ການມອບ-ຮັບແນວພັນພືດ ໃນຄັ້ງນີ້ ມີ 3 ຊະນິດ ຄື: ແນວພັນຜັກກະລໍາປີ, ໝາກເລັ່ນ ແລະ ໝາກເພັດ (F1) ລວມທັງໝົດ 600 ກິໂລ, ສາມາດປູກໃນເນື້ອທີ່ 650 ຮັກຕາ, ສະມັດຕະພາບຜົນຜະລິດ ສະເລ່ຍ 30-50 ໂຕນຕໍ່ເຮັກຕ່າ, ຄາດຄະເນຜົນຜະລິດຈະໄດ້ 12,167 ໂຕນ.
ໃນພິທີມອບ-ຮັບ ວິຊາການກຸ່ມວຽກຜະລິດ ແລະ ນໍາໃຊ້ແນວພັນ ຂະແໜງສົ່ງເສີມກະສິກຳ ແລະ ສະຫະກອນ ໄດ້ແນະນໍາຄວາມຮູ້ພື້ນຖານກ່ຽວກັບ ເຕັກນິກໃນການຄຸ້ອມຄອງ ເກັບຮັກສາແນວພັນ, ການກ້າເມັດພັດ, ການປູກ ຕະຫຼອດຮອດ ການເກັບກ່ຽວ ແລະ ຜະລິດແນວພັນ ເພື່ອຂະຫຍາຍແນວພັນຕໍ່, ເພື່ອເຮັດໃຫ້ການນໍາໃຊ້ແນວພັນ ໃຫ້ມີໝາກຜົນ ແລະ ມີຄວາມຍືນຍົງ ເປັນການຍົກລະດັບຂະບວນ ການຜະລິດສະບຽງອາຫານ ເພື່ອຕອບສະໜອງພາຍໃນ ແລະ ກາຍເປັນສິນຄ້າສົ່ງອອກ.
ສຳລັບແນວພັນທີ່ນຳມາມອບໃນຄັ້ງນີ້ ໄດ້ມອບໃຫ້ຫ້ອງການກະສິກຳ ແລະ ສິ່ງແວດລ້ອມ ນະຄອນ ຫຼວງພະບາງ, ເມືອງຊຽງເງິນ, ເມືອງພູຄູນ, ເມືອງນານ, ເມືອງຈອມເພັດ, ເມືອງນ້ຳບາກ, ເມືອງໂພນໄຊ, ເມືອງປາກແຊງ, ເມືອງໂພນທອງ, ເມືອງປາກອູ, ສະມາຄົມຜະລິດກະສິກຳອີນຊີ, ສູນພັດທະນາກະສິກຳຖິ່ນຊົມ ແລະ ສະຖານີບໍລິການເຕັກນິກກະສິກຳນ້ຳຖ້ວມ ໂດຍແມ່ນການຊ່ວບເຫຼືອຈາກ ກະຊວງກະສິກຳ ແລະ ສິ່ງແວດລ້ອມ ເພື່ອນໍາໄປໃຊ້ແຈກຢາຍ ໃຫ້ຄອບຄົວ ຊາວກະສິກອນ ກຸ່ມຜະລິດ ແລະ ບັນດາສະຖານີ ທີ່ມີເງື່ອນໄຂ ແລະ ມີຄວາມຕ້ອງການ ແນວພັນພືດຜັກ ເພື່ອຜະລິດ ປີ 2026 ຈໍານວນ 4,000 ຊອງ, ມູນຄ່າ 336,000,000 ກີບ.
ຂ່າວ-ພາບ: ອາພຸດເດດ ບຸບຜາ
ຄໍາເຫັນ