ເປັນເວລາຫຼາຍປີມາແລ້ວ, ແຂວງຊິງໄຮໄດ້ຈົດຈຳຄຳສັ່ງສອນອັນອົບອຸ່ນຂອງທ່ານ ສີ ຈິ້ນຜິງ ເລຂາທິການໃຫຍ່ ຢ່າງເລິກເຊິ່ງ ໂດຍໃຊ້ການເລິກເຊິ່ງ “ການຫຼອມລວມສີ່ດ້ານ” ເປັນຂອບການດຳເນີນງານ, ສ້າງພື້ນຖານຄວາມສາມັກຄີລະຫວ່າງຊົນເຜົ່າ ແລະ ຄວາມກ້າວໜ້າໃຫ້ໝັ້ນຄົງ, ໃນຂະບວນການຊຸກຍູ້ການປົກປັກຮັກສາລະບົບນິເວດພູພຽງຊິງໄຮ-ທິເບດ ແລະ ການພັດທະນາທີ່ມີຄຸນນະພາບສູງ, ໄດ້ສົ່ງເສີມໃຫ້ຊາວຊົນເຜົ່າຕ່າງໆຕິດຕໍ່ພົວພັນກັນຢ່າງກວ້າງຂວາງ, ແລກປ່ຽນກັນຢ່າງຮອບດ້ານແລະ ປະສົມປະສານກັນຢ່າງເລິກເຊິ່ງ, ປະກອບສ່ວນຢ່າງຕັ້ງ ໜ້າເຂົ້າໃນການຮັກສາຄວາມສາມັກຄີລະຫວ່າງຊົນເຜົ່າ ແລະ ຄວາມໝັ້ນຄົງຂອງສັງຄົມ.
ເລິກເຊິ່ງການຫຼອມລວມລະຫວ່າງການນຳພາຂອງພັກກັບການປົກຄອງຂັ້ນຮາກຖານ, ສ້າງພື້ນຖານທາງການເມືອງຂອງຄວາມສາມັກຄີລະຫວ່າງຊົນເຜົ່າ ແລະ ຄວາມກ້າວໜ້າການນຳພາຂອງພັກແມ່ນການຮັບປະກັນພື້ນຖານຂອງການປົກຄອງຂັ້ນຮາກຖານ. ແຂວງຊິງໄຮໄດ້ນຳເອົາການນຳພາຂອງພັກເຂົ້າໃນທຸກຂະບວນການຂອງວຽກງານຊົນເຜົ່າ, ສ້າງຮູບແບບວຽກງານຊົນເຜົ່າຢ່າງຮອບດ້ານ ໂດຍຄະນະກຳມະການພັກນຳພາເປັນເອກະພາບ, ລັດຖະບານຄຸ້ມຄອງຕາມກົດໝາຍ, ພະແນກແນວລວມສາມັກຄີເປັນຜູ້ ປະສານງານ, ພະແນກວຽກງານຊົນເຜົ່າປະຕິບັດໜ້າທີ່ຢ່າງເຕັມ ທີ່, ບັນດາພະແນກຮ່ວມມືກັນ ຢ່າງແໜ້ນແຟ້ນ ແລະ ສັງຄົມທັງໝົດເຂົ້າຮ່ວມ, ຈາກລະດັບລະ ບອບກຳນົດທິດ ແລະ ປົກປ້ອງການປົກຄອງຂັ້ນຮາກຖານ. ພາຍ
ໃຕ້ຂອບລະບອບນີ້, ທ້ອງຖິ່ນຕ່າງໆຂອງແຂວງຊິງໄຮໄດ້ຄົ້ນ ຄວ້າ ແລະ ປະດິດຮູບແບບການປົກຄອງຂັ້ນຮາກຖານຢ່າງຕັ້ງ ໜ້າ. ເມືອງກົງເຫີໄດ້ນຳຮູບແບບ “ຊາວບ້ານກໍ່ສ້າງເອງ” ຜ່ານໂຄງ ການບັນເທົາທຸກ ໂດຍການຈ້າງແຮງງານເປັນແຫ່ງທຳອິດໃນແຂວງ, ທຳລາຍຮູບແບບເກົ່າທີ່ “ລັດຖະບານເຮັດ, ປະຊາຊົນເບິ່ງ”,
