ໄດ້ຈັດຂຶ້ນໃນວັນທີ 23 ມັງກອນຜ່ານມານີ້ ຢູ່ທີ່ສະໂມສອນຂອງກອງບັນຊາການ ທະຫານແຂວງຫຼວງນໍ້າທາ ໂດຍການເປັນປະທານຂອງ ສະຫາຍ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງນໍ້າທາ ປະທານກໍາມະທິການ ປກຊ-ປກສ ແຂວງ, ມີ ແຂກທີ່ຖືກເຊີນ ແລະ ພາກສ່ວນກ່ຽວຂ້ອງທົ່ວແຂວງເຂົ້າຮ່ວມ.
ສະຫາຍ ພັນເອກ ແກ້ວ ຊໍແສນວົງ ຄະນະພັກກອງບັນຊາການ ຫົວໜ້າຫ້ອງການຄະນະກໍາມະທິການ ປກຊ-ປກສ ແຂວງ ໄດ້ຜ່ານບົດສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານໄລຍະ 1 ປີ ຜ່ານມາ, ຄະນະພັກ - ຄະນະບັນຊາ ໄດ້ຫັນເອົາພະນັກງານ ລົງກໍ່ສ້າງຮາກຖານການເມືອງ ຕາມມູນເຊື້ອ ເພື່ອປັບປຸງລະບົບການເມືອງຢູ່ຂັ້ນຮາກຖານ, ປັບປຸງກໍາລັງກອງຫຼອນຢູ່ແຕ່ລະບ້ານ. ໃນນີ້ ມີກຸ່ມບ້ານສູ້ຮົບຕິດລ່ຽນ 7 ກຸ່ມບ້ານ, ບ້ານປ້ອງກັນຊາດເຂັ້ມແຂງ 274 ບ້ານ, ບ້ານແຮກສ່ຽວແບບມູນເຊື້ອ 110 ບ້ານ, ບ້ານປ້ອງກັນຄວາມສະຫງົບດີ 246 ບ້ານ, ບ້ານປອດຄະດີ 257 ບ້ານ, ບ້ານປອດຢາເສບຕິດ 236 ບ້ານ, ບ້ານ 3 ສ້າງ 10 ບ້ານ ແລະ ບ້ານພັດທະນາ 228 ບ້ານ. ນອກນີ້ ຄະນະກໍາມະທິການ ປ້ອງກັນຊາດ-ປ້ອງກັນຄວາມສະຫງົບ ແຕ່ລະຂັ້ນ ຍັງໄດ້ເອົາໃຈໃສ່ນຳພາ-ຊີ້ນຳ ຄະນະພັກ-ຄະນະບັນຊາ ທຸກຫົວໜ່ວຍກົມກອງ ຕັ້ງໜ້າສຶກສາອົບຮົມການເມືອງນຳພາແນວຄິດ ໃຫ້ແກ່ກຳລັງຂອງຕົນ ໂດຍຖືເອົາການຈັດຕັ້ງເຜີຍແຜ່ ມູນເຊື້ອຜົນງານຂອງກອງທັບ ຄື: 3 ທາດແທ້ 6 ມູນເຊື້ອ,ໂຄສະນາສຶກສາອົບຮົມ ໃຫ້ພະນັກງານ-ນັກຮົບ, ເຊື່ອມຊືມແນວທາງ ແຜນນະໂຍບາຍຂອງພັກ, ລະບຽບກົດໝາຍຂອງລັດ ແລະ ລະບຽບການຕ່າງໆ ເພື່ອແນໃສ່ເຮັດສຳເລັດ 4 ໜ້າທີ່ໃຫຍ່ 26 ແຜນງານ ຂອງກະຊວງປ້ອງກັນປະເທດ ແລະ 4 ຄາດໝາຍ 4 ແຜນງານ 41 ໂຄງ ຂອງກະຊວງປ້ອງກັນຄວາມສະຫງົບ ວາງອອກ ໃຫ້ປະກົດຜົນເປັນຈິງ.
ໂອກາດນີ້, ສະຫາຍ ວຽງສະຫວັດ ສີພັນດອນ ໄດ້ນັ້ນໜັກໃຫ້ຄະນະພັກ - ຄະນະບັນຊາທຸກຂັ້ນ ສືບຕໍ່ໃນການຫັນລົງກໍ່ສ້າງຮາກຖານການເມືອງ, ສ້າງຕາໜ່າງ ປກຊ-ປກສ ຢູ່ຂັ້ນຮາກຖານ ໃຫ້ກວ້າງຂວາງ ຕິດພັນສອດຫ້ອຍ ໄປກັບການພັດທະນາ ຊົນນະບົດຮອບດ້ານໃຫ້ໄດ້ຕາມ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດ ແລະ 4 ຄາດໝາຍ 4 ແຜນງານ 41 ໂຄງການ ຂອງກະຊວງປ້ອງກັນຄວາມສະຫງົບ ວາງອອກໃຫ້ມີຜົນສໍາເລັດ.
(ຂ່າວ: ແສງທອງ)
ຄໍາເຫັນ