ຊຸກຍູ້ສົ່ງເສີມຊາວກະສິກອນຜູ້ລຽງໄກ່ລາດເປັນສິນຄ້າ

ເລົ່າງາມ ຊຸກຍູ້ປະຊາຊົນລຽ້ງໄກ່ລາດເປັນສິນຄ້າເພື່ອຍູ້ແຮງເສດຖະກິດພາຍໃຫ້ຂະຫຍາຍຕົວ

11:42 11/12/2024

ອົງການປົກຄອງເມືອງເລົ່າງາມ ແຂວງສາລະວັນ ໄດ້ຈັດກອງປະຊຸມປືກສາຫາລືເພື່ອຊຸກຍູ້ສົ່ງເສີມຊາວກະສິກອນຜູ້ລຽງໄກ່ລາດເປັນສິນຄ້າຂຶ້ນເມື່ອບໍ່ດົນມານີ້, ທີ່ເມືອງດັ່ງກ່າວ ໂດຍເປັນປະທານຮ່ວມຂອງທ່ານ ວຽງວິໄລຄຳ ອຸດຕະສັດ ເຈົ້າເມືອງເລົ່າງາມ, ທ່ານ ນາງ ສອນທິດາ ອະນຸພົມ

ປະທານບໍລິສັດທ່ອງທ່ຽວຕາດເຍືອງ ເມືອງປາກຊ່ອງ ຜູ້ສົ່ງເສີມການລ້ງງໄກ່ລາດເປັນສິນຄ້າ, ມີການນຳຈາກ 4 ເມືອງ (ເມືອງວາປີ, ຕຸ້ມລານ, ຄົງເຊໂດນ ແລະ ເມືອງລະຄອນເພັງ) ແລະ ຜູ້ສົນໃຈລ້ຽງໄກ່ລາດເຂົ້າຮ່ວມ.

ກອງປະຊຸມໄດ້ປືກສາຫາລືແລກປ່ຽນບົດຮຽນຮ່ວມກັນລະຫວ່າງເມືອງຕໍ່ເມືອງ. ໃນນັ້ນ ໄດ້ສຸມໃສ່ການຊຸກຍູ້ສົງເສີມຊາວກະສິກອນຜູ້ລ້ຽງໄກ່ລາດໃຫ້ສ້າງຕັ້ງເປັນກຸ່ມໂດຍໃຫ້ຫ້ອງການກະສິກຳໃນແຕ່ລະເມືອງເກັບກຳຂໍ້ມູນ ແລະ ຂຶ້ນບັນຊີເປົ້າໝາຍຄອບຄົວທີ່ຈະລ້ຽງໄກ່ລາດໃຫ້ລະອຽດຊັດເຈນພ້ອມທັງເຝິກອົບຮົມວິທີການຕ່າງໆໃຫ້ເຂົ້າເຈົ້າໄດ້ຮັບຮູ້ ແລະ ລ້ຽງຖືກວິທີລວມທັງການບົວລະບັດຮັກສາໄກ່ກ້າວໄປເຖິງການຈຳໜ່າຍ. ນອກນັ້ນ, ຍັງສະໜອງຢາປິ່ນປົວສັດລ້ຽງຕ່າງໆໃຫ້ທົ່ວເຖິງ, ເວລາໄກ່ມີບັນຫາຈິ່ງສາມາດ ປິ່ນປົວຢ່າງທັນການ, ຈັດກອງປະຊຸມສັນຈອນຢ່າງໜ້ອຍ 3 ເດືອນຕໍ່ຄັ້ງເພື່ອທອດຖອນບົດຮຽນຮ່ວມກັນ. ນອກນັ້ນ ຍັງຊຸກຍູ້ໃຫ້ຫ້ອງການກະສິກຳໃນແຕ່ລະເມືອງຂຸ້ນຂ້ຽວຂຶ້ນແຜນ ແລະ ເກັບກຳຂໍ້ມູນເພື່ອຂໍແຫຼ່ງທຶນນຳບໍລິສັດຜູ້ສົ່ງເສີມການລ້ຽງໄກ່ເພື່ອຈັດຊື້ພໍ່ພັນ, ແມ່ພັນ ແລະ ອຸປະກອນຕ່າງໆໃຫ້ທ່ວງທັນ. ສໍາລັບເມືອງເມືອງເລົ່າງາມ ມີຄອບຄົວເປົ້າໝາຍທີ່ຈະລ້ຽງຈຳນວນ 11 ຄອບຄົວ. ໃນນັ້ນ, ມີ 2 ຄອບຄົວທີ່ໄດ້ລ້ຽງໄກ່ລາດເປັນສິນຄ້າ ແລະ ສ້າງລາຍຮັບໄດ້ຈຳນວນບໍ່ໜ້ວຍ ແຕ່ກໍ່ບໍ່ພຽງພໍກັບຄວາມຕ້ອງການຂອງຕະຫຼາດ.

