ໃນວັນທີ 19 ມັງກອນຜ່ານມາ, ພາຍຫຼັງການນຳແຂວງຫຼວງນໍ້າທາເຂົ້າວາງກະຕ່າດອກໄມ້ຢູ່ຕໍ່ໜ້າອະນຸສອນສະຖານປະທານໄກສອນ ພົມວິຫານ ແລະ ວາງພວງມາລາຢູ່ອານຸສາວະລີນັກຮົບນິລະນາມແຂວງ. ຈາກນັ້ນ, ກໍໄດ້ເຂົ້າຮ່ວມພິທີປາຖະກະຖາຫວນຄືນມູນເຊື້ອວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ (20 ມັງກອນ 1949-20 ມັງກອນ 2024) ແລະ ວັນເກີດທ່ານ ຄຳໄຕ ສີພັນດອນ ຄົບຮອບ 100 ປີ (8 ກຸມພາ 1924-8 ກຸມພາ 2024)ທີ່ຫໍວັດທະນາທຳແຂວງໂດຍການເຂົ້າຮ່ວມຂອງທ່ານ ວຽງສະຫວັດ ສີພັນດອນ ເຈົ້າແຂວງຫຼວງນໍ້າທາ,ມີທ່ານຮອງເຈົ້າແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ພົຈວ ອິນແກ້ວ ມະນີຈັນ ຫົວໜ້າການທະຫານ ກອງບັນຊາການທະຫານແຂວງ ໄດ້ຍົກໃຫ້ເຫັນມູນເຊື້ອຄວາມໝາຍຄວາມສຳຄັນແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ, ທາດແທ້ ແລະ ມູນເຊື້ອອັນສະຫງ່າອົງອາດຂອງກອງທັບຕະຫຼອດໄລຍະ 75 ປີຜ່ານມາ, ກອງທັບລາວອິດສະຫຼະໄດ້ຮັບການສ້າງຕັ້ງຂຶ້ນຢູ່ເມືອງຊຽງຄໍ້ ແຂວງຫົວພັນໂດຍປະທານ ໄກສອນ ພົມວິຫານ ເປັນຜູ້ບັນຊາໂດຍກົງພາຍໃຕ້ການຊີ້ນຳໆພາຂອງພັກທີ່ມີແນວທາງການເມືອງ ແລະ ການທະຫານອັນຖືກຕ້ອງ ແລະ ປະດິດສ້າງ, ກອງທັບປະຊາຊົນລາວໄດ້ເຕີບໃຫຍ່ເຂັ້ມແຂງ ແລະ ກ້າວຂຶ້ນຍາດເອົາໄຊຊະນະຢ່າງເນື່ອງນິດລຽນຕິດ, ຍິ່ງຕີຍິ່ງເຕີບໃຫຍ່ເຂັ້ມແຂງ, ພັກເຮົາເວລາໃດກໍໄດ້ຖືເອົາໜ້າທີ່ປ້ອງກັນຊາດ(ປກຊ)-ປ້ອງກັນຄວາມສະຫງົບ(ປກສ)ເປັນໜ້າທີ່ຕົ້ນຕໍ ແລະ ມີຄວາມໝາຍສໍາຄັນອັນດັບໜຶ່ງ. ດັ່ງນັ້ນ, ກອງທັບປະຊາຊົນລາວ ຈຶ່ງໄດ້ຕັ້ງໜ້າເຮັດໜ້າທີ່ ປກຊ-ປກສ, ປົກປັກຮັກສາຜືນແຜ່ນດິນອັນຄົບຖ້ວນຂອງຊາດໄວ້ຢ່າງໝັ້ນຄົງ. ກອງທັບປະຊາຊົນລາວຍາມໃດກໍມີຄວາມຈົງຮັກພັກດີຕໍ່ພັກ, ຕໍ່ປະຊາຊົນ ເພື່ອເສີມຂະຫຍາຍມູນເຊື້ອກອງທັບປະຊາຊົນລາວເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ສືບຕໍ່ເອົາໃຈໃສ່ສຶກສາອົບຮົມມູນເຊື້ອ, ທາດແທ້ປະຕິວັດ ແລະ ທາດແທ້ປະຊາຊົນເປັນກຳລັງທີ່ຈົງຮັກພັກດີ ແລະ ເຄື່ອນໄຫວຢູ່ພາຍໃຕ້ການນຳພາເດັດຂາດໂດຍກົງ ແລະ ຮອບດ້ານຂອງພັກ, ຕັ້ງໜ້າສຶກສາອົບຮົມປຸກລະດົມທົ່ວພັກ, ທົ່ວລັດ ແລະ ທົ່ວປວງຊົນເຂົ້າຮ່ວມວຽກງານກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານໃຫ້ເປັນຂະບວນການກວ້າງຂວາງ ແລະ ແຂງແຮງກວ່າເກົ່າ, ເອົາໃຈໃສ່ພັດທະນາເສດຖະກິດ-ສັງຄົມ ຕິດແໜ້ນກັບການສ້າງທ່າສະໜາມປ້ອງກັນຊາດທົ່ວປວງຊົນ, ສຸມໃສ່ແກ້ໄຂຄວາມທຸກຍາກຂອງປະຊາຊົນໃຫ້ເປັນຈິງ, ຕັ້ງໜ້າປັບປຸງກໍ່ສ້າງກຳລັງຫຼວງໃຫ້ມີກຳລັງແຮງສູ້ຮົບ, ເປັນຫຼັກແຫຼ່ງສາມາດຕອບຕ້ານແກ້ໄຂສະພາບການທີ່ເກີດຂຶ້ນໄດ້ຢ່າງມີປະສິດຕິພາບ. ຈາກນັ້ນ, ທ່ານຄໍາຟອງ ອິນມານີ ປະທານສະພາປະຊາຊົນແຂວງໄດ້ປາຖະກະຖາວັນເກີດປະທານ ຄໍາໄຕ ສີພັນດອນ ຄົບຮອບ 100 ປີ.
ໂອກາດນີ້, ທ່ານ ວຽງສະຫວັດ ສີພັນດອນໄດ້ສະເໜີບົດຂອງທ່ານປະທານຄຳໄຕ ສີພັນດອນໃນຄວາມຮູ້ສຶກຂອງລູກ ກໍຄືຄຸນງາມຄວາມດີຂອງເພີ່ນໃນການເຄື່ອນໄຫວປະຕິບັດໜ້າທີ່ວຽກງານໃນໄລຍະຜ່ານມາ, ໃນພິທີໄດ້ມອບຫຼຽນໄຊພິລະອາດຫານຊັ້ນ I, II, IIIໃຫ້ນາຍ ແລະ ພົນທະຫານຜູ້ທີ່ມີຜົນງານຕໍ່ປະເທດ.
ຂ່າວ-ພາບ: ມຸນຕີ
ທ່ານ ພົຈວ ອິນແກ້ວ ມະນີຈັນ ຫົວໜ້າການທະຫານ ກອງບັນຊາການທະຫານແຂວງ ໄດ້ຍົກໃຫ້ເຫັນມູນເຊື້ອຄວາມໝາຍຄວາມສຳຄັນແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ, ທາດແທ້ ແລະ ມູນເຊື້ອອັນສະຫງ່າອົງອາດຂອງກອງທັບຕະຫຼອດໄລຍະ 75 ປີຜ່ານມາ, ກອງທັບລາວອິດສະຫຼະໄດ້ຮັບການສ້າງຕັ້ງຂຶ້ນຢູ່ເມືອງຊຽງຄໍ້ ແຂວງຫົວພັນໂດຍປະທານ ໄກສອນ ພົມວິຫານ ເປັນຜູ້ບັນຊາໂດຍກົງພາຍໃຕ້ການຊີ້ນຳໆພາຂອງພັກທີ່ມີແນວທາງການເມືອງ ແລະ ການທະຫານອັນຖືກຕ້ອງ ແລະ ປະດິດສ້າງ, ກອງທັບປະຊາຊົນລາວໄດ້ເຕີບໃຫຍ່ເຂັ້ມແຂງ ແລະ ກ້າວຂຶ້ນຍາດເອົາໄຊຊະນະຢ່າງເນື່ອງນິດລຽນຕິດ, ຍິ່ງຕີຍິ່ງເຕີບໃຫຍ່ເຂັ້ມແຂງ, ພັກເຮົາເວລາໃດກໍໄດ້ຖືເອົາໜ້າທີ່ປ້ອງກັນຊາດ(ປກຊ)-ປ້ອງກັນຄວາມສະຫງົບ(ປກສ)ເປັນໜ້າທີ່ຕົ້ນຕໍ ແລະ ມີຄວາມໝາຍສໍາຄັນອັນດັບໜຶ່ງ. ດັ່ງນັ້ນ, ກອງທັບປະຊາຊົນລາວ ຈຶ່ງໄດ້ຕັ້ງໜ້າເຮັດໜ້າທີ່ ປກຊ-ປກສ, ປົກປັກຮັກສາຜືນແຜ່ນດິນອັນຄົບຖ້ວນຂອງຊາດໄວ້ຢ່າງໝັ້ນຄົງ. ກອງທັບປະຊາຊົນລາວຍາມໃດກໍມີຄວາມຈົງຮັກພັກດີຕໍ່ພັກ, ຕໍ່ປະຊາຊົນ ເພື່ອເສີມຂະຫຍາຍມູນເຊື້ອກອງທັບປະຊາຊົນລາວເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ສືບຕໍ່ເອົາໃຈໃສ່ສຶກສາອົບຮົມມູນເຊື້ອ, ທາດແທ້ປະຕິວັດ ແລະ ທາດແທ້ປະຊາຊົນເປັນກຳລັງທີ່ຈົງຮັກພັກດີ ແລະ ເຄື່ອນໄຫວຢູ່ພາຍໃຕ້ການນຳພາເດັດຂາດໂດຍກົງ ແລະ ຮອບດ້ານຂອງພັກ, ຕັ້ງໜ້າສຶກສາອົບຮົມປຸກລະດົມທົ່ວພັກ, ທົ່ວລັດ ແລະ ທົ່ວປວງຊົນເຂົ້າຮ່ວມວຽກງານກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານໃຫ້ເປັນຂະບວນການກວ້າງຂວາງ ແລະ ແຂງແຮງກວ່າເກົ່າ, ເອົາໃຈໃສ່ພັດທະນາເສດຖະກິດ-ສັງຄົມ ຕິດແໜ້ນກັບການສ້າງທ່າສະໜາມປ້ອງກັນຊາດທົ່ວປວງຊົນ, ສຸມໃສ່ແກ້ໄຂຄວາມທຸກຍາກຂອງປະຊາຊົນໃຫ້ເປັນຈິງ, ຕັ້ງໜ້າປັບປຸງກໍ່ສ້າງກຳລັງຫຼວງໃຫ້ມີກຳລັງແຮງສູ້ຮົບ, ເປັນຫຼັກແຫຼ່ງສາມາດຕອບຕ້ານແກ້ໄຂສະພາບການທີ່ເກີດຂຶ້ນໄດ້ຢ່າງມີປະສິດຕິພາບ. ຈາກນັ້ນ, ທ່ານຄໍາຟອງ ອິນມານີ ປະທານສະພາປະຊາຊົນແຂວງໄດ້ປາຖະກະຖາວັນເກີດປະທານ ຄໍາໄຕ ສີພັນດອນ ຄົບຮອບ 100 ປີ.
ໂອກາດນີ້, ທ່ານ ວຽງສະຫວັດ ສີພັນດອນໄດ້ສະເໜີບົດຂອງທ່ານປະທານຄຳໄຕ ສີພັນດອນໃນຄວາມຮູ້ສຶກຂອງລູກ ກໍຄືຄຸນງາມຄວາມດີຂອງເພີ່ນໃນການເຄື່ອນໄຫວປະຕິບັດໜ້າທີ່ວຽກງານໃນໄລຍະຜ່ານມາ, ໃນພິທີໄດ້ມອບຫຼຽນໄຊພິລະອາດຫານຊັ້ນ I, II, IIIໃຫ້ນາຍ ແລະ ພົນທະຫານຜູ້ທີ່ມີຜົນງານຕໍ່ປະເທດ.
ຂ່າວ-ພາບ: ມຸນຕີ
ຄໍາເຫັນ