ໃນຕອນເຊົ້າວັນທີ 20 ຕຸລາຜ່ານມາ, ຢູ່ນະຄອນຫຼວງປັກກິ່ງ ທ່ານ ສີ ຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດແຫ່ງ ສປ ຈີນ ໄດ້ພົບປະ ກັບ ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ປະທານປະເທດແຫ່ງ ສປປ ລາວ ທີ່ມາເຂົ້າຮ່ວມກອງປະຊຸມເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຄັ້ງທີ 3 ແລະ ຢ້ຽມຢາມຈີນທາງລັດຖະກິດ.
ຫຼັງຈາກການພົບປະ, ທ່ານ ສີ ຈິ້ນຜິງ ແລະ ທ່ານ ທອງລຸນ ສີສຸລິດ ໄດ້ຮ່ວມກັນລົງນາມໃນ“ແຜນແມ່ບົດວ່າດ້ວຍການຮ່ວມກັນສ້າງຄູ່ຮ່ວມຊາຕາກໍາລາວ-ຈີນ ແຕ່ປີ 2024 ຫາ 2028 ລະຫວ່າງ ພັກກອມມູນິດຈີນ ກັບ ພັກປະຊາຊົນ ປະຕິວັດລາວ”, ຮ່ວມກັນເປັນສັກຂີພິຍານຕໍ່ການລົງນາມໃນເອກະສານການຮ່ວມມືລະຫວ່າງສອງຝ່າຍຫຼາຍສະບັບໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ໃນດ້ານເສດຖະກິດຕີຈີດອນ, ຖະແຫຼງຂ່າວ, ວັດທະນະທໍາ, ການທ່ອງທ່ຽວ, ສາທາລະນະສຸກ, ການກວດກາ ແລະ ກວດເຊື້ອພະຍາດຕາມດ່ານພາສີ ແລະ ອື່ນໆ.
ກ່ອນໜ້ານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໄດ້ໃຫ້ສໍາພາດຕໍ່ນັກຂ່າວຂອງໜັງສືພິມລາຍວັນປະຊາຊົນຈີນວ່າ: ການຮ່ວມກັນສ້າງຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ໄດ້ເຊື່ອມໂຍງກັບແຜນການພັດທະນາເສດຖະກິດ-ສັງຄົມແຫ່ງຊາດລາວຢ່າງເລິກເຊິ່ງ, ຊຶ່ງໄດ້ນໍາເອົາຜົນປະໂຫຍດຕົວຈິງໃຫ້ແກ່ການພັດທະນາຂອງປະເທດລາວຢ່າງແທ້ຈິງ. ທາງລົດໄຟລາວ-ຈີນເປັນໂຄງການສັນຍາລັກໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”, ໄດ້ກາຍເປັນສັນຍາລັກ ແລະ ແບບຢ່າງໃນການປະຕິບັດ ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”. ໄປຄຽງຄູ່ກັບປະເທດລາວ ແລະ ປະເທດອ້ອມຂ້າງໄດ້ເຊື່ອມໂຍງເຊື່ອມຈອດກັນ, ໄດ້ສ້າງສະພາບແວດລ້ອມທີ່ດີໃຫ້ແກ່ການຄ້າ, ການພັດທະນາ, ການທ່ອງທ່ຽວ ແລະ ການຂົນສົ່ງສິນຄ້າຂອງປະເທດລາວ, ພ້ອມທັງໄດ້ປະກອບສ່ວນສໍາຄັນເຂົ້າໃນການປະກອບອາຊີບ ແລະ ການເດີນທາງຂອງປະຊາຊົນ.
