ເຈົ້າແຂວງ ຄໍາມ່ວນ, ທ່ານ ແກ້ວບຸນຂວັນ ໄຊຍະວົງສາ ເຈົ້າເມືອງຄູນຄໍາ ແລະ ທ່ານ ຈີ່ຊົ່ງ ຈື່ຫວ່າໄຊກິ ຜູ້ອຳນວຍການໃຫຍ່ບໍລິສັດ ເທີນ-ຫີນບູນ ພາວເວີ ຈຳກັດ, ມີບັນດາພະແນກການກ່ຽວຂ້ອງຂອງແຂວງ, ເມືອງເຂົ້າຮ່ວມເປັນສັກຂິພະຍານ.
ການກໍ່ສ້າງເສັ້ນທາງດັ່ງກ່າວ, ໄດ້ເລີ່ມລົງມືກໍ່ສ້າງແຕ່ຕົ້ນເດືອນ ເມສາ 2024 ແລະ ໄດ້ສໍາເລັດການກໍ່ສ້າງ 100% ໃນຕົ້ນເດືອນ ທັນວາ 2024, ມີຄວາມຍາວ 1,940 ແມັດ, ກວ້າງ 6 ແມັດ, ມູນຄ່າການກໍ່ສ້າງທັງໝົດ 3 ຕື້ກວ່າກີບ ຊຶ່ງເປັນງົບປະມານຊ່ວຍເຫຼືອລ້າຈາກ ບໍລິສັດ ເທີນ-ຫີນບູນ ພາວເວີ ຈຳກັດ.
ໂອກາດນີ້, ທ່ານ ວັນໄຊ ພອງສະຫວັນ ໄດ້ກ່າວສະແດງຄວາມຂອບໃຈ ແລະ ຊົມເຊີຍ ມາຍັງ ຄະນະອໍານວຍການຂອງບໍລິສັດ ເທີນ-ຫີນບູນ ພາວເວີ ຈຳກັດ ທີ່ໄດ້ປະກອບສ່ວນຊ່ວຍເຫຼືອສະໜັບສະໜູນດ້ານງົບປະມານໃນການກໍ່ສ້າງ ຊຶ່ງເປັນສ່ວນໜຶ່ງສໍາຄັນໃນການພັດທະນາເສດຖະກິດ-ສັງຄົມຂອງເມືອງຄູນຄໍາ ກໍຄືການສ້າງເງື່ອນໄຂອໍານວຍຄວາມສະດວກເຮັດໃຫ້ການໄປ-ມາຫາສູ່ຂອງປະຊາຊົນ ຢູ່ໃນເຂດດັ່ງກ່າວນີ້ ມີຄວາມສະດວກສະບາຍຂຶ້ນ ແລະ ໃນນາມຕາງໜ້າການນໍາຂອງແຂວງ ຂໍຮຽກຮ້ອງມາຍັງອໍານາດການປົກຄອງເມືອງ, ຂະແໜງການກ່ຽວຂ້ອງ ຕະຫຼອດຮອດປະຊາຊົນບັນດາເຜົ່າຊາວເມືອງຄູນຄໍາ, ຈົ່ງໄດ້ເປັນເຈົ້າການເອົາໃຈໃສ່ຄຸ້ມຄອງ, ປົກປັກຮັກສາເຮັດໃຫ້ການນໍາໃຊ້ເສັ້ນທາງແຫ່ງນີ້ໄດ້ນໍາໃຊ້ຍາວນານ ແລະ ເກີດປະໂຫຍດສູງສຸດ.
(ຂ່າວ: ມະນີວັນ)
ຄໍາເຫັນ