(ພາບ,ຂາວ: ສໍ ແກ້ວຄຳທອງຫຼວງ)

ຄໍາເຫັນ

ຂ່າວເສດຖະກິດ

ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່ເນື່ອງ

14/09/2026 13:13

ການຈັດຕັ້ງປະຕິບັດ ມະຕິກອງປະຊຸມໃຫຍ່ອົງຄະນະພັກເມືອງທ່າແຕງ ແຂວງເຊກອງກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ (2025-2029) ເຫັນວ່າ ເສດຖະກິດເມືອງທ່າແຕງ ຍັງສືບຕໍ່ຂະຫຍາຍຕົວເພີ່ມຂຶ້ນ ສະເລ່ຍ 5.7%.

6 ເດືອນຕົ້ນປີນີ້ ເສດຖະກິດແຂວງອັດຕະປືຂະຫຍາຍຕົວ 4.3%

01/09/2026 10:45

ໃນ 6 ເດືອນຕົ້ນປີ 2026 ເສດຖະກິດແຂວງອັດຕະປືຂະຫຍາຍຕົວ 4.3%, ໃນນັ້ນຂະແໜງກະສິກຳຂະຫຍາຍຕົວ 4.9% ກວມ 51% ຂອງ GDP, ຂະແໜງອຸດສາຫະກຳ ຂະຫຍາຍຕົວ 4.2% ກວມ 29%,ຂະແໜງບໍລິການ ຂະຫຍາຍຕົວ 3.7% ກວມ 17% ແລະ ຂະແໜງພາສີ-ອາກອນ ຂະຫຍາຍຕົວ 5.8%.

ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

04/08/2026 15:57

ດ້ວຍສັກກະຍະພາບດ້ານຊັບພະຍາກອນທາງທຳມະຊາດ ພູມສາດ ແລະ ສະພາບອາກາດທີ່ເອື້ອອຳນວຍ ເມືອງປ່າວຊານ ໄດ້ພັດທະນາອຸດສາຫະກຳກາເຟອາຣາບີກາໃຫ້ເຕີບໂຕຢ່າງຕໍ່ເນື່ອງ ແລະ ສ້າງມູນຄ່າເພີ່ມຕາມຫ່ວງໂຊ່ການຜະລິດ. “ກາເຟອາຣາບີກາປ່າວຊານ” ໄດ້ກາຍເປັນສິນຄ້າກະສິກຳຫຼັກຂອງພື້ນທີ່ ດ້ວຍຄຸນນະພາບມາດຕະຖານສູງ ແລະ ອັດຕະລັກດ້ານລົດຊາດທີ່ໂດດເດັ່ນ ໂດຍມີຈຸດເດັ່ນຄື “ບໍ່ສົ້ມ, ບໍ່ຮຶນ,ເຂັ້ມແຕ່ບໍ່ຂົມຫຼາຍ, ຫອມແບບທຳມະຊາດກິ່ນດອກໄມ້ອ່ອນໆ” ສະທ້ອນໃຫ້ເຫັນສັກກະຍະພາບການຜະລິດແລະ ການຄວບຄຸມຄຸນນະພາບຢ່າງເປັນລະບົບ.

ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

28/07/2026 09:36

ໃນໄລຍະ 6 ເດືອນຕົ້ນປີ 2026 ນີ້ເມືອງໄຊເສດຖາ, ແຂວງອັດຕະປື ມີມູນຄ່າການຈໍລະຈອນສິນຄ້າ 169 ຕື້ກີບ, ບັນລຸໄດ້ເກືອບ 100% ຂອງແຜນການປີ, ເຊິ່ງ ປັດຈຸບັນທົ່ວເມືອງ ມີຫົວໜ່ວຍທຸລະກິດທັງໝົດ 596 ຫົວໜ່ວຍ, ໃນນີ້ 6 ເດືອນຜ່ານມາ, ສາມາດຊຸກຍູ້ທຸລະກິດໃໝ່ເຂົ້າຈົດທະບຽນໄດ້ຕື່ມອີກ 22 ຫົວໜ່ວຍ ແລະ ຍັງມີຫົວໜ່ວຍທຸລະກິດນອກລະບົບ ບໍ່ມີທະບຽນວິສາຫະກິດ ເຖິງ 391 ຫົວໜ່ວຍ, ທີ່ຈະຕ້ອງໄດ້ເລັ່ງໃຫ້ໄດ້ຂຶ້ນທະບຽນຖືກຕ້ອງຕາມກົດໝາຍ.

6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

22/06/2026 21:47

ໃນໄລຍະ 6 ເດືອນຕົ້ນປີ 2026 ແຂວງອັດຕະປື ມີອັດຕາການຂະຫຍາຍຕົວຂອງເສດຖະກິດ ຢູ່ໃນລະດັບ 3.8% (ມະຕິສະພາ 5.4%), ຄິດເປັນມູນຄ່າຕາມລາຄາໃນປີ 1,231 ຕື້ກີບ ເທົ່າກັບ 15.6% ຂອງແຜນການ (ມະຕິສະພາ 7,850 ຕື້ກີບ), ລວມຍອດຜະລິດຕະພັນພາຍໃນສະເລ່ຍຕໍ່ຫົວຄົນບັນລຸໄດ້ 21.9 ລ້ານກີບ (ມະຕິສະພາ 42 ລ້ານກີບ).

ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

27/04/2026 11:45

ທ້າຍອາທິດຜ່ານມານີ້, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ (ອຄ) ພ້ອມຄະນະ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະວັນ, ໂດຍໃຫ້ກຽດຕ້ອນຮັບຂອງ ທ່ານ ໂພທິຍາ ວົງຈອມສີ ຫົວໜ້າພະແນກອຸດສາຫະກຳ ແລະ ການຄ້າແຂວງສາລະວັນ ພ້ອມຄະນະ ໃຫ້ກຽດຕ້ອນຮັບຢ່າງ ອົບອຸ່ນຢູ່ທີ່ຫ້ອງປະຊຸມຂອງຕົນ.

ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

06/04/2026 09:55

ເສດຖະກິດມໍຣະດົກມີຄວາມໝາຍ ແລະ ນິຍາມກວ້າງຂວາງ. ກ່ອນອື່ນຕ້ອງເຂົ້າໃຈຄວາມໝາຍຂອງ “ມໍຣະດົກ” ໝາຍເຖິງທຸກສິ່ງທຸກຢ່າງທີ່ເປັນວັດຖຸ ນິວັດຖຸທີ່ມີຄຸນຄ່າ ທີ່ພວກເຮົາໄດ້ຮັບການສືບທອດມາຈາກບັນພະບູລຸດ. ມໍຣະດົກບໍ່ພຽງແຕ່ເປັນເອກະລັກຂອງຊາດເທົ່ານັ້ນ, ແຕ່ຍັງເປັນຊັບສິນ ຫຼື ສົມບັດທີ່ມີຄຸນຄ່າທີ່ສາມາດນໍາໃຊ້ເປັນທ່າແຮງໃນການພັດທະນາເສດຖະກິດ-ສັງຄົມຂອງປະເທດ.

ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

04/02/2026 13:39

ໃນຫວ່າງບໍ່ດົນມານີ້,ສູນສະຖິຕິແຫ່ງຊາດ ກະຊວງການເງີນ ໄດ້ສະຫຼຸບຕົວເລກຂາດຕົວລວມຍອດຜະລິດຕະພັນພາຍໃນ (GDP)ປີ 2025 ແລະ ທ່າອ່ຽງ ປີ 2026 ຂະນະທີ່ລາວ ຍັງພົບຄວາມຫຍຸ້ງຍາກທາງດ້ານເສດຖະກິດເປັນຕົ້ນ ສະຖຽນລະພາບທາງດ້ານການເງິນ ແລະ ເງິນຕາ, ບັນຫາການເພີ່ມຂຶ້ນຂອງລາຄາ, ອັດຕາເງິນເຟີ້ທີ່ຍັງສືບຕໍ່ເພີ່ມຂຶ້ນ ແລະ ບັນຫາໜີ້ສິນຕ່າງປະເທດ.

1 ປີຜ່ານມາ ເສດຖະກິດເມືອງເງິນຂະຫຍາຍຕົວ ໃນລະດັບ 6.6%

13/01/2026 15:13

ວັນທີ 13 ມັງກອນ 2026ນີ້ ຢູ່ທີ່ຫ້ອງຊຸມຫ້ອງວ່າການເມືອງເງິນ ແຂວງໄຊຍະບູລີ ໄດ້ເປີດກອງປະຊຸມອົງການປົກຄອງເມືອງເງິນ ປະຈຳປີ2025, ພາຍໃຕ້ການເປັນປະທານ ຂອງທ່ານອຸ່ນຄໍາ ອຸບົນສັກ ຮອງປະທານຄະນະກໍາມະການປົກຄອງເມືອງ, ມີທ່ານ ທອງພັນ ສຸກສະຫວັດ ເລຂາຄະນະບໍລິຫານງານພັກເມືອງ, ມີພາກສ່ວນກ່ຽວຂ້ອງອ້ອມຂ້າງເມືອງເຂົ້າຮ່ວມ.

2021-25 ເສດຖະກິດຂອງແຂວງວຽງຈັນ ຂະຫຍາຍຕົວສະເລ່ຍ 4.8%.

26/12/2025 08:34

ໃນກອງປະຊຸມສະໄໝສາມັນເທື່ອທີ 10 ຂອງສະພາປະຊາຊົນແຂວງວຽງຈັນ ຊຸດທີ IV ທີ່ໄຂຂຶ້ນຢ່າງເປັນທາງການໃນ ວັນທີ 25-27 ທັນວາ 2025ນີ້ ຢູ່ທີ່ສະໂມສອນຂອງແຂວງ ໂດຍການເປັນປະທານຂອງ ທ່ານ ບຸນສອນ ເພັດລາວັນ ປະທານສະພາປະຊາຊົນແຂວງ, ມີທ່ານ ຈະເລີນ ເຍຍປາວເຮີ ກໍາມະການສູນກາງພັກ ຮອງປະທານສະພາແຫ່ງຊາດ ທັງເປັນສະມາຊິກສະພາແຫ່ງຊາດປະຈຳເຂດເລືອກຕັ້ງທີ 10 ແຂວງວຽງຈັນ, ທ່ານ ພູທະນູເພັດ ໄຊສົມບັດ ເລຂາຄະນະບໍລິຫານງານພັກແຂວງ, ມີບັນດາສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັັ້ງທີ 10, ສະມາຊິກສະພາປະຊາຊົນແຂວງຊຸດທີ IV, ຕາງໜ້າອົງການຈັດຕັັ້ງພັກ-ລັດແຂວງ, ເມືອງ, ອົງການແນວລາວສ້າງຊາດ, ສະຫະພັນນັກຮົບເກົ່າ, ອົງການຈັດຕັັ້ງມະຫາຊົນ ອ້ອມຂ້າງແຂວງເຂົ້າຮ່ວມ.

ເພີ່ມເຕີມ