ການພົບປະຄັ້ງນີ້ແມ່ນເນື່ອງໃນໂອກາດການເດີນທາງມາເຂົ້າຮ່ວມກອງປະຊຸມສຸດຍອດອາຊຽນໃນວັນທີ 10 ຕຸລານີ້ແລະພິທີເຊັນບົດບັນທຶກການຮ່ວມມືດ້ານວຽກງານREDD+ກ່ຽວກັບການຈັດຕັ້ງປະຕິບັດສົນທິສັນຍາປາຣີທີ່ທຳນຽບປະທານປະເທດ,ການພົບປະຄັ້ງນີ້ທ່ານລັດຖະມົນຕີກະຊວງກະສິກໍາ ແລະ ປ່າໄມ້ຂອງລາວ ໄດ້ຍົກໃຫ້ເຫັນຄວາມສໍາຄັນ, ການຈັດຕັ້ງປະຕິບັດ, ຄວາມຮັບຜິດຊອບຕໍ່ກັບວຽກງານປ່າໄມ້ໃນຂະແໜງການ, ການຄຸ້ມຄອງປົກປັກຮັກສາຊັບພະຍາກອນປ່າໄມ້ ແລະ ການເພີ່ມຄວາມປົກຫຸ້ມຂອງປ່າໄມ້ລວມທັງບັນດາແຜນງານຫຼັກຂອງກະຊວງກະສິກໍາ ແລະ ປ່າໄມ້ທີ່ກໍາລັງຈັດຕັ້ງປະຕິບັດຢູ່ໃນປັດຈຸເປັນ, ທ່ານ ລີມ ຊັງຊອບ ໄດ້ກ່າວວ່າ ນັບແຕ່ປີ 2013 ເປັນຕົ້ນມາ ກະຊວງກະສິກໍາ ແລະ ປ່າໄມ້ ສປປ ລາວ ແລະ ກະຊວງປ່າໄມ້ ແຫ່ງ ສ ເກົາຫຼີໄດ້ມີລົງນາມໃນບົດບັນທຶກຄວາມເຂົ້າໃຈ ໃນກອບການຮ່ວມມືດ້ານການຫຼຸດຜ່ອນທາດອາຍເຮືອນແກ້ວຈາກການທໍາລາຍປ່າໄມ້ ແລະ ເຮັດໃຫ້ປ່າໄມ້ຊຸດໂຊມ ໂດຍລັດຖະບານ ສເກົາຫຼີ ໄດ້ໃຫ້ການສະໜັບສະໜູນດ້ານງົບປະມານ ເພື່ອຈັດຕັ້ງປະຕິບັດໂຄງການພັດທະນາສິນເຊື່ອກາກບອນ ຊຶ່ງຜ່ານການຈັດຕັ້ງປະຕິບັດບັນດາໂຄງການເຫຼົ່ານັ້ນ ໄດ້ເປັນບາດກ້າວທີ່ສໍາຄັນ ລະຫວ່າງ 2 ປະເທດ ໃນການຮ່ວມມືດ້ານການສົ່ງເສີມກິດຈະກໍາການຫຼຸດຜ່ອນທາດອາຍເຮືອນແກ້ວຈາກການທໍາລາຍປ່າໄມ້, ໂດຍທ່ານໄດ້ສະແດງຄວາມປິຕິຍິນດີຕໍ່ກັບການມາຢ້ຽມຢາມພົບປະ ແລະ ປຶກສາຫາລືກັບກະຊວງກະສິກໍາ ແລະ ປ່າໄມ້ ຂອງ ສປປ ລາວ ດ້ານວຽກງານປ່າໄມ້ ຄັ້ງນີ້ ແລະ ເຊື່ອໝັ້ນວ່າ 2 ປະເທດຈະຮ່ວມກັນສືບຕໍ່ປະກອບສ່ວນໃນການແກ້ໄຂບັນຫາການປ່ຽນແປງດິນຟ້າອາກາດ.
ໃນຕອນທ້າຍຂອງການພົບປະທ່ານລິນຄໍາ ດວງສະຫວັນ ໄດ້ສະແດງຄວາມຍິນດີທີ່ການຮ່ວມມືສອງຝ່າຍຈະມີໃບໜ້າໃໝ່ໂດຍສະເພາະໃນຂົງເຂດວຽກງານປ່າໄມ້ ແລະ ສະແດງຄວາມດີໃຈທີ່ຈະມີໂຄງການໃໝ່ໆເກີດຂຶ້ນພາຍຫຼັງການເຊັນສັນຍານີ້ ແລະ ດີໃຈເປັນຢ່າງຍິ່ງທີ່ໄດ້ຮັບຮູ້ວ່າ ສປປ ລາວ ໄດ້ຮັບການພິຈາລະນາກ່ຽວກັບການຊ່ວຍເຫຼືອດ້ານລົດດັບໄຟປ່າຈາກຂອງ ສເກົາຫຼີໃນອະນາຄົດ ຊຶ່ງເປັນຜົນມາຈາກການຮ່ວມມື 2 ຝ່າຍຂອງພວກເຮົາ.
ຂ່າວ-ພາບ: ນ. ສີອໍາມອນ ໄຊຍະລາດ
ຄໍາເຫັນ