Microsoft ປະກາດແຜນການລົງທຶນຄັ້ງໃຫຍ່ ເພື່ອເສີມສ້າງ AI ໃນກຸ່ມ Global South

13:20 19/02/2026

ຂ່າວຕ່າງປະເທດລາຍງານວ່າ: ບໍລິສັດ Microsoft ໄດ້ປະກາດໃນວັນທີ 18 ກຸມພາ ຜ່ານມາວ່າ, ບໍລິສັດມີແຜນທີ່ຈະລົງທຶນ 50 ຕື້ໂດລາ ພາຍໃນທ້າຍທົດສະວັດນີ້ ເພື່ອຂະຫຍາຍຄວາມສາມາດດ້ານປັນຍາປະດິດ (AI) ຂອງຕົນໃນບັນດາປະເທດກຳລັງພັດທະນາພາຍໃນກຸ່ມ Global South.

ການປະກາດດັ່ງກ່າວໄດ້ມີຂຶ້ນໃນລະຫວ່າງກອງປະຊຸມສຸດຍອດ AI ທີ່ນະຄອນຫຼວງນິວເດລີ ປະເທດອິນເດຍ ທີ່ຈັດຂຶ້ນໃນອາທິດນີ້, ໂດຍມີຜູ້ບໍລິຫານຈາກບໍລິສັດ AI ຂະໜາດໃຫຍ່ເຂົ້າຮ່ວມພົບປະກັບຜູ້ນຳຈາກປະເທດຕ່າງໆ.

ທັງນີ້, ກຸ່ມ Global South ໝາຍເຖິງປະເທດກຳລັງພັດທະນາ, ປະເທດເສດຖະກິດທີ່ພົ້ນເດັ່ນຂຶ້ນ ແລະ ປະເທດທີ່ມີລາຍໄດ້ຕ່ຳ ຊຶ່ງສ່ວນຫຼາຍແມ່ນຕັ້ງຢູ່ໃນຊີກໂລກໃຕ້.

ສຳລັບແຜນການລົງທຶນໃໝ່ນີ້ສ້າງຂຶ້ນບົນພື້ນຖານຄຳໝັ້ນສັນຍາດ້ານ AI ທີ່ Microsoft ເຄີຍປະກາດໄວ້ກ່ອນໜ້ານີ້ໃນພາກພື້ນດັ່ງກ່າວ.

ເວັບໄຊຂ່າວເຕັກໂນໂລຊີ The Information ໄດ້ລາຍງານໃນທ້າຍເດືອນມັງກອນຜ່ານມາວ່າ: Microsoft, Nvidia, ແລະ Amazon.com ກຳລັງເຈລະຈາການລົງທຶນຮ່ວມກັນສູງເຖິງ 60 ຕື້ໂດລາ ໃນ OpenAI, ບໍລິສັດ startup AI ທີ່ພັດທະນາ ChatGPT.

ການເຄື່ອນໄຫວດັ່ງກ່າວເກີດຂຶ້ນໃນຂະນະທີ່ OpenAI ກຳລັງພະຍາຍາມລະດົມທຶນສູງເຖິງ 100 ຕື້ໂດລາເພື່ອສະໜັບສະໜູນແຜນການຂະຫຍາຍທຸລະກິດດ້ານ AI ແລະ ສູນຂໍ້ມູນຂອງຕົນ. ໂດຍຮອບການລະດົມທຶນນີ້ຈະເຮັດໃຫ້ OpenAI ມີມູນຄ່າປະມານ 830 ຕື້ໂດລາ.

ບົດລາຍງານຊີ້ໃຫ້ເຫັນວ່າ: Nvidia ກຳລັງຢູ່ໃນລະຫວ່າງການສົນທະນາກ່ຽວກັບການລົງທຶນສູງເຖິງ 30 ຕື້ໂດລາ, ໃນຂະນະທີ່ Microsoft ແລະ Amazon ກໍກຳລັງພິຈາລະນາການລົງທຶນຫຼາຍພັນລ້ານໂດລາ.

