ມາເລເຊຍ - ອິນໂດເນເຊຍ ຮ່ວມມືຕ້ານປະກົດການແອວນີໂຢ ແລະ ໝອກຄວັນຂ້າມຊາຍແດນ

13:18 27/08/2026

ສຳນັກຂ່າວສານຊິນຮວາລາຍງານໃນວັນທີ 25 ສິງຫາ ຜ່ານມາວ່າ: ທ່ານ ອາເທີ ໂຈເຊັບ ຄູຣຸບ ລັດຖະມົນຕີກະຊວງຊັບພະຍາກອນທຳມະຊາດ ແລະ ຄວາມຍືນຍົງດ້ານສິ່ງແວດລ້ອມຂອງມາເລເຊຍ ໄດ້ໂອ້ລົມທາງໂທລະສັບກັບທ່ານ ໂມຮຳໝັດ ຈູມຮູ ຮິດາຢັດ ລັດຖະມົນຕີກະຊວງສິ່ງແວດລ້ອມອິນໂດເນເຊຍ ເປີດເຜີຍວ່າ, ມາເລເຊຍ ຈະຮ່ວມມືກັບອິນໂດເນເຊຍເພື່ອເສີມຂະຫຍາຍມາດຕະການປ້ອງກັນ ແລະ ສະກັດກັ້ນໄຟໄໝ້ ໃນຂະນະທີ່ຮັບມືກັບຜົນກະທົບຂອງປະກົດການແອວນີໂຢ ຊຶ່ງຄາດວ່າຈະຮຸນແຮງຂຶ້ນຈົນຮອດເດືອນຕຸລາປີນີ້ ແລະ ເກີດຂຶ້ນກົງກັບລະດູລົມມໍລະສຸມຕາເວັນຕົກສ່ຽງໃຕ້.

ທ່ານ ອາເທີ ກ່າວວ່າ: ບັນຫາໝອກຄວັນຂ້າມຊາຍແດນທີ່ສົ່ງຜົນກະທົບຕໍ່ພາກພື້ນໃນປັດຈຸບັນແມ່ນບຸລິມະສິດສຳຄັນຂອງທັງມາເລເຊຍ ແລະ ອິນໂດເນເຊຍ. ໂດຍມາເລເຊຍ, ໃນຖານະທີ່ເປັນບ້ານໃກ້ເຮືອນຄຽງທີ່ດີ ແລະ ຄຽງຄູ່ກັບຄວາມສາມັກຄີຂອງອາຊຽນ, ພ້ອມທີ່ຈະຊ່ວຍເຫຼືອອິນໂດເນເຊຍຕາມຄວາມຕ້ອງການ, ໂດຍສະເພາະໃນການດັບໄຟຢ່າງທັນການ.

ລະບົບການຄຸ້ມຄອງດັດຊະນີມົນລະພິດທາງອາກາດ (API) ຂອງມາເລເຊຍລາຍງານວ່າ: ທັງ 12 ພື້ນທີ່ໃນມາເລເຊຍມີລະດັບມົນລະພິດທາງອາກາດ (API) ທີ່ບໍ່ດີຕໍ່ສຸຂະພາບ, ມາຮອດເວລາ 14:00 ໂມງ ຂອງວັນທີ 24 ສິງຫາຜ່ານມາ (ຕາມເວລາທ້ອງຖິ່ນ). ລັດຊາຣາວັກ ເທິງເກາະບໍນຽວ ໄດ້ຮັບຜົນກະທົບໜັກທີ່ສຸດ, ໂດຍມີ 6 ພື້ນທີ່ປະສົບກັບມົນລະພິດທາງອາກາດເກີນລະດັບທີ່ບໍ່ດີຕໍ່ສຸຂະພາບ, ໂດຍເມືອງເຊຣຽນ ມີຄ່າດັດຊະນີສູງສຸດໃນປະເທດ (193), ຮອງລົງມາແມ່ນເມືອງກູຊິງ (179), ຊາມາຣາຮານ (174), ສີອາມານ (156), ບິນຕູລູ (151) ແລະ ມູກະ (114).

