ໂດຍ: ແດງສະຫວັດ ແສນພານິດ
ທ່ານ ລໍາມອນ ພວງພະຈັນ ຫົວໜ້າຫ້ອງການອຸດສາຫະກໍາ ແລະ ການຄ້າເມືອງມະຫາໄຊ ແຂວງຄໍາມ່ວນ ໄດ້ກ່າວວ່າ: ໃນໄລຍະຜ່ານມາທາງຫ້ອງການອຸດສາຫະກໍາ ແລະ ການຄ້າເມືອງໄດ້ສົມທົບກັບອໍານາດການປົກຄອງ, ຂະແໜງການກ່ຽວຂ້ອງຂອງເມືອງ, ອໍານາດການປົກຄອງບ້ານ ແລະ ຫົວໜ່ວຍການຜະລິດ-ຜູ້ປະກອບການລົງເຄື່ອນໄຫວເກັບກໍາຂໍ້ມູນກ່ຽວກັບຈໍານວນ, ກິດຈະກໍາທໍາການຜະລິດ, ການຄ້າ ແລະ ການບໍລິການຂອງບັນດາຫົວໜ່ວຍຈຸລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSMEs) ທີ່ມີສາຂາວິຊາອາຊີບຄືກັນ ແລະ ຄ້າຍຄືກັນເພື່ອຄົ້ນຄວ້າພິຈາລະນາໃນການຊຸກຍູ້ສົ່ງເສີມໃນເບື້ອງຕົ້ນເຊັ່ນ: ການລວມຕົວກັນສ້າງຕັ້ງເປັນກຸ່ມ ທັງນີ້ເພື່ອເຮັດໃຫ້ເຂົາເຈົ້າມີການແລກປ່ຽນຂໍ້ມູນຂ່າວສານ, ໄດ້ມີການຊ່ວຍເຫຼືອ ແລະ ພັດທະນາໄປດ້ວຍກັນ. ອີກຢ່າງໜຶ່ງເພື່ອເປັນບ່ອນອີງ ແລະ ມີເງື່ອນໄຂເພື່ອເຂົ້າເຖິງແຫຼ່ງທຶນໃນການພັດທະນາຕາມນະໂຍບາຍ ແລະ ລະບຽບການທີ່ຂັ້ນເທິງວາງອອກໃນແຕ່ລະໄລຍະ. ນອກຈາກນີ້ກໍຍັງໄດ້ຊຸກຍູ້ໃຫ້ຫົວໜ່ວຍທຸລະກິດເຫຼົ່ານັ້ນໃຫ້ມາຂຶ້ນທະບຽນວິສາຫະກິດເພື່ອສະແດງຕົວຕົນຢ່າງຖືກຕ້ອງຕາມລະບຽບກົດໝາຍຕື່ມອີກ.
ມາຮອດປັດຈຸບັນມີກຸ່ມຜະລິດ, ກຸ່ມການຄ້າ ແລະ ກຸ່ມບໍລິການທີ່ຂຶ້ນກັບຄວາມຮັບຜິດຊອບຂອງຂະແໜງອຸດສາຫະກໍາ ແລະ ການຄ້າທັງໝົດ 6 ກຸ່ມຄື: ກຸ່ມຫັດຖະກໍາຈັກສານບ້ານສ້າງຟອກ, ກຸ່ມຫັດຖະກໍາຕໍ່າແຜ່ນແພບ້ານໂພນສະອາດ, ກຸ່ມຫັດຖະກໍາຕັດຫຍິບ, ກຸ່ມໂຮງສີເຂົ້າ, ກຸ່ມໂຮງງານຜະລິດນໍ້າດື່ມ ແລະ ກຸ່ມຊື້ສັດ - ຂາຍຊີ້ນ .
ໃນປີ 2023 ຜ່ານມາ ມີສະມາຊິກຂອງກຸ່ມຫັດຖະກໍາແຜ່ນແພ ບ້ານໂພນສະອາດ ຈໍານວນ 6 ຄົນ, ໄດ້ສະເໜີເຂົ້າເຖິງແຫຼ່ງທຶນສໍາລັບສົ່ງເສີມຫົວໜ່ວຍຈຸລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ບ້ວງເງິນ 5 ຕື້, ໃນອັດຕາດອກເບ້ຍ 3% ຕໍ່ປີ ໃນວົງເງິນ 166.100.000 ກີບເຊິ່ງການນໍາເມືອງ ແລະ ຂະແໜງອຸດສາຫະກໍາ ແລະ ການຄ້າເມືອງ ໄດ້ເຊັນຮັບຮອງ ແລະ ໄດ້ປະກອບເອກະສານຍື່ນເຖິງພະແນກອຸດສາຫະກໍາ ແລະ ການຄ້າແຂວງເປັນທີ່ຮຽບຮ້ອຍແລ້ວ .
