມກອງໃຫ້ກາຍເປັນກົມກອງປອດໃສ, ເຂັ້ມແຂງ, ໜັກແໜ້ນ, ເປັນກົມກອງວັດທະນະທຳ, ນັກຮົບວັດທະນະທຳ, ຫັນເອົາກົມກອງເຂົ້າສູ່ລະບຽບແບບແຜນທີ່ທັນສະໄໝຂອງກອງທັບວາງອອກ ເພື່ອຮັບປະກັນທາງດ້ານຄຸນນະພາບເປັນກ້າວໆ. ພ້ອມກັນນັ້ນຍັງໄດ້ເອົາໃຈໃສ່ເປັນສຳຄັນຕໍ່ວຽກງານເຮັດໃຫ້ສະພາບມີຄວາມສະຫງົບ, ມີຄວາມເປັນລະບຽບຮຽບຮ້ອຍຂອງກົມກອງ, ສຸມໃສ່ການປະດັບປະດາຄ້າຍໃຫ້ມີຄວາມເປັນລະບຽບສະອາດຈົບງາມ.
ສິ່ງສຳຄັນສຸມໃສ່ຂະບວນການວຽກງານຮັບປະກັນເຮັດໃຫ້ຂອບເຂດກອງພົນຮັບຜິດຊອບມີຄວາມສະຫງົບ ໃນນີ້ໄດ້ຫັນເອົາກຳລັງລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕາມ 4 ເນື້ອໃນ 4 ຄາດໝາຍ ທີ່ກົມການເມືອງສູນກາງພັກວາງອອກ, ໃນການເຄື່ອນໄຫວແກ້ໄຂສະພາບທີ່ຈະພາໃຫ້ເກີດຄວາມບໍ່ສະຫງົບ, ປ້ອງກັນເປົ້າໝາຍຍຸດທະສາດທີ່ສຳຄັນໃຫ້ມີຄວາມສະຫງົບປອດໄພ, ຈັດຕັ້ງລະບົບປະຈຳການ ກຽມພ້ອມສູ້ຮົບຕ້ານພະຍາດລະບາດ ແລະ ກອບກູ້ໄພພິບັດທາງທຳມະຊາດທີ່ເກີດຂຶ້ນ ແລະ ອາດຈະເກີດຂຶ້ນ. ນອກຈາກນັ້ນຍັງໄດ້ສຸມໃສ່ຂະບວນການປັບປຸງກໍ່ສ້າງກຳລັງ ໂດຍຖືເອົາການສຶກສາອົບຮົມການເມືອງນຳພາແນວຄິດໃຫ້ແກ່ນາຍ ແລະ ພົນທະຫານຮັບຮູ້ເຂົ້າໃຈ ຢ່າງເລິກເຊິ່ງຕໍ່ແນວທາງແຜນນະໂຍບາຍຂອງພັກ, ກົດໝາຍຂອງລັດ ແລະ ຂໍ້ກຳນົດກົດລະບຽບຂອງກອງທັບ, ເອົາໃຈໃສ່ປັບປຸງການຈັດຕັ້ງພັກ, ການກໍ່ສ້າງພັກພະນັກງານ ແລະ ອົງການຈັດຕັ້ງມະຫາຊົນໃຫ້ມີຄວາມຮັບຮູ້-ເຂົ້າໃຈຕາມ ທີ່ຂັ້ນເທິງໄດ້ກຳນົດ, ເອົາໃຈໃສ່ປະຕິບັດວຽກງານນະໂຍບາຍດ້ານຕ່າງໆຕໍ່ນາຍ ແລະ ພົນທະຫານໂດຍສະເພາະ ຕໍ່ຜູ້ທີ່ມີຜົນງານດີເດັ່ນກໍຄືຜູ້ເຈັບເປັນ ແລະ ອື່ນໆ,ສຸມໃສ່ການຝຶກແອບຮ່ຳຮຽນ ປັບປຸງລະບຽບແບບແຜນ,ຝຶກຝົນຫຼໍ່ຫຼອມກຳລັງແຮງກາຍໃຫ້ແກ່ພະນັກງານ,ນັກຮົບຢ່າງທົ່ວເຖິງ,ສຸມໃສ່ຍູ້ແຮງຂະບວນການແກ້ໄຂຊີວິດການເປັນຢູ່, ວຽກງານພາລາທິການ, ເຕັກນິກແນໃສ່ເຮັດໃຫ້ຊິວີດການເປັນຢູ່ຂອງພະນັກງານ-ນັກຮົບຂອງກົມກອງດີຂຶ້ນ, ເພື່ອຮັບປະກັນດ້ານສຸຂະພາບ ແລະ ກຽມພ້ອມຮັບໃຊ້ໜ້າທີ່ການເມືອງຂອງຕົນ, ໄປຄຽງຄູ່ກັນນີ້ ຍັງໄດ້ເອົາໃຈໃສ່ປັບປຸງກໍ່ສ້າງ ແລະ ສ້ອມແປງທີ່ຢູ່ອາໄສຂອງບັນດາກົມກອງໃຫ້ເປັນລະບົບ.ຈຸດໜັກເລັ່ງໃສ່ການສ້ອມແປງບ່ອນພັກເຊົາ: ຫ້ອງການເຮັດວຽກ, ເຮືອນຮັບແຂກ, ເຮືອນນອນພະນັກງານ-ນັກຮົບ, ເຮືອນຄົວກິນເຂົ້າລວມໝູ່ ເຫັນວ່າມີຄວາມແໜ້ນໜາຖາວອນ, ຈົບງາມ ໂດຍໝູນໃຊ້ທ່າແຮງບົ່ມຊ້ອນຂອງກົມກອງທີ່ມີ ແລະ ປັດໄຈຊ່ວຍເຫຼືອຈາກຂັ້ນເທິງ ແລະ ບັນດາບໍລິສັດຕ່າງໆ.
ສໍາລັບການພົວພັນ ແລະ ຮ່ວມມື ໄດ້ປະຕິບັດຕາມແນວທາງການຕ່າງປະເທດຂອງພັກ ໃນນັ້ນໄດ້ພົວພັນກັບເພື່ອນມິດພາຍໃນ ແລະ ຕ່າງປະເທດ ເພື່ອແລກປ່ຽນບົດຮຽນກັບກົມກອງແຮກສ່ຽວ ໂດຍສະເພາະກັບກອງພົນ 324 ກອງບັນຊາການທະຫານເຂດ 4 ກອງທັບປະຊາຊົນຫວຽດນາມ, ແລກປ່ຽນບົດຮຽນ, ສົ່ງສານອວຍພອນຊຶ່ງກັນ ແລະ ກັນກັບສ່ຽວກອງພົນທີ 2, ກອງພົນທີ 3, ວິທະຍາຄານພາລາທິການກອງທັບ, ກອງພັນໃຫຍ່ 703 ແລະ ໂຮງງານຊິມັງລາວວັງວຽງທັງ 3 ຫຼັງຢ່າງເປັນປົກກະຕິ.
