ລາ​ຄາ​ຄຳໃນ​ຕະ​ຫຼາດ​ໂລກບັນລຸ​ຫຼາຍກວ່າ 5,000 ໂດ​ລາ​ຕໍ່ອອນ

ສຳນັກຂ່າວສານຊິນຮວາລາຍງານ ໃນວັນທີ 1 ກໍລະກົດ ຜ່ານມາວ່າ: ສື່ມວນຊົນທ້ອງຖິ່ນຂອງຍີ່ປຸ່ນລາຍງານວ່າ, ລັດຖະບານຍີ່ປຸ່ນໄດ້ເພີ່ມພາສີຂາອອກ ຫຼື ພາສີນັກທ່ອງທ່ຽວລະຫວ່າງປະເທດ ຈາກ 1,000 ເຢນ ເປັນ 3,000 ເຢນ ມີຜົນບັງຄັບໃຊ້ໃນວັນທີ 1 ກໍລະກົດ ເປັນຕົ້ນໄປ.

ສຳນັກຂ່າວສານຊິນຮວາລາຍງານໃນວັນທີ 30 ມິຖຸນາ ຜ່ານມາວ່າ: ກົມສ່ວຍສາອາກອນຂອງອິນໂດເນເຊຍໄດ້ປະກາດວ່າອິນໂດເນເຊຍຈະເລີ່ມຈັດຕັ້ງປະຕິບັດກົນໄກໃໝ່ສຳລັບການຫັກ ແລະ ໂອນພາສີລາຍໄດ້ມາດຕາ 22 ສຳລັບຜູ້ຄ້າຂາຍໃນແພລັດຟອນອອນລາຍ ເລີ່ມແຕ່ວັນທີ 1 ກໍລະກົດ ນີ້ເປັນຕົ້ນໄປ. ໂດຍກຳນົດແພລັດຟອມອີຄອມເມີຊເປັນຜູ້ຫັກ ແລະ ໂອນພາສີໃນນາມຂອງຜູ້ຄ້າ.

ວິທະຍຸກະຈາຍສຽງຫວຽດນາມລາຍງານໃນວັນທີ 1 ກໍລະກົດ ຜ່ານມາວ່າ: ຕາມ​ບົດ​ລາຍ​ງານ​ຊັບ​ສິນ​ທົ່ວ​ໂລກປີ 2026 ໂດຍ​ທະ​ນາ​ຄານ UBS ຂອງ ສະ​ວິດ ທີ່ປະ​ກາດ​ໃນ​ວັນ​ທີ 30 ມິ​ຖຸ​ນາ ຜ່ານມາ, ມີ​ເກືອບ 1 ລ້ານ​ຄົນ ໄດ້​ເຂົ້າ​ຮ່ວມ​ກຸ່ມ​ເສດ​ຖີ USD ໃນ​ປີ 2025, ເທົ່າ​ກັບ​ປະ​ມານ 2.600 ຄົນ​ຕໍ່​ວັນ ຊຶ່ງເປັນ​ລະ​ດັບ​ເພີ່ມ​ຂຶ້ນ​ສູງ​ສຸດ​ນັບ​ແຕ່​ກ່ອນ​ມາ​ຮອດ​ປັດ​ຈຸ​ບັນ.

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 1 ກໍລະກົດ ຜ່ານມາວ່າ: ງານວາງສະແດງ “ນຳພາຂະບວນການໃໝ່: ບົດນິພົນແນວຄິດສີຈິ້ນຜິງ ກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່” ໂດຍການເປັນເຈົ້າພາບຂອງສະຖາບັນຄົ້ນຄວ້າປະຫວັດສາດພັກ ແລະ ບົດນິພົນພັກຂອງສູນກາງພັກກອມມູນິດຈີນ ໄດ້ເປີດຂຶ້ນເມື່ອມໍ່ໆມານີ້ຢູ່ນະຄອນຫຼວງປັກກິ່ງ ຂອງຈີນ.

ວິທະຍຸກະຈາຍສຽງຫວຽດນາມລາຍງານວ່າ: ໃນ​ວັນ​ທີ 1 ກໍ​ລະ​ກົດ ຜ່ານມາ, ນະ​ຄອນໂຮ່​ຈິມິນ ໄດ້​ຈັດ​ພິ​ທີ​ເລີ່ມ​ລົງ​ມື​ກໍ່​ສ້າງ 8 ກິດ​ຈະ​ກຳ, ໂຄງ​ການ​ຈຸດ​ສຸມ ແນ​ໃສ່​ສະ​ເຫຼີມ​ສະຫຼອງ 50 ປີ ແຫ່ງວັນ​ນະ​ຄອນໄຊ​ງ່ອນ - ຢາ​ດິ້ງ ໃສ່​ຊື່​ປະ​ທານ ໂຮ່​ຈິ​ມິນ (2/7/1976 – 2/7/2026).