ເຮັດໃຫ້ຊາວກະສິກອນ ແລະ ປະຊາຊົນຜູ້ລ້ຽງສັດຈາກ “ຜູ້ເບິ່ງ” ກາຍເປັນ “ຜູ້ເຂົ້າຮ່ວມ” ແລະ “ຜູ້ໄດ້ຮັບຜົນປະໂຫຍດ”. ການພັດທະນາແບບປະສົມປະສານຂອງ “ເຂດນະຄອນຊີນິງ-ໄຮຕົງ” ໄດ້ເລັ່ງຈັງຫວະຢ່າງຮອບດ້ານ, ສືບຕໍ່ສົ່ງແຮງໃນດ້ານການບໍລິການຂ້າມນະຄອນ ແລະ ການແບ່ງປັນຊັບພະຍາກອນ, ເຮັດ ໃຫ້ຊົນເຜົ່າຕ່າງໆເພີ່ມຄວາມຮູ້ ສຶກໄດ້ຮັບຜົນປະໂຫຍດໃນການພັດທະນາຮ່ວມມືລະຫວ່າງພາກພື້ນ, ເຮັດໃຫ້ “ຄວາມຮັບຮູ້ຫ້າປະການ” ເລິກເຊິ່ງຂຶ້ນຢ່າງຕໍ່ເນື່ອງ. ມາດຕະການດັ່ງກ່າວໄດ້ຫຼອມ ລວມຄວາມໄດ້ປຽບຂອງອົງ ການພັກ ແລະ ຄວາມຕ້ອງການການປົກຄອງພູພຽງເຂົ້າກັນຢ່າງເລິກເຊິ່ງ, ສ້າງໂຄງສ້າງການປົກຄອງແບບປະສົມ, ທັງຍົກສູງປະສິດທິພາບຂອງການປົກຄອງຂັ້ນຮາກຖານ, ທັງລວມກຳລັງແຮງຂອງຊົນເຜົ່າຕ່າງໆ, ສ້າງແນວປ້ອງກັນຄວາມສາມັກຄີລະຫວ່າງຊົນເຜົ່າທີ່ໝັ້ນຄົງແຂງແກ່ນຢູ່ເທິງຜືນແຜ່ນດິນພູພຽງ.
ເລິກເຊິ່ງການຫຼອມລວມລະຫວ່າງການປົກປັກຮັກສາລະບົບນິເວດກັບການປັບປຸງຊີວິດການເປັນຢູ່ຂອງປະຊາຊົນ, ສ້າງພື້ນຖານທາງວັດຖຸຂອງຄວາມສາ ມັກຄີລະຫວ່າງຊົນເຜົ່າ ແລະຄວາມກ້າວໜ້າ.
ການປົກປັກຮັກສາລະບົບນິເວດແມ່ນໜ້າທີ່ຄວາມຮັບ ຜິດຊອບທາງການເມືອງອັນໃຫຍ່ຫຼວງຂອງແຂວງຊິງໄຮກໍແມ່ນຜົນປະໂຫຍດໃນການພັດທະນາທີ່ຊົນເຜົ່າຕ່າງໆໄດ້ຮັບຮ່ວມກັນ. ແຂວງຊິງໄຮແມ່ນແຂວງດຽວໃນປະເທດທີ່ມີສວນສາທາລະນະແຫ່ງຊາດ 3 ແຫ່ງກຳລັງກໍ່ສ້າງ ແລະ ຍັງເປັນແຂວງດຽວທີ່ມີອັດຕານ້ຳໜ້າດິນທີ່ມີຄຸນນະພາບດີເລີດຢູ່ຈຸດກວດ ສອບລະດັບຊາດຮັກສາໄດ້ 100% ຕິດຕໍ່ກັນ 5 ປີ, ສົ່ງນ້ຳຕົ້ນກຳເນີດ ລົງສູ່ທາງໃຕ້ປະມານ 80 ຕື້ແມັດກ້ອນຕໍ່ປີ. ແຂວງຊິງໄຮໄດ້ຫຼອມລວມການປົກປັກຮັກສາລະບົບນິເວດກັບການປັບປຸງຊີວິດການເປັນຢູ່ຂອງປະຊາຊົນເຂົ້າກັນຢ່າງເລິກເຊິ່ງ, ໃນຂະນະທີ່ສ້າງແນວປ້ອງກັນຄວາມປອດໄພທາງລະບົບນິເວດຂອງຊາດ, ເຮັດໃຫ້ຊົນເຜົ່າຕ່າງໆໄດ້ຮັບຜົນ ປະໂຫຍດທີ່ແທ້ຈິງຈາກການປົກ ປັກຮັກສາລະບົບນິເວດ.
ໜຶ່ງ, ໃຊ້ການກໍ່ສ້າງສວນສາທາລະນະແຫ່ງຊາດເປັນຕົວນຳໃນການສ້າງຜົນປະໂຫຍດດ້ານລະບົບນິເວດໃຫ້ປະຊາຊົນ, ເພີ່ມຕຳແໜ່ງງານສາທາລະນະດ້ານການດູແລລະບົບນິເວດຈຳນວນ 3,632 ຕຳແໜ່ງ, ເຮັດໃຫ້ການລ້ຽງສັດມີ “ອາຊີບດ້ານລະບົບນິເວດ” ຢູ່ປະຕູເຮືອນ; ສອງ, ໃຊ້ການພັດທະນາແບບສີຂຽວເປີດຊ່ອງທາງເພີ່ມລາຍໄດ້. ການສົ່ງອອກໄຟຟ້າສີຂຽວຂອງແຂວງຊິງໄຮໄດ້ຂະຫຍາຍໄປສູ່ 22 ແຂວງ ແລະ ນະຄອນ, ສົ່ງອອກ 34.5 ຕື້ກິໂລວັດຊົ່ວໂມງ ເພີ່ມຂຶ້ນ 32%, ຫຼຸດຜ່ອນການປ່ອຍກາກບອນ 28.1 ລ້ານໂຕນ, ໄຟຟ້າສີຂຽວກາຍ ເປັນເຄື່ອງໝາຍຂອງແຂວງຊິງ ໄຮ; ສາມ, ໃຊ້ອຸດສາຫະກຳພິ
ເສດສ້າງພື້ນຖານຊີວິດການເປັນຢູ່ປະຊາຊົນໃຫ້ໝັ້ນຄົງ. ແຂວງຊິງໄຮອາໄສລະບົບນິເວດເຢັນ ແລະ ດິນ-ນ້ຳທີ່ສະອາດທີ່ດີເລີດ, ຜະລິດສິນຄ້າກະສິກຳ ແລະ ລ້ຽງສັດທີ່ມີຄຸນນະພາບສູງຈຳ ນວນຫຼາຍເຊັ່ນ: ງົວຢາກ, ແກະທິເບດ, ໝາກໄມ້ໂກຈີ, ຜັກປູກໃນອາກາດເຢັນ, ຊຸກຍູ້ໃຫ້ສິນຄ້າກະສິກຳ ແລະ ລ້ຽງສັດທີ່ມີຄຸນນະພາບສູງຂອງພູພຽງຈາກ “ຂາຍວັດຖຸດິບ” ໄປສູ່ “ການສ້າງກາໝາຍ (ແບຣນ)”. ມາດຕະການເຫຼົ່ານີ້ບໍ່ພຽງແຕ່ຊຸກຍູ້ການຫຼອມລວມລະຫວ່າງການປົກປັກຮັກສາລະ ບົບນິເວດ ແລະ ການປັບປຸງຊີວິດການເປັນຢູ່ຂອງປະຊາຊົນໃຫ້ເລິກເຊິ່ງ, ແຕ່ຍັງເຮັດໃຫ້ປະຊາຊົນບັນດາເຜົ່າຕ່າງໆເພີ່ມຄວາມຮັບຮູ້ “ຫ້າປະການ” ໃນການແບ່ງປັນຜົນປະໂຫຍດໃນການພັດທະນາ, ສ້າງພື້ນຖານທາງວັດຖຸໃຫ້ແກ່ ຄວາມສາມັກຄີລະຫວ່າງຊົນ ເຜົ່າ ແລະ ຄວາມກ້າວໜ້າ.