ຄໍາເຫັນ

ຂ່າວຕ່າງປະເທດ

ຍອດເກີນດຸນການຄ້າສາກົນຂອງຣັດ ເພີ່ມຂຶ້ນ 14% ໃນເຄິ່ງທຳອິດຂອງປີນີ້

12/08/2026 10:27

ສຳນັກຂ່າວສານຊິນຮວາລາຍງານໃນວັນທີ 11 ສິງຫາຜ່ານມາວ່າ: ສຳນັກງານພາສີຂອງຣັດເຊຍໄດ້ລາຍງານວ່າ, ຍອດເກີນດຸນການຄ້າສາກົນຂອງຣັດເຊຍໃນໄລຍະເດືອນມັງກອນ-ມິຖຸນາ 2026 ແມ່ນ 73.4 ຕື້ໂດລາ, ເພີ່ມຂຶ້ນປະມານ 14% ເມື່ອທຽບກັບປີກ່ອນ.

ສະຫະລັດ ອາເມຣິກາ ຍົກເລີກວີຊາຫຼາຍກວ່າ 175,000 ສະບັບ

12/08/2026 10:22

ສຳນັກຂ່າວສານຊິນຮວາລາຍງານໃນວັນທີ 11 ສິງຫາ ຜ່ານມາວ່າ: ກະຊວງການຕ່າງປະເທດ ສະຫະລັດ ອາເມຣິກາ ໄດ້ລາຍງານການຍົກເລີກວີຊາຫຼາຍກວ່າ 175,000 ສະບັບ ນັບຕັ້ງແຕ່ເດືອນມັງກອນ 2025 ຊຶ່ງເປັນໄລຍະທີ່ທ່ານ ໂດໂນ ທຣຳ ເລີ່ມດຳລົງຕຳແໜ່ງປະທານາທິບໍດີສະໄໝທີສອງ. ສ່ວນໃຫຍ່ແມ່ນຖືກຍົກເລີກຍ້ອນການກະທຳຜິດທາງອາຍາເຊັ່ນ: ການທຳຮ້າຍຮ່າງກາຍ, ການຂັບຂີ່ໃນຂະນະມຶນເມົາ, ການລັກຂະໂມຍ ແລະ ການໃຊ້ຢາເສບຕິດ.

ການສົ່ງອອກຂອງສິງກະໂປ ໂດຍບໍ່ລວມນ້ຳມັນ ເຕີບໂຕ 27.4%

12/08/2026 10:19

ຂ່າວຕ່າງປະເທດລາຍງານວ່າ: ອົງການວິສາຫະກິດສິງກະໂປ (Enterprise Singapore) ໄດ້ເປີດເຜີຍໃນວັນທີ 11 ສິງຫາ ຜ່ານມາວ່າ: ການສົ່ງອອກສິນຄ້າທີ່ຜະລິດພາຍໃນປະເທດທີ່ບໍ່ແມ່ນນ້ຳມັນ (NODX) ຂອງສິງກະໂປ ໄດ້ຂະຫຍາຍຕົວ 27.4% ເມື່ອທຽບກັບປີກ່ອນໃນໄຕມາດທີສອງຂອງປີ 2026 ຊຶ່ງສືບຕໍ່ເລັ່ງຂຶ້ນຈາກການເຕີບໂຕ 9.6% ໃນໄຕມາດທຳອິດ.

