 |
ໃນພິທີ, ທ່ານ ຄໍາມອນ ຈັນທະຈິດ ກ່າວວ່າ: ປັດຈຸບັນສອງ ປະເທດລາວ-ຈີນ ໄດ້ຮັບການຊຸກຍູ້ ສົ່ງເສີມ ແລະ ຍົກລະດັບຂຶ້ນຢ່າງຕໍ່ ເນື່ອງ ການພົວພັນຮ່ວມມືໄດ້ຂະ ຫຍາຍກວ້າງອອກຈາກທີ່ເປັນ “ເພື່ອນບ້ານໃກ້ຄຽງ ທີ່ເປັນມິດໄວ້ ເນື້ອເຊື່ອໃຈກັນ, ໝັ້ນຄົງຍາວນານ ແລະ ຮ່ວມມືກັນຮອບດ້ານ” ໄດ້ຮັບ ການຍົກລະດັບເປັນ “ຄູ່ຮ່ວມຍຸດທະ ສາດຮອບດ້ານໝັ້ນຄົງຍາວນານຕາມທິດ 4 ດີ”.
 |
ເວົ້າສະເພາະການຮ່ວມມືດ້ານສື່ມວນຊົນ ໄດ້ເປັນພື້ນຖານສໍາຄັນ ແລະ ໜັກແໜ້ນໃຫ້ການສ້າງຄູ່ຮ່ວມ ຊາຕາກຳລາວ-ຈີນ. ຊຸມປີມໍ່ໆມານີ້, ສື່ມວນຊົນລາວ ແລະ ອົງການສື່ມວນ ຊົນຈີນໃນທຸກລະດັບໄດ້ສ້າງຕັ້ງສາຍ ພົວພັນຮ່ວມມືທີ່ແໜ້ນແຟ້ນ ແລະ ມີ ປະສິດທິພາບສູງ, ການພົວພັນຮ່ວມມື ໄດ້ເຮັດໃຫ້ລະດັບຄວາມຊຳນານຂອງສື່ມວນຊົນລາວ ນັບມື້ຍົກສູງຂຶ້ນຢ່າງ ເດັ່ນຊັດ. ໃນນັ້ນ, ການຮ່ວມມືລະ ຫວ່າງສື່ມວນຊົນລາວ ແລະ ສື່ມວນ ຊົນແຂວງຢຸນນານ ໄດ້ຮັບການຍົກລະ ດັບຢ່າງຮອບດ້ານ.
 |
ພວກເຮົາໄດ້ຮ່ວມກັນຈັດກິດຈະກຳແລກປ່ຽນວັດທະນະທຳພາຍໃຕ້ຫົວຂໍ້:“ແມ່ນໍ້າສາຍດຽວກັນ, ກົມກຽວ ດັ່ງຄອບຄົວດຽວກັນ”. ພ້ອມນີ້, ກໍໄດ້ ຈັດເວທີປຶກສາຫາລືການຮ່ວມມືສື່ ມວນຊົນໃນຫົວຂໍ້ ໜຶ່ງແລວ ໜຶ່ງເສັ້ນ ທາງ ແລະ ອື່ນໆ, ວາລະສານຈຳປາ ແລະ ສື່ມວນຊົນທາງການເຊັ່ນ: ໜັງ ສືພິມປະຊາຊົນ ໄດ້ຮ່ວມກັນວາງແຜນ ການລາຍງານຂ່າວໃນຫົວຂໍ້ສະເພາະ, ສະຖານີໂທລະພາບແຫ່ງຊາດລາວ ໄດ້ຮ່ວມກັບສູນການສື່ສານສາກົນ ພາກພື້ນອາຊີໃຕ້ ແລະ ອາຊີຕາເວັນ ອອກສ່ຽງໃຕ້ ແຂວງຢຸນນານ, ບໍລິ ສັດຕາຂ່າຍໄຟຟ້າພາກໃຕ້ຈີນແມ່ນໍ້າ ລ້ານຊ້າງ-ແມ່ນໍ້າຂອງພະລັງງານສາກົນ ຈຳກັດ ເພື່ອເປີດຕົວລາຍການຂໍ້ມູນ ຂ່າວສານດ້ວຍພາສາມື ສຳລັບຄົນພິ ການຫູໃນລາວ, ເລົ່າເລື່ອງການຮ່ວມມື ລະຫວ່າງລາວ-ຈີນ ຢ່າງມີຊີວິດຊີວາ, ສະຖານີວິທະຍຸ ແລະ ໂທລະພາບ ແຂວງຢຸນນານ ແລະ ສື່ມວນຊົນລາວ ໄດ້ຮ່ວມກັນຜະລິດ ແລະ ອອກອາ ກາດລາຍການຜົນງານຮູບເງົາ ແລະ ໂທລະພາບຕ່າງໆ ເຮັດໃຫ້ຊີວິດວັດ ທະນະທຳຂອງປະຊາຊົນສອງຝ່າຍມີ ຄວາມອຸດົມສົມບູນຂຶ້ນ.
