ໂດຍ: ວັນເພັງ
ທ່ານສົມປອງ ສິດທິວົງ ຫົວໜ້າກົມນໍ້າປະປາ ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ນໍາສະເໜີການສ້າງແຜນດຳເນີນທຸລະກິດໃຫ້ແກ່ລັດວິສາຫະກິດນໍ້າປະປາເພື່ອໃຫ້ມີຄວາມຍືນຍົງຕໍ່ກອງປະຊຸມວຽກງານ ຍທຂ ທົ່ວປະເທດເມື່ອບໍ່ດົນມານີ້ ໂດຍສະເພາະລັດວິສາຫະກິດນໍ້າປະປາ ຈົ່ງສືບຕໍ່ປັບປຸງເພື່ອໃຫ້ທຸລະກິດຂອງຕົນມີຄວາມຍືນຍົງໃນອະນາຄົດ.
ສຳລັບຍຸດທະສາດການພັດທະນາຂະແໜງນໍ້າປະປາ ແລະ ສຸຂາພິບານຮອດປີ 2030ທ່ານ ສົມປອງ ສິດທິວົງໄດ້ກ່າວວ່າ: ໃຫ້ວິສາຫະກິດນໍ້າປະປາ ແລະ ສຸຂາພິບານທັງພາກລັດ-ເອກະຊົນສາມາດດໍາເນີນທຸລະກິດຢ່າງມີປະສິດທິພາບປະສິດທິຜົນສູງ ແລະ ຍືນຍົງ, ໃຫ້ພາກເອກະຊົນໄດ້ຮັບການສົ່ງເສີມ ພ້ອມໃຫ້ເຂົ້າມາມີສ່ວນຮ່ວມໃນການພັດທະນາຂະແໜງນໍ້າປະປາ ແລະ ສຸຂາພິບານຫຼາຍຂຶ້ນເນື່ອງຈາກວ່າການເຂົ້າເຖິງນໍ້າປະປາໃນຕົວເມືອງ 78%ຖ້າທຽບໃສ່ທົ່ວປະເທດເຂົ້າເຖິງພຽງແຕ່ 29%. ໃນນັ້ນ, ໃຫ້ປະຊາກອນທີ່ດໍາລົງຊີວິດຢູ່ເທດສະບານແຂວງ-ເມືອງ 90% ໄດ້ຊົມໃຊ້ນໍ້າປະປາທີ່ມີການຄຸ້ມຄອງຢ່າງປອດໄພ ພ້ອມໃຫ້ປະຊາກອນທີ່ດໍາລົງຊີວິດຢູ່ເທດສະບານແຂວງ-ເມືອງ 100% ໄດ້ນໍາໃຊ້ວິດຖ່າຍຢ່າງທົ່ວເຖິງ ແລະ ຖືກຫຼັກອະນາໄມ ສິ່ງສຳຄັນໃຫ້ນໍ້າເປື້ອນໃນເທດສະບານແຂວງ-ເມືອງ 50% ໄດ້ຮັບການບໍາບັດ, ມີການຄຸ້ມຄອງຢ່າງມີປະສິດທິພາບ, ປອດໄພຕໍ່ສິ່ງແວດລ້ອມ ແລະ ສັງຄົມ. ພ້ອມນັ້ນ, ເພື່ອປັບປຸງໃຫ້ທຸລະກິດນໍ້າປະປາມີຄວາມຍືນຍົງໃນອະນາຄົດ. ທ່ານສົມປອງ ສິດທິວົງ ຍັງສະເໜີໃຫ້ລັດວິສາຫາກິດນໍ້າປະປາ ສືບຕໍ່ເອົາໃຈໃສ່ໃນການຈັດຕັ້ງປະຕິບັດບົດແນະນໍາກ່ຽວກັບການສ້າງແຜນດໍາເນີນທຸລະກິດດ້ວຍຕົນເອງ ໃຫ້ກາຍເປັນມືອາຊີບ;ສະເໜີໃຫ້ລັດວິສາຫະກິດນໍ້າປະປາ ຈົ່ງເອົາໃຈໃສ່ໃນການທົບທວນ ແລະ ປັບປຸງລາຄານໍ້າໃຫ້ສອດຄ່ອງກັບສະພາບເສດຖະກິດ-ສັງຄົມໃນແຕ່ລະໄລຍະ ເພື່ອໃຫ້ມີລາຍຮັບພຽງພໍ ຫຼືປົກຄຸມໄດ້ຄ່າໃຊ້ຈ່າຍໃນການປັບປຸງ, ຂະຫຍາຍລະບົບໂຄງລ່າງນໍ້າປະປາດ້ວຍຕົນເອງໄດ້ເພື່ອເພີ່ມການເຂົ້າເຖິງນໍ້າປະປາ ໃຫ້ບັນລຸໄດ້ຍຸດທະສາດຮອດປີ 2030.ພ້ອມດຽວກັນນັ້ນ, ຍັງສະເໜີໃຫ້ລັດວິສາຫະກິດນໍ້າປະປາສົມທົບກັບພະແນກ ຍທຂ ຂົນຂວາຍການມີສ່ວນຮ່ວມຂອງພາກເອກະຊົນເຂົ້າໃນການຂະຫຍາຍລະບົບໂຄງລ່າງ ແລະ ການບໍລິການນໍ້າປະປາໃຫ້ຫຼາຍຂຶ້ນ.
