 |
ທ່ານ ພຸດທະວີໄຊ ບຸດດາວົງ ຫົວໜ້າທະນາຄານພັດທະນາລາວ ສາຂານ້ອຍ ຄໍາມ່ວນໄດ້ກ່າວໃຫ້ຮູ້ ວ່າ: ທະນາຄານພັດທະນາລາວສ້າງຕັ້ງຂຶ້ນມາຈາກການໂຮມໂຕຂອງ 2 ທະນາຄານທຸລະກິດລັດຄື: ທະນາຄານລາວໃໝ່ ຈໍາກັດ ແລະ ທະນາຄານລ້ານຊ້າງ ຈໍາກັດ ໃນປີ 2003 ແລະ ໃນປີ 2021 ໄດ້ມີການຮ່ວມທຶນກັບບໍລິສັດ ຈະເລີນເຊກອງ ພະລັງງານ ຈໍາກັດ. ພາຍຫຼັງການຮ່ວມທຶນ ທະນາຄານພັດທະນາລາວໄດ້ມີການປະຕິຮູບອົງກອນໃນຫຼາຍດ້ານ. ມາເຖິງປັດຈຸບັນທະນາຄານພັດທະນາລາວປະກອບມີ 1 ສໍານັກງານໃຫຍ່, 25 ສາຂາ. ໃນນີ້, ປະກອບມີ 7 ສາຂາພາກ ແລະ 18 ສາຂານ້ອຍ, 97 ໜ່ວຍບໍລິການ, 9 ຫ້ອງຮັບເງິນ, 8ຫ້ອງແລກປ່ຽນ ແລະ 7 ປ່ອງບໍລິການ Easy Pass ຢູ່ດ່ານສາກົນໃນຂອບເຂດທົ່ວປະເທດ.
 |
ໜ່ວຍບໍລິການເຊບັ້ງໄຟ ເປັນໜຶ່ງໜ່ວຍບໍລິການທີ່ຂຶ້ນກັບສາຂາແຂວງຄໍາມ່ວນ ແລະ ເປັນອີກໜຶ່ງຈຸດທີ່ທະນາຄານ LDB ເຫັນໄດ້ເຖິງຄວາມສໍາຄັນໃນການສ້າງຂຶ້ນເພື່ອຮອງຮັບ ແລະ ໃຫ້ບໍລິການແກ່ພໍ່ແມ່ປະຊາຊົນ, ພໍ່ຄ້າຊາວຂາຍ ຕະຫຼອດຮອດບັນດານັກທຸລະກິດທີ່ຢູ່ໃນຂົງເຂດນີ້ໃຫ້ມີຄວາມສະດວກສະບາຍ ໃນການດໍາເນີນທຸລະກໍາທາງດ້ານການເງິນ.
ໃນໂອກາດນີ້, ຄະນະການນໍາຂັ້ນສູງຂອງເມືອງ, ຄະນະນໍາຂອງທະນາຄານພັດທະນາລາວສາຂານ້ອຍຄໍາມ່ວນ ຕະຫຼອດເຖິງແຂກທີ່ເຂົ້າຮ່ວມ ເປີດປ້າຍໜ່ວຍບໍລິການ ແລະ ເຂົ້າເບິ່ງລະບົບການໃຫ້ບໍລິການລູກຄ້າພາຍໃນອາຄານຂອງໜ່ວຍບໍລິການຕື່ມອີກ.
(ຂ່າວ: ແດງສະຫວັດ)
ຄໍາເຫັນ