Microsoft ມີລາຍຮັບເພີ່ມຂຶ້ນ 18% ໃນໄຕຣມາດທີ 4 ຂອງປີງົບປະມານ 2026

13:33 31/07/2026

ຂ່າວຕ່າງປະເທດລາຍງານ ໃນວັນທີ 30 ກໍລະກົດ ຜ່ານມາວ່າ: ບໍລິສັດ Microsoft ໄດ້ປະກາດຫວ່າງມໍ່ໆມານີ້ວ່າ: ບໍລິສັດມີລາຍໄດ້ 90 ຕື້ໂດລາໃນໄຕມາດທີ 4 ຂອງປີງົບປະມານ 2026 (ສິ້ນສຸດວັນທີ 30 ມິຖຸນາ), ເພີ່ມຂຶ້ນ 18% ເມື່ອທຽບກັບໄລຍະດຽວກັນຂອງປີກາຍ.

ບໍລິສັດໄດ້ລາຍງານລາຍໄດ້ສຸດທິປະຈຳໄຕມາດພາຍໃຕ້ຫຼັກການບັນຊີທີ່ຍອມຮັບໂດຍທົ່ວໄປ (GAAP) ຈຳນວນ 35.8 ຕື້ໂດລາ, ເພີ່ມຂຶ້ນ 31% ເມື່ອທຽບກັບປີກ່ອນ, ໃນຂະນະທີ່ກຳໄລຕໍ່ຮຸ້ນ (EPS) ເພີ່ມຂຶ້ນ 32% ເປັນ 4.81 ໂດລາ.

ກຳໄລຈາກການດຳເນີນງານຂອງ Microsoft ເພີ່ມຂຶ້ນ 18% ເມື່ອທຽບກັບປີກ່ອນເປັນ 40.6 ຕື້ໂດລາ. ຖ້າບໍ່ລວມເອົາຜົນກະທົບຂອງການລົງທຶນໃນ OpenAI, ກຳໄລສຸດທິໃນໄຕມາດທີສີ່ແມ່ນ 35.3 ຕື້ໂດລາ, ເພີ່ມຂຶ້ນ 22% ເມື່ອທຽບກັບປີກ່ອນ ແລະ ກຳໄລຕໍ່ຫຸ້ນທີ່ປັບແລ້ວແມ່ນ 4.74 ໂດລາ, ເພີ່ມຂຶ້ນ 23%.

ສຳລັບປີງົບປະມານ 2026 , Microsoft ມີລາຍໄດ້ທັງໝົດ 331.8 ຕື້ໂດລາ, ເພີ່ມຂຶ້ນ 18% ຈາກປີງົບປະມານກ່ອນໜ້ານີ້. ກຳໄລຈາກການດຳເນີນງານທີ່ອີງໃສ່ GAAP ເພີ່ມຂຶ້ນ 21% ເປັນ 155.2 ຕື້ໂດລາ ແລະ ກຳໄລສຸດທິທີ່ອີງໃສ່ GAAP ເພີ່ມຂຶ້ນ 31% ເປັນ 133.7 ຕື້ໂດລາ.

ທ່ານ ຊາດຍາ ນາເດລາ ປະທານ ແລະ CEO ຂອງ Microsoft ກ່າວວ່າ: ພວກເຮົາກຳລັງຊຸກຍູ້ຂອບເຂດໃໝ່ຂອງເສັ້ນໂຄ້ງປະສິດທິພາບດ້ານຕົ້ນທຶນຕໍ່ຜົນໄດ້ຮັບ ເພື່ອຮັບປະກັນວ່າລູກຄ້າທຸກຄົນສາມາດປ່ຽນການນຳໃຊ້ Token ໃຫ້ກາຍເປັນຜົນໄດ້ຮັບທາງທຸລະກິດທີ່ເຫັນໄດ້ຢ່າງຊັດເຈນ.

ທ່ານ ນາເດລາ ກ່າວຕື່ມວ່າ ໃນປີນີ້, ລາຍຮັບຈາກການບໍລິການຄລາວ Azure ເກີນ 100 ຕື້ໂດລາເປັນຄັ້ງທຳອິດ, ໃນຂະນະທີ່ Microsoft 365 Copilot ມີໃບອະນຸຍາດທີ່ຊຳເງິນເກີນ 30 ລ້ານໃບ ຊຶ່ງສະທ້ອນໃຫ້ເຫັນເຖິງຄວາມໄວ້ວາງໃຈທີ່ລູກຄ້າມີຕໍ່ພວກເຮົາເພື່ອຊຸກຍູ້ການຫັນປ່ຽນຂອງອົງກອນເຂົ້າສູ່ຍຸກ AI.