ວິສາຫະກິດ AI ຂອງຈີນປະມານ 100 ແຫ່ງຈະເຂົ້າຮ່ວມງານວາງສະແດງສິນຄ້າຈີນ-ອາຊຽນ

12/08/2026 10:04

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 11 ສິງຫາ ຜ່ານມາວ່າ: ແຫຼ່ງຂ່າວຈາກກອງເລຂາງານວາງສະແດງສິນຄ້າຈີນ-ອາຊຽນໃຫ້ຮູ້ໃນວັນທີ 10 ສິງຫາ ຜ່ານມາວ່າ, ວຽກງານກະກຽມເຂດວາງສະແດງປັນຍາປະດິດ ຫຼື AI ຂອງງານວາງສະແດງສິນຄ້າຈີນ-ອາຊຽນຄັ້ງທີ 23 ໄດ້ກ້າວເຂົ້າສູ່ໄລຍະສຸດທ້າຍແລ້ວ. ເມື່ອຮອດເວລາຈັດງານ, ຈະມີວິສາຫະກິດຕາງໜ້າດ້ານ AI ປະມານ 100 ແຫ່ງເຂົ້າຮ່ວມງານວາງສະແດງດ້ວຍຜົນງານຫຼ້າສຸດຂອງຕົນ ເພື່ອຊ່ວຍຊຸກຍູ້ໃຫ້ທ່າແຮງດ້ານເຕັກໂນໂລຊີຂອງຈີນເຊື່ອມຕໍ່ກັບຄວາມຕ້ອງການຂອງຕະຫຼາດອາຊຽນຢ່າງມີປະສິດທິພາບສູງ.

ຫວຽດນາມ ແລະ ອົສຕຣາລີ ວາງເປົ້າໝາຍນຳວົງເງິນການຄ້າສອງສົ້ນບັນລຸ 20 ຕື້ໂດລາ

12/08/2026 09:59

ວິທະຍຸກະຈາຍສຽງຫວຽດນາມລາຍງານວ່າ: ໂດຍໄດ້ຮັບຄຳເຊື້ອເຊີນຂອງທ່ານນາງ ແຊມ ໂມສຕິນ ຜູ້ສຳເລັດຣາຊະການແຫ່ງອົສຕຣາລີ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ປະທານປະເທດ ຫວຽດນາມ ໄດ້ໄປຢ້ຽມຢາມທາງລັດຖະກິດຢູ່ ອົສຕຣາລີ ໃນລະຫວ່າງວັນທີ 9 – 12 ສິງຫາ ນີ້.

ຄວາມເຊື່ອໝັ້ນທາງທຸລະກິດຂອງອົສຕຣາລີຫຼຸດລົງໃນເດືອນກໍລະກົດ

11/08/2026 16:04

ຂ່າວຕ່າງປະເທດລາຍງານວ່າ: ທະນາຄານແຫ່ງຊາດອົດສະຕຣາລີ (NAB) ໄດ້ເປີດເຜີຍຜົນການສຳຫຼວດໃນວັນທີ 11 ສິງຫານີ້ວ່າ, ດັດສະນີຄວາມເຊື່ອໝັ້ນທາງທຸລະກິດຫຼຸດລົງ 1 ຈຸດ ມາຢູ່ທີ່ -6 ຈຸດ ໃນເດືອນກໍລະກົດ ຜ່ານມາ. ໂດຍດັດຊະນີດັ່ງກ່າວອ່ອນແຮງລົງຫຼັງຈາກເພີ່ມຂຶ້ນຕິດຕໍ່ກັນເປັນເວລາ 3 ເດືອນ ຍ້ອນວ່າພາກທຸລະກິດມີຄວາມກັງວົນກ່ຽວກັບຄວາມບໍ່ແນ່ນອນຂອງຂໍ້ຂັດແຍ່ງໃນຕາເວັນອອກກາງ ແລະ ລາຄາພະລັງງານທີ່ເພີ່ມຂຶ້ນຢ່າງຕໍ່ເນື່ອງ ຊຶ່ງກຳລັງສ້າງຄວາມກົດດັນຕໍ່ທ່າອ່ຽງເສດຖະກິດ.

