ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ(ຮສສ) ພ້ອມດ້ວຍຄະນະ,ໄດ້ລົງເຄື່ອນໄຫວຊຸກຍູ້ວຽກງານ ຂະແໜງແຮງງານ ແລະ ສະຫວັດດີການສັງຄົມ ຢູ່ແຂວງໄຊສົມບູນ ໃນວັນທີ 3 ຕຸລາ ຜ່ານມາ ຊຶ່ງທ່ານໄດ້ເຂົ້າພົບ ທ່ານ ພອຍຄຳ ຮຸ່ງບຸນຍວງ ເຈົ້າແຂວງໄຊສົມບູນ ເພື່ອແຈ້ງຈຸດປະສົງໃຫ້ທ່ານເຈົ້າແຂວງ ໄດ້ຮັບຊາບ ຊຶ່ງການລົງມາເຄື່ອນໄຫວວຽກງານໃນຄັ້ງນີ້ ເພື່ອເຄື່ອນໄຫວຊຸກຍູ້ວຽກງານຕ່າງໆຂອງພະແນກແຮງງານ ແລະ ສະຫວັດດີການສັງຄົມ ແຂວງໄຊສົມບູນ ເປັນຕົ້ນ: ວຽກງານການຂຶ້ນທະບຽນແຮງງານ, ການຄຸ້ມຄອງແຮງງານທັງພາຍໃນ ແລະ ຕ່າງປະເທດ, ການຮັບມືກັບໄພພິບັດ ແລະ ວຽກງານລະເບີດບໍ່ທັນແຕກ ຢູ່ພາຍໃນແຂວງ ພ້ອມນີ້ ທ່ານ ນາງ ໃບຄຳ ຂັດທິຍະ ຍັງໄດ້ນຳເອົາເງິນ ຈຳນວນ 100 ລ້ານກີບ ໃຫ້ກອງທຶນໄພພິບັດສຸກເສີນແຂວງໄຊສົມບູນ ຕື່ມອີກ ເພື່ອນຳໃຊ້ເຂົ້າໃນວຽກງານໄພພິບັດຕ່າງໆພາຍໃນແຂວງຊ່ວຍເຫຼືອທວ່ງທັນກັບສະພາບການ.
ຈາກນັ້ນ, ລັດຖະມົນຕີ ຮສສ ກໍໄດ້ເຂົ້າຮ່ວມກອງປະຊຸມຂອງພະແນກແຮງງານ ແລະ ສະຫວັດດີການສັງຄົມ ແຂວງໄຊສົມບູນ ໂດຍມີທ່ານ ວັນຄຳເກັ່ງ ຢ່າຊົງກົ່ວ ຫົວໜ້າພະແນກແຮງງານ ແລະ ສະຫວັດດີການສັງຄົມ ແຂວງ ພ້ອມດ້ວຍຄະນະພະແນກ, ຫ້ອງການ ຮສສ ທັງ 5 ເມືອງ ເຂົ້າຮ່ວມ.ໂອກາດນີ້ ທ່ານ ວັນຄຳເກັ່ງ ຢ່າຊົງກົ່ວ ໄດ້ລາຍງານສະພາບການຈັດຕັ້ງປະຕິບັດວຽກງານ ຮສສ ແຂວງໄຊສົມບູນ ໄລຍະ 9 ເດືອນຜ່ານມາ ແລະ ແຜນການ 3 ເດືອນທ້າຍປີ 2023 ຊຶ່ງໄດ້ຍົກໃຫ້ເຫັນຜົນສຳເລັດ, ຂໍ້ຫຍຸ້ງຍາກ ແລະ ສິ່ງທ້າທາຍຕ່າງໆຊຶ່ງຕະຫຼອດໄລຍະທີ່ຜ່ານມາ ໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດໃຫ້ພະນັກງານ-ລັດຖະກອນ ໃຫ້ມີແນວຄິດອຸ່ນອຽນທຸ່ນທ່ຽງ ເຊື່ອໝັ້ນຕໍ່ການພາຂອງພັກ ແລະ ສູ້ຊົນຈັດຕັ້ງປະຕິບັດບັນດາວຽກງານຈຸດສຸມ ຄາດໝາຍທີ່ກຳນົດໄວ້ຢ່າງຕັ້ງໜ້າ ແລະ ມີຜົນສຳເລັດ ໃນນີ້ໄດ້ຊຸກຍູ້ພາກສ່ວນເສດຖະກິດພັດທະນາສີມືແຮງງານໄດ້ 780 ຄົນຍິງ 273 ຄົນ, ໄດ້ຮັບອະນຸມັດໂກຕ້ານຳໃຊ້ແຮງງານຕ່າງປະເທດ ໃຫ້ຫົວໜ່ວຍແຮງງານ ໄດ້ 20 ຫົວໜ່ວຍ, ຈຳນວນ 500 ກວ່າໂກຕ້າ, ສົມທົບກັບກັບກອງບັນຊາການ ປກສ ແຂວງ ຄຸ້ມຄອງແຮງງານໄດ້ 7 ຫົວໜ່ວຍ, ໄດ້ສົມທົບກັບຂະແໜງການທີ່ກ່ຽວຂ້ອງ ຂຶ້ນທະບຽນແຮງງານໄດ້ສຳເລັດ 85 ຫົວໜ່ວຍ, ມີຜູ້ເກີດສິດປິ່ນປົວສຸຂະພາບພາກລັດ ຈຳນວນ 10.400 ກວ່າຄົນ ພ້ອມນີ້ ຍັງໄດ້ປະຕິບັດນະໂຍບາຍໃຫ້ເປົ້າໝາຍທີ່ໄດ້ຮັບນະໂຍບາຍຕາມດຳລັດ 272/ລບ ງວດສອງ ຈຳນວນ 42 ຄົນ, ເປັນເງິນທັງໝົດ 800 ລ້ານກວ່າກີບ. ນອກຈາກນີ້, ຍັງມີອັກຄີໄພເກີດຂຶ້ນ 7 ຄັ້ງ, ພາຍຸພັດ 4 ຄັ້ງ, ດິນເຈື່ອນ, ນໍ້າຖ້ວມ, ນໍ້າຊຸເຮືອນ, ເສັ້ນທາງເປ່ເພ ລວມມູນຄ່າເສຍຫາຍທັງໝົດ 7 ຕື້ກວ່າກີບ ສ່ວນວຽກງານເກັບກູ້ລະເບີດ ໄດ້ສົມທົບກັບກອງກວດກູ້ 58 ສຳຫຼວດກວດກູ້ລະເບີດບໍ່ທັນແຕກຢູ່ໂຄງການກະສິກຳສະອາດ ຈຳນວນເນື້ອທີ່ 30 ກວ່າເຮັກຕາ, ກວດກູ້ທຳລາຍເຄື່ອນທີ່ຕາມການສະເໜີ ຈຳນວນ 3 ຄັ້ງ ແລະ ວຽກງານດ້ານອື່ນໆກໍມີຜົນສຳເລັດ ໂດຍພື້ນຖານ.