ຄໍາເຫັນ

ຂ່າວຕ່າງປະເທດ

Samsung ຈະສ້າງໂຮງງານຜະລິດຊິບແຫ່ງທີສອງໃນລັດເທັກຊັສ ໃນທ້າຍປີນີ້

31/07/2026 13:38

ຂ່າວຕ່າງປະເທດລາຍງານໃນວັນທີ 30 ກໍລະກົດ ຜ່ານມາວ່າ: ບໍລິສັດ Samsung Electronics, ຜູ້ຜະລິດຊິບໜ່ວຍຄວາມຈຳທີ່ໃຫຍ່ທີ່ສຸດໃນໂລກຈາກ ສ ເກົາຫຼີ ໄດ້ເປີດເຜີຍໃນວັນທີ 30 ກໍລະກົດ ຜ່ານມາວ່າ, ບໍລິສັດ ຈະເລີ່ມກໍ່ສ້າງໂຮງງານຜະລິດເຊມິຄອນດັກເຕີແຫ່ງທີສອງ ຫຼື Taylor Fab 2 ໃນເມືອງເທເລີ ລັດເທັກຊັສ ສະຫະລັດອາເມຣິກາ ໃນທ້າຍປີນີ້.

ມາເລເຊຍ ເປີດໂຄງການຈັດຫາງານ ເພື່ອຊ່ວຍເຫຼືອກຸ່ມຄົນທີ່ມີຄວາມສ່ຽງ

31/07/2026 13:35

ສຳນັກຂ່າວສານຊິນຮວາຍລາຍງານໃນວັນທີ 28 ກໍລະກົດ ຜ່ານມາວ່າ: ປະເທດມາເລເຊຍໄດ້ເປີດໂຄງການສົ່ງເສີມການຈ້າງງານພາຍໃຕ້ໂຄງການການເງິນເພື່ອສັງຄົມ iTEKAD ເພື່ອຊ່ວຍເຫຼືອປະຊາຊົນຈາກກຸ່ມທີ່ມີຄວາມສ່ຽງໃຫ້ມີວຽກເຮັດງານທຳທີ່ໝັ້ນຄົງ ແລະ ລາຍໄດ້ທີ່ຍືນຍົງ.

6 ເດືອນຕົ້ນປີ ມູນຄ່າການຈໍລະຈອນສິນຄ້າທົ່ວປະເທດຈີນ ບັນລຸ 181.100 ຕື້ຢວນ

31/07/2026 13:27

ວິທະຍຸໂທລະພາບສູນກາງຈີນ (CMG) ລາຍງານວ່າ: ຫວ່າງມໍ່ໆມານີ້, ສະຫະພັນຈໍລະຈອນ ແລະ ຈັດຊື້ສິນຄ້າຈີນ ເປີດເຜີຍໃຫ້ຮູ້ວ່າ, ໃນ 6 ເດືອນຕົ້ນປີນີ້ ຍອດມູນຄ່າການຈໍລະຈອນສິນຄ້າທາງສັງຄົມໃນທົ່ວປະເທດຈີນໄດ້ບັນລຸ 181,100 ຕື້ຢວນ, ໂດຍອີງຕາມລາຄາທີ່ທຽບກັນ, ເພີ່ມຂຶ້ນ 5.1% ເມື່ອທຽບໃສ່ໄລຍະດຽວກັນຂອງປີກາຍນີ້, ໂດຍລວມແລ້ວ ຍັງຮັກສາຈັງຫວະການເຕີບໂຕຂ້ອນຂ້າງໄວຫຼາຍກວ່າ 5%.

FIFA ເລີ່ມການສືບສວນການປະພຶດຂອງສະມາຄົມບານເຕະອາກຊັງຕິີນ

31/07/2026 13:20

ວິທະຍຸໂທລະພາບສູນກາງຈີນ (CMG) ລາຍງານວ່າ: ຫວ່າງບໍ່ດົນມານີ້, ສະຫະພັນບານເຕະສາກົນ ຫຼື FIFA ໄດ້ປະກາດວ່າ, ໄດ້ເລີ່ມສືບສວນທາງວິໄນກ່ຽວກັບການລະເມີດ ແລະ ການປະພຶດຜິດຫຼາຍຢ່າງຂອງສະຫະພັນບານເຕະອາກຊັງຕີນ ແລະ ນັກກິລາອາກຊັງຕີນ ໃນການແຂ່ງຂັນບານເຕະໂລກ 2026 ທີ່ອາເມຣິກາ-ການາດາ-ເມັກຊິກ ຮ່ວມກັນເປັນເຈົ້າພາບ.