“ການຮ່ວມກັນສ້າງຂໍ້ລິເລີ່ມ ‘ໜຶ່ງແລວ ໜຶ່ງເສັ້ນທາງ’ ນັບມື້ນັບໄດ້ຮັບການສະໜັບສະໜູນ ແລະ ຄວາມຍິນດີຈາກປະຊາຄົມໂລກ.” ທ່ານ ສອນໄຊ ສີພັນດອນ ໄດ້ຕີລາຄາສູງຕໍ່ຜົນສໍາເລັດອັນອຸດົມສົມບູນໃນການສະເໜີຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ຄົບຮອບ 10 ປີ. ທ່ານກ່າວຕື່ມວ່າ: “ປະເທດລາວ ໄດ້ສະໜັບສະໜູນ ແລະ ເຂົ້າຮ່ວມການຮ່ວມກັນສ້າງ ‘ໜຶ່ງແລວ ໜຶ່ງເສັ້ນທາງ’ ຢ່າງຕັ້ງໜ້າຕັ້ງແຕ່ໄລຍະເລີ່ມຕົ້ນ. ສອງປະເທດລາວ-ຈີນ ໄດ້ໃຫ້ຄວາມສົນໃຈຢ່າງສູງຕໍ່ການສ້າງແລວທາງເສດຖະກິດລາວ-ຈີນ, ເຊັ່ນ: ເຂດພັດທະນາເສດຖະກິດກວມລວມໄຊເສດຖາ, ທາງດ່ວນນະຄອນຫຼວງວຽງຈັນຫາຊາຍແດນລາວ-ຈີນ, ເຂື່ອນໄຟຟ້ານ້ໍາຕົກ ແລະ ໂຄງການຕ່າງໆ ຈະເພີ່ມພະລັງຂັບເຄື່ອນໃຫ້ແກ່ການພັດທະນາເສດຖະກິດຂອງປະເທດລາວຢ່າງບໍ່ຢຸດຢັ້ງ.”
ປີ 2023 ແມ່ນຄົບຮອບ 10 ປີແຫ່ງການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”. ຈາກຕອນເລີ່ມຕົ້ນມີພຽງແຕ່ຫຼາຍສິບປະເທດເທົ່ານັ້ນ ໄດ້ຂະຫຍາຍມາເປັນ 150 ປະເທດ ແລະ 30 ກວ່າອົງການຈັດຕັ້ງສາກົນເຂົ້າຮ່ວມ, ຊຶ່ງໄດ້ສະແດງໃຫ້ເຫັນວ່າ, ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ນັບມື້ນັບໄດ້ຮັບການສະໜັບສະໜູນ ແລະ ຄວາມຍິນດີຈາກປະຊາຄົມໂລກ. ວັນທີ 17 ຫາ 18 ຕຸລາຜ່ານມາ, ກອງປະຊຸມເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຄັ້ງທີ 3 ໄດ້ຈັດຂຶ້ນຢູ່ນະຄອນຫຼວງປັກກິ່ງ. ປະເທດລາວກໍໄດ້ສະໜັບສະໜູນ ແລະ ເຂົ້າຮ່ວມການຮ່ວມກັນສ້າງ ‘ໜຶ່ງແລວ ໜຶ່ງເສັ້ນທາງ’ ຢ່າງຕັ້ງໜ້າມາໂດຍຕະຫຼອດ, ກ່ອນໜ້ານີ້, ທ່ານປະທານປະເທດລາວໄດ້ນໍາພາຄະນະຜູ້ແທນຂັ້ນສູງເດີນທາງໄປເຂົ້າຮ່ວມກອງປະຊຸມເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຄັ້ງທີ 1 ແລະ ຄັ້ງທີ 2. ເທື່ອນີ້, ປະເທດລາວໄດ້ສືບຕໍ່ແຕ່ງຕັ້ງຄະນະຜູ້ແທນຂັ້ນສູງເຂົ້າຮ່ວມກອງປະຊຸມຄັ້ງທີ 3 ອີກ.
ປະເທດລາວເຊື່ອໝັ້ນວ່າ ຜົນງານທີ່ໄດ້ຮັບໃນກອງປະຊຸມເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຈະຊຸກຍູ້ ແລະ ເພີ່ມທະວີການຮ່ວມມືສອງຝ່າຍລາວ-ຈີນ ແລະ ການຮ່ວມມືຫຼາຍຝ່າຍໃນເວທີຕ່າງໆຢ່າງແຂງແຮງ, ພ້ອມທັງຊ່ວຍເຫຼືອສອງຝ່າຍຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍຕ່າງໆ, ກ້າວເດີນໄປສູ່ອະນາຄົດທີ່ມີການພັດທະນາແບບຍືນຍົງ.
