ພິທີມອບ-ຮັບ ມີຂຶ້ນເມື່ອວັນທີ 3 ສິງຫາຜ່ານມາ ທີ່ ແຂວງອັດຕະປື, ຕາງໜ້າບໍລິສັດ ກ່າວມອບໂດຍທ່ານ ແສງພະຈັນ ໂພທິສານ ແລະ ກ່າວຮັບໂດຍ ທ່ານ ລິດຄຳ ໂຮມອີນຕາ ຫົວໜ້າຫ້ອງວ່າການແຂວງ ໂດຍມີ ທ່ານ ທະນູໄຊ ບັນຊາລິດ ປະທານຄະນະກຳມະການປົກຄອງແຂວງ ແລະ ພະນັກງານກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.
ໂອກາດທີ່ມີຄວາມໝາຍສຳຄັນນີ້ ທ່ານ ທະນູໄຊ ບັນຊາລິດ ໄດ້ຕາງໜ້າຄະນະພັກຄະນະນຳແຂວງ ກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍຕໍ່ ກຸ່ມບໍລິສັດ ແສງອາລຸນ ທີ່ມີຄວາມເສຍສະຫຼະ ແລະ ເຫັນໄດ້ເຖິງຄວາມສຳຄັນຂອງວຽກງານລວມຂອງແຂວງ ກໍຄືວຽກງານປ້ອງກັນຊາຍແດນ. ພ້ອມທັງໃຫ້ຄຳໝັ້ນສັນຍາວ່ານຳເອົາລົດຈັກ ແລະ ງົບປະມານດັ່ງກ່າວໄປຊົມໃຊ້ໃຫ້ເກີດປະໂຫຍດສູງສຸດ ແລະ ຖືກຕ້ອງຕາມເປົ້າ.
ຂ່າວ: ວິໄລສັກ ແກ້ວຫຼວງໂຄດ
ຄໍາເຫັນ