ຫວຽດນາມ ຈັດກອງປະຊຸມຄະນະຊີ້ນຳການພັດທະນາວິທະຍາສາດ ແລະ ການຫັນເປັນດີຈີຕອນ

31/07/2026 12:57

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 30 ກໍລະກົດ ຜ່ານມາ ຢູ່ສຳນັກງານສູນກາງພັກ ທີ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ປະທານປະເທດຫວຽດນາມ ໄດ້ເປັນປະທານກອງປະຊຸມຄະນະຊີ້ນຳສູນກາງກ່ຽວກັບການພັດທະນາວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນ ເພື່ອຜັນຂະຫຍາຍໜ້າທີ່ໃນໄລຍະຈະມາເຖິງ. ເຂົ້າຮ່ວມກອງປະຊຸມມີທ່ານ ເລມິງຮຶງ ນາຍົກລັດຖະມົນຕີ ແລະ ທ່ານ ເຈິ່ນເກິມຕູ ຜູ້ປະຈຳການຄະນະເລຂາທິການສູນກາງພັກ.

ຈຳນວນ ເສດຖີຂອງອັງກິດ ຫຼຸດລົງຕໍ່າສຸດນັບຕັ້ງແຕ່ເກີດວິກິດການການເງິນປີ 2008

30/07/2026 14:03

ສຳນັກຂ່າວສານຊິນຮວາລາຍງານໃນວັນທີ 29 ກໍລະກົດ ຜ່ານມາວ່າ: ບົດລາຍງານການສຳຫຼວດເສດຖີ (Millionaire Tracker) ສະບັບຫຼ້າສຸດຂອງສະຖາບັນ Adam Smith ເປີດເຜີຍວ່າ, ຈຳນວນເສດຖີໃນອັງກິດໄດ້ຫຼຸດລົງເຖິງລະດັບຕໍ່າສຸດນັບຕັ້ງແຕ່ເກີດວິກິດການທາງດ້ານການເງິນໂລກໃນປີ 2008, ເຫຼືອຢູ່ປະມານ 442,000 ຄົນ, ຫຼຸດລົງ 7% ຈາກປີ 2024. ໂດຍມີປັດໄຈຈາກລາຄາຊັບສິນທີ່ແທ້ຈິງຫຼຸດລົງ, ອັດຕາການປະຢັດຂອງຄົວເຮືອນຢູ່ໃນລະດັບຕໍ່າ, ລວມທັງການຍ້າຍຖິ່ນຖານຂອງບຸກຄົນທີ່ມີລາຍໄດ້ສູງ.

ມາເລເຊຍ ເຂົ້າໃກ້ເກນປະເທດທີ່ມີລາຍໄດ້ສູງ ຂອງທະນາຄານໂລກ

30/07/2026 13:42

ສຳນັກຂ່າວສານຊິນຮວາລາຍງານໃນວັນທີ 29 ກໍລະກົດ ຜ່ານມາວ່າ: ທ່ານ ອັກມາລ ນັສຣູເລາະ ໂມດ ນາຊີ ລັດຖະມົນຕີກະຊວງເສດຖະກິດມາເລເຊຍ ໄດ້ເປີດເຜີຍວ່າ, ປັດຈຸບັນມາເລເຊຍມີລາຍໄດ້ຕໍ່າກວ່າເກນປະເທດລາຍໄດ້ສູງຂອງທະນາຄານໂລກພຽງແຕ່ 7.1% ເທົ່ານັ້ນ, ໃນຂະນະທີ່ເສດຖະກິດຂອງປະເທດຂະຫຍາຍຕົວ 5.8% ໃນໄຕມາດທີສອງຂອງປີ 2026, ເພີ່ມຂຶ້ນຈາກ 5.4% ໃນໄຕມາດກ່ອນໜ້ານີ້.

