ວັນທີ 6 ຕຸລາ ນີ້ ທີ່ຫ້ອງຮັບແຂກ ກະຊວງຍຸຕິທໍາ, ທ່ານ ໄພວີ ສີບົວລິພາ ລັດຖະມົນຕີກະຊວງຍຸຕິທໍາ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຢາມພົບປະຂອງ ທ່ານ ໂທມາສ ລາມມາຣ (Thomas Lammar) ອຸປະທູດແຫ່ງຣາຊະອານາຈັກ ລຸກຊໍາບວກ ຄົນໃໝ່ ປະຈຳ ສປປ ລາວ ພ້ອມດ້ວຍຄະນະ.
ໃນໂອກາດນີ້ ທ່ານ ໄພວີ ສີບົວລິພາ ກໍໄດ້ສະແດງຄວາມຍິນດີ ກັບ ທ່ານ ໂທມາສ ລາມມາຣ ທີ່ໄດ້ຮັບໜ້າທີ່ເປັນອຸປະທູດແຫ່ງຣາຊະອານາຈັກລຸກຊໍາບວກຄົນໃໝ່ ປະຈຳ ສປປ ລາວ ໃນຄັ້ງນີ້. ຫຼັງຈາກນັ້ນ ທັງສອງຝ່າຍຍັງໄດ້ລາຍງານສະພາບການຈັດຕັ້ງປະຕິບັດວຽກງານຂອງຕົນໃຫ້ກັນ ແລະ ກັນໄດ້ຮັບຊາບ ແລະ ທ່ານກໍໄດ້ສະແດງຄວາມຂອບໃຈຕໍ່ປະເທດລຸກຊໍາບວກ ເວລາໃດກໍໃຫ້ການຊ່ວຍເຫຼືອແກ່ຂະແໜງຍຸຕິທໍາ ຕະຫຼອດມາ ແລະ ເປັນການສືບຕໍ່ການຮ່ວມມືກັນ ລະຫວ່າງ ກະຊວງຍຸຕິທໍາ ແລະ ປະເທດລຸກຊໍາບວກ ໂດຍສະເພາະແມ່ນສະໜັບສະໜູນຊ່ວຍເຫຼືອທາງດ້ານວິຊາການ ແລະ ທາງດ້ານທຶນຮອນ ໃຫ້ແກ່ວຽກງານຂອງຂະແໜງຍຸຕິທໍາ ແລະໄດ້ອວຍພອນໃຫ້ທ່ານອຸປະທູດ ຈົ່ງມີສຸຂະພາບເຂັ້ມແຂງ ປະສົບຜົນສໍາເລັດໃນການປະຕິບັດໜ້າທີ່ວຽກງານ ຢູ່ ສປປ ລາວ.
ໃນໂອກາດດັ່ງກ່າວ, ທ່ານອຸປະທູດ ກໍໄດ້ສະແດງຄວາມຂອບໃຈຕໍ່ກັບການຕ້ອນຮັບອັນແສນອົບອຸ່ນໃນຄັ້ງນີ້ດ້ວຍ ແລະ ອວຍພອນໄຊອັນປະເສີດມາຍັງທ່ານລັດຖະມົນຕີກະຊວງຍຸຕິທຳ ພ້ອມທັງໃຫ້ຄວາມຍິນດີທີ່ຈະສືບຕໍ່ພົວພັນຮ່ວມມືກັບຂະແໜງຍຸຕິທຳ ໃນຕໍ່ໜ້າໃຫ້ຫຼາຍຂຶ້ນກວ່າເກົ່າ.
ຂ່າວ-ພາບ: ໄຊຍະສິດ
ໃນໂອກາດນີ້ ທ່ານ ໄພວີ ສີບົວລິພາ ກໍໄດ້ສະແດງຄວາມຍິນດີ ກັບ ທ່ານ ໂທມາສ ລາມມາຣ ທີ່ໄດ້ຮັບໜ້າທີ່ເປັນອຸປະທູດແຫ່ງຣາຊະອານາຈັກລຸກຊໍາບວກຄົນໃໝ່ ປະຈຳ ສປປ ລາວ ໃນຄັ້ງນີ້. ຫຼັງຈາກນັ້ນ ທັງສອງຝ່າຍຍັງໄດ້ລາຍງານສະພາບການຈັດຕັ້ງປະຕິບັດວຽກງານຂອງຕົນໃຫ້ກັນ ແລະ ກັນໄດ້ຮັບຊາບ ແລະ ທ່ານກໍໄດ້ສະແດງຄວາມຂອບໃຈຕໍ່ປະເທດລຸກຊໍາບວກ ເວລາໃດກໍໃຫ້ການຊ່ວຍເຫຼືອແກ່ຂະແໜງຍຸຕິທໍາ ຕະຫຼອດມາ ແລະ ເປັນການສືບຕໍ່ການຮ່ວມມືກັນ ລະຫວ່າງ ກະຊວງຍຸຕິທໍາ ແລະ ປະເທດລຸກຊໍາບວກ ໂດຍສະເພາະແມ່ນສະໜັບສະໜູນຊ່ວຍເຫຼືອທາງດ້ານວິຊາການ ແລະ ທາງດ້ານທຶນຮອນ ໃຫ້ແກ່ວຽກງານຂອງຂະແໜງຍຸຕິທໍາ ແລະໄດ້ອວຍພອນໃຫ້ທ່ານອຸປະທູດ ຈົ່ງມີສຸຂະພາບເຂັ້ມແຂງ ປະສົບຜົນສໍາເລັດໃນການປະຕິບັດໜ້າທີ່ວຽກງານ ຢູ່ ສປປ ລາວ.
ໃນໂອກາດດັ່ງກ່າວ, ທ່ານອຸປະທູດ ກໍໄດ້ສະແດງຄວາມຂອບໃຈຕໍ່ກັບການຕ້ອນຮັບອັນແສນອົບອຸ່ນໃນຄັ້ງນີ້ດ້ວຍ ແລະ ອວຍພອນໄຊອັນປະເສີດມາຍັງທ່ານລັດຖະມົນຕີກະຊວງຍຸຕິທຳ ພ້ອມທັງໃຫ້ຄວາມຍິນດີທີ່ຈະສືບຕໍ່ພົວພັນຮ່ວມມືກັບຂະແໜງຍຸຕິທຳ ໃນຕໍ່ໜ້າໃຫ້ຫຼາຍຂຶ້ນກວ່າເກົ່າ.
ຂ່າວ-ພາບ: ໄຊຍະສິດ
ຄໍາເຫັນ