ທ່ານ ຈີນ ກິລິຍົງ ເລຂາຄະນະພັກຮາກຖານກຸ່ມບ້ານທາດ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ ປະຈໍາ 6 ເດືອນທ້າຍປີ 2024 ແລະ ວາງທິດທາງແຜນການ 6 ເດືອນຕົ້ນປີ 2025, ກຸ່ມບ້ານທາດລວມມີ 13 ບ້ານ, ມີ 1 ບ້ານນ້ອຍ, ມີທັງໝົດ 6,419 ຄົນຍິງ 3,054 ຄົນ, ມີ 1,141ຫຼັງຄາເຮືອນ, ປະກອບມີ 4 ຊົນເຜົ່າໃຫຍ່ຄື: ເຜົ່າລື້ດ ເຜົ່າອາຄາ, ເຜົ່າດອຍ ແລະ ເຜົ່າໄຕ່ດໍາ, ອາຊີບຕົ້ນຕໍ ປູກອ້ອຍ, ປູກຢາງພາລາ, ເຮັດໄຮ່, ເຮັດນາ ແລະ ຄ້າຂາຍ, ທົ່ວກຸ່ມມີເສັ້ນທາງທຽວໄດ້ລະດູດຽວຈໍານວນ 4 ບ້ານ, ມີຄອບຄົວທຸກຍາກຈໍານວນ 165 ຄອບຄົວ, ມີບ້ານພົ້ນທຸກ 11 ບ້ານ, ໃນໄລຍະ6ເດືອນຜ່ານ ປກສ ກຸ່ມບ້ານ ໄດ້ດັດແກ້ສໍາມະໂນຄົວໄດ້ຈໍານວນ 79 ຫົວ, ຈັບກຸມຜູ້ເສບຢາເສບຕິດໄປດັດສ້າງຈໍານວນ 6 ຄົນ, ຕິດປ້າຍເຮືອນຈໍານວນ 13 ບ້ານ, 1,115 ປ້າຍ, ໄດ້ຊຸກຍູ້ສົ່ງເສີມໃຫ້ປະຊາຊົນປູກພືດກະສິກໍາເປັນສິນຄ້າສະເລ່ຍລາຍຮັບ7,096,000ກີບຕໍ່ຄົນຕໍ່ປີ, ທົ່ວກຸ່ມມີໂຮງໝໍນ້ອຍ 1 ແຫ່ງ, ໂຮງຮຽນອະນຸບານ 6 ແຫ່ງ,ໂຮງຮຽນປະຖົມ 14 ແຫ່ງ ແລະ ໂຮງຮຽນມັດທະຍົມ 1 ແຫ່ງ, ສັກຢາກັນພະຍາດໃຫ້ເດັກຈໍານວນ 287 ຄົນ, ປະເມີນໂພສະນາການເດັກຈໍານວນ 287 ຄົນ, ວາງແຜນຄອບຄົວໄດ້ຈໍານວນ 376 ເທື່ອຄົນ; ຈາກນັ້ນ, ຜູ້ເຂົ້າຮ່ວມກໍໄດ້ພ້ອມກັນປະກອບຄໍາຄິດຄໍເຫັນໃສ່ເນື້ອໃນບົດສະຫຼຸບເພື່ອໃຫ້ມີເນື້ອໃນຄົບຖ້ວນສົມບູນຂຶ້ນກວ່າເກົ່າ.
ທ່ານ ຄໍາ ວິໄລສິນ ໄດ້ຮຽກຮ້ອງມາຍັງຄະນະພັກຮາກຖານ, ອໍານາດການປົກຄອງບ້ານແຕ່ລະບ້ານຈົ່ງສືບຕໍ່ນໍາພາຊີ້ນໍາປະຊາຊົນພາຍໃນບ້ານໃຫ້ມີຄວາມເຂັ້ມແຂງ, ເພີ່ມທະວີສືກສາອົບຮົມ ການເມືອງ-ແນວຄິດໃຫ້ຄະນະບ້ານ ກໍຄືສະມາຊິກພັກ ແລະ ພໍ່ແມ່ປະຊາຊົນ ພາຍໃນກຸ່ມບ້ານຂອງຕົນໃຫ້ມີການພັດທະນາທີ່ດີຂຶ້ນເລື້ອຍໆໄປ.
(ຂ່າວ: ເຂັມຄໍາ ຄອນມະນີິ)
ຄໍາເຫັນ