ພ້ອມກັນນັ້ນທ່ານ ລໍາມອນ ພວງພະຈັນ ຍັງໄດ້ຍົກໃຫ້ເຫັນເຖິງຂໍ້ຄົງຄ້າງທີ່ຈະໄດ້ສືບຕໍ່ຈັດຕັ້ງປະຕິບັດໃນຕໍ່ໜ້າເປັນຕົ້ນການປຸກລະດົມ ແລະ ຊຸກຍູ້ສົ່ງເສີມການຜະລິດເປັນສິນຄ້າພູມປັນຍາຂອງປະຊາຊົນພາຍໃນເມືອງເພື່ອກາຍເປັນສິນຄ້າໜຶ່ງເມືອງໜຶ່ງຜະລິດຕະພັນ ແລະ ສິນຄ້າທ່າແຮງໃຫ້ກາຍເປັນສິນຄ້າເສດຖະກິດທົດແທນການນໍາເຂົ້າຍັງບໍ່ທັນໄດ້, ການຊຸກຍູ້ສົ່ງເສີມໃຫ້ປະຊາຊົນ, ກຸ່ມການຜະລິດທີ່ມີແລ້ວໃຫ້ມີການຜະລິດສິນຄ້າໃຫ້ມີຄວາມຫຼາກຫຼາຍທາງດ້ານຜະລິດຕະພັນ, ປະລິມານ ແລະ ຄຸນນະພາບໂດຍນໍາໃຊ້ເຕັກນິກ ແລະ ອຸປະກອນທີ່ທັນສະໄໝເຂົ້າໃນຂະບວນການຜະລິດຍັງບໍ່ທັນໄດ້.
ທ່ານ ລໍາມອນ ພວງພະຈັນ ຫົວໜ້າຫ້ອງການອຸດສາຫະກໍາ ແລະ ການຄ້າເມືອງມະຫາໄຊ ແຂວງຄໍາມ່ວນ ໄດ້ກ່າວວ່າ: ໃນໄລຍະຜ່ານມາທາງຫ້ອງການອຸດສາຫະກໍາ ແລະ ການຄ້າເມືອງໄດ້ສົມທົບກັບອໍານາດການປົກຄອງ, ຂະແໜງການກ່ຽວຂ້ອງຂອງເມືອງ, ອໍານາດການປົກຄອງບ້ານ ແລະ ຫົວໜ່ວຍການຜະລິດ-ຜູ້ປະກອບການລົງເຄື່ອນໄຫວເກັບກໍາຂໍ້ມູນກ່ຽວກັບຈໍານວນ, ກິດຈະກໍາທໍາການຜະລິດ, ການຄ້າ ແລະ ການບໍລິການຂອງບັນດາຫົວໜ່ວຍຈຸລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSMEs) ທີ່ມີສາຂາວິຊາອາຊີບຄືກັນ ແລະ ຄ້າຍຄືກັນເພື່ອຄົ້ນຄວ້າພິຈາລະນາໃນການຊຸກຍູ້ສົ່ງເສີມໃນເບື້ອງຕົ້ນເຊັ່ນ: ການລວມຕົວກັນສ້າງຕັ້ງເປັນກຸ່ມ ທັງນີ້ເພື່ອເຮັດໃຫ້ເຂົາເຈົ້າມີການແລກປ່ຽນຂໍ້ມູນຂ່າວສານ, ໄດ້ມີການຊ່ວຍເຫຼືອ ແລະ ພັດທະນາໄປດ້ວຍກັນ. ອີກຢ່າງໜຶ່ງເພື່ອເປັນບ່ອນອີງ ແລະ ມີເງື່ອນໄຂເພື່ອເຂົ້າເຖິງແຫຼ່ງທຶນໃນການພັດທະນາຕາມນະໂຍບາຍ ແລະ ລະບຽບການທີ່ຂັ້ນເທິງວາງອອກໃນແຕ່ລະໄລຍະ. ນອກຈາກນີ້ກໍຍັງໄດ້ຊຸກຍູ້ໃຫ້ຫົວໜ່ວຍທຸລະກິດເຫຼົ່ານັ້ນໃຫ້ມາຂຶ້ນທະບຽນວິສາຫະກິດເພື່ອສະແດງຕົວຕົນຢ່າງຖືກຕ້ອງຕາມລະບຽບກົດໝາຍຕື່ມອີກ.