ໃນໂອກາດດັ່ງກ່າວ,ທ່ານ ນາງ ໃບຄຳ ຂັດທິຍະ ໄດ້ໂອ້ລົມຊີ້ນຳພະນັກງານ ຮສສ ແຂວງໃຫ້ເອົາໃຈໃສ່ເພີ່ມທະວີ ເຕົ້າໂຮມຄວາມສາມັກຄີໃຫ້ເປັນປຶກແຜ່ນ, ປັບປຸງແບບແຜນວິທີການເຮັດວຽກ ບົນຫຼັກການນໍາພາລວມສູນປະຊາທິປະໄຕ, ການນໍາພາເປັນໝູ່ຄະນະ ແບ່ງວຽກໃຫ້ບຸກ ຄົນຮັບຜິດຊອບ, ມີການຕິດຕາມ, ກວດກາ ຊຸກຍູ້ ການຈັດຕັ້ງປະຕິບັດວຽກງານ, ແກ້ໄຂບັນຫາທີ່ຄົງຄ້າງ ຢ່າງເປັນລະບົບ ເພື່ອເຮັດໃຫ້ທຸກວຽກງານສາມາດຂັບເຄື່ອນໄປຂ້າງໜ້າໄດ້ເປັນຢ່າງດີ ເປັນຕົ້ນແມ່ນການຄຸ້ມຄອງແຮງງານ, ວຽກງານສີມືແຮງງານ ເປັນໃຈກາງໃນການປະສານສົມທົບກັບພາກສ່ວນຕ່າງໆ ໂດຍຝຶກອົບຮົມວິຊາຊີບ ໃຫ້ແກ່ປະຊາຊົນ ເຊັ່ນ: ການປູກ-ການລ້ຽງ ຜະລິດເປັນສິນຄ້າ, ການບໍລິການ ແລະ ການຄ້າຂາຍຕ່າງໆ ເພື່ອພັດທະນາວິຊາຊີບໃຫ້ປະຊາຊົນໄດ້ມີວຽກເຮັດງານທຳ ສ້າງລາຍຮັບເຂົ້າໃນຄອບຄົວ ພ້ອມນີ້ ວຽກງານປະກັນສຸຂະພາບ ກໍໃຫ້ເປັນລະບົບການບໍລິການ ເພື່ອອຳນວຍຄວາມສະດວກໃຫ້ແກ່ຜູ້ປະກັນຕົນ ສິ່ງສຳຄັນແມ່ນຕ້ອງໄດ້ຄົ້ນຄວ້າ, ເຊື່ອມຊຶມ ບັນດານິຕິກຳຕ່າງໆຂອງກະຊວງ ແລະ ຂອງແຂວງ ຕິດພັນກັບການກຳນົດແຜນຕຳແໜ່ງງານ, ບຳລຸງສ້າງ ພະນັກງານ ເພື່ອສ້າງບຸກຄະລາກອນໃຫເມີຄວາມຮູ້ ຄວາມສາມາດ ເພື່ອຮອງຮັບກັບວຽກງານໃນຂະແໜງການຂອງຕົນ ໃຫ້ດີຂຶ້ນເປັນກ້າວໆ.
ເນື່ອງໃນໂອກາດທີ່ໄດ້ລົງມາເຄື່ອນໄຫວວຽກ ຂອງທ່ານ ນາງ ໃບຄຳ ຂັດທິຍະ ທ່ານຍັງໄດ້ນຳເອົາຄອມພິວເຕີຕັ້ງໂຕະຈຳນວນ 5 ຊຸດ ມາມອບໃຫ້ແກ່ພະແນກແຮງງານ ແລະ ສະຫວັດດີການສັງຄົມ ແຂວງໄຊສົມບູນຕື່ມອີກ.
