ສະຫະພັນແມ່ຍິງຮາກຖານພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງສາລະວັນ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດຂໍ້ແຂ່ງຂັນ 3 ດີ ປະຈໍາປີ 2023 ແລະ ວາງທິດທາງແຜນການປີ 2024 ຂຶ້ນໃນວັນທີ 14 ກຸມພາ ນີ້ ທີ່ຫ້ອງປະຊຸມຂອງພະແນກ, ໂດຍການເຂົ້າຮ່ວມເປັນປະທານຂອງ ທ່ານ ນາງ ດວງມາລາ ສີສະໝຸດ ຮອງປະທານສະຫະພັນແມ່ຍິງແຂວງ, ທ່ານ ຄຳໄຫວ ໂພສີ ຫົວໜ້າກອງວິຊາການວິທະຍຸ-ໂທລະພາບ ພະແນກ ຖວທ ແຂວງ, ພາຍໃຕ້ການເປັນປະທານຂອງ ທ່ານ ນາງ ສຸກິດຕາ ບຸນທິສານ ປະທານສະຫະພັນແມ່ຍິງຮາກຖານ ພະແນກ, ມີບັນດາຄະນະພະແນກ, ຜູ້ຕາງໜ້າຈາກຮາກຖານແມ່ຍິງກຸ່ມວັດທະນະທຳ-ສັງຄົມ, ຜູ້ຕາງໜ້າ 3 ອົງການຈັດຕັ້ງເຂົ້າຮ່ວມ.
ທ່ານ ນາງ ນິດດາ ແກ້ວມະນີສິນ ຮອງປະທານສະຫະພັນແມ່ຍິງຮາກຖານພະແນກ ໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ, ຊຶ່ງໄດ້ຕີລາຄາດ້ານຕັ້ງໜ້າ, ຂໍ້ຄົງຄ້າງ, ບາງບົດຮຽນທີ່ຖອດຖອນໄດ້ ແລະ 4 ບາດກ້າວໃນການຈັດຕັ້ງປະຕິບັດ. ໄລຍະ 1 ປີຜ່ານມາ ເອື້ອຍນ້ອງແມ່ຍິງ ເປັນເຈົ້າການສ້າງຕົນເອງໃຫ້ກາຍເປັນພົນລະເມືອງດີ, ຕັ້ງໜ້າປະກອບສ່ວນປະຕິບັດແນວທາງນະໂຍບາຍຂອງພັກ, ຕ້ານ ແລະ ແກ້ໄຂປະກົດການຫຍໍ້ທໍ້ໃນຄອບຄົວ, ສັງຄົມ ໃຫ້ຫຼຸດໜ້ອຍຖອຍລົງ ຕິດພັນກັບການປະຕິບັດໜ້າທີ່ວິຊາສະເພາະ. ຜ່ານການປະເມີນການຈັດຕັ້ງປະຕິບັດວຽກງານຂະບວນການແຂ່ງຂັນ 3 ດີ ສາມາດເລືອກໄດ້ສະມາຊິກສະຫະພັນແມ່ຍິງ 3 ດີ ມີຄື: ພົນລະເມືອງດີມີ 27 ທ່ານ ປະຕິບັດໄດ້ 100%; ພັດທະນາດີມີ 24 ທ່ານ ປະຕິບັດໄດ້ 88,88%; ສ້າງຄອບຄົວດີມີ 27 ທ່ານ ປະຕິບັດໄດ້ 100%; ສະມາຊິກສະຫະພັນແມ່ຍິງ 3 ດີ ປະເພດ 1 ມີ 24 ທ່ານ ປະຕິບັດໄດ້ 88,88% ແລະ ບຸກຄົນ 3 ດີປະເພດ 2 ມີ 3 ທ່ານ ເທົ່າກັບ 11,11%. ສຳລັບທິດທາງໃນຕໍ່ໜ້າ, ຄາດໝາຍສູ້ຊົນ ເອົາໃຈໃສ່ຍົກສູງຄວາມສາມາດໃນການຊີ້ນຳໆພາ, ປັບປຸງແບບແຜນວິທີເຮັດວຽກ, ຈັດຕັ້ງປະຕິບັດຂໍ້ແຂ່ງຂັນ 3 ດີ ຕິດພັນກັບຂະບວນແຂ່ງຂັນຮັກຊາດ ແລະ ພັດທະນາ, ທັງໄດ້ວາງຄາດໝາຍສູ້ຊົນປະຕິບັດຂໍ້ແຂ່ງຂັນ 3 ດີ ໃຫ້ໄດ້ບັນລຸ 100% ທຸກດ້ານໃນປີ 2024.
ຈາກນັ້ນ, ໃນພິທີກໍໄດ້ມີການມອບໃບຢັ້ງຢືນ ບຸກຄົນ 3 ດີປະເພດ 1 ໂດຍການເປັນກຽດມອບ ທ່ານ ນາງ ດວງມາລາ ສີສະໝຸດ. ພ້ອມນັ້ນ ສະມາຊິກສະຫະພັນແມ່ຍິງ ກໍໄດ້ຈັບມືແຂ່ງຂັນສ້າງຂະບວນ 3 ດີ.
(ຂ່າວ: ລັດຕະນາ ແສງສຸວັນ)
ທ່ານ ນາງ ນິດດາ ແກ້ວມະນີສິນ ຮອງປະທານສະຫະພັນແມ່ຍິງຮາກຖານພະແນກ ໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ, ຊຶ່ງໄດ້ຕີລາຄາດ້ານຕັ້ງໜ້າ, ຂໍ້ຄົງຄ້າງ, ບາງບົດຮຽນທີ່ຖອດຖອນໄດ້ ແລະ 4 ບາດກ້າວໃນການຈັດຕັ້ງປະຕິບັດ. ໄລຍະ 1 ປີຜ່ານມາ ເອື້ອຍນ້ອງແມ່ຍິງ ເປັນເຈົ້າການສ້າງຕົນເອງໃຫ້ກາຍເປັນພົນລະເມືອງດີ, ຕັ້ງໜ້າປະກອບສ່ວນປະຕິບັດແນວທາງນະໂຍບາຍຂອງພັກ, ຕ້ານ ແລະ ແກ້ໄຂປະກົດການຫຍໍ້ທໍ້ໃນຄອບຄົວ, ສັງຄົມ ໃຫ້ຫຼຸດໜ້ອຍຖອຍລົງ ຕິດພັນກັບການປະຕິບັດໜ້າທີ່ວິຊາສະເພາະ. ຜ່ານການປະເມີນການຈັດຕັ້ງປະຕິບັດວຽກງານຂະບວນການແຂ່ງຂັນ 3 ດີ ສາມາດເລືອກໄດ້ສະມາຊິກສະຫະພັນແມ່ຍິງ 3 ດີ ມີຄື: ພົນລະເມືອງດີມີ 27 ທ່ານ ປະຕິບັດໄດ້ 100%; ພັດທະນາດີມີ 24 ທ່ານ ປະຕິບັດໄດ້ 88,88%; ສ້າງຄອບຄົວດີມີ 27 ທ່ານ ປະຕິບັດໄດ້ 100%; ສະມາຊິກສະຫະພັນແມ່ຍິງ 3 ດີ ປະເພດ 1 ມີ 24 ທ່ານ ປະຕິບັດໄດ້ 88,88% ແລະ ບຸກຄົນ 3 ດີປະເພດ 2 ມີ 3 ທ່ານ ເທົ່າກັບ 11,11%. ສຳລັບທິດທາງໃນຕໍ່ໜ້າ, ຄາດໝາຍສູ້ຊົນ ເອົາໃຈໃສ່ຍົກສູງຄວາມສາມາດໃນການຊີ້ນຳໆພາ, ປັບປຸງແບບແຜນວິທີເຮັດວຽກ, ຈັດຕັ້ງປະຕິບັດຂໍ້ແຂ່ງຂັນ 3 ດີ ຕິດພັນກັບຂະບວນແຂ່ງຂັນຮັກຊາດ ແລະ ພັດທະນາ, ທັງໄດ້ວາງຄາດໝາຍສູ້ຊົນປະຕິບັດຂໍ້ແຂ່ງຂັນ 3 ດີ ໃຫ້ໄດ້ບັນລຸ 100% ທຸກດ້ານໃນປີ 2024.
ຈາກນັ້ນ, ໃນພິທີກໍໄດ້ມີການມອບໃບຢັ້ງຢືນ ບຸກຄົນ 3 ດີປະເພດ 1 ໂດຍການເປັນກຽດມອບ ທ່ານ ນາງ ດວງມາລາ ສີສະໝຸດ. ພ້ອມນັ້ນ ສະມາຊິກສະຫະພັນແມ່ຍິງ ກໍໄດ້ຈັບມືແຂ່ງຂັນສ້າງຂະບວນ 3 ດີ.
(ຂ່າວ: ລັດຕະນາ ແສງສຸວັນ)
ຄໍາເຫັນ