ເລິກເຊິ່ງການຫຼອມລວມລະຫວ່າງວັດທະນະທຳຊົນເຜົ່າກັບການສ້າງຄວາມຮັບຮູ້ເປັນເອກະພາບ, ສ້າງພື້ນຖານທາງວັດທະນະທຳຂອງຄວາມສາມັກ ຄີລະຫວ່າງຊົນເຜົ່າ ແລະ ຄວາມ ກ້າວໜ້າ, ຄວາມຮັບຮູ້ທາງວັດທະນະທຳແມ່ນຮາກຖານຂອງ ຄວາມສາມັກຄີລະຫວ່າງຊົນ ເຜົ່າ ແລະ ເປັນຈິດວິນຍານຂອງຄວາມສະຫງົບສຸກລະຫວ່າງຊົນ ເຜົ່າ. ບັນດາຊົນເຜົ່າຕ່າງໆຂອງແຂວງຊິງໄຮມີປະເພນີວັດທະນະທຳທີ່ມີຄວາມຫຼາກຫຼາຍຢູ່ຮ່ວມ ກັນ ແລະ ຢູ່ຮ່ວມກັນຢ່າງກົມກຽວໃນໄລຍະປະຫວັດສາດອັນຍາວນານ, ແຂວງຊິງໄຮໄດ້ນຳໃຊ້ການ ປະຕິບັດຫຼາຍດ້ານ ເພື່ອກະຕຸ້ນ ບົດບາດຂອງສາຍພົວພັນທາງວັດທະນະທຳ, ຊຸກຍູ້ໃຫ້ບັນດາຊົນເຜົ່າຕ່າງໆສ້າງຄວາມເຫັນດີຮ່ວມກັນໃນການພັດທະນາໂດຍຜ່ານການປະສົມປະສານທາງວັດທະນະທຳ. ໜຶ່ງ, ໃຊ້ວັດທະນະທຳລະບົບນິເວດສ້າງເວ ທີແລກປ່ຽນ. ຫໍພິພິທະພັນຄວາມຮູ້ດ້ານລະບົບນິເວດຂອງສວນສາທາລະນະແຫ່ງຊາດພູຊີລຽນ
ໄດ້ຮັບການຮັບຮອງເປັນເວທີການປະຕິບັດການສຶກສາລະດັບຊາດ ແລະ ລະດັບແຂວງ 16 ແຫ່ງ, ການກໍ່ສ້າງໂຮງຮຽນລະບົບນິເວດແລະ ກິດຈະກຳການຮຽນຮູ້ພາກປະຕິບັດຄວບຄຸມຫຼາຍກວ່າ 5,000 ເທື່ອຄົນ, ໃຊ້ວັດທະນະ ທຳລະບົບນິເວດເປັນສື່ເພີ່ມຄວາມຮັບຮູ້ ແລະ ຄວາມພາກພູມໃຈຂອງຊົນເຜົ່າຕ່າງໆຕໍ່ບ້ານເກີດເມືອງນອນ; ສອງ, ໃຊ້ການຫຼອມລວມລະຫວ່າງວັດທະນະທຳແລະ ການທ່ອງທ່ຽວສົ່ງເສີມການຮຽນຮູ້ວັດທະນະທຳຊຶ່ງກັນ ແລະ ກັນ. ເຂດຄັນບຣາແຂວງປົກຄອງຕົນເອງທິເບດຫວາງນານໄດ້ຮັບການຮັບຮອງເປັນສວນທໍລະນີສາດໂລກ, ໃນປີ 2025 ໄດ້ຕ້ອນຮັບນັກທ່ອງທ່ຽວຫຼາຍກວ່າ 10 ລ້ານເທື່ອຄົນ, ລາຍໄດ້ລວມຈາກການທ່ອງທ່ຽວລວມມີ ຫຼາຍກວ່າ 3,6 ຕື້ຢວນ, ຊົນເຜົ່າຕ່າງໆມີລາຍໄດ້ເພີ່ມຂຶ້ນ ແລະ ຮັ່ງມີຂຶ້ນໃນການພັດທະນາການ ທ່ອງທ່ຽວວັດທະນະທຳ; ສາມ, ນຳໃຊ້ກາໝາຍສິນຄ້າລືຊື່ ເພື່ອລວມຄວາມເຫັນດີທາງວັດ ທະນະທຳ. ແຂວງຊິງໄຮໄດ້ສະແດງ ແລະ ໂຄສະນາຜະລິດຕະພັນຊີ້ນງົວຢາກ ແລະ ແກະທິເບດທີ່ມີຄຸນນະພາບສູງ, ເມັດຄິໂນວ, ຜະລິດຕະພັນນ້ຳເຜິ້ງພູພຽງ, ເຫຼົ້າໝາກໄມ້ໂກຈີດຳ, ຫອມກະບອງໜອນດິນ ແລະ ອື່ນໆ, ພ້ອມທັງສະແດງຜະລິດຕະພັນວັດທະນະທຳສ້າງສັນຂອງຊົນເຜົ່າທີ່ມີລັກສະນະທ້ອງຖິ່ນ, ສະແດງໃຫ້ເຫັນຢ່າງມີຊີວິດຊີວາຊັບພະຍາກອນທຳມະຊາດທີ່ເປັນເອກະລັກຂອງຜະລິດຕະພັນກະສິກຳ ແລະ ລ້ຽງສັດອິນຊີສີຂຽວຂອງແຂວງຊິງໄຮ ແລະ ສະເໜ່ທາງວັດທະນະທຳຂອງຊົນ ເຜົ່າທີ່ຫຼາກຫຼາຍ. ມາດຕະການເຫຼົ່ານີ້ ເຮັດໃຫ້ຊາວຊົນເຜົ່າຕ່າງໆເພີ່ມຄວາມເຂົ້າໃຈຢ່າງເລິກ ເຊິ່ງ ແລະ ມີຄວາມຮັບຮູ້ໃນການປະສົມປະສານທາງວັດທະນະ ທຳ, ສືບຕໍ່ສ້າງຄວາມເປັນນ້ຳໜຶ່ງໃຈດຽວຂອງປະຊາຊົນຈີນ.
