 |
ໃນໂອກາດນີ້, ທ່ານ ບຸນຫຼາຍ ບຸດທິ ໄດ້ສະແດງຄວາມຍ້ອງຍໍຊົມເຊີຍ ແລະ ກ່າວຂອບອົກຂອບໃຈມາຍັງ 2 ພາກສ່ວນ ທີ່ໄດ້ໃຫ້ການອຸປະຖໍາດ້ານທຶນຮອນ ເພື່ອຊຸກຍູ້ກອງປະຊຸມໃຫຍ່ ຄັ້ງທີ XI ຂອງອົງຄະນະພັກແຂວງເຊກອງ ເຊິ່ງເປັນການປະກອບສ່ວນສຳຄັນ ໂດຍປັດໃຈດັ່ງກ່າວຈະນໍາໃຊ້ເຂົ້າໃນການກະກຽມດຳເນີນກອງປະຊຸມໃຫຍ່ຂອງອົງຄະນະພັກແຂວງໃນຄັ້ງນີ້ ໃຫ້ເກີດປະໂຫຍດສູງສຸດ ເພື່ອໃຫ້ກອງປະຊຸມດຳເນີນໄປຕາມຄາດໝາຍທີ່ວາງໄວ້. ຈາກນັ້ນ, ກໍໄດ້ມອບໃບກຽດຕິຄຸນໃຫ້ແກ່ 2 ພາກສ່ວນ.
ໃນຕອນແລງຂອງວັນດຽວກັນ ທ່ານ ອຸໄທ ໄຊຍະວົງ ປະທານບໍລິສັດ ສົ່ງເສີມກະສິກໍາ ແລະ ຫັດຖະກຳ ຈໍາກັດຜູ້ດຽວ ແຂວງເຊກອງ ກໍໄດ້ມອບເງິນ 10 ລ້ານກີບ ເພື່ອປະກອບສ່ວນຊຸກຍູ້ ກອງປະຊຸມດັ່ງກ່າວ ໂດຍທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ ກ່າວຮັບ.
(ຂ່າວ: ພຸດທະສອນ)
ຄໍາເຫັນ