ເນື່ອງໃນໂອກາດກະກຽມສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ສະຫາຍ ຫົວໜ້າການເມືອງກອງພົນທີ 1 ໄດ້ສະແດງທັດສະນະຂອງຕົນວ່າ: 75 ປີ ແຫ່ງການເຕີບໃຫຍ່ຂະຫຍາຍຕົວຂອງກອງທັບ, ຂ້າພະເຈົ້າມີຄວາມຮູ້ສຶກພາກພູມໃຈເປັນຢ່າງຍິ່ງ ແລະ ມີຄວາມອາໄລຮັກ ແລະ ຮູ້ບຸນຄຸນຢ່າງເລິກເຊິ່ງຕໍ່ປະທານ ໄກສອນ ພົມວິຫານ ຜູ້ສ້າງຕັ້ງພັກປະຊາຊົນປະຕິວັດລາວ, ຜູ້ສ້າງຕັ້ງ ແລະ ຊີ້ນໍາ-ບັນຊາກອງທັບປະຊາຊົນລາວ, ສະແດງຄວາມຮູ້ບຸນຄຸນ ແລະ ອາໄລເຖິງບັນດາທ່ານຜູ້ນໍາພັກ-ລັດທີ່ໄດ້ເສຍສະຫຼະຊີວິດ ແລະ ເລືອດເນື້ອ ເພື່ອພາລະກິດຕໍ່ສູ້ປົດປ່ອຍຊາດ ແລະ ພາລະກິດປົກປັກຮັກສາ, ສ້າງສາປະເທດຊາດ. ການປັບປຸງການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ເປັນເຫດການໆເມືອງຄັ້ງປະຫວັດສາດຂອງຊາດລາວ, ເປັນຂີດໝາຍສໍາຄັນແຫ່ງການເປີດສັງກັດໃໝ່ໃຫ້ແກ່ຂະບວນການຕໍ່ສູ້ ປະຕິວັດຂອງປະຊາຊົນລາວໄດ້ເຕີບໃຫຍ່ຂະຫຍາຍຕົວ, ແມ່ນການຕອບສະໜອງກັບຄວາມຮຽກຮ້ອງຕ້ອງການຂອງປະເທດຊາດເພື່ອສ້າງກອງທັບ ໃຫ້ກາຍເປັນກຳລັງຫຼັກແຫຼ່ງໃນພາລະກິດຕໍ່ສູ້ປົດປ່ອຍຊາດກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດເປັນໝາກຜົນ ຂອງການປະຕິວັດໄວ້ໃຫ້ໝັ້ນຄົງ ແລະ ເປັນກຳລັງຫຼັກແຫ່ງຊາດເພື່ອຄວາມສົມບູນພູນສຸກ ແລະ ຄວາມວັດທະນະຖາວອນຂອງປະເທດຊາດຢ່າງແທ້ຈິງ. ຕະຫຼອດໄລຍະ 75 ປີແຫ່ງການກຳເນີດເຕີບໃຫຍ່ຂະຫຍາຍຕົວ ແລະ ເຮັດສຳເລັດໜ້າທີ່ຂອງກອງທັບປະຊາຊົນລາວເວລາໃດກໍຍັງຮັກສາໄດ້ທາດແທ້ມູນເຊື້ອອັນດີງານ, ມີຄວາມຈົງຮັກພັກດີຕໍ່ປະເທດຊາດ ຕໍ່ປະຊາຊົນ, ມີນໍ້າໃຈພິລະອາດຫານທົນທານໜຽວແໜ້ນ, ດຸໝັ່ນຂະຫຍັນພຽນ ມີຄວາມສາມັກຄີກັບປະຊາຊົນບັນດາເຜົ່າຄືປາກັບນໍ້າ, ໄປພ້ອມກັບນໍ້າໃຈສາມັກຄີສາກົນອັນຜ່ອງໃສ ແລະ ມີປະຊາທິປະໄຕ, ມີລະບຽບວິໄນເຂັ້ມງວດ; ສົມແລ້ວທີ່ເປັນກອງທັບປະຊາຊົນລາວ ເກີດມາຈາກປະຊາຊົນ, ສູ້ຮົບເພື່ອຜົນປະໂຫຍດຂອງປະຊາຊົນບັນດາເຜົ່າ, ດ້ວຍຜົນງານອັນໃຫຍ່ ຫຼວງພັກ-ລັດຈຶ່ງໄດ້ສັນລະເສີນມອບນາມມະຍົດໃຫ້ກອງທັບເຮົາເປັນກອງທັບວິລະຊົນຂອງຊາດລາວວິລະຊົນ.
ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີທີ່ຈະໝູນວຽນມາບັນຈົບຄົບຮອບໃນມໍ່ໆນີ້ ຂ້າພະເຈົ້າຂໍອວຍພອນໄຊອັນປະເສີດມາຍັງຜູ້ນໍາພັກ-ລັດ, ຄະນະນໍາກະຊວງປ້ອງກັນປະເທດຈົ່ງມີສຸຂະພາບເຂັ້ມແຂງສືບຕໍ່ຊີ້ນໍາ-ນໍາພາປະເທດຊາດກ້າວສູ່ເສັ້ນທາງສະຫວ່າງສະໄຫວ, ນໍາພາກອງທັບເຮົາກ້າວຂຶ້ນຢ່າງບໍ່ຢຸດຢັ້ງ.
ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ທີ່ຈະມາເຖິງນີ້ ໃຫ້ເປັນຂະບວນການຟົດຟື້ນກວ້າງຂວາງ, ກອງພົນທີ 1ໄດ້ສຸມໃສ່ສ້າງຂະບວນການເຄື່ອນໄຫວວຽກງານຮອບດ້ານ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ເປັນຕົ້ນສຸມໃສ່ວຽກງານຂະບວນການເຮັດໃຫ້ສະພາບມີຄວາມສະຫງົບ, ຂະບວນການປັບປຸງກໍ່ສ້າງກຳລັງ-ກໍ່ສ້າງພັກ-ພະນັກງານ, ຂະບວນການປັບປຸງກໍ່ສ້າງກົມກອງວັດທະນະທຳ, ນັກຮົບວັດທະນະທຳ, ວຽກງານການພົວພັນຮ່ວມມືກັບບັນດາກົມກອງເພື່ອນ ແລະ ຂະບວນການອື່ນໆ ທີ່ຕິດພັນກັບໜ້າທີ່ການເມືອງຂອງຕົນ.
ສະຫາຍ ພົນຈັດຕະວາ ວົງຈັນ ພັນຈັນທະມານ ເລຂາຄະນະພັກ ຫົວໜ້າການເມືອງ ກອງພົນທີ 1ໄດ້ໃຫ້ສຳພາດວ່າ: ພາຍຫຼັງໄດ້ຮັບຄຳສັ່ງແນະນຳຂອງກະຊວງປ້ອງກັນປະເທດກ່ຽວກັບການຈັດຕັ້ງສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ຄຳສັ່ງແນະນຳຂອງກົມໃຫຍ່ເສນາທິການກອງທັບ.ສະນັ້ນ ຄະນະພັກ, ຄະນະບັນຊາກອງພົນ ຈຶ່ງໄດ້ຮີບຮ້ອນສ້າງແຜນການອະນຸມັດຈາກກະຊວງປ້ອງກັນປະເທດ ເພື່ອເປີດກອງປະຊຸມຈັດຕັ້ງເຜີຍແຜ່ເຊື່ອມຊຶມ, ແຕ່ງຕັ້ງມອບໝາຍໜ້າທີ່ໃຫ້ບັນດາສະຫາຍຄະນະຮັບຜິດຊອບ, ອະນຸກຳມະການ ເພື່ອຫ້າງຫາກະກຽມສຸມໃສ່ສ້າງຂະບວນການວຽກງານຮອບດ້ານ ເພື່ອເຄື່ອນໄຫວຕ້ອນຮັບວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີໃຫ້ເປັນຂະບວນການຟົດຟື້ນຕໍ່ເນື່ອງຊຶ່ງມາຮອດປັດຈຸບັນບັນດາກົມກອງໃນທົ່ວກອງພົນໄດ້ພ້ອມກັນສຸມໃສ່ການສ້າງຂະບວນການດ້ານຕ່າງໆ ທີ່ພົ້ນເດັ່ນແມ່ນຂະບວນການປັບປຸງກໍ່ສ້າງກົມກອງໃຫ້ກາຍເປັນກົມກອງປອດໃສ, ເຂັ້ມແຂງ, ໜັກແໜ້ນ, ເປັນກົມກອງວັດທະນະທຳ, ນັກຮົບວັດທະນະທຳ, ຫັນເອົາກົມກອງເຂົ້າສູ່ລະບຽບແບບແຜນທີ່ທັນສະໄໝຂອງກອງທັບວາງອອກ ເພື່ອຮັບປະກັນທາງດ້ານຄຸນນະພາບເປັນກ້າວໆ. ພ້ອມກັນນັ້ນຍັງໄດ້ເອົາໃຈໃສ່ເປັນສຳຄັນຕໍ່ວຽກງານເຮັດໃຫ້ສະພາບມີຄວາມສະຫງົບ, ມີຄວາມເປັນລະບຽບຮຽບຮ້ອຍຂອງກົມກອງ, ສຸມໃສ່ການປະດັບປະດາຄ້າຍໃຫ້ມີຄວາມເປັນລະບຽບສະອາດຈົບງາມ.
