ທ່ານ ແມັກເບນກ່າວວ່າ: ການທົດສອບຄັ້ງນີ້ຈະປະເມີນປະສິດທິພາບຂອງລະບົບ ຊຶ່ງໃຊ້ເຕັກໂນໂລຊີເຕືອນໄພຜ່ານທາງໂທລະສັບມືຖື(cell-broadcast)ເພື່ອສົ່ງການແຈ້ງເຕືອນໄປຫາໂທລະສັບມືຖືທີ່ຮອງຮັບໂດຍກົງ, ໂດຍມີຈຸດປະສົງເພື່ອເຮັດໃຫ້ຊາວອົສຕຣາລີຄຸ້ນເຄີຍກັບການແຈ້ງເຕືອນກ່ອນທີ່ລະບົບຈະເລີ່ມເປີດຢ່າງເປັນທາງການ.
ຢ່າງໃດກໍຕາມ, ສື່ມວນຊົນອົສຕຣາລີລາຍງານວ່າບາງລັດ ແລະ ບາງເຂດແຄວ້ນມີຄວາມກັງວົນວ່າ AusAlertອາດຈະບໍ່ສາມາດສົ່ງການແຈ້ງເຕືອນໃຫ້ຜູ້ທີ່ໃຊ້ໂທລະສັບຕັ້ງໂຕະ ຊຶ່ງຍັງຄົງເປັນວິທີການສື່ສານທົ່ວໄປໃນເຂດຫ່າງໄກສອກຫຼີກແລະ ກັງວົນວ່າລະບົບດັ່ງກ່າວຈະເຮັດວຽກກັບລະບົບເຕືອນໄພທ້ອງຖິ່ນທີ່ມີຢູ່ແລ້ວໄດ້ຫຼືບໍ່.
ທ່ານ ແມັກເບນກ່າວວ່າ: ລັດຖະບານຈະສືບຕໍ່ໃຊ້ລະບົບເຕືອນໄພສຸກເສີນສຳລັບໂທລະສັບຕັ້ງໂຕະຄຽງຄູ່ກັບລະບົບ osAlertໃນໄລຍະລະດູສະພາບອາກາດທີ່ຮ້າຍແຮງທີ່ຈະມາເຖິງ.
ທັງນີ້, ລະບົບ osAlertໄດ້ຖືກພັດທະນາໂດຍອີງໃສ່ຄໍາແນະນໍາຈາກຄະນະກໍາມາທິການສືບສວນການຄຸ້ມຄອງໄພພິບັດແຫ່ງຊາດປະຈຳປີ 2020 ຊຶ່ງໄດ້ກໍານົດຄວາມຕ້ອງການຂອງອົສຕຣາລີທີ່ຈະມີລະບົບເຕືອນໄພທີ່ທັນສະໄໝ, ໜ້າເຊື່ອຖື ແລະ ໄດ້ມາດຕະຖານທົ່ວປະເທດ.
ຄໍາເຫັນ