ທັງນີ້, ດັດຊະນີມົນລະພິດທາງອາກາດລະຫວ່າງ 0-50 ຖືກຈັດຢູ່ໃນລະດັບ "ດີ", 51-100 "ປານກາງ", 101-200 "ບໍ່ດີຕໍ່ສຸຂະພາບ", 201-300 "ບໍ່ດີຕໍ່ສຸຂະພາບທີ່ສຸດ", ແລະ 301 ຂຶ້ນໄປເປັນ "ອັນຕະລາຍ".

ຄໍາເຫັນ

ຂ່າວຕ່າງປະເທດ

ຫວຽດນາມ ສະເໜີ 4 ທິດທາງຮ່ວມມືຍຸດທະສາດດ້ານສະບຽງອາຫານ

27/08/2026 14:23

ວິທະຍຸກະຈາຍສຽງຫວຽດນາມລາຍງານໃນວັນທີ 26 ສິງຫານີ້ວ່າ: ວັນທີ 25 ສິງຫາ ຜ່ານມາ ຢູ່ ຫາງໂຈ ປະເທດຈີນ, ກອງປະຊຸມລັດຖະມົນຕີເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ກ່ຽວກັບຄວາມໝັ້ນຄົງດ້ານສະບຽງອາຫານ ຄັ້ງທີ 11 ໄດ້ຈັດຂຶ້ນຢ່າງເປັນທາງການ ໂດຍການເຂົ້າຮ່ວມຂອງການນຳຂະແໜງກະສິກຳ ຈາກ 21 ພື້ນຖານເສດຖະກິດສະມາຊິກ.

ອາເມຣິກາ ຊຸກຍູ້ແຜນການເກັບຄ່າທຳນຽມວີຊາ H-1B ສູງກວ່າ 1 ແສນໂດລາ

27/08/2026 14:22

ສຳນັກຂ່າວສານຊິນຮວາລາຍງານໃນວັນທີ 25 ສິງຫາ ຜ່ານມາວ່າ: ກະຊວງຄວາມໝັ້ນຄົງ ຂອງ ສະຫະລັດ ອາເມຣິກາ ໄດ້ສະເໜີເກັບຄ່າທຳນຽມວີຊາ H-1B 103,000 ໂດລາຕໍ່ຄົນ ຊຶ່ງເປັນການເຄື່ອນໄຫວເພື່ອຊຸກຍູ້ແຜນການເກັບຄ່ານຽມວີຊາ ຫຼັງຄຳຕັດສິນກ່ອນໜ້ານີ້ຂອງສານ ສະຫະລັດ ອາເມຣິກາ ທີ່ຍົກເລີກການເກັບຄ່າທຳນຽມ 100,000 ໂດລາ ທີ່ສະເໜີໄວ້ກ່ອນໜ້ານີ້.

ນັກຄົ້ນຄວ້າອົສຕຣາລີ ພັດທະນາແບັດເຕີຣີທີ່ສາມາດສາກຊໍ້າໄດ້

27/08/2026 13:24

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ມະຫາວິທະຍາໄລ Flinders ຂອງອົສຕຣາລີ ໄດ້ເປີດເຜີຍວ່າ, ນັກຄົ້ນຄວ້າໃນອົສຕຣາລີໄດ້ພັດທະນາແບັດເຕີຣີສັງກະສີ-ໄອໂອດີນທີ່ສາມາດສາກໄຟໄດ້ຫຼາຍກວ່າ 60,000 ຮອບວຽນ ຊຶ່ງອາດຈະເປັນທາງເລືອກທີ່ປອດໄພ ແລະ ຍືນຍົງກວ່າແບັດເຕີຣີລິທຽມ-ໄອອອນ ທີ່ນິຍົມໃຊ້ໃນປັດຈຸບັນ.

