ຕາມຂ່າວແຈ້ງວ່າ: ຫຼາຍມື້ມໍ່ໆມານີ້, ມີກຳປັ່ນຢ່າງໜ້ອຍ 150 ລໍາ ຊຶ່ງລວມທັງກຳປັ່ນບັນທຸກນ້ຳມັນດິບ ແລະ ແກ໊ສທຳມະຊາດໄດ້ຈອດຢູ່ເຂດຊ່ອງແຄບຮໍມຸສ ແລະ ເຂດທະເລໃກ້ຄຽງ, ມີກຳປັ່ນບັນທຸກນ້ຳມັນຢ່າງໜ້ອຍ 3 ລໍາຖືກທຳລາຍ ແລະ ມີລູກເຮືອຄົນໜຶ່ງເສຍຊີວິດ. ອົງການທາງທະເລສາກົນໄດ້ອອກຖະແຫຼງການໃນວັນທີ 1 ມີນາ ຜ່ານມາ ໂດຍຮຽກຮ້ອງໃຫ້ທຸກບໍລິສັດເດີນເຮືອທາງທະເລຈົ່ງມີສະຕິລະວັງຕົວໃນລະດັບສູງ ແລະ ຫຼີກລ່ຽງບໍ່ໃຫ້ເດີນຜ່ານເຂດທະເລທີ່ໄດ້ຮັບຜົນກະທົບ ຈົນກວ່າສະຖານະການຈະດີຂຶ້ນ.
ສົງຄາມລະຫວ່າງ ອາເມຣິກາ-ອິສຣາແອນ ກັບ ອີຣານ ເຮັດໃຫ້ເກີດວິກິດພະລັງງານໜັກໜ່ວງທີ່ສຸດໃນປະຫວັດສາດ
ຂ່າວສານຊີອາໄອລາຍງານວ່າ: ໃນວັນທີ 21 ເມສາ ຜ່ານມາ, ທ່ານ ຟາຕິ ບີໂຣລ ຜູ້ອຳນວຍການໃຫຍ່ອົງການພະລັງງານສາກົນກ່າວວ່າ: ສົງຄາມລະຫວ່າງອາເມຣິກາ-ອິສຣາແອນ ກັບ ອີຣານ ພວມເຮັດໃຫ້ທົ່ວໂລກຜະເຊີນກັບວິກິດພະລັງງານທີ່ໜັກໜ່ວງ ທີ່ສຸດໃນປະຫວັດສາດ.
ຄໍາເຫັນ