ເລິກເຊິ່ງການຫຼອມລວມລະຫວ່າງການພັດທະນາອຸດສາຫະກຳກັບຄວາມຮັ່ງມີຮ່ວມກັນ,
ສ້າງພື້ນຖານການພັດທະນາຂອງຄວາມສາມັກຄີລະຫວ່າງຊົນເຜົ່າ ແລະ ຄວາມກ້າວໜ້າຄວາມຈະເລີນຂອງອຸດສາຫະ ກຳແມ່ນການສະໜັບສະໜູນທາງວັດຖຸຂອງຄວາມສາມັກຄີລະຫວ່າງຊົນເຜົ່າ ແລະ ຄວາມ ກ້າວໜ້າ. ແຂວງຊິງໄຮຢຶດໝັ້ນ ຫຼັກການກໍ່ສ້າງ “ສີ່ພື້ນທີ່ອຸດສາຫະກຳ”, ເລັ່ງໃສ່ຂົງເຂດພິເສດເຊັ່ນ: ພະລັງງານສະອາດ, ພະລັງ ການຄິດໄລ່ສີຂຽວ, ວັດທະນະທຳ-ການທ່ອງທ່ຽວ ແລະ ການດູແລສຸຂະພາບ, ສ້າງລະບົບອຸດສາຫະກຳທັນສະໄໝ, ເຮັດໃຫ້ຊົນເຜົ່າຕ່າງໆບັນລຸຄວາມຮັ່ງມີຮ່ວມກັນໃນການພັດທະນາອຸດ ສາຫະກຳ. ໜຶ່ງ, ໃຊ້ອຸດສາຫະກຳພະລັງງານສະອາດລວມກຳລັງ ແຮງໃນການພັດທະນາ. ແຂວງຊິງໄຮໄດ້ສ້າງກະດານພະລັງ ງານ “ໄຟຟ້ານ້ຳຕົກ + ພະລັງງານແສງຕາເວັນ+ພະລັງງານລົມ+ ການເກັບພະລັງງານ”, ຮອດທ້າຍ ເດືອນມິຖຸນາ 2026, ກຳລັງຕິດຕັ້ງໄຟຟ້າລວມຫຼາຍກວ່າ 85 ລ້ານກິໂລວັດ, ໃນນັ້ນ ກຳລັງຕິດຕັ້ງພະ ລັງງານສະອາດກວມເອົາຫຼາຍກວ່າ 93%, ກຳລັງຕິດຕັ້ງພະລັງງານໃໝ່ກວມຫຼາຍກວ່າ 74%; ສອງ, ໃຊ້ອຸດສາຫະກຳພະລັງການຄິດໄລ່ສີຂຽວເປັນພະລັງຊຸກ ຍູ້ທຸກຂະແໜງການ. ແຂວງຊິງໄຮແມ່ນແຂວງທຳອິດຂອງປະ ເທດທີ່ທົດລອງການປະສານງານລະຫວ່າງພະລັງການຄິດໄລ່ ສີຂຽວ ແລະ ພະລັງງານໄຟຟ້າ, ໄດ້ກໍ່ສ້າງ ແລະ ເປີດດຳເນີນສູນບໍລິຫານຈັດການພະລັງງານສະອາດ ແລະ ພະລັງງານການຄິດໄລ່ສີຂຽວແຫ່ງທຳອິດຂອງປະເທດ, ໃຫ້ບໍລິການແບບຢ່າງຄົບວົງຈອນແກ່ຊົນເຜົ່າຕ່າງໆ; ທີສາມ, ໃຊ້ການເປີດກວ້າງ ແລະ ການຮ່ວມມືຂະຫຍາຍພື້ນທີ່ການພັດທະນາ. ໃນເຄິ່ງປີທຳອິດຂອງປີນີ້, ລົດໄຟຂົນສົ່ງສິນຄ້າສາກົນ 97 ຂະບວນໄດ້ແລ່ນຈາກແຂວງຊິງໄຮສູ່ທົ່ວໂລກ. ໃນໄລຍະ “ແຜນການຫ້າປີທີ 14”, ມູນຄ່າການນຳເຂົ້າ-ສົ່ງອອກຜ່ານການຄ້າເອເລັກໂຕຣນິກຂ້າມຊາຍແດນບັນລຸ 1.4 ຕື້ຢວນ ເພີ່ມຂຶ້ນ ສະເລ່ຍ 34.1% ຕໍ່ປີ, ເຮັດໃຫ້ຜະລິດຕະພັນ “ຊື່ສຽງຂອງຊິງໄຮ” ກ້າວສູ່ໂລກ; ສີ່, ໃຊ້ການຊ່ວຍເຫຼືອແຂວງຊິງໄຮແບບຄູ່ຮ່ວມມືຢ່າງເລິກເຊິ່ງການຮ່ວມມືລະຫວ່າງພາກພື້ນ. ປັກກິ່ງຊ່ວຍເຫຼືອເມືອງຢູ່ຊູແບບຄູ່ຮ່ວມມືເປັນເວລາ 16 ປີ, 1,247 ໂຄງການທີ່ລົງມືປະຕິບັດໄດ້ເຊື່ອມຕໍ່ການປ່ຽນແປງຂອງພູພຽງຫິມະ, ຊອກຫາຈຸດຢືນການພັດທະນາຂອງແຂວງຊິງໄຮໃນການເປີດກວ້າງ ແລະ ການຮ່ວມມື. ມາດຕະການເຫຼົ່ານີ້ ເຮັດໃຫ້ຊົນເຜົ່າຕ່າງໆມີລາຍໄດ້ໝັ້ນຄົງ ໃນການພັດທະນາອຸດສາຫະກຳ, ກ້າວໄປຂ້າງໜ້າຮ່ວມກັນໃນເສັ້ນທາງຄວາມຮັ່ງມີຮ່ວມກັນ, ສ້າງພື້ນ ຖານການພັດທະນາທີ່ໝັ້ນຄົງໃຫ້ແກ່ຄວາມສາມັກຄີລະຫວ່າງຊົນເຜົ່າ ແລະ ຄວາມກ້າວໜ້າ.
ການປະຕິບັດຕົວຈິງຂອງແຂວງຊິງໄຮໄດ້ພິສູດໃຫ້ເຫັນວ່າການເລິກເຊິ່ງ “ການຫຼອມລວມສີ່ດ້ານ” ແມ່ນເສັ້ນທາງທີ່ມີປະສິດທິພາບໃນການສ້າງພື້ນຖານຄວາມ ສາມັກຄີລະຫວ່າງຊົນເຜົ່າ ແລະ ຄວາມກ້າວໜ້າທີ່ໝັ້ນຄົງ. ມຸ່ງສູ່ “ແຜນການຫ້າປີທີ 15”, ແຂວງຊິງໄຮຍັງຈະສືບຕໍ່ໃຊ້ການສ້າງສະຕິສຳນຶກປະຊາຄົມຊາດຈີນໃຫ້ໝັ້ນຄົງເປັນເສັ້ນຫຼັກ, ສ້າງພູມສັນຖານອາລິຍະທຳລະບົບນິເວດດ້ວຍມາດຕະຖານທີ່ສູງກວ່າ, ຊຸກຍູ້ການພັດທະນາທີ່ມີຄຸນນະພາບສູງດ້ວຍມາດຕະການທີ່ແທ້ຈິງກວ່າ, ເພີ່ມສະຫວັດດີພາບຂອງປະຊາຊົນດ້ວຍຄວາມຮັກອັນເລິກເຊິ່ງກວ່າ, ເຮັດໃຫ້ດອກໄມ້ແຫ່ງຄວາມສາມັກຄີລະຫວ່າງຊົນເຜົ່າ ແລະ ຄວາມກ້າວໜ້າບານຢູ່ເທິງຜືນແຜ່ນດິນພູພຽງຢ່າງຍືນຍົງ, ຂຽນບົດຂອງແຂວງຊິງໄຮໃນການທັນສະໄໝແບບຈີນ ຢ່າງສຸດກຳລັງ.
ຄໍາເຫັນ