 |
ທ່ານສຸລິຍາວັນະວົງກຳມະການພັກເມືອງປະທານຄະນະກຳມະການປົກຄອງຕາແສງສາມັກຄີໄຊໄດ້ບົດສະຫູຸບການຈັດຕັ້ງວຽກງານຮອບດ້ານ ຕາແສງສາມັກຄີໄຊປະຈຳເດືອນ ສິງຫາແລະ ທິດທາງແຜນການ ປະຈຳເດືອນ ກັນຍາ ປີ 2026ໂດຍຫຍໍ້. ຈາກນັ້ນ ກໍໄດ້ພ້ອມກັນປະກອບຄຳຄິດເຫັນ ໃນການຈັດຕັ້ງປະຕິບັດວຽກງານ ຮອບດ້ານຢູ່ຕາແສງສາມັກຄີໄຊ ແລະ ຄໍາຄິດຄໍາເຫັນຈາກຜູ້ອໍານວນການໂຮງຮຽນອານຸບານ, ປະຖົມ, ມັດທະຍົມ ຕໍ່ກັບວຽກງານການສຶກສາ ໂດຍຍົກໃຫ້ເຫັນຂໍ້ສະດວກ-ຂໍ້ຍຸ້ງຍາກ ແລະວິທີການແກ້ໄຂ.
 |
ທ່ານ ທອງພັນ ສຸກສະຫວັດໄດ້ໂອລົມ ແລະ ໄດ້ເໜັ້ນໜັກບາງບັນຫາດັ່ງນີ້:ຄະນະກຳມະການປົກຄອງຕາແສງສາມັກຄີໄຊ ສືບຕໍ່ເອົາໃຈໃສ່ ຖືເອົາວຽກງານສຶກສາອົບຮົມການເມືອງ-ແນວຄິດ ເປັນກົກໃນການສຶກສາອົບຮົມສະມາຊິກພັກໜ່ວຍພັກບ້ານ 9 ບ້ານທີ່ຂຶ້ນກັບ ຕະຫລອດຮອດພະນັກງານ ໃຫ້ເປັນປົກກະຕິຕໍ່ເນືອງ, ໃຫ້ມີຄວາມເປັນເອກະພາບເປັນເຈົ້າການໃນການປະຕິບັດກົດລະບຽບ, ກົດໝາຍ ຂອງລັດ, ເປັນແບບຢ່າງນຳໜ້າໃຫ້ແກ່ມະຫາຊົນຢູ່ໃນທຸກຂົງເຂດວຽກງານ, ມີຄວາມສາມັກຄີເປັນປຶກແຜ່ນ, ມີຄວາມຮັກແພງຊ່ວຍເຫຼືອເຊິ່ງກັນ ແລະກັນ,ພະນັກງານພາຍໃນຕາແສງທຸກທ່ານ ຕ້ອງກຳແໜ້ນບັນດານິຕິກຳ, ແນວທາງນະໂຍບາຍ ຕິດພັນກັບການປະສານງານບັນດາຂັ້ນຕ່າງໆໃຫ້ກົມກຽວເພື່ອສະດວກ ໃນການປະຕິບັດໜ້າທີ່ວຽກງານໃຫ້ມີຄຸນະພາບ,ເພີ່ມທະວີ ຄວາມຮັບຜິດຊອບຕໍ່ກັບວຽກງານການສຶຶກສາ ໃຫ້ຖືເປັນບຸລິມະສິດໜຶ່ງທີ່ສໍາຄັນ ແລະ ຖຶເອົາວຽກງານການສຶກສາເປັນວຽກໜຶ່ງຂອງພັກ - ລັດ ເປັນບັນຫາຕົ້ນຕໍ, ເອົາການພັດທະນາຊັບພະຍາກອນມະນຸດເປັນໃຈກາງ, ບໍາລຸງ, ກໍ່ສ້າງພະນັກງານຄູ-ອາຈານໃຫ້ມີຄວາມຮູ້-ຄວາມສາມາດ, ປັບປຸງ ຍົກລະດັບຄຸນະພາບການຮຽນ-ການສອນ ຕິດພັນກັບການປະຕິບັດນະໂຍບາຍຕໍ່ຄູ, ອາຈານ ທີ່ສິິດສອນ, ສ້າງເງື່ອນໄຂ ອໍານວຍຄວາມສະດວກໃຫ້ເດັກໃນເກນອາຍຸ ໄດ້ເຂົ້າຮຽນ ໃຫ້ໄດ້ຕາມຄາດໝາຍ; ສືບຕໍ່ລົງເຄື່ອນໄຫວແນະນຳບັນດາຫ້າງຮ້ານທີ່ຍັງບໍ່ທັນມີໃບອະນຸຍາດດຳເນີນທຸລະກິດຈາກຂະແໜງການທີ່ກ່ຽວຂ້ອງ ໃຫ້ສືບຕໍ່ປະກອບເອກະສານຄຳຮ້ອງຕາມລະບຽບການ; ສົມທົບກັບການຈັດຕັ້ງບ້ານ ລົງຈັດສັນຕະຫຼາດນັດບ້ານປາກແຄນເພື່ອໃຫ້ມີຄວາມເປັນລະບຽບຮຽບຮ້ອຍ ແລະ ປອດໄພຕໍ່ການເກີດອຸບັດເຫດຕາມທ້ອງຖະໜົນແລະ ສຸ່ມໃສ່ກະກຽມຄວາມພ້ອມຮອບດ້ານ ໃນການນຳພາປະຊາຊົນເກັບກູ້ພືດລະດູຝົນ ຕິດພັນກັບການຊອກຫາຕະຫຼາດຈຳໜ່າຍ.
 |
ວັນດຽວກັນນີ້ ທ່ານ ເລຂາພັກເມືອງຍັງໄດ້ລົງໄປຕິດຕາມຄວາມຄືບໜ້າການກໍ່ສ້າງຂົວເບເລຢູ່ບ້ານປາກແຄນ ແລະ ຕິດຕາມການຈັດສັນຕະຫຼາດນັດບ້ານ ປາກແຄນອີກດ້ວຍ.
ຂ່າວ: ເມືອງເງິນ
ຄໍາເຫັນ