ເລຂາ​ທິ​ການ​ໃຫຍ່ ສ​ປ​ຊ ສະ​ແດງ​ຄວາມເສຍ​ໃຈ​ຕໍ່​ໄພ​ດິນ​ພູ​ເຈື່ອນ​ທີ່​ເກີດ​ຂຶ້ນ​ໃນ​​ຈີນ ​ແລະ ​ເນ​ປານ

ພະແນກວັດທະນະທໍາ ແລະ ການທ່ອງທ່ຽວ ແຂວງສາລະວັນ ໄດ້ຈັດກອງປະຊຸມທາບທາມ ແລະ ລະດົມຄວາມຄິດ ກ່ຽວກັບການສ້າງຕະຫຼາດກາງຄືນ ຢູ່ເທດສະບານເມືອງສາລະວັນ ໃນວັນທີ 27 ສິງຫາ 2026 ທີ່ຫ້ອງປະ ຊຸມພະແນກ ວທ ແຂວງ, ໂດຍການເປັນປະທານຂອງ ທ່ານ ນາງ ສູນໄຖ ໄຊຍະແສງ ຫົວໜ້າພະແນກວັດທະນະທໍາ ແລະ ການທ່ອງທ່ຽວແຂວງ, ມີພະແນກການທີ່ກ່ຽວຂ້ອງຈາກຂັ້ນແຂວງ-ເມືອງເທດສະບານ ແລະ ຜູ້ປະກອບການທຸລະກິດ ເຂົ້າຮ່ວມ.

ສຳນັກຂ່າວສານຊິນຮວາລາຍງານໃນວັນທີ 25 ສິງຫາ ຜ່ານມາວ່າ: ອົງການຕິດຕາມກວດກາການປ່ຽນແປງສະພາບອາກາດ Copernicus (C3S) ໄດ້ລາຍງານວ່າ, ອຸນຫະພູມໜ້ານ້ຳທະເລທົ່ວໂລກສະເລ່ຍຕໍ່ມື້ສູງເຖິງ 21.1 ອົງສາ ໃນວັນທີ 22 ສິງຫາ ຜ່ານມາ ຊຶ່ງທຳລາຍສະຖິຕິກ່ອນໜ້ານີ້ທີ່ 21.09 ອົງສາທີ່ເຄີຍບັນທຶກໄວ້ໃນເດືອນມີນາ 2024. ແຕກຕ່າງຈາກໄລຍະປົກກະຕິທີ່ອຸນຫະພູມມະຫາໝຸດທົ່ວໂລກຈະສູງສຸດໃນເດືອນມີນາ ແລະ ເມສາ, ຫຼັງຈາກສິ້ນສຸດລະດູຮ້ອນໃນຊີກໂລກໃຕ້. ໃນຂະນະທີ່ສະຖິຕິສູງສຸດຂອງເດືອນສິງຫາ ປີ 2023 ແມ່ນ 20.98 ອົງສາ.

ສຳນັກຂ່າວສານຊິນຮວາລາຍງານໃນວັນທີ 27 ສິງຫາ ຜ່ານມາວ່າ: ຫ້ອງການຕຳຫຼວດເນປານລາຍງານວ່າ, ມີຜູ້ເສຍຊີວິດ 270 ຄົນຈາກໄພນໍ້າຖ້ວມຮ້າຍແຮງໃນພາກເໜືອຂອງເນປານ. ຄະນະກຳມະການທ່ອງທ່ຽວເນປານລະບຸວ່າ,ມີນັກທ່ອງທ່ຽວຫາຍສາບສູນ 644 ຄົນ, ລວມທັງຊາວເນປານ 127 ຄົນ ແລະ ຄົນຕ່າງປະເທດ 517 ຄົນ ຈາກປະມານ 30 ປະເທດ.

ສຳນັກຂ່າວສານຊິນຮວາລາຍງານໃນວັນທີ 27 ສິງຫາ ຜ່ານມາວ່າ: ອິນເດຍໄດ້ປະກາດຈະເປັນເຈົ້າພາບຈັດກອງປະຊຸມສຸດຍອດ BRICS ຄັ້ງທີ 18 ທີ່ນະຄອນຫຼວງນິວເດລີ ໃນລະຫວ່າງວັນທີ 12-13 ກັນຍາ ນີ້, ພາຍໃຕ້ຫົວຂໍ້ "ການສ້າງຄວາມຍືດຍຸ່ນ, ນະວັດຕະກໍາ, ການຮ່ວມມື ແລະ ຄວາມຍືນຍົງ." ໂດຍມີປະເທດສະມາຊິກ ແລະ ຄູ່ຮ່ວມງານ BRICS, ພ້ອມທັງແຂກທີ່ຖືກເຊີນເຂົ້າຮ່ວມ.

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ກອງ​ປະ​ຊຸມ​ຄັ້ງ​ທີ 24 ຂອງ​ຄະ​ນະ​ກຳ​ມະ​ການ​ປະ​ຈຳ​ສະ​ພາ​ປະ​ຊາ​ຊົນ​ແຫ່ງ​ຊາດຈີນ​ຊຸດ​ທີ 14​ ໄດ້​ຈັດ​ຂຶ້ນ​ຢູ່​ນະ​ຄອນ​ຫຼວງ​ປັກ​ກິ່ງ ​ໃນ​ວັນ​ທີ 25 ຫາ​ 28 ສິງ​ຫາ ຜ່ານມາ.