ສິ່ງສຳຄັນສຸມໃສ່ຂະບວນການວຽກງານຮັບປະກັນເຮັດໃຫ້ຂອບເຂດກອງພົນຮັບຜິດຊອບມີຄວາມສະຫງົບ ໃນນີ້ໄດ້ຫັນເອົາກຳລັງລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕາມ 4 ເນື້ອໃນ 4 ຄາດໝາຍ ທີ່ກົມການເມືອງສູນກາງພັກວາງອອກ, ໃນການເຄື່ອນໄຫວແກ້ໄຂສະພາບທີ່ຈະພາໃຫ້ເກີດຄວາມບໍ່ສະຫງົບ, ປ້ອງກັນເປົ້າໝາຍຍຸດທະສາດທີ່ສຳຄັນໃຫ້ມີຄວາມສະຫງົບປອດໄພ, ຈັດຕັ້ງລະບົບປະຈຳການ ກຽມພ້ອມສູ້ຮົບຕ້ານພະຍາດລະບາດ ແລະ ກອບກູ້ໄພພິບັດທາງທຳມະຊາດທີ່ເກີດຂຶ້ນ ແລະ ອາດຈະເກີດຂຶ້ນ. ນອກຈາກນັ້ນຍັງໄດ້ສຸມໃສ່ຂະບວນການປັບປຸງກໍ່ສ້າງກຳລັງ ໂດຍຖືເອົາການສຶກສາອົບຮົມການເມືອງນຳພາແນວຄິດໃຫ້ແກ່ນາຍ ແລະ ພົນທະຫານຮັບຮູ້ເຂົ້າໃຈ ຢ່າງເລິກເຊິ່ງຕໍ່ແນວທາງແຜນນະໂຍບາຍຂອງພັກ, ກົດໝາຍຂອງລັດ ແລະ ຂໍ້ກຳນົດກົດລະບຽບຂອງກອງທັບ, ເອົາໃຈໃສ່ປັບປຸງການຈັດຕັ້ງພັກ, ການກໍ່ສ້າງພັກພະນັກງານ ແລະ ອົງການຈັດຕັ້ງມະຫາຊົນໃຫ້ມີຄວາມຮັບຮູ້-ເຂົ້າໃຈຕາມ ທີ່ຂັ້ນເທິງໄດ້ກຳນົດ, ເອົາໃຈໃສ່ປະຕິບັດວຽກງານນະໂຍບາຍດ້ານຕ່າງໆຕໍ່ນາຍ ແລະ ພົນທະຫານໂດຍສະເພາະ ຕໍ່ຜູ້ທີ່ມີຜົນງານດີເດັ່ນກໍຄືຜູ້ເຈັບເປັນ ແລະ ອື່ນໆ,ສຸມໃສ່ການຝຶກແອບຮ່ຳຮຽນ ປັບປຸງລະບຽບແບບແຜນ,ຝຶກຝົນຫຼໍ່ຫຼອມກຳລັງແຮງກາຍໃຫ້ແກ່ພະນັກງານ,ນັກຮົບຢ່າງທົ່ວເຖິງ,ສຸມໃສ່ຍູ້ແຮງຂະບວນການແກ້ໄຂຊີວິດການເປັນຢູ່, ວຽກງານພາລາທິການ, ເຕັກນິກແນໃສ່ເຮັດໃຫ້ຊິວີດການເປັນຢູ່ຂອງພະນັກງານ-ນັກຮົບຂອງກົມກອງດີຂຶ້ນ, ເພື່ອຮັບປະກັນດ້ານສຸຂະພາບ ແລະ ກຽມພ້ອມຮັບໃຊ້ໜ້າທີ່ການເມືອງຂອງຕົນ, ໄປຄຽງຄູ່ກັນນີ້ ຍັງໄດ້ເອົາໃຈໃສ່ປັບປຸງກໍ່ສ້າງ ແລະ ສ້ອມແປງທີ່ຢູ່ອາໄສຂອງບັນດາກົມກອງໃຫ້ເປັນລະບົບ.