ໃນໂອກາດນີ້, ທ່ານ ບຸນເຫຼືອ ພັນດານຸວົງ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການ ເຄື່ອນໄຫວວຽກງານ ແລະ ການປະກອບສ່ວນຊ່ວຍເຫຼືອສັງຄົມໃນໄລຍະຜ່ານມາຂອງ ກຸ່ມບໍລິສັດດັ່ງກ່າວ ແລະ ໄດ້ຕາງໜ້າໃຫ້ຄະນະພັກ-ຄະນະນຳ ແລະ ພະນັກງານຂອງ ຄຕພ ທັງໝົດ ສະແດງຄວາມຂອບ ໃຈຢ່າງສູງຕໍ່ ທ່ານ ລິດທິກອນ ພູມມະສັກ ປະທານກຸ່ມບໍລິສັດ ເອໄອເອັຟ ຈຳກັດ ທີ່ມີນໍ້າໃຈເອື້ອເຟື້ອເຜື່ອແຜ່ໃຫ້ການສະໜັບສະໜູນຊ່ວຍເຫຼືອແກ່ ຄຕພ ໃນຄັ້ງນີ້ ຊຶ່ງເປັນການສະແດງເຖິງການຮັບຮູ້ຄວາມສຳຄັນຂອງບົດບາດ ແລະ ໜ້າທີ່ ຂອງ ຄຕພ ໃນຖານະເປັນເສນາທິການໃຫ້ແກ່ ສູນກາງພັກ ທາງດ້ານວຽກງານຕ່າງປະເທດ ແລະ ໄດ້ເນັ້ນວ່າ ຈະຄຸ້ມຄອງ ແລະ ນຳໃຊ້ພາຫະນະດັ່ງກ່າວເຂົ້າໃນການເຄື່ອນ ໄຫວວຽກງານຂອງ ຄຕພ ໃຫ້ເກີດປະໂຫຍດສູງສຸດ. ພ້ອມດຽວກັນນີ້, ກໍໄດ້ອວຍພອນໃຫ້ ທ່ານ ລິດທິກອນ ພູມມະສັກ ພ້ອມດ້ວຍຄະນະ ຈົ່ງມີສຸຂະພາບແຂງແຮງ ແລະ ປະສົບຜົນສຳເລັດໃນໜ້າທີ່ວຽກງານຂອງຕົນທຸກປະການ, ພ້ອມທັງອວຍພອນໃຫ້ ກຸ່ມບໍລິສັດດັ່ງກ່າວ ດຳເນີນທຸລະກິດດ້ວຍຜົນສຳເລັດ ແລະ ເຕີບໃຫຍ່ຂະຫຍາຍຕົວຍິ່ງໆຂຶ້ນໄປ.
ກຸ່ມບໍລິສັດ AIF ເປັນກຸ່ມບໍລິສັດໜຶ່ງ ທີ່ມີຄວາມອາດສາມາດສູງ ແລະ ດຳເນີນທຸລະກິດດ້ວຍສະພາບຄ່ອງມາໂດຍຕະຫຼອດ, ປັດຈຸບັນ ມີບໍລິສັດໃນເຄືອຫຼາຍກວ່າ 35 ບໍລິສັດ ທີ່ດຳເນີນທຸລະກິດ ກວມເອົາຫຼາຍຂະແໜງການ ທັງພາຍໃນ ແລະ ຕ່າງປະເທດ ເຊັ່ນ: ການເງິນ-ການທະນາຄານ, ການກໍ່ສ້າງພື້ນຖານໂຄງລ່າງ, ການບໍລິການ, ການຄ້າ, ກະສິກຳ, ອະສັງຫາລິມະຊັບ, ການຂົນສົ່ງ, ພະລັງ ງານ, ໂທລະຄົມມະນາຄົມ, ໄອທີ ແລະ ການພັດທະນາຊັອຟແວ (Software) ແລະ ໄດ້ຮ່ວມຮັບໃຊ້ ບັນດາວຽກງານຫັນເປັນທັນສະໄໝ ໃຫ້ແກ່ພາກລັດໃນຫຼາຍຂະແໜງການ.
(ຂ່າວ: ຄຕພ; ພາບ: ສຳນານ)
ຄໍາເຫັນ