 |
ຈຸດປະສົງເພື່ອລະດົມຊັບພະຍາກອນສູງສຸດທາງດ້ານໂຄງລ່າງພື້ນຖານ, ເຕັກໂນໂລຊີ, ການເງິນ ແລະ ບຸກຄະລາກອນຂອງທັງສອງຝ່າຍ ເພື່ອຮ່ວມຈັດຕັ້ງປະຕິບັດກັບບັນດາກະຊວງ, ຂະແໜງການ ແລະ ອົງການຈັດຕັ້ງລັດຖະບານແຫ່ງ ສປປ ລາວ ໃນການຈັດຕັ້ງປະຕິບັດ "ຍຸດທະສາດການພັດທະນາເສດຖະກິດດີຈີຕອນແຫ່ງຊາດ" ໃຫ້ປະສົບຜົນສຳເລັດ. ຈຸດສຸມແມ່ນການສ້າງລະບົບນິເວດດີຈີຕອນທີ່ຍືນຍົງ, ມີຄວາມປອດໄພ ແລະ ທັນສະໄໝ ຊຶ່ງລວມມີ 3 ເສົາຄ້ຳຕົ້ນຕໍ ຄື: ລັດຖະບານດີຈີຕອນ, ເສດຖະກິດດີຈີຕອນ ແລະ ສັງຄົມດີຈີຕອນ.
ທັງສອງຝ່າຍເຫັນດີເປັນເອກະພາບຮ່ວມມືໃນບັນດາຂົງເຂດດັ່ງນີ້:
1. ລັດຖະບານເອເລັກໂຕຣນິກ, ລັດຖະບານດີຈີຕອນ, ຕົວເມືອງອັດສະລິຍະ ພັດທະນາລະບົບການບໍລິຫານພາກລັດແບບອອນລາຍ ແລະ ໂຄງລ່າງຕົວເມືອງອັດສະລິຍະ.
2. ສູນຂໍ້ມູນ, ຄລາວ (Cloud), ເວທີບໍລິການດີຈີຕອນລວມ: ຈັດຕັ້ງປະຕິບັດໂຄງລ່າງການເກັບກຳຂໍ້ມູນພາຍໃນປະເທດ ແລະ ເວທີບໍລິການລວມສຳລັບພາກລັດ.
3. ລະບົບຂໍ້ມູນຂ່າວສານຄຸ້ມຄອງສະເພາະຂະແໜງການ: ການເງິນ, ສາທາລະນະສຸກ, ສຶກສາ, ທ່ອງທ່ຽວ, ຂົນສົ່ງ, ຊັບພະຍາກອນທຳມະຊາດ ແລະ ສິ່ງແວດລ້ອມ, ປ້ອງກັນຊາດ-ປ້ອງກັນຄວາມສະຫງົບ.
4. ຖານຂໍ້ມູນ, ການເຊື່ອມໂຍງ-ເຊື່ອມຕໍ່, ການແບ່ງປັນຂໍ້ມູນ: ສ້າງແກນກາງການເຊື່ອມຕໍ່ຂໍ້ມູນແຫ່ງຊາດ ເພື່ອຮັບປະກັນການສົ່ງຂໍ້ມູນລະຫວ່າງບັນດາກະຊວງ.
5. ຄວາມປອດໄພທາງຂໍ້ມູນ, ຄວາມປອດໄພທາງໄຊເບີ, ການຕິດຕາມ - ບໍລິຫານລະບົບ: ປົກປ້ອງອະທິປະໄຕທາງໄຊເບີ ແລະ ບໍລິຫານສູນ SOC ແບບມືອາຊີບ.
6. ການເງິນດີຈີຕອນ ແລະ ບໍລິການພາກລັດ: ພັດທະນາການຊຳລະແບບບໍ່ໃຊ້ເງິນສົດ, ຄຸ້ມຄອງການເງິນພາກລັດ ແລະ ການເກັບພັນທະບັດບໍລິການພາກລັດແບບອອນລາຍ.
7. ກະສິກຳດີຈີຕອນ ແລະ ພະລັງງານອັດສະລິຍະ: ນຳໃຊ້ເຕັກໂນໂລຊີເຂົ້າໃນການຄຸ້ມຄອງກະສິກຳທີ່ທັນສະໄໝ ແລະ ຕິດຕາມຕາໜ່າງໄຟຟ້າແຫ່ງຊາດ.
8. ບັນດາຂົງເຂດເຕັກໂນໂລຊີໃໝ່: ປັນຍາປະດິດ (AI), ຖານຂໍ້ມູນມະຫາສານ (Big Data) ແລະ ຂະ ແໜງ ການໃໝ່ໆ ທີ່ສອດຄ່ອງກັບທິດທາງຫັນເປັນດີຈີຕອນແຫ່ງຊາດ.
9. ບັນດາຂອບເຂດ ແລະ ຂະແໜງການໃໝ່ທີ່ເກີດຂຶ້ນ ຊຶ່ງສອດຄ່ອງກັບທິດທາງການຫັນເປັນດີຈີຕອນແຫ່ງຊາດ.
10. ຂ່າວ: ໜັງສືພິມກອງທັບ
ຄໍາເຫັນ