(ຂ່າວ:ສານຮສສ)
ຈາກນັ້ນ, ລັດຖະມົນຕີ ຮສສ ກໍໄດ້ເຂົ້າຮ່ວມກອງປະຊຸມຂອງພະແນກແຮງງານ ແລະ ສະຫວັດດີການສັງຄົມ ແຂວງໄຊສົມບູນ ໂດຍມີທ່ານ ວັນຄຳເກັ່ງ ຢ່າຊົງກົ່ວ ຫົວໜ້າພະແນກແຮງງານ ແລະ ສະຫວັດດີການສັງຄົມ ແຂວງ ພ້ອມດ້ວຍຄະນະພະແນກ, ຫ້ອງການ ຮສສ ທັງ 5 ເມືອງ ເຂົ້າຮ່ວມ.ໂອກາດນີ້ ທ່ານ ວັນຄຳເກັ່ງ ຢ່າຊົງກົ່ວ ໄດ້ລາຍງານສະພາບການຈັດຕັ້ງປະຕິບັດວຽກງານ ຮສສ ແຂວງໄຊສົມບູນ ໄລຍະ 9 ເດືອນຜ່ານມາ ແລະ ແຜນການ 3 ເດືອນທ້າຍປີ 2023 ຊຶ່ງໄດ້ຍົກໃຫ້ເຫັນຜົນສຳເລັດ, ຂໍ້ຫຍຸ້ງຍາກ ແລະ ສິ່ງທ້າທາຍຕ່າງໆຊຶ່ງຕະຫຼອດໄລຍະທີ່ຜ່ານມາ ໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດໃຫ້ພະນັກງານ-ລັດຖະກອນ ໃຫ້ມີແນວຄິດອຸ່ນອຽນທຸ່ນທ່ຽງ ເຊື່ອໝັ້ນຕໍ່ການພາຂອງພັກ ແລະ ສູ້ຊົນຈັດຕັ້ງປະຕິບັດບັນດາວຽກງານຈຸດສຸມ ຄາດໝາຍທີ່ກຳນົດໄວ້ຢ່າງຕັ້ງໜ້າ ແລະ ມີຜົນສຳເລັດ ໃນນີ້ໄດ້ຊຸກຍູ້ພາກສ່ວນເສດຖະກິດພັດທະນາສີມືແຮງງານໄດ້ 780 ຄົນຍິງ 273 ຄົນ, ໄດ້ຮັບອະນຸມັດໂກຕ້ານຳໃຊ້ແຮງງານຕ່າງປະເທດ ໃຫ້ຫົວໜ່ວຍແຮງງານ ໄດ້ 20 ຫົວໜ່ວຍ, ຈຳນວນ 500 ກວ່າໂກຕ້າ, ສົມທົບກັບກັບກອງບັນຊາການ ປກສ ແຂວງ ຄຸ້ມຄອງແຮງງານໄດ້ 7 ຫົວໜ່ວຍ, ໄດ້ສົມທົບກັບຂະແໜງການທີ່ກ່ຽວຂ້ອງ ຂຶ້ນທະບຽນແຮງງານໄດ້ສຳເລັດ 85 ຫົວໜ່ວຍ, ມີຜູ້ເກີດສິດປິ່ນປົວສຸຂະພາບພາກລັດ ຈຳນວນ 10.400 ກວ່າຄົນ ພ້ອມນີ້ ຍັງໄດ້ປະຕິບັດນະໂຍບາຍໃຫ້ເປົ້າໝາຍທີ່ໄດ້ຮັບນະໂຍບາຍຕາມດຳລັດ 272/ລບ ງວດສອງ ຈຳນວນ 42 ຄົນ, ເປັນເງິນທັງໝົດ 800 ລ້ານກວ່າກີບ. ນອກຈາກນີ້, ຍັງມີອັກຄີໄພເກີດຂຶ້ນ 7 ຄັ້ງ, ພາຍຸພັດ 4 ຄັ້ງ, ດິນເຈື່ອນ, ນໍ້າຖ້ວມ, ນໍ້າຊຸເຮືອນ, ເສັ້ນທາງເປ່ເພ ລວມມູນຄ່າເສຍຫາຍທັງໝົດ 7 ຕື້ກວ່າກີບ ສ່ວນວຽກງານເກັບກູ້ລະເບີດ ໄດ້ສົມທົບກັບກອງກວດກູ້ 58 ສຳຫຼວດກວດກູ້ລະເບີດບໍ່ທັນແຕກຢູ່ໂຄງການກະສິກຳສະອາດ ຈຳນວນເນື້ອທີ່ 30 ກວ່າເຮັກຕາ, ກວດກູ້ທຳລາຍເຄື່ອນທີ່ຕາມການສະເໜີ ຈຳນວນ 3 ຄັ້ງ ແລະ ວຽກງານດ້ານອື່ນໆກໍມີຜົນສຳເລັດ ໂດຍພື້ນຖານ.