ວິທະຍຸກະຈາຍສຽງຫວຽດນາມລາຍງານໃນວັນທີ 27 ສິງຫາ ຜ່ານມາວ່າ: ການ​ສົ່ງ​ອອກ​ໃນ 8 ເດືອນ​​ຕົ້ນ​ປີ 2026 ຂອງ ຫວຽດ​ນາມ ບັນ​ລຸ 374 ຕື້ໂດລາ, ເທົ່າ​ກັບ​ເກືອບ 80% ວົງ​ເງິນ​ສົ່ງ​ອອກ​ທັງ​ໝົດ​ປີ 2025. ໃນ​ນັ້ນ, ​ມີ​ ໝວດ​ສິນ​ຄ້າ​ໄດ້​ລືນ​ກາຍໂຕ​ເລກ 100 ຕື້ໂດລາ.

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນ​ທີ 25 ສິງ​ຫາ ຜ່ານມາ, ຕາມ​ສະ​ຖິ​ຕິ​ຈາກ​ກະ​ຊວງ​ການ​ຄ້າ​ຈີນ ​ແລະ ​ອົງ​ການ​ເງິນ​ຕາ​ຕ່າງ​ປະ​ເທດ​ແຫ່ງ​ຊາດ​ຈີນ​ໃຫ້​ຮູ້​ວ່າ: ແຕ່​ເດືອນ​ມັງ​ກອນ​ ຫາ​ ເດືອນ​ກໍ​ລະ​ກົດປີ​ນີ້, ການ​ລົງ​ທຶນ​ໂດຍ​ກົງຕໍ່​ຕ່າງ​ປະ​ເທດ​​ໃນ​ທຸກ​ຂະ​ແໜງ​ການ​ຂອງ​ຈີນ​ໄດ້​ບັນ​ລຸ 684 ຕື້ 510 ລ້ານ​ຢວນ, ເພີ່ມ​ຂຶ້ນ 2.8% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ກາຍ (ເທົ່າ​ກັບ 99 ຕື້ 530 ລ້ານ​ໂດ​ລາ, ເພີ່ມ​ຂຶ້ນ 7.3%).

ວິທະຍຸກະຈາຍສຽງຫວຽດນາມລາຍງານໃນວັນທີ 26 ສິງຫານີ້ວ່າ: ວັນ​ທີ 25 ສິງ​ຫາ​ ຜ່ານມາ ຢູ່ ຫາງໂຈ ປະ​ເທດຈີນ​, ກອງ​ປະ​ຊຸມ​ລັດ​ຖະ​ມົນ​ຕີ​ເວ​ທີ​ປາ​ໄສ​ຮ່ວມ​ມື​ເສດ​ຖະ​ກິດ ອາ​ຊີ - ປາ​ຊີ​ຟິກ (APEC) ກ່ຽວ​ກັບ​ຄວາມ​ໝັ້ນ​ຄົງ​ດ້ານ​ສະ​ບຽງ​ອາ​ຫານ ຄັ້ງ​ທີ 11 ໄດ້​ຈັດ​ຂຶ້ນ​ຢ່າງ​ເປັນ​ທາງ​ການ ໂດຍ​ການ​ເຂົ້າ​ຮ່ວມ​ຂອງ​ການ​ນຳຂະ​ແໜງ​ກະ​ສິ​ກຳ ຈາກ 21 ພື້ນ​ຖານ​ເສດ​ຖະ​ກິດສະ​ມາ​ຊິກ​.

ສຳນັກຂ່າວສານຊິນຮວາລາຍງານໃນວັນທີ 25 ສິງຫາ ຜ່ານມາວ່າ: ກະຊວງຄວາມໝັ້ນຄົງ ຂອງ ສະຫະລັດ ອາເມຣິກາ ໄດ້ສະເໜີເກັບຄ່າທຳນຽມວີຊາ H-1B 103,000 ໂດລາຕໍ່ຄົນ ຊຶ່ງເປັນການເຄື່ອນໄຫວເພື່ອຊຸກຍູ້ແຜນການເກັບຄ່ານຽມວີຊາ ຫຼັງຄຳຕັດສິນກ່ອນໜ້ານີ້ຂອງສານ ສະຫະລັດ ອາເມຣິກາ ທີ່ຍົກເລີກການເກັບຄ່າທຳນຽມ 100,000 ໂດລາ ທີ່ສະເໜີໄວ້ກ່ອນໜ້ານີ້.

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ມະຫາວິທະຍາໄລ Flinders ຂອງອົສຕຣາລີ ໄດ້ເປີດເຜີຍວ່າ, ນັກຄົ້ນຄວ້າໃນອົສຕຣາລີໄດ້ພັດທະນາແບັດເຕີຣີສັງກະສີ-ໄອໂອດີນທີ່ສາມາດສາກໄຟໄດ້ຫຼາຍກວ່າ 60,000 ຮອບວຽນ ຊຶ່ງອາດຈະເປັນທາງເລືອກທີ່ປອດໄພ ແລະ ຍືນຍົງກວ່າແບັດເຕີຣີລິທຽມ-ໄອອອນ ທີ່ນິຍົມໃຊ້ໃນປັດຈຸບັນ.