ຄັງສຳຮອງນ້ຳມັນເຊື້ອໄຟຍຸດທະສາດຂອງອາເມຣິກາ ຫຼຸດລົງຕ່ຳກວ່າ 300 ລ້ານບາເຣວ

11/08/2026 12:59

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 10 ສິງຫາ ຜ່ານມາ, ລາຄານ້ຳມັນສາກົນໄດ້ເພີ່ມຂຶ້ນຢ່າງຈະແຈ້ງ. ນັບມາຮອດເວລາປິດຕະຫຼາດໃນມື້ດຽວກັນ, ລາຄານ້ຳມັນດິບທາດເບົາທີ່ສັ່ງຊື້ລ່ວງໜ້າ ຊຶ່ງຈະສົ່ງມອບໃນເດືອນກັນຍາ ໃນຕະຫຼາດຊື້-ຂາຍສິນຄ້ານິວຢອກ ໄດ້ເພີ່ມຂຶ້ນ 3.95 ໂດລາ ມາຢູ່ທີ່ 82.13 ໂດລາ, ເພີ່ມຂຶ້ນ 5.05%; ລາຄານ້ຳມັນດິບແບຣນລອນດອນທີ່ສັ່ງຊື້ລ່ວງໜ້າ ຊຶ່ງຈະສົ່ງມອບໃນເດືອນຕຸລາປີນີ້ໄດ້ເພີ່ມຂຶ້ນ 4.17 ໂດລາ ມາຢູ່ທີ່ 87.72 ໂດລາ, ເພີ່ມຂຶ້ນ 4.99%.

ໂກລົມບີ ປະກາດພາວະໄພພິບັດແຫ່ງຊາດ

11/08/2026 12:58

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 11 ສິງຫານີ້ວ່າ: ໃນວັນທີ 10 ສິງຫາ ຜ່ານມາ, ລັດຖະບານໂກລົມບີໄດ້ປະກາດເຂົ້າສູ່ “ພາວະໄພພິບັດແຫ່ງຊາດ” ເພື່ອຮັບມືກັບແຜ່ນດິນໄຫວລະດັບ 7.4 ຣິກເຕີ ທີ່ເກີດຂຶ້ນຢູ່ພາກຕາເວັນຕົກຂອງປະເທດໃນມື້ດຽວກັນ. ອີງຕາມຖະແຫຼງການຫຼ້າສຸດທີ່ລັດຖະບານໂກລົມບີເປີດເຜີຍໃນມື້ດຽວກັນໃຫ້ຮູ້ວ່າ: ແຜ່ນດິນໄຫວຄັ້ງນີ້ເຮັດໃຫ້ມີຜູ້ເສຍຊີວິດເຖິງ 132 ຄົນ, ບາດເຈັບ 570 ຄົນ ພ້ອມທັງເຮັດໃຫ້ 32 ຕົວເມືອງໃນທົ່ວປະເທດໄດ້ຮັບຜົນກະທົບຢ່າງໜັກໜ່ວງ.

ຫຼາຍປະເທດໄດ້ຮັບຜົນກະທົບຈາກສະພາບອາກາດຮຸນແຮງ

11/08/2026 12:56

ວິທະຍຸກະຈາຍສຽງຫວຽດນາມລາຍງານໃນວັນທີ 10 ສິງຫາ ຜ່ານມາວ່າ: ໃນຫຼາຍມື້ຜ່ານມາ, ບັນດາປະກົດການອາກາດຮຸນແຮງ ພວມເກີດຂຶ້ນຢູ່ຫຼາຍພາກພື້ນໃນທົ່ວໂລກ.

7 ເດືອນຕົ້ນປີ ການຄ້າຈີນ-ອາຊຽນ ຮັກສາຈັງຫວະການເຕີບໂຕ

11/08/2026 12:53

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 10 ສິງຫາ ຜ່ານມາວ່າ: ຫວ່າງມໍ່ໆມານີ້, ອົງການພາສີແຫ່ງຊາດຈີນເປີດເຜີຍໂຕເລກຂໍ້ມູນສະແດງໃຫ້ເຫັນວ່າ, 7 ເດືອນຕົ້ນປີນີ້, ການຄ້າລະຫວ່າງຈີນ-ອາຊຽນ ໄດ້ຮັກສາຈັງຫວະການເຕີບໂຕທີ່ແຂງແຮງ ໂດຍບັນລຸເຖິງ 5,140 ຕື້ຢວນ, ເພີ່ມຂຶ້ນ 20% ຊຶ່ງສູງກວ່າລະດັບການຄ້າໂດຍລວມຂອງຈີນໃນໄລຍະດຽວກັນ, ອາຊຽນສືບຕໍ່ຄອງຖານະເປັນຄູ່ການຄ້າໃຫຍ່ອັນດັບ 1 ຂອງຈີນ.

ເພີ່ມເຕີມ