ຄະນະເຮັດວຽກດ້ານເຕັກໂນໂລຊີຂໍ້ມູນຂ່າວສານຂອງສະພາປ້ອງກັນຊາດ ແລະ ຄວາມໝັ້ນຄົງແຫ່ງຊາດ ລະບຸວ່າ: ເປົ້າໝາຍຫຼັກຂອງມາດຕະການນີ້ແມ່ນການປະຢັດນໍ້າມັນເຊື້ອໄຟ. ດັ່ງນັ້ນ, ເຈົ້າໜ້າທີ່ ແລະ ພະນັກງານຄວນຫຼີກລ່ຽງການເດີນທາງ ຫຼື ການໃຊ້ຍານພາຫະນະໂດຍບໍ່ຈຳເປັນໃນມື້ທີ່ກຳນົດໃຫ້ເຮັດວຽກຢູ່ເຮືອນ. ພ້ອມທັງຊຸກຍູ້ໃຫ້ອົງການຈັດຕັ້ງພາກເອກະຊົນ ແລະ ທຸລະກິດຕ່າງໆ ນຳວິທີການດຽວກັນໄປປັບໃຊ້ ຖ້າເປັນໄປໄດ້.
ກ່ອນໜ້ານີ້, ລັດຖະບານໄດ້ຈັດຕັ້ງປະຕິບັດມາດຕະການຕ່າງໆເຊັ່ນ: ການສະຫຼັບມື້ໃຊ້ຍານພາຫະນະໂດຍອີງໃສ່ເລກທະບຽນລົດຄີກ/ຄູ່ ແລະ ຈຳກັດປະລິມານການໃຊ້ນໍ້າມັນເຊື້ອໄຟ ເພື່ອຕອບສະໜອງຕໍ່ຄວາມສ່ຽງຂອງການຂາດແຄນນໍ້າມັນເຊື້ອໄຟ ເນື່ອງຈາກຂໍ້ຂັດແຍ່ງໃນຕາເວັນອອກກາງ.
ປັດຈຸບັນ, ລັດຖະບານມຽນມາກຳລັງປະສານງານການນຳເຂົ້ານໍ້າມັນເຊື້ອໄຟຈາກແຫຼ່ງຕ່າງໆ ເພື່ອຮັບປະກັນການສະໜອງທີ່ພຽງພໍຢ່າງຕໍ່ເນື່ອງ.
ຄໍາເຫັນ