ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດ ຫຼື ສປຊ ກ່າວວ່າ: ນັບແຕ່ວັນທີ 1 ພຶດສະພາປີນີ້ເປັນຕົ້ນໄປ, ຈີນຈະນຳໃຊ້ມາດຕະການທີ່ຫຼຸດພາສີລົງເປັນສູນຕໍ່ 53 ປະເທດອາຟຣິກາທີ່ສ້າງຕັ້ງສາຍພົວພັນທາງການທູດກັບຈີນ, ຕົນສະແດງຄວາມຊົມເຊີຍຕໍ່ເລື່ອງດັ່ງກ່າວ ແລະ ຮຽກຮ້ອງໃຫ້ບັນດາປະເທດທີ່ພັດທະນາແລ້ວ ແລະ ປະເທດທີ່ມີກຳລັງທາງດ້ານເສດຖະກິດທີ່ເຂັ້ມແຂງຈົ່ງນຳໃຊ້ມາດຕະການເຊັ່ນດຽວກັນກັບຈີນ.
ທ່ານ ອັນໂຕນີໂອ ກູເຕີເຣັສ ກ່າວຕື່ມວ່າ: ອາຟຣິກາຫວັງຢາກບັນລຸການຄ້າເສລີເພື່ອສິນຄ້າຂອງຕົນ, ນະໂຍບາຍການຄ້າ ແລະ ນະໂຍບາຍພາສີທີ່ມີລັກສະນະຈຳກັດ ໄດ້ສົ່ງຜົນກະທົບຕໍ່ຄວາມສາມາດດ້ານການແຂ່ງຂັນຂອງຜະລິດຕະພັນອາຟຣິກາ.
ທ່ານ ກູເຕີເຣັສ ຍັງກ່າວຕໍ່ໄປວ່າ: ຂ້າພະເຈົ້າເດັດດ່ຽວສະໜັບສະໜູນການຄ້າເສລີຢ່າງສະເໝີຕົ້ນສະເໝີປາຍ ແລະ ສະໜັບສະໜູນການຫຼຸດລະດັບພາສີໃນຂອບເຂດທົ່ວໂລກ ເພື່ອສ້າງອະນາຄົດອັນກວ້າງຂວາງກວ່າເກົ່າໃຫ້ແກ່ການພັດທະນາຂອງເສດຖະກິດໂລກ.
ຄໍາເຫັນ