ຈຸດໜັກເລັ່ງໃສ່ການສ້ອມແປງບ່ອນພັກເຊົາ: ຫ້ອງການເຮັດວຽກ, ເຮືອນຮັບແຂກ, ເຮືອນນອນພະນັກງານ-ນັກຮົບ, ເຮືອນຄົວກິນເຂົ້າລວມໝູ່ ເຫັນວ່າມີຄວາມແໜ້ນໜາຖາວອນ, ຈົບງາມ ໂດຍໝູນໃຊ້ທ່າແຮງບົ່ມຊ້ອນຂອງກົມກອງທີ່ມີ ແລະ ປັດໄຈຊ່ວຍເຫຼືອຈາກຂັ້ນເທິງ ແລະ ບັນດາບໍລິສັດຕ່າງໆ.
ສໍາລັບການພົວພັນ ແລະ ຮ່ວມມື ໄດ້ປະຕິບັດຕາມແນວທາງການຕ່າງປະເທດຂອງພັກ ໃນນັ້ນໄດ້ພົວພັນກັບເພື່ອນມິດພາຍໃນ ແລະ ຕ່າງປະເທດ ເພື່ອແລກປ່ຽນບົດຮຽນກັບກົມກອງແຮກສ່ຽວ ໂດຍສະເພາະກັບກອງພົນ 324 ກອງບັນຊາການທະຫານເຂດ 4 ກອງທັບປະຊາຊົນຫວຽດນາມ, ແລກປ່ຽນບົດຮຽນ, ສົ່ງສານອວຍພອນຊຶ່ງກັນ ແລະ ກັນກັບສ່ຽວກອງພົນທີ 2, ກອງພົນທີ 3, ວິທະຍາຄານພາລາທິການກອງທັບ, ກອງພັນໃຫຍ່ 703 ແລະ ໂຮງງານຊິມັງລາວວັງວຽງທັງ 3 ຫຼັງຢ່າງເປັນປົກກະຕິ.
ເນື່ອງໃນໂອກາດກະກຽມສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ສະຫາຍ ຫົວໜ້າການເມືອງກອງພົນທີ 1 ໄດ້ສະແດງທັດສະນະຂອງຕົນວ່າ: 75 ປີ ແຫ່ງການເຕີບໃຫຍ່ຂະຫຍາຍຕົວຂອງກອງທັບ, ຂ້າພະເຈົ້າມີຄວາມຮູ້ສຶກພາກພູມໃຈເປັນຢ່າງຍິ່ງ ແລະ ມີຄວາມອາໄລຮັກ ແລະ ຮູ້ບຸນຄຸນຢ່າງເລິກເຊິ່ງຕໍ່ປະທານ ໄກສອນ ພົມວິຫານ ຜູ້ສ້າງຕັ້ງພັກປະຊາຊົນປະຕິວັດລາວ, ຜູ້ສ້າງຕັ້ງ ແລະ ຊີ້ນໍາ-ບັນຊາກອງທັບປະຊາຊົນລາວ, ສະແດງຄວາມຮູ້ບຸນຄຸນ ແລະ ອາໄລເຖິງບັນດາທ່ານຜູ້ນໍາພັກ-ລັດທີ່ໄດ້ເສຍສະຫຼະຊີວິດ ແລະ ເລືອດເນື້ອ ເພື່ອພາລະກິດຕໍ່ສູ້ປົດປ່ອຍຊາດ ແລະ ພາລະກິດປົກປັກຮັກສາ, ສ້າງສາປະເທດຊາດ. ການປັບປຸງການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ເປັນເຫດການໆເມືອງຄັ້ງປະຫວັດສາດຂອງຊາດລາວ, ເປັນຂີດໝາຍສໍາຄັນແຫ່ງການເປີດສັງກັດໃໝ່ໃຫ້ແກ່ຂະບວນການຕໍ່ສູ້ ປະຕິວັດຂອງປະຊາຊົນລາວໄດ້ເຕີບໃຫຍ່ຂະຫຍາຍຕົວ, ແມ່ນການຕອບສະໜອງກັບຄວາມຮຽກຮ້ອງຕ້ອງການຂອງປະເທດຊາດເພື່ອສ້າງກອງທັບ ໃຫ້ກາຍເປັນກຳລັງຫຼັກແຫຼ່ງໃນພາລະກິດຕໍ່ສູ້ປົດປ່ອຍຊາດກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດເປັນໝາກຜົນ ຂອງການປະຕິວັດໄວ້ໃຫ້ໝັ້ນຄົງ ແລະ ເປັນກຳລັງຫຼັກແຫ່ງຊາດເພື່ອຄວາມສົມບູນພູນສຸກ ແລະ ຄວາມວັດທະນະຖາວອນຂອງປະເທດຊາດຢ່າງແທ້ຈິງ. ຕະຫຼອດໄລຍະ 75 ປີແຫ່ງການກຳເນີດເຕີບໃຫຍ່ຂະຫຍາຍຕົວ ແລະ ເຮັດສຳເລັດໜ້າທີ່ຂອງກອງທັບປະຊາຊົນລາວເວລາໃດກໍຍັງຮັກສາໄດ້ທາດແທ້ມູນເຊື້ອອັນດີງານ, ມີຄວາມຈົງຮັກພັກດີຕໍ່ປະເທດຊາດ ຕໍ່ປະຊາຊົນ, ມີນໍ້າໃຈພິລະອາດຫານທົນທານໜຽວແໜ້ນ, ດຸໝັ່ນຂະຫຍັນພຽນ ມີຄວາມສາມັກຄີກັບປະຊາຊົນບັນດາເຜົ່າຄືປາກັບນໍ້າ, ໄປພ້ອມກັບນໍ້າໃຈສາມັກຄີສາກົນອັນຜ່ອງໃສ ແລະ ມີປະຊາທິປະໄຕ, ມີລະບຽບວິໄນເຂັ້ມງວດ; ສົມແລ້ວທີ່ເປັນກອງທັບປະຊາຊົນລາວ ເກີດມາຈາກປະຊາຊົນ, ສູ້ຮົບເພື່ອຜົນປະໂຫຍດຂອງປະຊາຊົນບັນດາເຜົ່າ, ດ້ວຍຜົນງານອັນໃຫຍ່ ຫຼວງພັກ-ລັດຈຶ່ງໄດ້ສັນລະເສີນມອບນາມມະຍົດໃຫ້ກອງທັບເຮົາເປັນກອງທັບວິລະຊົນຂອງຊາດລາວວິລະຊົນ.
ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີທີ່ຈະໝູນວຽນມາບັນຈົບຄົບຮອບໃນມໍ່ໆນີ້ ຂ້າພະເຈົ້າຂໍອວຍພອນໄຊອັນປະເສີດມາຍັງຜູ້ນໍາພັກ-ລັດ, ຄະນະນໍາກະຊວງປ້ອງກັນປະເທດຈົ່ງມີສຸຂະພາບເຂັ້ມແຂງສືບຕໍ່ຊີ້ນໍາ-ນໍາພາປະເທດຊາດກ້າວສູ່ເສັ້ນທາງສະຫວ່າງສະໄຫວ, ນໍາພາກອງທັບເຮົາກ້າວຂຶ້ນຢ່າງບໍ່ຢຸດຢັ້ງ.
ຄໍາເຫັນ