ຂ່າວຕ່າງປະເທດລາຍງານ ໃນວັນທີ 30 ມິຖຸນາ ຜ່ານມາວ່າ: ສະຫະລັດ ອາເມຣິກາ ກຳລັງປະເຊີນກັບຄື້ນຄວາມຮ້ອນທີ່ຮຸນແຮງຄ້າຍຄືກັບຫຼາຍປະເທດໃນເອີຣົບ. ໂດຍຫຼາຍລັດໄດ້ປະກາດມາດຕະການຮັບມື ຫຼັງຈາກອຸນຫະພູມ ແລະ ຄ່າດັດຊະນີຄວາມຮ້ອນໄດ້ເພີ່ມຂຶ້ນສູງກ່ອນວັນຊາດ ສະຫະລັດ ອາເມຣິກາ ໃນວັນທີ 4 ກໍລະກົດ.

ສຳນັກຂ່າວສານຊິນຮວາລາຍງານໃນວັນທີ 30 ມິຖຸນາ ຜ່ານມາວ່າ: ກະຊວງສາທາລະນະສຸກຂອງ ສາທາລະນະລັດ ປະຊາທິປະໄຕ ກອງໂກ ຫຼືDR Congo ໄດ້ລາຍງານວ່າ, ພະຍາດອີໂບລາໄດ້ແຜ່ລາມໄປສູ່ເຂດສຸຂະພາບມັນດີມາ ໃນແຂວງອິຕູຣີ ທາງພາກຕາເວັນອອກຂອງປະເທດ ຫຼັງຈາກກວດພົບຜູ້ຕິດເຊື້ອທີ່ຢືນຢັນແລ້ວໃນວັນທີ 26 ມິຖຸນາ ຜ່ານມາ.

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນ​ວັນ​ທີ 1 ກໍ​ລະ​ກົດ ນີ້, ພິ​ທີໂຮມ​ຊຸມ​ນຸມສະ​ເຫຼີມ​ສະຫຼອງວັນ​ສ້າງ​ຕັ້ງ​ພັກ​ກອມ​ມູ​ນິດ​ຈີນ​ ຄົບ​ຮອບ 105 ປີໄດ້​ຈັດ​ຂຶ້ນ​ຢູ່​ຫໍ​ສະ​ພາ​ປະ​ຊາ​ຊົນແຫ່ງ​ຊາດ​ ທີ່​ນະ​ຄອນຫຼວງ​ປັກ​ກິ່ງ. ທ່ານ ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ມູ​ນິດ​ ປະ​ທານ​ປະ​ເທດ​ຈີນ ປະ​ທານ​ຄະ​ນະ​ກຳ​ມະ​ການ​ການ​ທະ​ຫານ​ສູນ​ກາງ​ຈີນ​ ໄດ້​ກ່າວ​ຄຳ​ປາ​ໄສ​​ສຳ​ຄັນ.

ຂ່າວຕ່າງປະເທດລາຍງານໃນວັນທີ 1 ກໍລະກົດນີ້ວ່າ: ຈຳນວນຜູ້ເສຍຊີວິດຈາກແຜ່ນດິນໄຫວໃນເວເນຊູເອລາໄດ້ເພີ່ມຂຶ້ນເປັນ 1,943 ຄົນ, ແຕ່ທີມກູ້ໄພຍັງສືບຕໍ່ຊອກຫາຜູ້ລອດຊີວິດ.

ວິທະຍຸກະຈາຍສຽງຫວຽດນາມລາຍງານໃນວັນທີ 30 ມິຖຸນາ ຜ່ານມາວ່າ: ທ່ານ ຟ້າມ​ຢາ​ຕຸກ ຮອງ​ນາ​ຍົກ​ລັດ​ຖະ​ມົນ​ຕີ​ ຜູ້​ປະ​ຈຳ​ການ​ລັດ​ຖະ​ບານ ຫວຽດ​ນາມ ຮຽກ​ຮ້ອງ​ໃຫ້ ກຸ່ມ​ບໍ​ລິ​ສັດ​ອຸດ​ສາ​ຫະ​ກຳ ຖ່ານ​ຫີນ - ແຮ່​ທາດ ຫວຽດ​ນາມ (TKV) ສືບ​ຕໍ່​ເສີມ​ຂະ​ຫຍາຍ​ບົດ​ບາດ​ເປັນ​ລັດ​ວິ​ສາ​ຫະ​ກິດ​ມີ​ບົດ​ບາດ​ແກ່ນ​ສານ​ໃນ​ຂົງ​ເຂດ​ຖ່ານ​ຫີນ ແລະ ແຮ່​ທາດ; ສຸມ​ໃສ່​ຜັນ​ຂະ​ຫຍາຍ​ບັນ​ດາ​ໜ້າ​ທີ່, ມາດ​ຕະ​ການ​ຢ່າງ​ຄົບ​ຊຸດ ແນ​ໃສ່​ປະ​ຕິ​ບັດ​ສຳ​ເລັດ ແລະ ລື່ນ​​ຄາດ​ໝາຍ​ຜະ​ລິດດໍາເນີນ​ທຸ​ລະ​ກິດ​ໃນປີ 2026 ແລະ ແຜນ​ການ​ໄລ​ຍະ 2026 – 2030.