ທ່ານ ຊິມກ່າວວ່າ: ປັດຈຸບັນມາເລເຊຍມີສະຖານີສາກໄຟບໍ່ພຽງພໍຕໍ່ຄວາມຕ້ອງການທີ່ເພີ່ມຂຶ້ນແລະ ລົດໄຟຟ້າຍັງເປັນເຕັກໂນໂລຊີ ແລະ ຜະລິດຕະພັນໃໝ່. ເຮັດໃຫ້ລັດຖະບານມາເລເຊຍຕ້ອງປັບປຸງນະໂຍບາຍ ແລະ ສິ່ງຈູງໃຈຢ່າງຕໍ່ເນື່ອງ, ຄຽງຄູ່ກັບການຂະຫຍາຍພື້ນຖານໂຄງລ່າງການສາກໄຟ. ໂດຍລັດຖະບານກຳລັງເຮັດວຽກຮ່ວມກັບບໍລິສັດ Tenaga Nasional Bhd, ບໍລິສັດສາທາລະນູປະໂພກແຫ່ງຊາດ, ເພື່ອສ້າງສະຖານີຍ່ອຍເພີ່ມເຕີມສຳລັບສະໜັບສະໜູນເຄື່ອງສາກໄຟໄວມາດຕະຖານກະແສກົງ ແລະ ຈັດຕັ້ງປະຕິບັດສິ່ງຈູງໃຈແບບເປົ້າໝາຍສຳລັບຜູ້ໃຫ້ບໍລິການສະຖານີສາກໄຟເພື່ອກະຕຸ້ນການລົງທຶນຂອງພາກເອກະຊົນ.
ທ່ານ ຊິມກ່າວຕື່ມວ່າ: ນະໂຍບາຍຂອງມາເລເຊຍກ່ຽວກັບລົດໄຟຟ້າແຕກຕ່າງຈາກນະໂຍບາຍລົດເຄື່ອງຈັກເຜົາໄໝ້ພາຍໃນ ເນື່ອງຈາກລັດຖະບານມາເລເຊຍມີຈຸດປະສົງເພື່ອສ້າງຄວາມສົມດຸນລະ ຫວ່າງການເລັ່ງການນຳໃຊ້ລົດໄຟຟ້າກັບການພັດທະນາສາຍການປະກອບລົດໄຟຟ້າໃນທ້ອງຖິ່ນ, ລະບົບຕ່ອງໂສ້ການສະໜອງແລະ ລະບົບນິເວດລົດໄຟຟ້າໂດຍລວມ.
ຄໍາເຫັນ