ໃນໂອກາດດັ່ງກ່າວ,ທ່ານ ນາງ ໃບຄຳ ຂັດທິຍະ ໄດ້ໂອ້ລົມຊີ້ນຳພະນັກງານ ຮສສ ແຂວງໃຫ້ເອົາໃຈໃສ່ເພີ່ມທະວີ ເຕົ້າໂຮມຄວາມສາມັກຄີໃຫ້ເປັນປຶກແຜ່ນ, ປັບປຸງແບບແຜນວິທີການເຮັດວຽກ ບົນຫຼັກການນໍາພາລວມສູນປະຊາທິປະໄຕ, ການນໍາພາເປັນໝູ່ຄະນະ ແບ່ງວຽກໃຫ້ບຸກ ຄົນຮັບຜິດຊອບ, ມີການຕິດຕາມ, ກວດກາ ຊຸກຍູ້ ການຈັດຕັ້ງປະຕິບັດວຽກງານ, ແກ້ໄຂບັນຫາທີ່ຄົງຄ້າງ ຢ່າງເປັນລະບົບ ເພື່ອເຮັດໃຫ້ທຸກວຽກງານສາມາດຂັບເຄື່ອນໄປຂ້າງໜ້າໄດ້ເປັນຢ່າງດີ ເປັນຕົ້ນແມ່ນການຄຸ້ມຄອງແຮງງານ, ວຽກງານສີມືແຮງງານ ເປັນໃຈກາງໃນການປະສານສົມທົບກັບພາກສ່ວນຕ່າງໆ ໂດຍຝຶກອົບຮົມວິຊາຊີບ ໃຫ້ແກ່ປະຊາຊົນ ເຊັ່ນ: ການປູກ-ການລ້ຽງ ຜະລິດເປັນສິນຄ້າ, ການບໍລິການ ແລະ ການຄ້າຂາຍຕ່າງໆ ເພື່ອພັດທະນາວິຊາຊີບໃຫ້ປະຊາຊົນໄດ້ມີວຽກເຮັດງານທຳ ສ້າງລາຍຮັບເຂົ້າໃນຄອບຄົວ ພ້ອມນີ້ ວຽກງານປະກັນສຸຂະພາບ ກໍໃຫ້ເປັນລະບົບການບໍລິການ ເພື່ອອຳນວຍຄວາມສະດວກໃຫ້ແກ່ຜູ້ປະກັນຕົນ ສິ່ງສຳຄັນແມ່ນຕ້ອງໄດ້ຄົ້ນຄວ້າ, ເຊື່ອມຊຶມ ບັນດານິຕິກຳຕ່າງໆຂອງກະຊວງ ແລະ ຂອງແຂວງ ຕິດພັນກັບການກຳນົດແຜນຕຳແໜ່ງງານ, ບຳລຸງສ້າງ ພະນັກງານ ເພື່ອສ້າງບຸກຄະລາກອນໃຫເມີຄວາມຮູ້ ຄວາມສາມາດ ເພື່ອຮອງຮັບກັບວຽກງານໃນຂະແໜງການຂອງຕົນ ໃຫ້ດີຂຶ້ນເປັນກ້າວໆ.
ເນື່ອງໃນໂອກາດທີ່ໄດ້ລົງມາເຄື່ອນໄຫວວຽກ ຂອງທ່ານ ນາງ ໃບຄຳ ຂັດທິຍະ ທ່ານຍັງໄດ້ນຳເອົາຄອມພິວເຕີຕັ້ງໂຕະຈຳນວນ 5 ຊຸດ ມາມອບໃຫ້ແກ່ພະແນກແຮງງານ ແລະ ສະຫວັດດີການສັງຄົມ ແຂວງໄຊສົມບູນຕື່ມອີກ.
(ຂ່າວ:ສານຮສສ)
ຄໍາເຫັນ