ຜົນຂອງການປະມູນຜະລິດຕະພັນນົມໂລກ (GDT) ຊຶ່ງຈັດຂຶ້ນທຸກໆສອງອາທິດ ສະແດງໃຫ້ເຫັນວ່າ: ລາຄາ ສະເລ່ຍຂອງຜະລິດຕະພັນນົມຫຼຸດລົງ 2.7% ມາຢູ່ທີ່ 4,143 ໂດລາຕໍ່ໂຕນ, ຫຼັງຈາກຫຼຸດລົງ 3.4% ກ່ອນໜ້ານີ້ ຊຶ່ງເປັນການຫຼຸດລົງຄັ້ງທຳອິດໃນປີນີ້, ອີງຕາມລາຍງານຂອງ GDT Events ທີ່ເຜີຍແຜ່ຫວ່າງມໍ່ໆມານີ້.
ທ່ານ ຄຣິສຕິນາ ອາລວາຣາໂດ ຫົວໜ້າຝ່າຍຂໍ້ມູນກ່ຽວກັບຜະລິດຕະພັນນົມທີ່ຕະຫຼາດຫຼັກຊັບນູແວນເຊລັງ ໄດ້ໃຫ້ສຳພາດກັບສະຖານີວິທະຍຸ Radio New Zealand ຫວ່າງບໍ່ດົນມານີ້ວ່າ: ການສະໜອງທົ່ວໂລກຍັງຄົງຢູ່ໃນລະດັບສູງ, ເຖິງແມ່ນວ່າການຜະລິດນົມຕາມລະດູການຂອງນູແວນເຊລັງຈະຊ້າລົງ. ໃນຂະນະທີ່ການຜະລິດທີ່ຊຸດໂຊມໃນເອີຣົບຍັງສືບຕໍ່ສ້າງຄວາມກົດດັນໃຫ້ລາຄາໄຂມັນນົມຫຼຸດລົງ.
ທ່ານ ອາລວາຣາໂດ ກ່າວວ່າ: ຄວາມເຄັ່ງຕຶງທາງພູມິສາດການເມືອງທີ່ຍືດເຍື້ອ ຊຶ່ງກ່ຽວຂ້ອງກັບຂໍ້ຂັດແຍ່ງໃນອີຣານ ກຳລັງເຮັດໃຫ້ຄ່າໃຊ້ຈ່າຍໃນການຂົນສົ່ງ, ການປະກັນໄພ ແລະ ປັດໄຈການຜະລິດເພີ່ມຂຶ້ນ.
ທ່ານກ່າວຕື່ມວ່າ: ບັນຫາການຢຸດສະງັກໃນຊ່ອງແຄບຮໍມຸສ ແລະ ລາຄານ້ຳມັນທີ່ຢູ່ໃນລະດັບສູງ ກຳລັງເພີ່ມຄວາມບໍ່ແນ່ນອນໃນຕະຫຼາດ, ເຮັດໃຫ້ຜູ້ຊື້ຈຳນວນຫຼາຍຊັກຊ້າໃນການສັ່ງຊື້, ໂດຍຫວັງວ່າຄ່າໃຊ້ຈ່າຍຈະຫຼຸດຕ່ຳລົງ ແລະ ລໍຖ້າຄວາມຊັດເຈນກ່ຽວກັບບັນຫາດ້ານການຂົນສົ່ງກ່ອນທີ່ຈະຊື້ຕື່ມອີກ.
ຄໍາເຫັນ