ທ່ານສົມປອງ ສິດທິວົງ ຫົວໜ້າກົມນໍ້າປະປາ ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ນໍາສະເໜີການສ້າງແຜນດຳເນີນທຸລະກິດໃຫ້ແກ່ລັດວິສາຫະກິດນໍ້າປະປາເພື່ອໃຫ້ມີຄວາມຍືນຍົງຕໍ່ກອງປະຊຸມວຽກງານ ຍທຂ ທົ່ວປະເທດເມື່ອບໍ່ດົນມານີ້ ໂດຍສະເພາະລັດວິສາຫະກິດນໍ້າປະປາ ຈົ່ງສືບຕໍ່ປັບປຸງເພື່ອໃຫ້ທຸລະກິດຂອງຕົນມີຄວາມຍືນຍົງໃນອະນາຄົດ.
ສຳລັບຍຸດທະສາດການພັດທະນາຂະແໜງນໍ້າປະປາ ແລະ ສຸຂາພິບານຮອດປີ 2030ທ່ານ ສົມປອງ ສິດທິວົງໄດ້ກ່າວວ່າ: ໃຫ້ວິສາຫະກິດນໍ້າປະປາ ແລະ ສຸຂາພິບານທັງພາກລັດ-ເອກະຊົນສາມາດດໍາເນີນທຸລະກິດຢ່າງມີປະສິດທິພາບປະສິດທິຜົນສູງ ແລະ ຍືນຍົງ, ໃຫ້ພາກເອກະຊົນໄດ້ຮັບການສົ່ງເສີມ ພ້ອມໃຫ້ເຂົ້າມາມີສ່ວນຮ່ວມໃນການພັດທະນາຂະແໜງນໍ້າປະປາ ແລະ ສຸຂາພິບານຫຼາຍຂຶ້ນເນື່ອງຈາກວ່າການເຂົ້າເຖິງນໍ້າປະປາໃນຕົວເມືອງ 78%ຖ້າທຽບໃສ່ທົ່ວປະເທດເຂົ້າເຖິງພຽງແຕ່ 29%. ໃນນັ້ນ, ໃຫ້ປະຊາກອນທີ່ດໍາລົງຊີວິດຢູ່ເທດສະບານແຂວງ-ເມືອງ 90% ໄດ້ຊົມໃຊ້ນໍ້າປະປາທີ່ມີການຄຸ້ມຄອງຢ່າງປອດໄພ ພ້ອມໃຫ້ປະຊາກອນທີ່ດໍາລົງຊີວິດຢູ່ເທດສະບານແຂວງ-ເມືອງ 100% ໄດ້ນໍາໃຊ້ວິດຖ່າຍຢ່າງທົ່ວເຖິງ ແລະ ຖືກຫຼັກອະນາໄມ ສິ່ງສຳຄັນໃຫ້ນໍ້າເປື້ອນໃນເທດສະບານແຂວງ-ເມືອງ 50% ໄດ້ຮັບການບໍາບັດ, ມີການຄຸ້ມຄອງຢ່າງມີປະສິດທິພາບ, ປອດໄພຕໍ່ສິ່ງແວດລ້ອມ ແລະ ສັງຄົມ. ພ້ອມນັ້ນ, ເພື່ອປັບປຸງໃຫ້ທຸລະກິດນໍ້າປະປາມີຄວາມຍືນຍົງໃນອະນາຄົດ. ທ່ານສົມປອງ ສິດທິວົງ ຍັງສະເໜີໃຫ້ລັດວິສາຫາກິດນໍ້າປະປາ ສືບຕໍ່ເອົາໃຈໃສ່ໃນການຈັດຕັ້ງປະຕິບັດບົດແນະນໍາກ່ຽວກັບການສ້າງແຜນດໍາເນີນທຸລະກິດດ້ວຍຕົນເອງ ໃຫ້ກາຍເປັນມືອາຊີບ;ສະເໜີໃຫ້ລັດວິສາຫະກິດນໍ້າປະປາ ຈົ່ງເອົາໃຈໃສ່ໃນການທົບທວນ ແລະ ປັບປຸງລາຄານໍ້າໃຫ້ສອດຄ່ອງກັບສະພາບເສດຖະກິດ-ສັງຄົມໃນແຕ່ລະໄລຍະ ເພື່ອໃຫ້ມີລາຍຮັບພຽງພໍ ຫຼືປົກຄຸມໄດ້ຄ່າໃຊ້ຈ່າຍໃນການປັບປຸງ, ຂະຫຍາຍລະບົບໂຄງລ່າງນໍ້າປະປາດ້ວຍຕົນເອງໄດ້ເພື່ອເພີ່ມການເຂົ້າເຖິງນໍ້າປະປາ ໃຫ້ບັນລຸໄດ້ຍຸດທະສາດຮອດປີ 2030.ພ້ອມດຽວກັນນັ້ນ, ຍັງສະເໜີໃຫ້ລັດວິສາຫະກິດນໍ້າປະປາສົມທົບກັບພະແນກ ຍທຂ ຂົນຂວາຍການມີສ່ວນຮ່ວມຂອງພາກເອກະຊົນເຂົ້າໃນການຂະຫຍາຍລະບົບໂຄງລ່າງ ແລະ ການບໍລິການນໍ້າປະປາໃຫ້ຫຼາຍຂຶ້ນ.
ຄໍາເຫັນ