ຄົບຮອບ 172 ປີ (28 ມັງກອນ 1853–28 ມັງກອນ 2025) ທີ່ໂຮງຮຽນ ມສ ດົງບັງມິດຕະພາບ ລາວ-ກູບາເມືອງໄຊທານີນະຄອນຫຼວງວຽງຈັນ. ໃຫ້ກຽດເຂົ້າຮ່ວມໃນພິທີມີ ທ່ານ ນາງ ບັນດິດ ປະທຸມວັນອະດີດຮອງປະທານສູນກາງສະຫະພັນແມ່ຍິງລາວຮອງປະທານສະມາຄົມມິດຕະພາບ ລາວ-ກູບາ; ທ່ານ ນາງ ແອນນາ ເອັດເຕ ວຽນ ວາເດສ (Enna Esther Viant Valdes) ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສກູບາ ປະຈໍາ ສປປ ລາວ ແລະ ບັນດາທ່ານ ຄະນະບໍລິຫານງານສະມາຄົມມິດຕະພາບ ລາວ-ກູບາ, ບັນດາທ່ານຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ ຂອງ ຄຕພ, ຜູ້ຕາງໜ້າຈາກຫ້ອງວ່າການນະຄອນຫຼວງວຽງຈັນ, ຜູ້ຕາງໜ້າຈາກອົງການປົກຄອງເມືອງໄຊທານີ, ອະດີດນັກສຶກສາລາວທີ່ຈົບຈາກກູບາ, ຄູ-ອາຈານ, ນັກຮຽນຈາກໜ່ວຍງານວິຊາພາສາແອັສປາຍ, ມະຫາວິທະຍາໄລແຫ່ງຊາດ, ໂຮງຮຽນ ມສດົງບັງ ມິດຕະພາບ ລາວ-ກູບາ ແລະ ອຳນາດການປົກຄອງບ້ານດົງບັງເມືອງໄຊທານີນະຄອນຫຼວງວຽງຈັນ ກໍໃຫ້ກຽດເຂົ້າຮ່ວມຢ່າງພ້ອມພຽງ.
ການຈັດພິທີຄັ້ງນີ້, ສະແດງເຖິງຄວາມເຄົາລົບຮັກ, ຮູ້ບຸນຄຸນອັນໃຫຍ່ຫຼວງຕໍ່ ທ່ານ ໂຮເຊ ມາກຕີຜູ້ທີ່ໄດ້ເສຍສະຫຼະເພື່ອການປະຕິວັດຂອງກູບາ, ເພື່ອສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ - ກູບາ ຄົບ ຮອບ 50ປີ ແລະ ທັງເປັນການປະກອບສ່ວນຮັດແໜ້ນສາຍພົວພັນມິດຕະພາບ ແລະ ການຮ່ວມມືທີ່ມີມູນເຊື້ອອັນດີງາມ ລະຫວ່າງ 2 ພັກ, 2 ລັດແລະປະຊາຊົນ2ຊາດ ລາວ-ກູບາ ໃຫ້ນັບມື້ມີບາດກ້າວໃໝ່ ແລະ ພ້ອມທັງເຮັດໃຫ້ນັກຮຽນນັກສຶກສາ, ປະຊາຊົນລາວຮັບຮູ້ ແລະ ເຂົ້າໃຈເຖິງປະຫວັດສາດແຫ່ງການຕໍ່ສູ້ປະຕິວັດອັນກ້າແກ່ນເປັນຈິດໜຶ່ງໃຈດຽວ ຂອງປະຊາຊົນກູບາ ແລະ ຮຽນຮູ້ກ່ຽວກັບຊີວິດການເຄື່ອນໄຫວປະຕິວັດ ຂອງ ທ່ານ ໂຮເຊ ມາກຕີວິລະຊົນແຫ່ງຊາດກູບາ.
(ຂ່າວ-ພາບ: ຄຕພ)
ຄໍາເຫັນ