ນ້ຳຖ້ວມກະທັນຫັນໃນເນປານ ເຮັດໃຫ້ນັກທ່ອງທ່ຽວຫາຍສາບສູນ 384 ຄົນ

27/08/2026 13:23

ສຳນັກຂ່າວສານຊິນຮວາລາຍງານໃນວັນທີ 26 ສິງຫາ ຜ່ານມາວ່າ: ຄະນະກຳມະການທ່ອງທ່ຽວເນປານລາຍງານວ່າ, ເຫດການນ້ຳຖ້ວມກະທັນຫັນຄັ້ງໃຫຍ່ທີ່ໄຫຼຊັດເຂົ້າພື້ນທີ່ລຸ່ມແມ່ນ້ຳໂພເຕໂກສີ ໃນເມືອງຣະສຸວາທາງພາກເໜືອຂອງເນປານ ໄດ້ສົ່ງຜົນໃຫ້ນັກທ່ອງທ່ຽວຫາຍສາບສູນ 384 ຄົນ ໃນນັ້ນມີ 291 ຄົນເປັນຄົນຕ່າງປະເທດ. ນ້ຳຖ້ວມດັ່ງກ່າວຍັງສ້າງຄວາມເສຍຫາຍຕໍ່ຊຸມຊົນ, ຕະຫຼາດ ແລະ ພື້ນຖານໂຄງລ່າງ.

ຍີ່ປຸ່ນ ຄາດວ່າອາກາດຈະຮ້ອນກວ່າປົກກະຕິ ເນື່ອງຈາກພາວະໂລກຮ້ອນ ແລະ ແອວນີໂຢ

27/08/2026 13:21

ສຳນັກຂ່າວສານຊິນຮວາລາຍງານໃນວັນທີ 26 ສິງຫາ ຜ່ານມາວ່າ: ອົງການອຸຕຸນິຍົມວິທະຍາຍີ່ປຸ່ນຄາດຄະເນວ່າອຸນຫະພູມສະເລ່ຍທົ່ວປະເທດຈະສູງກວ່າປົກກະຕິໃນລະຫວ່າງເດືອນກັນຍາ ຫາ ເດືອນພະຈິກ ເນື່ອງຈາກອິດທິພົນຂອງພາວະໂລກຮ້ອນ ແລະ ປະກົດການແອວນີໂຢ.

WHO ປະກາດ ອີໂບລາ ກ້າວເຂົ້າໄລຍະເວລາທີ່ມີລັກສະນະຕັດສິນ

27/08/2026 13:20

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 24 ສິງຫາ ຜ່ານມາ, ເຈົ້າໜ້າທີ່ ສາທາລະນະລັດ ປະຊາທິປະໄຕ ກົງໂກ ແຈ້ງໃຫ້ຮູ້ວ່າ, ຈຳນວນຜູ້ຕິດເຊື້ອພະຍາດອີໂບລາ ໃນ ສປ ກົງໂກ ມີຫຼາຍກວ່າ 5.500 ກໍລະນີ, ໃນນັ້ນ ເສຍຊີວິດ 2.600 ກວ່າຄົນ. ຕາມໂຕເລກທາງການ ທີ່ອັບເດດໃນວັນທີ 22 ສິງຫາ ຜ່ານມາ, ສປ ກົງໂກ ມີຜູ້ຕິດເຊື້ອ 5.514 ກໍລະນີ ແລະ ເສຍຊີວິດ 2.642 ກໍລະນີ , ເທົ່າກັບອັດຕາການເສຍຊີວິດແມ່ນເກືອບ 48%, ໃນຂະນະທີ່ຜູ້ຫາຍດີແລ້ວມີ 1.200 ກໍລະນີ. ພະຍາດໄດ້ແຜ່ລາມສູ່ 57 ເຂດ ສາທາລະນະສຸກ ທີ່ຂຶ້ນກັບບັນດາແຂວງຄື: ອີຕູຣີ, ກີວູ ເໜືອ, ກີວູໃຕ້, ຮົວ-ອູເລ, ບາດ - ອູເລ ແລະ ທີຊອບ.