ຍີ່ປຸ່ນ ລາຍງານຈຳນວນຜູ້ເສຍຊີວິດຈາກແຜ່ນດິນໄຫວ 28 ຄົນ

30/07/2026 13:29

ສຳນັກຂ່າວສານຊິນຮວາລາຍງານໃນວັນທີ 30 ກໍລະກົດ ຜ່ານມາວ່າ: ທ່ານ ມິໂນຣຸ ຄິຮາຣະ ເລຂາທິການຄະນະລັດຖະມົນຕີຍີ່ປຸ່ນໄດ້ເປີດເຜີຍວ່າ, ຈຳນວນຜູ້ເສຍຊີວິດຈາກແຜ່ນດິນໄຫວຂະໜາດ 7.1 ຣິກເຕີ ໃນແຂວງຄຸມາໂມໂຕະໄດ້ເພີ່ມຂຶ້ນເປັນ 28 ຄົນ ເມື່ອນັບມາຮອດເວລາ 6:30 ໂມງເຊົ້າ ຕາມເວລາທ້ອງຖິ່ນ. ໂດຍຕົວເລກເຫຼົ່ານີ້ລວມທັງຜູ້ເສຍຊີວິດທີ່ຍັງຢູ່ໃນຂັ້ນຕອນການສືບສວນ ເພື່ອກວດສອບວ່າກ່ຽວຂ້ອງກັບແຜ່ນດິນໄຫວ ຫຼື ບໍ່.

ສ ເກົາຫຼີ ມີຈຳນວນຄົວເຮືອນຄົນດຽວ ບັນລຸລະດັບສູງສຸດແບບບໍ່ເຄີຍມີມາກ່ອນ

30/07/2026 13:18

ສຳນັກຂ່າວສານຊິນຮວາລາຍງານໃນວັນທີ 30 ກໍລະກົດ ຜ່ານມາວ່າ: ກະຊວງຂໍ້ມູນຂ່າວສານ ແລະ ສະຖິຕິຂອງ ສ ເກົາຫຼີ ລາຍງານວ່າ, ຈໍານວນຄົວເຮືອນທີ່ມີສະມາຊິກຄົນດຽວໃນ ສ ເກົາຫຼີ ບັນລຸລະດັບສູງສຸດແບບບໍ່ເຄີຍມີມາກ່ອນໃນປີ 2025 ຊຶ່ງສະທ້ອນໃຫ້ເຫັນເຖິງຮູບແບບການຢູ່ອາໄສທີ່ປ່ຽນແປງຢ່າງໄວວາ. ໂດຍອັດຕາສ່ວນຂອງຄົວເຮືອນທີ່ມີສະມາຊິກຄົນດຽວໄດ້ເພີ່ມຂຶ້ນຈາກ 15.5% ໃນປີ 2000 ເປັນ 27.2% ໃນປີ 2015, ເຖິງແມ່ນວ່າອັດຕາການເຕີບໂຕໄດ້ເລີ່ມຊ້າລົງ. ໃນຂະນະດຽວກັນ, ຄົວເຮືອນທີ່ມີສະມາຊິກສອງຄົນຄິດເປັນ 29.4% ຂອງຄົວເຮືອນທັງໝົດ ແລະ ຄົວເຮືອນທີ່ມີສະມາຊິກສາມຄົນ ແລະ ສີ່ຄົນຄິດເປັນ 18.8% ແລະ 12.1% ຕາມລຳດັບ.

6 ເດືອນຕົ້ນປີ ຈີນອະນຸມັດສິດທິບັດດ້ານການປະດິດສ້າງ 453,000 ສະບັບ

30/07/2026 12:59

ວິທະຍຸໂທລະພາບສູນກາງຈີນ (CMG) ວ່າ: ໃນວັນທີ 29 ກໍລະກົດ ຜ່ານມາ, ຫ້ອງການຖະແຫຼງຂ່າວຂອງຄະນະລັດຖະບານຈີນໄດ້ຈັດກອງປະຊຸມຖະແຫຼງຂ່າວ. ອົງການຊັບສິນທາງປັນຍາແຫ່ງຊາດຈີນແຈ້ງໃຫ້ຮູ້ວ່າ, ນັບແຕ່ຕົ້ນປີນີ້ເປັນຕົ້ນມາ, ວຽກງານດ້ານຊັບສິນທາງປັນຍາຂອງຈີນໄດ້ສືບຕໍ່ເດີນໄປຕາມທ່າອຽງການພັດທະນາທີ່ມີຄຸນນະພາບສູງຂອງແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 14, ບັນລຸການພັດທະນາທີ່ມີຄວາມໝັ້ນທ່ຽງ ແລະ ການເລີ່ມຕົ້ນທີ່ດີຕາມແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15.

ເພີ່ມເຕີມ