ເມື່ອບໍ່ດົນມານີ້, ການນຳຂັ້ນແຂວງ-ເມືອງ ແລະ ພະແນກການອ້ອມຂ້າງພາຍໃນແຂວງ, ລັດວິສະຫະກິດບໍລິສັດຫ້າງຮ້ານທັງພາກລັດ ແລະ ເອກະຊົນໄດ້ເຂົ້າອວຍພອນນາຍ ແລະ ພົນທະຫານທີ່ສະໂມສອນກອງບັນຊາການທະຫານແຂວງບໍ່ແກ້ວ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 (ວັນທີ 20 ມັງກອນ 1949-20 ມັງກອນ 2024) ທີ່ໝູນວຽນມາບັນຈົບຄົບຮອບອີກວາລະໜຶ່ງ ເພື່ອເປັນການອວຍພອນໃຫ້ກຳລັງໃຈອ້າຍນ້ອງນາຍ ແລະ ພົນທະຫານທີ່ປະຕິບັດໜ້າທີ່ຢູ່ແນວໜ້າ, ເຂດທຸລະກັນດານ, ເຮັດໜ້າທີ່ປົກປັກຮັກສາເຂດນ້ຳແດນດິນຂອງປວງຊົນລາວທັງຊາດ ເຮັດໃຫ້ປະຊາຊົນບັນດາເຜົ່າມີຄວາມສະດວກສະບາຍໃນການທໍາມາຫາກິນ, ຄ້າຂາຍ ແລະ ການພັດທະນາທາງດ້ານເສດທະກິດ-ສັງຄົມ. ໃຫ້ກຽດຕ້ອນຮັບຂອງສະຫາຍ ພົຈວ ບຸນມີ ພາມີໄຊ ຫົວໜ້າການເມືອງກອງບັນຊາການທະຫານແຂວງ ພ້ອມດ້ວຍຄະນະ.
ໂອກາດນີ້, ສະຫາຍໄດ້ສະແດງຄວາມຂອບໃຈຢ່າງລົ້ນເຫຼືອມາຍັງແຕ່ລະພາກສ່ວນທີ່ໄດ້ເຫັນຄວາມສຳຄັນ ວຽກງານປ້ອງກັນຊາດ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ພ້ອມຍັງປະຕິຍານວ່າຈະຕັ້ງໜ້າປະຕິບັດວຽກງານທີ່ພັກ-ລັດມອບໝາຍໃຫ້ມີຄວາມສະຫງົບປອດໄພ ແລະ ຮັກສາດິນແດນໄວ້ໃຫ້ໝັ່ນຄົງຕະຫຼອດໄປ. ຈະນໍາເອົາຂອງຂວັນດັ່ງກ່າວນີ້ມອບໃຫ້ອ້າຍນ້ອງແຕ່ລະກົມກອງ, ບັນດາປ້ອມທີ່ຫ່າງໄກສອກຫຼີກໃຫ້ທົ່ວເຖິງ ແລະ ເກີດປະໂຫຍດສູງສຸດ.
ຂ່າວ-ພາບ: ວໍລະສິດ ພິດສະຫາຍ
ໂອກາດນີ້, ສະຫາຍໄດ້ສະແດງຄວາມຂອບໃຈຢ່າງລົ້ນເຫຼືອມາຍັງແຕ່ລະພາກສ່ວນທີ່ໄດ້ເຫັນຄວາມສຳຄັນ ວຽກງານປ້ອງກັນຊາດ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ພ້ອມຍັງປະຕິຍານວ່າຈະຕັ້ງໜ້າປະຕິບັດວຽກງານທີ່ພັກ-ລັດມອບໝາຍໃຫ້ມີຄວາມສະຫງົບປອດໄພ ແລະ ຮັກສາດິນແດນໄວ້ໃຫ້ໝັ່ນຄົງຕະຫຼອດໄປ. ຈະນໍາເອົາຂອງຂວັນດັ່ງກ່າວນີ້ມອບໃຫ້ອ້າຍນ້ອງແຕ່ລະກົມກອງ, ບັນດາປ້ອມທີ່ຫ່າງໄກສອກຫຼີກໃຫ້ທົ່ວເຖິງ ແລະ ເກີດປະໂຫຍດສູງສຸດ.
ຂ່າວ-ພາບ: ວໍລະສິດ ພິດສະຫາຍ
ຄໍາເຫັນ