 |
ທ່ານ ພົນເອກ ຄຳລຽງ ອຸທະໄກສອນ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການເຂົ້າຢ້ຽມຂໍ່ານັບຂອງທ່ານ ທູດ ສ ເກົາຫຼີ ຄັ້ງນີ້, ເພື່ອຮັດແໜ້ນ ແລະ ເສີມຂະຫຍາຍສາຍພົວພັນຮ່ວມມືມິດຕະ ພາບ ລະຫວ່າງ ສອງປະເທດ ລາວ - ສ ເກົາຫຼີ ໃຫ້ໄດ້ຮັບການພັດທະນາຍິ່ງຂຶ້ນ. ພ້ອມກັນນັ້ນ, ທັງສອງຝ່າຍໄດ້ຕີລາຄາສູງຕໍ່ຜົນສຳເລັດຂອງການພົວພັນຮ່ວມມືໃນໄລຍະຜ່ານມາ ແລະ ໄດ້ປຶກສາຫາລືກ່ຽວກັບທິດທາງການຮ່ວມມືໃນຕໍ່ໜ້າ ໂດຍສະເພາະການແລກປ່ຽນບົດຮຽນວຽກງານປ້ອງກັນຊາດຊຶ່ງກັນ ແລະ ກັນ ຂອງຄະນະຜູ້ແທນຂັ້ນຕ່າງໆ ເພື່ອເປັນທິດທາງໃນການຮັກສາຄວາມສັນຕິພາບ ແລະ ສະຖຽນລະພາບຂອງປະເທດຊາດໄວ້ໃຫ້ໝັ້ນຄົງ.
ໂອກາດນີ້, ທ່ານເອກອັກຄະລັດຖະທູດ ສ ເກົາຫຼີ ກໍໄດ້ສະແດງຄວາມຂອບໃຈຢ່າງຈິງໃຈຕໍ່ທ່ານລັດຖະ ມົນຕີກະຊວງປ້ອງກັນປະເທດ ແຫ່ງ ສປປ ລາວ ທີ່ໄດ້ໃຫ້ການຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງຢືນຢັນວ່າຈະສືບຕໍ່ທຸ້ມເທຄວາມພະຍາຍາມ, ສະຕິປັນຍາ ເຂົ້າໃນການເຄື່ອນໄຫວວຽກງານທາງການທູດ ເພື່ອເປັນຂົວຕໍ່ໃນການຊຸກຍູ້, ສົ່ງເສີມ ແລະ ຮັດແໜ້ນສາຍພົວພັນມິດຕະພາບ ລະຫວ່າງ ສອງປະເທດ ກໍຄື ສອງກອງທັບ ສ ເກົາຫຼີ ແລະ ສປປ ລາວ ໃຫ້ມີຄວາມແໜ້ນແຟ້ນ ແລະ ມີໝາກຜົນຕົວຈິງໃນອະນາຄົດ.
ຂ່າວ: ໂກແລ້ມ ອະໄພຍະວົງ
ຄໍາເຫັນ