ມາຮອດປັດຈຸບັນມີກຸ່ມຜະລິດ, ກຸ່ມການຄ້າ ແລະ ກຸ່ມບໍລິການທີ່ຂຶ້ນກັບຄວາມຮັບຜິດຊອບຂອງຂະແໜງອຸດສາຫະກໍາ ແລະ ການຄ້າທັງໝົດ 6 ກຸ່ມຄື: ກຸ່ມຫັດຖະກໍາຈັກສານບ້ານສ້າງຟອກ, ກຸ່ມຫັດຖະກໍາຕໍ່າແຜ່ນແພບ້ານໂພນສະອາດ, ກຸ່ມຫັດຖະກໍາຕັດຫຍິບ, ກຸ່ມໂຮງສີເຂົ້າ, ກຸ່ມໂຮງງານຜະລິດນໍ້າດື່ມ ແລະ ກຸ່ມຊື້ສັດ - ຂາຍຊີ້ນ .
ໃນປີ 2023 ຜ່ານມາ ມີສະມາຊິກຂອງກຸ່ມຫັດຖະກໍາແຜ່ນແພ ບ້ານໂພນສະອາດ ຈໍານວນ 6 ຄົນ, ໄດ້ສະເໜີເຂົ້າເຖິງແຫຼ່ງທຶນສໍາລັບສົ່ງເສີມຫົວໜ່ວຍຈຸລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ບ້ວງເງິນ 5 ຕື້, ໃນອັດຕາດອກເບ້ຍ 3% ຕໍ່ປີ ໃນວົງເງິນ 166.100.000 ກີບເຊິ່ງການນໍາເມືອງ ແລະ ຂະແໜງອຸດສາຫະກໍາ ແລະ ການຄ້າເມືອງ ໄດ້ເຊັນຮັບຮອງ ແລະ ໄດ້ປະກອບເອກະສານຍື່ນເຖິງພະແນກອຸດສາຫະກໍາ ແລະ ການຄ້າແຂວງເປັນທີ່ຮຽບຮ້ອຍແລ້ວ .
ພ້ອມກັນນັ້ນທ່ານ ລໍາມອນ ພວງພະຈັນ ຍັງໄດ້ຍົກໃຫ້ເຫັນເຖິງຂໍ້ຄົງຄ້າງທີ່ຈະໄດ້ສືບຕໍ່ຈັດຕັ້ງປະຕິບັດໃນຕໍ່ໜ້າເປັນຕົ້ນການປຸກລະດົມ ແລະ ຊຸກຍູ້ສົ່ງເສີມການຜະລິດເປັນສິນຄ້າພູມປັນຍາຂອງປະຊາຊົນພາຍໃນເມືອງເພື່ອກາຍເປັນສິນຄ້າໜຶ່ງເມືອງໜຶ່ງຜະລິດຕະພັນ ແລະ ສິນຄ້າທ່າແຮງໃຫ້ກາຍເປັນສິນຄ້າເສດຖະກິດທົດແທນການນໍາເຂົ້າຍັງບໍ່ທັນໄດ້, ການຊຸກຍູ້ສົ່ງເສີມໃຫ້ປະຊາຊົນ, ກຸ່ມການຜະລິດທີ່ມີແລ້ວໃຫ້ມີການຜະລິດສິນຄ້າໃຫ້ມີຄວາມຫຼາກຫຼາຍທາງດ້ານຜະລິດຕະພັນ, ປະລິມານ ແລະ ຄຸນນະພາບໂດຍນໍາໃຊ້ເຕັກນິກ ແລະ ອຸປະກອນທີ່ທັນສະໄໝເຂົ້າໃນຂະບວນການຜະລິດຍັງບໍ່ທັນໄດ້.
ຄໍາເຫັນ