ແຫຼ່ງຂ່າວ: ໜັງສືພິມລາຍວັນປະຊາຊົນຈີນສະບັບພາສາຕ່າງປະເທດ, ສໍານັກຂ່າວຊິນຮວາ, ເວັບໄຊ CCTV
ຫຼັງຈາກການພົບປະ, ທ່ານ ສີ ຈິ້ນຜິງ ແລະ ທ່ານ ທອງລຸນ ສີສຸລິດ ໄດ້ຮ່ວມກັນລົງນາມໃນ“ແຜນແມ່ບົດວ່າດ້ວຍການຮ່ວມກັນສ້າງຄູ່ຮ່ວມຊາຕາກໍາລາວ-ຈີນ ແຕ່ປີ 2024 ຫາ 2028 ລະຫວ່າງ ພັກກອມມູນິດຈີນ ກັບ ພັກປະຊາຊົນ ປະຕິວັດລາວ”, ຮ່ວມກັນເປັນສັກຂີພິຍານຕໍ່ການລົງນາມໃນເອກະສານການຮ່ວມມືລະຫວ່າງສອງຝ່າຍຫຼາຍສະບັບໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ໃນດ້ານເສດຖະກິດຕີຈີດອນ, ຖະແຫຼງຂ່າວ, ວັດທະນະທໍາ, ການທ່ອງທ່ຽວ, ສາທາລະນະສຸກ, ການກວດກາ ແລະ ກວດເຊື້ອພະຍາດຕາມດ່ານພາສີ ແລະ ອື່ນໆ.
ກ່ອນໜ້ານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໄດ້ໃຫ້ສໍາພາດຕໍ່ນັກຂ່າວຂອງໜັງສືພິມລາຍວັນປະຊາຊົນຈີນວ່າ: ການຮ່ວມກັນສ້າງຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ໄດ້ເຊື່ອມໂຍງກັບແຜນການພັດທະນາເສດຖະກິດ-ສັງຄົມແຫ່ງຊາດລາວຢ່າງເລິກເຊິ່ງ, ຊຶ່ງໄດ້ນໍາເອົາຜົນປະໂຫຍດຕົວຈິງໃຫ້ແກ່ການພັດທະນາຂອງປະເທດລາວຢ່າງແທ້ຈິງ. ທາງລົດໄຟລາວ-ຈີນເປັນໂຄງການສັນຍາລັກໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”, ໄດ້ກາຍເປັນສັນຍາລັກ ແລະ ແບບຢ່າງໃນການປະຕິບັດ ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”. ໄປຄຽງຄູ່ກັບປະເທດລາວ ແລະ ປະເທດອ້ອມຂ້າງໄດ້ເຊື່ອມໂຍງເຊື່ອມຈອດກັນ, ໄດ້ສ້າງສະພາບແວດລ້ອມທີ່ດີໃຫ້ແກ່ການຄ້າ, ການພັດທະນາ, ການທ່ອງທ່ຽວ ແລະ ການຂົນສົ່ງສິນຄ້າຂອງປະເທດລາວ, ພ້ອມທັງໄດ້ປະກອບສ່ວນສໍາຄັນເຂົ້າໃນການປະກອບອາຊີບ ແລະ ການເດີນທາງຂອງປະຊາຊົນ.