 |
ທ່ານ ຄໍາມອນ ຈັນທະຈິດ ຍັງໄດ້ສະເໜີໃຫ້ເພີ່ມທະວີການຮ່ວມມືດ້ານການເລົ່າເລື່ອງ, ແນະນຳໃຫ້ສື່ ມວນຊົນລາວ-ຈີນ ສຸມໃສ່ຫົວຂໍ້ສຳຄັນ ຕ່າງໆ; ເພີ່ມທະວີການພົວພັນແລກ ປ່ຽນວັດທະນະທຳໃຫ້ຫຼາຍຂຶ້ນ, ສຸມ ໃສ່ທ່າແຮງຂອງເສັ້ນທາງລົດໄຟລາວ-ຈີນ
 |
ເພື່ອສ້າງຄວາມເຂົ້າອົກເຂົ້າໃຈ ລະ ຫວ່າງປະຊາຊົນສອງຊາດໃຫ້ເລິກ ເຊິ່ງ, ຂະຫຍາຍເນື້ອໃນການແລກ ປ່ຽນວັດທະນະທໍາກ້າວໄປຂ້າງໜ້າ, ດໍາເນີນການຮ່ວມມືຢ່າງເຕັມສ່ວນໃນຂົງເຂດຕ່າງໆເຊັ່ນ: ຮູບເງົາ ແລະ ໂທ ລະພາບ, ສຳນັກພິມ, ການສະແດງສິ ລະປະວັດທະນະທຳ ແລະ ການຄົ້ນ ຄວ້າທາງວິຊາການ
|
ເພື່ອເຮັດໃຫ້ບົດ ບາດການຂັບເຄື່ອນຂອງທາງລົດໄຟ ລາວ-ຈີນ ຊຶ່ງເປັນເສັ້ນທາງແຫ່ງ ຄວາມສຸກ, ເສັ້ນທາງແຫ່ງການພັດທະ ນາ ແລະ ເສັ້ນທາງແຫ່ງມິດຕະພາບ ມີຄວາມໂດດເດັ່ນຍິ່ງຂຶ້ນ; ບຳລຸງ-ສ້າງ ຊາວໜຸ່ມທີ່ເປັນກຳລັງແຮງສຳຄັນ ຂອງຊາດໃຫ້ມີການພັດທະນາຢ່າງ ຮອບດ້ານ, ສືບຕໍ່ລົງເລິກການຮ່ວມມື ຕົວຈິງໃນຂົງເຂດຕ່າງໆເຊັ່ນ: ເຕັກໂນ ໂລຊີສື່ມວນຊົນ, ການບຳລຸງສ້າງບຸກ ຄະລາກອນ, ການຝຶກອົບຮົມຕາມ ຫົວຂໍ້ສະເພາະ ແລະ ອື່ນໆ.
 |
ກິດຈະກໍາ ໃນຄັ້ງນີ້, ຍັງມີພິທີເປີດກິດຈະກໍາ ແລກປ່ຽນວັດທະນະທໍາເນື່ອງໃນໂອ ກາດການສ້າງຕັ້ງສາຍພົວພັນການທູດລາວ-ຈີນຄົບຮອບ 65 ປີ ໃນຫົວຂໍ້: ກ້າວໄປຂ້າງໜ້າ; ຮັບຊົມສິລະປະວັດ ທະນະທໍາລາວ-ຈີນສິບສອງປັນນາ ສ້າງຄວາມປະທັບໃຈໃຫ້ຜູ້ເຂົ້າຮ່ວມ ເປັນຢ່າງດີ.
 |
ຂ່າວ-ພາບ: ວັນເພັງ
ຄໍາເຫັນ