ຫຼວງນໍ້າທາ ປາຖະກະຖາວັນສ້າງຕັ້ງພັກ ແລະ ວັນເສຍອົງຄະ

ທ່ານ ທະວີພອນ ສີວິໄລແຮ່ຄໍາ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ ໄດ້ຫສນຄືນມູນເຊື້ອ ແລະ ໄຊຊະນະປະຫວັດສາດຂອງພາລະກິດແຫ່ງ ການຕໍ່ສູ້ປົດປ່ອຍຊາດ ໃນເມື່ອກ່ອນ ແລະ ຜົນສໍາເລັດໃນພາລະກິດປົກປັກຮັກສາ ແລະ ພັດທະນາປະເທດຊາດ ພາຍໃຕ້ການນໍາພາຂອງພັກປະຊາຊົນປະຕິວັດລາວ ໄດ້ຮັບການສ້າງຕັ້ງຂຶ້ນໃນວັນທີ 22 ມີນາ 1955 ທີ່ບ້ານນາແມວ ເມືອງວຽງໄຊ ແຂວງຫົວພັນ ໂດຍແມ່ນປະທານ ໄກສອນ ພົມວິຫານ ເປັນເລຂາທິການໃຫຍ່ຄົນທຳອິດ. ຕະຫຼອດໄລຍະ 71 ປີ ຜ່ານມາ, ພັກໄດ້ວາງແນວທາງການເມືອງ ອັນຖືກຕ້ອງ ໂດຍສະເພາະແມ່ນໂຄງການດຳເນີນງານ 12 ຂໍ້ ໃນໄລຍະເລີ່ມຕົ້ນ, ເພື່ອນຳພາປວງ ຊົນລາວຕໍ່ສູ້ກູ້ຊາດ ຈົນສາມາດປົດປ່ອຍປະເທດຊາດຢ່າງສົມບູນ ແລະ ສະຖາປະນາສາທາລະ ນະລັດ ປະຊາທິປະໄຕ ປະຊາຊົນລາວ ຂຶ້ນໃນວັນທີ 2 ທັນວາ 1975. ພັກປະຊາຊົນປະຕິ ວັດລາວ ສົມແລ້ວທີ່ເປັນກອງເສນາທິການທາງການເມືອງທີ່ສ່ອງໃສ, ເປັນກອງນຳໜ້າທີ່ແໜ້ນແກ່ນ, ເປັນຕົວແທນທີ່ຈົ່ງຮັກພັກດີຕໍ່ສິດຜົນປະໂຫຍດຂອງຊົນຊັ້ນກຳມະກອນ ຊາວຜູ້ອອກແຮງງານ ທີ່ຮັກຊາດ, ເປັນແກນນຳໃນລະບົບການເມືອງແຫ່ງລະບອບປະຊາທິປະໄຕ ປະຊາຊົນ ອັນເຂັ້ມແຂງ ແລະ ສ້າງໃຫ້ປະເທດມີຄວາມສະຖຽນລະພາບທາງດ້ານການເມືອງໜັກ ແໜ້ນ, ສັງຄົມມີຄວາມ ສະຫງົບ, ເສດຖະກິດ, ວັດທະນະທຳ-ສັງຄົມໄດ້ຂະຫຍາຍ ຕົວຢ່າງຕໍ່ ເນື່ອງ ແລະ ຊີວິດການເປັນຢູ່ ຂອງປະຊາຊົນໄດ້ຮັບການພັດທະນາແກ້ໄຂເປັນກ້າວໆ

ທ່ານ ຄໍາຜາຍ ອຸແປງວົງ ໄດ້ປາຖະກະຖາ ວັນນັກຮົບເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ ຄົບຮອບ 80 ປີ ວັນທີ 21 ມີນາ ແມ່ນວັນທີ່ຈາລຶກເຫດການປະຫວັດ ສາດອັນອົງ ອາດກ້າຫານ ຂອງກອງທັບ ແລະ ປະຊາຊົນລາວ ໂດຍສະເພາະແມ່ນ ບັ້ນຮົບປ້ອງກັນຕົວເມືອງ ທ່າແຂກ ໃນປີ 1946 ເພື່ອຕ້ານການກັບຄືນມາຮຸກຮານຂອງພວກລ່າເມືອງຂຶ້ນຝຣັ່ງ ພາຍໃຕ້ການບັນຊາສູງສຸດຂອງທ່ານປະທານ ສຸພານຸວົງ, ນັກຮົບ ແລະ ປະຊາຊົນລາວບັນດາເຜົ່າ ໄດ້ສູ້ຮົບຢ່າງພິລະອາດຫານ ເພື່ອປົກປັກຮັກສາເອກະລາດ ແລະ ຜືນແຜ່ນດິນອັນຄົບຖ້ວນ ເພື່ອເປັນການຈາລຶກຄຸນງາມຄວາມດີຂອງບັນດານັກຮົບ ແລະ ປະຊາຊົນບັນດາເຜົ່າທີ່ເສຍ ສະຫຼະເສຍຊີວິດເພື່ອປະເທດຊາດ, ລັດຖະບານຈິ່ງໄດ້ກຳນົດເອົາວັນທີ 21 ມີນາ ເປັນວັນນັກຮົບເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ.

ຈຸດປະສົງການປາຖະກະຖາຄັ້ງນີ້, ເພື່ອເປັນການສຶກສາອົບຮົມພະນັກງານ, ສະມາຊິກພັກ ໃຫ້ກຳແໜ້ນມູນເຊື້ອປະຕິວັດ, ເຊີດຊູສະຕິຮັກຊາດ ແລະ ສືບຕໍ່ປົກປັກຮັກສາ-ສ້າງສາ ພັດທະນາປະເທດຊາດ ໃຫ້ຮຸ່ງເຮືອງສິວິໄລ.

(ແຫຼ່ງຂ່າວ: ເມືອງຫຼວງນໍ້າທາ)