“ການຮ່ວມກັນສ້າງຂໍ້ລິເລີ່ມ ‘ໜຶ່ງແລວ ໜຶ່ງເສັ້ນທາງ’ ນັບມື້ນັບໄດ້ຮັບການສະໜັບສະໜູນ ແລະ ຄວາມຍິນດີຈາກປະຊາຄົມໂລກ.” ທ່ານ ສອນໄຊ ສີພັນດອນ ໄດ້ຕີລາຄາສູງຕໍ່ຜົນສໍາເລັດອັນອຸດົມສົມບູນໃນການສະເໜີຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ຄົບຮອບ 10 ປີ. ທ່ານກ່າວຕື່ມວ່າ: “ປະເທດລາວ ໄດ້ສະໜັບສະໜູນ ແລະ ເຂົ້າຮ່ວມການຮ່ວມກັນສ້າງ ‘ໜຶ່ງແລວ ໜຶ່ງເສັ້ນທາງ’ ຢ່າງຕັ້ງໜ້າຕັ້ງແຕ່ໄລຍະເລີ່ມຕົ້ນ. ສອງປະເທດລາວ-ຈີນ ໄດ້ໃຫ້ຄວາມສົນໃຈຢ່າງສູງຕໍ່ການສ້າງແລວທາງເສດຖະກິດລາວ-ຈີນ, ເຊັ່ນ: ເຂດພັດທະນາເສດຖະກິດກວມລວມໄຊເສດຖາ, ທາງດ່ວນນະຄອນຫຼວງວຽງຈັນຫາຊາຍແດນລາວ-ຈີນ, ເຂື່ອນໄຟຟ້ານ້ໍາຕົກ ແລະ ໂຄງການຕ່າງໆ ຈະເພີ່ມພະລັງຂັບເຄື່ອນໃຫ້ແກ່ການພັດທະນາເສດຖະກິດຂອງປະເທດລາວຢ່າງບໍ່ຢຸດຢັ້ງ.”
ປີ 2023 ແມ່ນຄົບຮອບ 10 ປີແຫ່ງການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”. ຈາກຕອນເລີ່ມຕົ້ນມີພຽງແຕ່ຫຼາຍສິບປະເທດເທົ່ານັ້ນ ໄດ້ຂະຫຍາຍມາເປັນ 150 ປະເທດ ແລະ 30 ກວ່າອົງການຈັດຕັ້ງສາກົນເຂົ້າຮ່ວມ, ຊຶ່ງໄດ້ສະແດງໃຫ້ເຫັນວ່າ, ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ນັບມື້ນັບໄດ້ຮັບການສະໜັບສະໜູນ ແລະ ຄວາມຍິນດີຈາກປະຊາຄົມໂລກ. ວັນທີ 17 ຫາ 18 ຕຸລາຜ່ານມາ, ກອງປະຊຸມເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຄັ້ງທີ 3 ໄດ້ຈັດຂຶ້ນຢູ່ນະຄອນຫຼວງປັກກິ່ງ. ປະເທດລາວກໍໄດ້ສະໜັບສະໜູນ ແລະ ເຂົ້າຮ່ວມການຮ່ວມກັນສ້າງ ‘ໜຶ່ງແລວ ໜຶ່ງເສັ້ນທາງ’ ຢ່າງຕັ້ງໜ້າມາໂດຍຕະຫຼອດ, ກ່ອນໜ້ານີ້, ທ່ານປະທານປະເທດລາວໄດ້ນໍາພາຄະນະຜູ້ແທນຂັ້ນສູງເດີນທາງໄປເຂົ້າຮ່ວມກອງປະຊຸມເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຄັ້ງທີ 1 ແລະ ຄັ້ງທີ 2. ເທື່ອນີ້, ປະເທດລາວໄດ້ສືບຕໍ່ແຕ່ງຕັ້ງຄະນະຜູ້ແທນຂັ້ນສູງເຂົ້າຮ່ວມກອງປະຊຸມຄັ້ງທີ 3 ອີກ.
ປະເທດລາວເຊື່ອໝັ້ນວ່າ ຜົນງານທີ່ໄດ້ຮັບໃນກອງປະຊຸມເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວ ໜຶ່ງເສັ້ນທາງ” ຈະຊຸກຍູ້ ແລະ ເພີ່ມທະວີການຮ່ວມມືສອງຝ່າຍລາວ-ຈີນ ແລະ ການຮ່ວມມືຫຼາຍຝ່າຍໃນເວທີຕ່າງໆຢ່າງແຂງແຮງ, ພ້ອມທັງຊ່ວຍເຫຼືອສອງຝ່າຍຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍຕ່າງໆ, ກ້າວເດີນໄປສູ່ອະນາຄົດທີ່ມີການພັດທະນາແບບຍືນຍົງ.
ແຫຼ່ງຂ່າວ: ໜັງສືພິມລາຍວັນປະຊາຊົນຈີນສະບັບພາສາຕ່າງປະເທດ, ສໍານັກຂ່າວຊິນຮວາ, ເວັບໄຊ CCTV
ຄໍາເຫັນ