ນັກຄົ້ນຄວ້າ ພັດທະນາຜ້າສີມ່ວງ ທີ່ລະບາຍຄວາມຮ້ອນໄດ້ດີ ແລະ ເຢັນກວ່າຜ້າຝ້າຍສີຂາວ

27/08/2026 13:19

ສຳນັກຂ່າວສານຊິນຮວາລາຍງານໃນວັນທີ 24 ສິງຫາ ຜ່ານມາວ່າ: ມະຫາວິທະຍາໄລ Adelaide ຂອງອົສຕຣາລີລາຍງານວ່າ, ທີມນັກຄົ້ນຄວ້າຈາກມະຫາວິທະຍາໄລ Adelaide ແລະ ມະຫາວິທະຍາໄລ Zhengzhou ຂອງຈີນໄດ້ຮ່ວມກັນພັດທະນາຜ້າສີມ່ວງທີ່ສາມາດຮັກສາອຸນຫະພູມໃຫ້ຕໍ່າກວ່າຜ້າຝ້າຍສີຂາວທົ່ວໄປໄດ້ຫຼາຍກວ່າ 4 ອົງສາ ເມື່ອຖືກແສງແດດໂດຍກົງ. ສິ່ງນີ້ອາດຈະເປັນການປູທາງໃຫ້ແກ່ການພັດທະນາເຄື່ອງນຸ່ງທີ່ຊ່ວຍໃຫ້ຜູ້ນຸ່ງຮູ້ສຶກເຢັນສະບາຍ ແລະ ມີສີສັນສົດໃສຂຶ້ນ. ໂດຍການທົດສອບກາງແຈ້ງສະແດງໃຫ້ເຫັນວ່າຜ້ານີ້ຮັກສາອຸນຫະພູມໄດ້ຕໍ່າກວ່າຜ້າຝ້າຍສີມ່ວງທີ່ຜ່ານການຍ້ອມສີທາງການຄ້າເຖິງ 6.2 ອົງສາ.

ຟີລິບປິນ ຊຸກຍູ້ໂຄງການຄາດຄະເນນໍ້າຖ້ວມດ້ວຍ AI

27/08/2026 13:17

ສຳນັກຂ່າວສານຊິນຮວາລາຍງານໃນວັນທີ 25 ສິງຫາ ຜ່ານມາວ່າ: ທ່ານ ຄິມ ໂຣເບີດ ເດີ ລີອອນ ຮັກສາການລັດຖະມົນຕີກະຊວງງົບປະມານ ແລະ ການຄຸ້ມຄອງຂອງຟີລິບປິນ ໄດ້ເປີດເຜີຍວ່າ, ລັດຖະບານຟີລິບປິນໄດ້ອະນຸມັດງົບປະມານ 1 ຕື້ເປໂຊ ສຳລັບລະບົບມະຫາວິທະຍາໄລຟີລິບປິນ ເພື່ອສະໜັບສະໜູນໂຄງການ NOAH ຊຶ່ງໂຄງການນີ້ໃຊ້ປັນຍາປະດິດ (AI) ແລະ ການວິເຄາະຂໍ້ມູນ ເພື່ອປະເມີນຄວາມສ່ຽງນໍ້າຖ້ວມໃນເວລາຈິງ ແລະ ຄາດຄະເນສະຖານະການນໍ້າຖ້ວມ.

ອຸດສາຫະກຳຫຸ່ນຍົນຈີນ ນຳເອົາໂອກາດມາສູ່ອາຟຣິກາ

27/08/2026 13:16

ວິທະຍຸ, ໂທລະພາບສູນກາງຈີນ (CMG) ລາຍງານຫວ່າງມໍ່ໆມານີ້ວ່າ: ເວັບໄຊຂ່າວອອນລາຍອິດສະຫຼະອາ ຟຣິກາໃຕ້ ຫຼື IOL ໄດ້ລົງບົດຄວາມໂດຍລະບຸວ່າ: ການພັດທະນາຢ່າງວ່ອງໄວຂອງອຸດສາຫະກຳຫຸ່ນຍົນຈີນໄດ້ນຳເອົາໂອກາດສຳຄັນມາສູ່ອາຟຣິກາ.

ທ່ານ ໂຕເລິມ ເນັ້ນ ສະຫວັດດີການສັງຄົມຂອງປະຊາຊົນແມ່ນຄວາມຮັບຜິດຊອບຂອງລັດ ແລະ ສັງຄົມ

27/08/2026 13:15

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 25 ສິງຫາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ປະທານປະເທດຫວຽດນາມ ໄດ້ມີການເຮັດວຽກກັບຄະນະພັກລັດຖະບານ ແລະ ບັນດາອົງການກ່ຽວກັບສະພາບການປະຕິບັດນະໂຍບາຍສະຫວັດດີການສັງຄົມ, ເປັນຕົ້ນແມ່ນສຳລັບບັນດາເປົ້າໝາຍທີ່ມີຄວາມສ່ຽງສູງ, ສະເໜີແຜນນະໂຍບາຍ, ວິທີການແກ້ໄຂໃນໄລຍະຈະມາເຖິງ.

ເພີ່ມເຕີມ